Category: Lajme

Euro ka vijuar për të tretën ditë rikuperimin ndaj lekut duke fituar disi pikë pas zhytjes totale në fund të javës së shkuar ku zbriti në kufijtë e 105 lekëve për një euro.

Banka e Shqipërisë publikoi pak më parë të dhënat nga tregu valutor, ku mësohet se një euro është këmbyer sot mesatarisht me 107.38 lekë duke fituar 0.61 pikë krahasuar me ditën e djeshme.

Kjo është dita e tretë rresht që Euro vlerësohet në raport me lekun, megjithatë duket se nuk mjafton pasi rënia e javëve të shkuara ishte tepër e madhe.

Mbetet për t’u parë nëse këto rikuperime janë tregues i një trendi rritës të euros ndaj lekut apo thjesht korrektime të momentit pas asaj që ndodhi javën e shkuar.

Leku ndërkohë ka humbur pikë edhe ndaj dollarit amerikan dhe paundit britanik, të cilët po ashtu janë vlerësuar.

Mësohet se një paund është këmbyer sot me 125.59 lekë, kurse një dollar amerikan me 99.37 lekë. Ky i fundit është duke iu afruar sërish kufirit 100 lekë pas rënies së javës së shkuar.

Rreth 40 organizata ndërkombëtare i kanë kërkuar autoriteteve të Mbretërisë së Bashkuar përmes një letre që Shqipëria të hiqet nga lista e “vendeve të sigurta”.

Kjo kërkesë vjen si pasojë e numrit të lartë të emigrantëve, që sipas tyre është e pazakontë për një “vend të sigurt”.

Në letër renditen disa nga problematikat e vendit tonë, duke nisur nga trafikimi i qenieve njerëzore, bandat, diskriminimi i disa komuniteteve, etj.

Aipas këtyre organizatave qeveria shqiptare ka dështuar në disa aspekte, gjë që ka çuar edhe në një emigrim masiv të shqiptarëve.

“Ne dëshirojmë të tërheqim vëmendjen tuaj për Amendamentin 128A, të propozuar nga Baronesha Lister dhe Lord Cashman, dhe për të kërkuar mbështetjen tuaj të paçmuar në adresimin e një çështjeje kritike brenda Projektligji aktual i Migracionit Ilegal. Ky projektligj, siç është, do ta klasifikojë Shqipërinë në një listë të ‘vendeve të sigurta’ qytetarët e të cilëve munden të kthehen me shpejtësi në atdhe, pavarësisht nga kërkesat e tyre individuale për azil apo të drejtat e njeriut. Lista përfshin shtetet anëtare të EEA plus Zvicrën.

Sipas mendimit tonë, përfshirja e Shqipërisë në një listë të tillë të ‘vendeve të sigurta’ është një vendim i gabuar. Shqipëria nuk i përket BE-së (Nuk është anëtarësuar) dhe as nuk i plotëson ato standardet e nevojshme për t’u klasifikuar si një “vend i sigurt”. UNHCR-ja ka shprehur me vend shqetësimet e saj, duke deklaruar: “UNHCR është e shqetësuar që lista përfshin Shqipërinë, pavarësisht udhëzimeve të vendit të botuara në Mbretërinë e Bashkuar dhe vendimeve të gjykatave të MB të cilat pranojnë se grupe të caktuara shtetasish shqiptarë mund të jenë në rrezik të persekutimit.”. Përcaktimi i një shteti si ‘vend i sigurt’ kërkon konfirmimin se “në përgjithësi ka në atë shtet nuk ka rrezik serioz të persekutimit të shtetasve të atij shteti.”

Laert Haxhiu, i arrestuar pak javë më parë në Janinë, ka kërkuar azil me argumentin se i rrezikohet jeta nëse do ekstradohet. Kjo kërkesë ka ardhur në momentin kur dosja e tij i është dorëzuar autoriteteve greke. Tashmë vendimi i takon gjykatës së Janinës, për të vendosur nëse do lejojnë apo jo ekstradimin e tij. Seanca e parë për ekstradimin e Laert Haxhiut do mbahet më datë 20 qershor.

Në fund të muajit Maj, gjykata e Janinës dha 40 ditë në burg Haxhiun, në pritje të procedurave të ekstradimit drejt Shqipërisë, ku e pret përballja me drejtësinë për akuzat e vrasjes dhe grupit të strukturuar kriminal.

30-vjeçari, i konsideruar nga Policia e Shtetit si një nga 5 më të kërkuarit në vend që prej vitit 2017, është dënuar për vrasje të mbetur në tentativë me 18 vjet burgim për një ngjarje të regjistruar në 2016 dhe është në gjykim, në Gjykatën e Posaçme për vrasjen e dyfishtë në Lushnjë në 2017, ku humbën jetën Zamir Latifi e Jurgen Hoxha, si dhe u plagos Marjus Xhepexhiu.

Në mesnatë është sekuestruar një gomone në Vlorë. Gomonia 10 metra e gjashtë ishte fshehur mes një kamioni me jonxhë në fshatin Babaicë.

Dyshohet e para lidhen me faktin se mund të përdorej për trafik drejt Italisë.

Operacioni u zhvillua nga forcat operacionale dhe “Shqiponja” pas informacioneve operative nga terreni.

Janë zhvilluar kontrolle në disa shtëpi.

Mbrëmë pak para mesnate, në qytetin e Pejës janë dëgjuar krisma armësh, sipas mediave në Kosovë. Të shtënat u dëgjuan pranë vendit të njohur si “Te Dulia”, ka pasur edhe të plagosur.

Ndërkohë, rastin e ka konfirmuar edhe zëdhënësi i Policisë për Rajonin e Pejës, Driton Rugova.

“Me datë 13.06.2023, rreth orës 23:30, Policia është informuar për të shtëna me armë zjarri në rrugën “Ali Pashë Gucija” në Pejë.

Si pasojë e këtyre të shtënave, dy persona janë plagosur. Të njëjtit janë dërguar në Spitalin Rajonal në Pejë, dhe të njëjtit, sipas ekipit mjekësor, janë jashtë rrezikut për jetë” tha Rugova për Indeksonline.

Ngjarjet ekstreme të motit si valët e të nxehtit dhe përmbytjet kanë vrarë rreth 195,000 njerëz dhe kanë shkaktuar pothuajse 560 miliardë euro dëme që nga viti 1980, vlerëson Agjencia Evropiane e Mjedisit (EEA), duke bërë thirrje për veprim sot.

“Ngjarjet ekstreme të motit dhe klimës shkaktuan humbje ekonomike që vlerësohen të arrijnë në 560 miliardë euro mes viteve 1980 dhe 2021, nga të cilat vetëm 170 miliardë euro (30%) ishin të siguruara”, duke lënë pas pothuajse 195,000 të vdekur, thekson institucioni i Bashkimit Evropian.

Në shkurt 2022, raporti i paraqitur nga EEA fliste për humbje prej 510 miliardë eurosh dhe 142,000 vdekje gjatë periudhës 1980-2020. Në vitin 2021, përmbytjet në Gjermani dhe Belgjikë shkaktuan pothuajse 50 miliardë euro dëme.

Sa i përket viktimave, ndryshimi i metodologjisë së përdorur në Francë dhe Gjermani është shkaku i variacionit të madh, sqaron institucioni evropian.

“Për të shmangur humbjet e mëtejshme, ne duhet urgjentisht të kalojmë nga reagimi ndaj ngjarjeve ekstreme të motit në përgatitjen parandaluese”, i tha AFP ekspertja e EEA, Alexandra Kazmirczak.

Bazuar në regjistrimin e ri, valët e të nxehtit përbënin 81% të vdekjeve dhe 15% të humbjeve ekonomike.

Valët e të nxehtit të njëpasnjëshme goditën Evropën në verën e vitit 2022 – pasojat e tyre nuk janë përfshirë në regjistrimin e sotëm – duke shkaktuar një numër shumë më të lartë se mesatarja e vdekjeve në Kontinentin e Vjetër.

Një shtesë prej 53,000 vdekjesh (+16%) u regjistruan në korrik 2022 krahasuar me mesataren mujore 2016-2019 në Evropë, megjithëse jo të gjitha i atribuoheshin nxehtësisë, tha EEA.

Spanja regjistroi më shumë se 4,600 vdekje për shkak të nxehtësisë ekstreme nga qershori deri në gusht.

Në kuadër të operacionit “Moncler” policia e Tiranës ka shkatërruar bandën e shpërndarësve të drogërave të forta në kryeqytet.

Si rezultat, u arrestuan: Ledjo Gashi, Ergi Saliu, Brajan Lala, Erges Nexhipi dhe Mario Dema, të cilëve u janë sekuestruar 1 kg e 100 gram kokainë, 3 automjete, 9 aparate celulare, 710 euro si dhe 149 000 lekë.

Nga verifikimet e kryera ka rezultuar se këta shtetas në bashkëpunim me njëri-tjetrin, siguronin lëndë të dyshuar narkotike të llojit kokainë në Durrës, dhe më pas e shisnin atë kryesisht në lokale të natës, në Tiranë.

Një velierë është gjetur në det të hapur në Sarandë, pa ekuipazh në bord.

Policia Kufitare e ka marrë velierën dhe e ka ankoruar në Portin e Sarandës.

Ndërkohë po hetohen se kush e zotëron velierën dhe përse ajo është braktisur.

Sekuestrohet 1 kg e 100 gram kokainë, vihen në pranga 5 shtetas. Në kuadër të operacionit “Moncler” u arrestuan Ledjo Gashi, Ergi Saliu, Brajan Lala, Erges Nexhipi dhe Mario Dema.

NJOFTIMI I POLICISE:

Finalizohet me sukses pas një hetimi disamujor, operacioni policor i koduar “Moncler”, për goditjen e veprimtarisë kriminale në fushën e narkotikëve.

Operacioni i zhvilluar nga Seksioni për Hetimin e Narkotikëve nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në bashkëpunim me Forcën e Posaçme Operacionale në DVP Tiranë.

Vihen në pranga 5 shtetas që në bashkëpunim me njëri-tjetrin, shpërndanin lëndë narkotike kokainë, në lokalet e natës në Tiranë.

Sekuestrohen rreth 1 kg e 100 gr lëndë e dyshuar narkotike kokainë, 3 automjete, 9 aparate celulare, 710 euro si dhe 149 000 lekë.

Specialistët e Seksionit të Hetimit të Narkotikëve nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në bashkëpunim me Forcën e Posaçme Operacionale në DVP Tiranë, në vijim të punës për goditjen e aktivitetit kriminal në fushën e shpërndarjes së lëndëve narkotike, pas një pune të mirëfilltë hetimore disamujore, organizuan dhe finalizuan me sukses operacionin policor të koduar “Moncler”.

Në kuadër të këtij operacioni u bë arrestimi në flagrancë i shtetasve:

– L. G., 26 vjeç, E. S., 29 vjeç, të dy banues në Shijak, B. L., 24 vjeç, E. N., 34 vjeç, të dy banues në Durrës, dhe M. D., 32 vjeç, banues në Rrashbull.

Gjithashtu u shpall në kërkim shtetasi D. B., 34 vjeç.

Në rrugën dytësore Tiranë-Durrës, në afërsi të fshatit Marikaj, shërbimet e Policisë kanë lokalizuar shtetasit e lartpërmendur, dhe gjatë kontrollit të njërit prej automjeteve të tyre, u gjet një pako me lëndë të dyshuar narkotike të llojit kokainë, me peshë rreth 1 kg e 100 gr.

Nga verifikimet e kryera ka rezultuar se këta shtetas në bashkëpunim me njëri-tjetrin, siguronin lëndë të dyshuar narkotike të llojit kokainë në Durrës, dhe më pas e shisnin atë kryesisht në lokale të natës, në Tiranë.

Në cilësinë e provës materiale u sekuestruan rreth 1 kg e 100 gr lëndë e dyshuar narkotike kokainë, 3 automjete, 9 aparate celulare, 710 euro si dhe 149 000 lekë.

Vijon puna për kapjen e shtetasit D. B. Materialet proceduale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Bonusi i bebeve, një shpërblim financiar për nxitjen e lindshmërisë që nisi të aplikohej në vitin 2019, nuk duket se përmbushi qëllimin për nxitjen e lindjeve në vend.

Në mënyrë sistematike vit pas viti gati gjysma e shumës është përfituar nga bebet e lindura jashtë vendit. Qeveria shqiptare u shndërrua në një financues i lindurve jashtë vendit, pavarësisht se bebet u regjistruan formalisht në Shqipëri sa për të përfituar shpërblimin.

Ministria e Shëndetësisë raportoi se vitin e kaluar bonusi u shpërnda për 42,504 bebe, prej të cilave 17,816 ose 42 % kishin lindur jashtë vendit.

Gjithsej buxheti i shtetit financoi lindjen e bebeve më 3.1 miliardë lekë (27 milionë euro), ku gati gjysma kanë shkuar për familjet e emigrantëve shqiptare jashtë vendit.

Vitin e kaluar brenda Shqipërisë lindën vetëm 24,688 foshnja, teksa bonusi u shpërnda për më shumë se 42 mijë bebe. Në vitin 2022 lindjet brenda vendit shënuan rënie te fortë me 9 për qind, ndërsa në raport me vitin 2019 kur nisi shpërndarja e bonusit pësuan rënie me mbi 13%.

Në janar të vitit 2019 qeveria nisin dhënien e ndihmës së menjëhershme financiare (bonusi) për nënat me foshnja të porsalindura. Për fëmijën e parë bonusi ishte 40,000 lekë, për fëmijën e dytë e dytë 80,000 lekë dhe fëmijën e tretë 120,000 lekë për lindjen e fëmijës së tretë dhe fëmijëve të tjerë në vijim;Për nënat që lindin binjakë, masa e përfitimit është 80 000 (tetëdhjetë mijë) lekë për secilin fëmijë, ndërsa për nënat që lindin trinjakë dhe më shumë, masa e përfitimit do të jetë në masën 120 000 lekë për secilin fëmijë. Vendimi i qeverisë ka përcaktuar se ndihmën e menjëhershme financiare e përfitojnë edhe nënat shtetase shqiptare për fëmijë të lindur jashtë vendit dhe të regjistruar sipas afateve ligjore të përcaktuara në ligjin për gjendjen civile.

Nëpunësi i gjendjes civile, i atashuar pranë institucioneve të shërbimit spitalor ku kryhet lindja, kryen veprimet e verifikimit on-line të statusit të nënës dhe regjistron fëmijën e lindur në Regjistrin Kombëtar të Gjendjes Civile (RKGjC) të vitit 2010.

Duke qenë se bonusi po përfitohet masivisht nga bebet e lindura jashtë vendit, Ministria e Shëndetësie la iniciuar një projektligj të ri që korrigjon dhënien e bonusit për fëmijët e lindur jashtë. Ndryshimet e reja ligjore targetojnë bonusin vetëm për bebet që lindin brenda territorit shqiptare dhe jo për të gjitha lindjet që regjistrohen tek gjendja civile.

Lindjet në Shqipëri po bien me shpejtësi prej rënies së normës së fertilitetit dhe emigrimit të moshave të reja. Demografët i bëjnë thirrje qeverisë që të nxisë lindshmërinë dhe stimujt për familjet e reja./Monitor