“Zjerm” e Shkodra Elektronike nuk arriti të triumfonte duke marrë çmimin e madh në Eurovision 2025, por padyshim ajo fitoi zemrat e publikut shqiptar dhe të huaj.
Juria u tregua dorështrënguar me pikët, por “Zjerm” ashtu si pritej rezultoi ndër këngët më të votuara nga publiku, që i dha plot 173 pikë, duke e nxjerrë në vend të tetë.
“Shkodra Elektronike” ka reaguar për herë të parë në rrjetet sociale duke ndarë në faqen zyrtare një foto, të cilën e kanë shoqëruan me mbishkrimin:
“Donim të fitonim zemrat tuaja. Duket se ia dolëm. Apo jo?”. (Kjo frazë është shkuar në tre gjuhë të ndryshe, italisht, shqip dhe anglisht.)
Kënga përfaqësuese e vendit tonë nga Beatriçe Gjergji dhe Kolë Lacaj u shndërrua në hit, theu rekord shikimesh në kanalin zyrtar të Eurovision në Youtube.
Edhe pse nuk sollën trofeun e fitores në Shqipëri, ‘Shkodra Elektronike’ e vendosin vendin tonë në qendër të vëmendjes. Më herët sondazhet dhe mediat e huaja, kryesisht CNN i dhanë fronin Shqipëri për perfomancën më të mirë.
Mes fansave të Zjerm ishte dhe Marko Bosnjaak, përfaqësues i Kroacisë në Eurosong 2025, teksa u bë virale një video e tij që votonte vazhdimisht Shqipërinë.