Category: Lajme

  • Veliaj tri orë në Apelin e GJKKO/ Detaje nga seanca

    Veliaj tri orë në Apelin e GJKKO/ Detaje nga seanca

    Seanca në Apelin e GJKKO për shqyrtimin e ankimimit të masës së sigurisë nga Erion Veliaj po zhvillohet prej rreth tri orësh.

    Kryebashkiaku i akuzuar për korrupsion dhe pastrim parash ka kërkuar një masë më të zbutur sigurie.

    Gjithashtu kanë ankimuar masën e sigurisë dhe biznesmenët Elman Abule, Meriman Palushi, Gentjan Sula dhe Shkëlqim Fusha.

    Në detajet e dala nga seanca thuhet se për tri orë ka paraqitur argumentet vetëm avokati Ermir Beta. Aktualisht mësohet se po flet avokati Artur Selmani.

    Më pas do të paraqesin mbrojtjen dhe 4 biznesmenët.

    Vendimi për ankimimet do të merret nga gjyqtari i Apelit Engert Pëllumbi.

  • Ibrahimoviç zgjedh Shqipërinë? Sulmuesi “molla e sherrit” e radhës mes Dardanëve e kuqezinjve

    Ibrahimoviç zgjedh Shqipërinë? Sulmuesi “molla e sherrit” e radhës mes Dardanëve e kuqezinjve

    Në kulmin e debatit dhe zhurmës që ka shkaktuar në orët e fundit vendimi i kapitenit të përfaqësueses së 21 vjeçarëve të Kosovës, Etnik Brruti për të zgjedhur të luajë me kombëtaren e Shqipërisë, një tjetër lojtar i rëndësishëm pritet të bëhet “molla e sherrit” mes Shqipërisë e Kosovës.

    Bëhet fjalë për sulmuesin e Lazios, Arijon Ibrahimoviç. Megjithëse Zv.Drejtori i kombëtares kosovare, Saimir Ujkani pati deklaruar pak kohë më parë se “dardanët” janë në ndjekje të Ibrahimoviç, për ta bindur atë të luajë për ekipin përfaqësues të Kosovës, së fundmi mësohet se edhe sulmuesi duket se ka zgjedhur që të veshë fanellën kuqezi.

    Anësori bëhet me dije se pëlqen projektin e Sylvinhos dhe tashmë ka nisur punën për të përfaqësuar Kombëtaren kuqezi. Lojtari ka nisur tashmë procesin për t’u paisur me pasaportë shqiptare dhe shumë shpejt pritet të jetë protagonist në fushën e lojës, me përfaqësuesen kuqezi.

    Kujtojmë se interes për shërbimet e tij kanë shfaqur edhe Gjermania dhe Kosova, por mesa duket 19-vjeçari ka preferuar të përjetojë emocionet me fanellën kuqezi. Gjithashtu Ibrahimovic ka luajtur në Serie A për Frosinonen, ndërsa shihet me interes edhe nga skuadra të mëdha të kontinentit. Kartoni i tij zotërohet nga Bayern i Mynihur, ndërsa këtë sezon Arijon Ibrahimoviç po luan në formë huazimi me Lazion në Serinë A.

  • “Shtrëngoje pak”/ Momente intime mes Aldos dhe Rizartës? (Video)

    “Shtrëngoje pak”/ Momente intime mes Aldos dhe Rizartës? (Video)

    Diçka duket se po lind mes Aldos dhe Rizartës.

    Mbrëmë, dyshja u dukën më të afërt se kurrë. Ata janë parë duke ndarë të njëjtin shtrat, dhe është aluduar për një moment intim mes tyre. Në një moment, Aldo thuhet t’i ketë thënë Rizartës: “Shtrëngoje pak”, ndërsa ajo ia ka kthyer: “Skam fuqi”.

  • Aksident i rëndë në aksin Peqin-Rrogozhinë, tre të plagosur

    Aksident i rëndë në aksin Peqin-Rrogozhinë, tre të plagosur

    Një aksident i rëndë ka ndodhur rreth orës 12:00 të ditës së sotme në aksin Peqin-Rrogozhinë, në fshatin Karinë.

    Dy automjete janë përfshirë në aksident, dhe pas përplasjes, një prej tyre ka dalë jashtë rruge. Si pasojë, tre persona kanë mbetur të plagosur dhe janë dërguar për mjekim në Spitalin e Peqinit.

    Policia ka nisur hetimet për zbardhjen e shkaqeve të aksidentit.

  • Greqia gati të armatoset, plan ambicioz me 28 miliardë euro

    Greqia gati të armatoset, plan ambicioz me 28 miliardë euro

    Kryeministri grek, Kyriakos Mitsotakis, do të paraqesë të martën në Parlament Programin Afatgjatë të Armatimeve (MPAE), i cili synon të përcaktojë investimet strategjike të mbrojtjes për vitet e ardhshme.

    Në një kohë kur Bashkimi Evropian përgatitet për një iniciativë të pashembullt prej 800 miliardë eurosh në sektorin e mbrojtjes, Greqia ka planifikuar të investojë të paktën 28 miliardë euro në mbrojtje nga viti 2025 deri në 2037. Kjo do të përkthehet në shpenzime mesatare prej 2 deri në 2.5 miliardë euro në vit.

    Pas fjalimit të Mitsotakis, ministri i Mbrojtjes, Nikos Dendias, pritet të japë më shumë detaje mbi programin. Burime qeveritare kanë bërë të ditur se prezantimi i 18 marsit do të përfshijë nevojat dhe prioritetet e prokurimeve ushtarake, por nuk do të specifikojë sisteme të veçanta apo procedurat e blerjeve, përveç atyre që tashmë janë kontraktuar.

    Që nga viti 2020, Greqia ka nënshkruar kontrata mbrojtëse me vlerë rreth 15 miliardë euro, duke përfshirë blerjen e avionëve luftarakë Rafale dhe modernizimin e flotës detare dhe tokësore.

    Një nga prioritetet kryesore të programit të ri është iniciativa “Mburoja e Akilit” (Achilles’ Shield), e cila ka për qëllim modernizimin e mbrojtjes ajrore dhe përmirësimin e ndërlidhjes së sistemeve mbrojtëse. Ky projekt do të forcojë aftësitë mbrojtëse të vendit, duke përfituar nga teknologjitë më të fundit dhe duke përmirësuar koordinimin mes forcave të armatosura greke.

    Ky investim në mbrojtje vjen në një kohë me tensione të larta në rajon dhe synon të garantojë sigurinë e Greqisë në vitet e ardhshme. Përmes këtij programi, Greqia synon të forcojë mbrojtjen e saj kombëtare dhe të konsolidojë pozicionin e saj në arkitekturën e sigurisë evropiane.

  • Mamaja i hëngri akulloren, 4-vjeçari telefonon policinë: Arrestojeni (VIDEO)

    Mamaja i hëngri akulloren, 4-vjeçari telefonon policinë: Arrestojeni (VIDEO)

    Një histori qesharake po bëhet virale në mediat sociale, lidhur me një djalë 4-vjeçar nga Wisconsin SHBA, i cili thirri 911 për t’u ankuar se nëna e tij i hëngri akulloren.

    Djali i vogël, i cili jeton në Mount Pleasant, thirri policinë me shpresën për të arrestuar nënën e tij.

    Sipas Associated Press, djali i tha dispeçerit të qarkut Racine: “Mamaja ime po sillet keq”.

    Teksa oficeri i policisë u përpoq të kuptonte situatën, ai pyeti: “Mirë, çfarë po ndodh”? Djali i vendosur për të marrë drejtësinë, madje i bëri thirrje: “Eja arrestojeni mamin”!

    Ndërsa policia po përpiqej ende të kuptonte se çfarë po ndodhte, nëna e djalit mori telefonin dhe i shpjegoi situatën.

    “Unë hëngra akulloren e tij, kështu që ndoshta kjo është arsyeja pse ai po telefonon 911”.

    Megjithatë, djali mbeti i mërzitur dhe i tha oficerit: “Jo – thirra policinë dhe thjesht i thashë të vinte të merrte mamin… dhe i thashë që ta fuste në burg, kështu që më lini të qetë”.

    Një video e shpërndarë tregoi se kur oficerët mbërritën në shtëpinë e djalit, ai nuk donte më që nëna e tij të shkonte në burg, ai donte vetëm pak akullore dhe policët i plotësuan dëshirën.

  • E rrethuar nga një natyrë e qetë dhe nën rrezet e diellit, Einxhel ndan setin fotografik me barkun e rrumbullakosur

    E rrethuar nga një natyrë e qetë dhe nën rrezet e diellit, Einxhel ndan setin fotografik me barkun e rrumbullakosur

    Ishte fillimi i janarit kur moderatorja e njohur Einxhel Shkira dha lajmin e ëmbël se po mirëpret fëmijën e saj të dytë me partnerin Dj Dagz.

    Gjatë kësaj kohë ajo ka postuar pamje të bukura për të treguar sesi po e kalon shtatzënisë, mirëpo disa foto të fundit të saj kanë marrë vëmendjen e ndjekësve.

    Moderatorja është shfaqur në një lëndinë plot me lule teksa pozon e veshur me një kostum të bardhë i përbërë nga një bluzë dhe një fund i cili i ka nxjerrë zbuluar barkun e rrumbullakosur.

    Me duart në bark, moderatorja ka marrë poza të ndryshme nën rrezet e diellit për tu fotografuar.

    Qershia mbi tortë e veshjes së saj duket se është kapelja stil kauboj, e cili i jep Eixhelit në fytyrë një hije mjaft interesante.

    Kujtojmë që dy vite më parë Eixhel dhe Dagz sollën në jetë Trev, djali i cili duket se mezi po pret t’i bashkohet motra apo vëllai tjetër.

      

  • “Të vr*fshin…”/ Debat i fortë mes Vserlos dhe Shkëlzenit, banori e lag me ujë!

    “Të vr*fshin…”/ Debat i fortë mes Vserlos dhe Shkëlzenit, banori e lag me ujë!

    serlo ka debatuar me Shkëlzenin dhe madje e ka lagur me ujë.

    Shkëlzeni:

    Çfarë lloj njeriu je ti?(e lag me ujë)

    Shkëlzeni:

    Po ujin për çfarë ma hedh?

    Vserlo:

    U lëndove ti?

    Shkëlzeni:

    Po u lëndova, i pafytyrë. Të vrafshin ato lot që të erdha atë natë që fola me ty kur po qaje për partnerin tënd sepse më the nuk e di si po dukem jashtë.

    Aldo

    Ai ka mohuar 3 gjëra brenda 24 orëve, ai nuk ka sedër, çfarë merresh me atë.

  • “Një superb*mbë ka shpërthyer në rajon”, media serbe: Djali i Donald Trump mbërrin në Beograd

    “Një superb*mbë ka shpërthyer në rajon”, media serbe: Djali i Donald Trump mbërrin në Beograd

    Donald Trump Junior, djali i madh i Donald Trump-it, ka mbërritur sot paradite në Beograd.

    Lajmi bëhet i ditur nga media serbe Kurir e cila në faqen e parë të saj në internet ka titullin “Një super bombë ka shpërthyer në rajon. Donald Trump Junior ka mbërritur në Beograd”.

    Kjo media bën të ditur gjithashtu se Donald Trump Junior do të takohet me Presidentin Aleksandër Vuçiç.

    Donald Trump Jr., djali i madh i ish-presidentit amerikan Donald Trump, vizitoi Beogradin në fund të shtatorit të vitit të kaluar, në mes të fushatës së babait të tij për mandatin e dytë presidencial. Gjatë qëndrimit të tij, Trump Jr. u takua me biznesmenë dhe përfaqësues të elitës së biznesit nga Rumania në një hotel në Beograd, dhe më pas udhëtoi drejt Rumanisë. Ndër biznesmenët e njohur ishte edhe Desko Nikitović, presidenti i bordit mbikëqyrës të uzinës së përpunimit të bakrit në Sevojno.

    Donald Trump Jr. ka një rol kyç në jetën politike të SHBA-së, ku njihet si një nga këshilltarët më të rëndësishëm të babait të tij, me një ndikim të veçantë gjatë fushatës zgjedhore. Edhe pse së fundmi ka kaluar kohë në Grenlandë, besohet se ai mund të luajë një rol të rëndësishëm në formësimin e politikave të administratës së re amerikane. Si nënkryetar ekzekutiv i Organizatës Trump dhe drejtues i podcast-it “Triggered”, Trump Jr. është gjithashtu i njohur për sigurimin e nominimit për nënpresident, senatorin J.D. Vance.

    Shumë ekspertë besojnë se ai mund të jetë një këshilltar kyç në administratën e re, duke pasur parasysh ndikimin e tij, të cilin dikur e kishte edhe Ivanka Trump gjatë mandatit të parë të Trump-it.

  • Mbyllja e TikTok, organizatat ndërkombëtare kundër: Ndalimi i plotë i një platforme, kufizim ekstrem i lirisë së shprehjes

    Mbyllja e TikTok, organizatat ndërkombëtare kundër: Ndalimi i plotë i një platforme, kufizim ekstrem i lirisë së shprehjes

    Rrjeti SafeJournalists dhe Media Freedom Rapid Response kanë reaguar në lidhje me vendimin e qeverisë shqiptare për mbylljen e aplikacionit TikTok për një periudhë një vjeçare.

    Ata e kanë konsideruar mbylljen e plotë një kufizim ekstrem të lirisë së shprehjes.

    Reagimi:

    Rrjeti SafeJournalists (SJN), partnerët e Media Freedom Rapid Response (MFRR) dhe organizatat e shoqërisë civile shprehin shqetësim serioz lidhur me vendimin e Këshillit të Ministrave të Shqipërisë më 6 mars 2025 për të pezulluar aksesin në platformën TikTok në shkallë kombëtare për 12 muaj. Duke e mirëkuptuar synimin e pohuar të qeverisë për të mbrojtur fëmijët nga përmbajtjet e dëmshme dhe për të siguruar mbrojtjen e të dhënave personale, theksojmë me forcë se masa të tilla mbrojtëse duhet të respektojnë plotësisht të drejtat themelore të njeriut, veçanërisht lirinë e shprehjes, aksesin në informacion dhe procesin e rregullt ligjor.

    Liria e shprehjes dhe proporcionaliteti
    Theksojmë se ndalimi i plotë i një platforme përfaqëson një kufizim ekstrem të së drejtës për lirinë e shprehjes dhe aksesin në informacion. Pezullimi në tëresi i një platforme të tërë tejkalon ndjeshëm parimin e proporcionalitetit, duke ndikuar në shprehjen legjitime të të gjithë përdoruesve dhe duke kufizuar debatin publik si dhe aksesin në burime të ndryshme informacioni.

    Zgjidhje alternative të synuara, si moderimi i përmbajtjes, verifikimi i moshës dhe programe të përmirësuara të edukimit të përdoruesve, duhet të ishin shqyrtuar përpara se të vendosej një ndalim i përgjithshëm. Natyra e gjerë e kësaj mase krijon një precedent të rrezikshëm për ndërhyrjen joproporcionale të shtetit në të drejtat digjitale.

    Si një vend kandidat për anëtarësim në BE, Shqipëria pritet të respektojë standardet evropiane për shtetin e së drejtës dhe liritë themelore. Kuadri ligjor i Aktit për Shërbimet Digjitale (DSA) të BE-së thekson llogaridhënien e platformave dhe transparencën në moderimin e përmbajtjes përmes një qasjeje të bazuar në analizën e riskut dhe proporcionalitet. DSA favorizon bërjen e platformave përgjegjëse për menaxhimin e risqeve në shërbimet e tyre, në vend që të ndëshkojë përdoruesit duke mbyllur platformat. Ne inkurajojmë Shqipërinë të harmonizojë qasjen e saj me këtë paradigmë.

    Shqetësimet lidhur me procedet demokratike dhe zgjedhore
    Me afrimin e zgjedhjeve parlamentare në maj 2025, momenti i këtij pezullimi është veçanërisht shqetësues. TikTok është shndërruar në një platformë në rritje për komunikimin politik dhe angazhimin e votuesve, veçanërisht për të rinjtë, votuesit për herë të parë dhe partitë politike apo lëvizjet e reja, të cilat argumentojnë se do të preken në mënyrë joproporcionale.

    Duke kufizuar aksesin në këtë platformë, qeveria rrezikon të shtypë këto zëra në zhvillim, të dobësojë pluralizmin politik dhe të krijojë një efekt frikësues që mund të shtrihet përtej përdoruesve të TikTok-ut, duke ndikuar gazetarët, krijuesit digjital, aktivistët e shoqërisë civile dhe organizatat monitoruese të procesit demokratik.

    Procesi i Rregullt Ligjor dhe Transparenca
    Vëmë re se ky vendim pason njoftimin publik të Kryeministrit Rama në dhjetor 2024, ku ai përmendi konsultime me një grup të përzgjedhur prindërish dhe arsimtarësh. Megjithatë, ende mungojnë prova të mjaftueshme publike mbi shtrirjen, përfaqësueshmërinë dhe rezultatet e këtyre konsultimeve.

    Theksojmë se vendime të kësaj shkalle dhe rëndësie duhet të bazohen në konsultime të plota, transparente dhe gjithëpërfshirëse, duke përfshirë organizatat e shoqërisë civile, organizatat mediatike, industrinë, avokatët e të drejtave digjitale dhe komunitetet e prekura.

    Rreziqet e krijimit të një precedenti të rrezikshëm
    Shprehim shqetësimin tonë se zbatimi i një ndalimi të përgjithshëm të një platforme krijon një precedent alarmues për Shqipërinë dhe rajonin. Kur qeveritë pretendojnë autoritet të gjerë për të mbyllur platforma popullore për shkak të shqetësimeve mbi përmbajtjen, ato rrezikojnë të hapin rrugën për kufizime të mëtejshme, duke kërcënuar lirinë e internetit në mënyrë më të gjerë.

    U bëjmë thirrje autoriteteve shqiptare të shmangin krijimin e një precedenti të tillë dhe të sigurojnë që në të ardhshme aspektet e rregullimit të përmbajtjes në platformat digjitale të trajtohen përmes masave të specifike për grupe të ndryshme, të bazuara në evidenca dhe në përputhje me parimin e proporcionalitetit.

    Rekomandime
    I bëjmë thirrje qeverisë shqiptare të shfuqizojë menjëherë pezullimin e TikTok-ut dhe të nisë një proces konsultimi gjithëpërfshirës dhe transparent, duke përfshirë parlamentin, shoqërinë civile, organizatat mediatike, avokatët e të drejtave digjitale dhe partnerët ndërkombëtarë.

    Ky proces konsultimi duhet të synojë zhvillimin e një kuadri rregullator proporcional dhe të bazuar në evidenca, në përputhje me standardet evropiane, veçanërisht Aktin e BE-së për Shërbimet Digjitale (DSA). Një qasje e tillë do t’i mundësojë Shqipërisë të adresojë në mënyrë efektive shqetësimet legjitime mbi sigurinë e fëmijëve dhe mbrojtjen e të dhënave, duke garantuar plotësisht lirinë e shprehjes, diskursin demokratik dhe procesin e rregullt ligjor të cilat janë elemente thelbësore në kontekstin e zgjedhjeve të ardhshme