Në ditën e sotme, 29 Nëntor, kur shënohet Dita e Çlirimit të vendit, në varrezat “Dëshmorët e Kombit” u zhvillua ceremonia zyrtare e nderimit të dëshmorëve të atdheut.
Në homazhe morën pjesë drejtuesit më të lartë të shtetit. Presidenti Bajram Begaj ishte i pari që vendosi kurorën e luleve në memorialin e dëshmorëve. Pas tij, nderimet vijuan me kryetarin e Kuvendit Niko Peleshi, kryeministrin Edi Rama dhe anëtarë të kabinetit qeveritar.
Ceremonia u zhvillua me praninë e Forcave të Armatosura dhe përfaqësuesve institucionalë, të cilët kujtuan sakrificën e dëshmorëve që dhanë jetën për lirinë e vendit.
