Të hënën pasdite, karabinierët e Riminit arrestuan një trafikant droge të ri në bregdetin e qytetit, në zonën e Marebellos. Ai është një 18-vjeçar shqiptar i pastrehë, i cili ishte arrestuar ditët e fundit dhe ishte liruar në pritje të gjyqit.
Ai ka sfiduar sistemin e drejtësisë italiane, duke thyer masën dhe dal përsëri rrugëve të Italisë për ‘biznes’.
Oficerët e vunë re duke hipur në biçikletë dhe e ndoqën deri në një takim të dyshimtë me një të ri tjetër pranë stacionit të Metromare.
Në kohën e ndërhyrjes, blerësi sapo kishte marrë një dozë kokaine, ndërsa 18-vjeçari kishte në posedim 70 euro në para të gatshme, të ardhurat e trafikimit të drogës.
I riu u arrestua përsëri, ndërsa blerësi u raportua në Prefekturën e Riminit për përdorim personal të drogës.
Operacioni konfirmon fokusin e zbatimit të ligjit në trafikun e drogës përgjatë bregdetit të Riminit.