I gjithë komuniteti i Traversetolo, Itali është i tronditur nga vdekja e Jonson Sulika, 13-vjeçarit shqiptar i cili vdiq në gjumë gjatë natës midis të hënës 12 dhe të martës 13 shkurt.
Advertisements
Tragjedia ka tronditur rëndë familjen shqiptare, e cila jetonte prej vitesh në Traversetolo dhe ishte e njohur në qytet. Jonson ishte në vitin e fundit në shkollën Manzoni. Kur lajmi filloi të qarkullonte në qytet mëngjesin e djeshëm, shumë fëmijë nuk mund ta besonin. Ata hynë në shkollë me trishtim në sy, disa prej tyre e dinin që Jonson nuk ishte më aty, të tjerët u informuan nga mësuesit. Miku i tyre, bashkëmoshatari i tyre nuk ishte më aty.
Advertisements
Ditën e djeshme, në shtëpinë e familjes Sulika, e cila jeton në një zonë qendrore të qytetit, ka pasur vizita nga persona që e kanë njohur. Kryetari i komunës së Traversetolo Simone Dall’Orto gjithashtu mbërriti në shtëpinë e tyre për të shprehur ngushëllimet e administratës komunale. Gjithashtu u vendos që të shtyhen të gjitha festimet lidhur me karnavalet e planifikuara për këtë fundjavë.
Ka qenë motra e vogël e Jonson ajo që e kuptoi se diçka nuk shkonte. Edhe pse ambulanca mbërriti menjëherë në vendngjarje, për 13-vjeçarin shqiptar nuk mund të bëhej më asgjë. Do jetë autopsia ajo që do të përcaktojë përfundimisht shkaqet e vdekjes.
