Në një video që po bën xhiron e rrjeteve sociale, Dua Lipa u përball me një incident të sikletshëm gjatë “Sunny Hill Festival”.
Teksa ndodhej në zonën VIP duke takuar fansat, këngëtarja pranoi të firmoste vetëm një bluzë, duke e bërë të qartë këtë kufi me gjeste.
Por një fans nuk e respektoi vendimin e saj dhe i hodhi një tjetër bluzë drejt fytyrës. Reagimi i Dua Lipës ishte i menjëhershëm, ajo ia ktheu bluzën pa e nënshkruar, duke ruajtur qetësinë dhe qëndrimin e saj.
Ky veprim është vlerësuar gjerësisht nga ndjekësit në TikTok dhe rrjetet sociale, të cilët e kanë përgëzuar për vendosmërinë dhe respektin ndaj vetes.
