Një zjarr ka përfshirë plotësisht një lokal me konstruksion druri në Ksamil, në orët e para të mëngjesit të sotëm. Lokali, i marrë me qira nga shtetasi me inicialet K. L., është shkatërruar tërësisht nga flakët.
Ngjarja u raportua rreth orës 03:10, ndërsa zjarrfikësit dhe policia u paraqitën menjëherë në vendngjarje. Deri tani nuk dihen shkaqet që çuan në përhapjen e zjarrit.
Sipas njoftimit zyrtar të policisë:
“Rreth orës 03:10, në Ksamil, ka rënë zjarr dhe është djegur plotësisht një lokal me konstruksion druri, i marrë me qira nga shtetasi K. I.. Grupi hetimor po punon për zbardhjen e rrethanave të ngjarjes dhe të shkakut të rënies së zjarrit.”
Hetimet po vijojnë intensivisht për të përcaktuar shkakun dhe çdo rrethanë që lidhet me incidentin.
