Category: Bota

Turistët në Tajlandë nuk mund t’u besonin syve të tyre pasi një tërmet i fuqishëm tronditi hotelin e tyre, duke shkaktuar valë të mëdha në një pishinë në çati. Një burrë britanik dëgjohet duke bërtitur “What the f**k” ndërsa ndjen tërmetin, shkruan Daily Mail.

Një tjetër video dramatike tregon një pishinë në majë të një apartamenti luksoz duke u tronditur nga tërmeti, ndërsa një familje e re e shikon me tmerr. Familja, që thuhet se janë turistë koreanë, strehohen në ambiente të mbyllura me fëmijën e tyre të vogël ndërsa uji përplaset me dritaret.

Ndryshe, shkalla e tërmetit me magnitudë 7.7 që goditi Myanmarin dhe shkatërrimet që ai ka shkaktuar, janë zbuluar në pamjet tronditëse të katastrofës. Kanë qarkulluar video të shumta që tregojnë pishinat në majë të ndërtesave të larta në Bangkok duke u zbrazur ndërsa tërmeti hodhi ujin prej tyre.

Miliona njerëz nxituan të dilnin nga ndërtesat ndërsa tërmeti goditi kryeqytetin tajlandez, me pamje dramatike që shfaqnin vendasit dhe turistët e panikuar duke bërtitur ndërsa shtynin njëri-tjetrin.

https://x.com/i/flow/login?redirect_after_login=https%3A%2F%2Fx.com%2Fmsuhcoff%2Fstatus%2F1905516128857645224

Të paktën 28 persona janë plagosur në Sumy të Ukrainës, si pasojë e sulmeve me raketa ruse në një spital të zonës, thonë burimet ukrainase, raporton BBC. Mediat e huaja bëjnë me dije se mes të plagosurve katër janë të mitur.

Sulmet me raketa ruse vijnë në një moment kur po zhvillohen bisedime në Arabinë Saudite midis zyrtarëve amerikanë dhe rusë për një marrëveshje të mundshme paqeje në Ukrainë.

Ministri i Mbrojtjes i Ukrainës tha se diskutimet Kiev-SHBA të dielën, të mbajtura gjithashtu në Riad, ishin “produktive”

Por sulmet ruse në Ukrainë vazhduan gjatë natës, pasi ushtria ruse tha se ata kapën 28 dronë ukrainas

Ukraina tha gjithashtu se ka shkatërruar katër helikopterë ushtarakë në Rusi.

Një ngjarje e rëndë ka ndodhur në Suedi, ku pesë persona janë qëlluar me armë zjarri brenda një shkollë.

Sipas mediave vendase, ngjarja e rëndë ka ndodhur në një shkollë fillore, në Örebro, 200 km në perëndim të Stokholmit. Policia u lajmërua për ngjarjen rreth orës 13:00 në rrethana ende të paqarta, ndërsa ende nuk dihet as gjendja e personave të lënduar.

Ministri suedez i drejtësisë, Gunnar Strömmer, tha për SVT Örebro se situata ishte shumë serioze dhe përgjigja ndaj incidentit ishte ende në proces. Po ashtu, policia i bëri apel qytetarëve të qëndronin në shtëpitë e tyre.

“Publikut i kërkohet të qëndrojë larg zonës së Västhaga, ose të qëndrojë brenda shtëpive të tyre. Dëgjoni oficerët e policisë në vendngjarje”, thuhej në një deklaratë të policisë të publikuar në orën 13.20, duke shtuar se operacioni i policisë ishte “ende në vazhdim”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Donald Trump po mban fjalimin e tij të parë pasi u betua si president për herë të dytë.

Ai falenderon turmën, zëvendëspresidentin JD Vance dhe politikanë dhe gjyqtarë të tjerë.

“Epoka e artë e Amerikës fillon pikërisht tani,” tha ai, teksa theksoi se vendi do të respektohet përsëri dhe “zilia e çdo kombi”.

Trump thotë se “armatizimi” i departamentit të drejtësisë do të përfundojë.

“Prioriteti ynë kryesor do të jetë krijimi i një kombi krenar, të begatë dhe të lirë”

Një aksident ka ndodhur në Spanjë, ku një teleferik është rrëzuar në resortin e Astun dhe janë lënduar 30 persona. Nga këto pesona 17 prej tyre janë në gjendje të rëndë.

Kanali shtetëror televiziv TVE raportoi se rreth 80 njerëz mbeten të bllokuar në teleferik, ndërsa ende nuk dihet shkaku i ngjarjes.

Kryeministri spanjoll Pedro Sanchez tha se ishte “i tronditur nga lajmi i incidentit“.

Ndërkohë kryqi i kuq spanjoll i është bashkuar shërbimeve të urgjencës me një ambulancë të avancuar të mbështetjes për jetën dhe së bashku me 11 automjete të tjera të specializuara.

Një virus i quajtur Marburg duket se ka vrarë të paktën tetë njerëz në Tanzani.

Organizata Botërore e Shëndetësisë raportoi se që nga 11 janari, nëntë raste dhe tetë vdekje ishin raportuar në provincën Kangera në veri të vendit.

Megjithatë, ajo tregon se numri mund të rritet për shkak se nuk ka informacion të mjaftueshëm. Virusi Marburg shkakton ethe hemorragjike që shpesh rezultojnë vdekjeprurëse për pacientët.

Edhe pse rreziku i përhapjes është relativisht i vogël, shkruan Guardian, ai paraqet një kërcënim për zonën më të gjerë të shpërthimit dhe për vendin.

Zona ku u zbuluan rastet është në kufirin me Ruandën, Burundin dhe Ugandën.

Për momentin nuk është e qartë se cili është burimi i shpërthimit, megjithëse mund të transmetohet nga lakuriqët e natës te njerëzit.

Disa javë më parë, disa raste ishin identifikuar në Ruandën fqinje. OBSH raportoi 66 raste dhe 15 vdekje.

Kutitë e zeza të avionit të pasagjerëve që u rrëzua në Korenë e Jugut muajin e kaluar, duke i marrë jetën 179 personave, ndaluan çdo regjistrim 4 minuta përpara se ai të bënte një ulje emergjente e të shpërthente në pistë.

Zyrtarët që po hetojnë aksidentin më vdekjeprurës të aviacionit prej pothuajse tre dekadash në këtë vend, kishin shpresuar që informacionet e përftuara nga regjistruesi i të dhënave të fluturimit dhe ai i zërit në kabinë do të hidhnin dritë mbi arsyet përse fluturimi 7C 2216 i kompanisë Jeju Air, i nisur nga Bangkoku, u gjend në vështirësi duke bërë një zbritje të vështirë e duke shpërthyer në fund në një lëmsh flakësh pas përplajes me një mur në fund të pistës së fluturimit.

Fatkeqësitë i mbijetuan vetëm dy persona. Ministria koreano-jugore e transportit njoftoi megjithate se kutitë e zeza kanë reshtuar së funksionuari rreth katër minuta përpara rrëzimit.

Në deklaratën e saj theksohet se është e paqartë përse pajisjet ndaluan papritur regjistrimin, e thuhet se do të vazhdojë puna për të përcaktuar shkakun e këtij fenomeni.

Ka ende shumë të panjohura se çfarë e shkaktoi aksidentin e rëndë. Hetuesit fillimisht u përqëndruan tek mundësia e përplasjes me një tufë zogjsh si arsyeja përse piloti humbi kontrollin e avionit.

Por ndërkohë mbetet ende e paqartë se përse nuk aktivizuan rrotat e uljes së avionit. Piloti kishte dërguar një sinal alarmi pak përpara se avioni të dilte nga pista./tch

Në qytetin qendror gjerman të Magdeburgut, njerëzit dhe shërbimet e urgjencës janë mbledhur për të vendosur lule për ata që humbën jetën në sulmin e së premtes mbrëma. Më herët edhe Olaf Scholz ka vendosur një trëndafil të bardhë.

Një ceremoni përkujtimore pritet të mbahet në katedralen e qytetit mbrëmjen e së shtunës.

Kjo tragjedi me 5 viktima dhe mbi 200 të plagosur vjen tetë vite pas sulmit në tregun krishtlindjeve në Breitscheidplatz me 12 viktima.

E kapën njëqind metra larg vendit të masakrës. Policia e ndaloi pranë një stacioni tramvaji, ai u shtri në tokë për t’u prangosur pranë BMW-së së marrë me qira, i qetë. Por, mes disa sekondave të masakrës dhe arrestimit, Taleb Al Abdulmohsen arriti të postonte disa video të çmendura, të cilat mund të jenë një nga çelësat për të kuptuar masakrën e Krishtlindjeve që tronditi Gjermaninë.
“Jam i persekutuar nga gjermanët”, pohon ai në video. Në një postim në X (ish-Twitter) shkruan: “Sokrati u vra nga grekët dhe askush nuk pagoi. Nëse duhet bërë drejtësi, atëherë ajo duhet të ndalojë islamizimin e Evropës”.

Duke ndjekur mbrapsht biografinë e tij, përmes aktivitetit të tij intensiv në X, intervistave të tij dhe gjurmëve të jetës në qytetin ku jetonte, Bemburg, del në pah profili i një degradimi të ngadaltë, por të pandalshme, të një qytetari model. Del historia e një mbërritjeje në Gjermani që nisi me perspektivat më të mira, si refugjat plotësisht i integruar, dhe e një biografie që doli jashtë shtegut për shkak të një fanatizmi në rritje kundër islamit, që e kishte çuar ish-refugjatin të përqafonte teza dhe figura të spikatura të ekstremit të djathtë bashkëkohor, nga Elon Musk te Alice Weidel, duke kaluar te kreu i Identitarëve, Martin Sellner.

Lindja dhe mbërritja në Gjermani
I lindur në vitin 1974 në Hufuf, Arabi Saudite, Taleb Al Abdulmohsen mbërriti në Gjermani në vitin 2016, pasi përfundoi specializimin në psikiatri.

Angazhimi për gratë
Fillon punë në një klinikë në Bemburg, në Saksoninë-Anhalt, rreth pesëdhjetë kilometra në jug të Magdeburgut. Në ato vite, profili i tij dukej ai i një emigranti të integruar dhe bujar: Al Abdulmohsen angazhohet për gratë saudite që duan të ikin nga regjimi dhe “nga përdhunimet e tutorëve të tyre meshkuj”, siç tregon në vitin 2019 për “Frankfurter Rundschau”.
“Jam personi më kritik ndaj Islamit në histori”, rrëfehet ai për gazetën gjermane. Pasojnë intervista të tjera: me gazeta të mëdha gjermane, me BBC.

Në atë kohë, Al Abdulmohsen kishte ende besim në sistemin gjerman të azilit, që “mund t’u dhurojë grave lirinë”. Sidomos bashkëkombëseve të tij të shtypura nga një monarki islamike. Dhe ai vetë e fitoi statusin e refugjatit në vitin 2016, sepse pretendonte se refuzimi i tij i plotë ndaj Islamit e kishte ekspozuar ndaj kërcënimeve me vdekje nga fanatikët. Por në vitet që pasuan, diçka shkoi keq.

Ndryshimi
Al Abdulmohsen filloi të postonte video gjithnjë e më të gjata, gjithnjë e më të çuditshme. Psikiatri dukej sikur kishte humbur besimin te Gjermania dhe po radikalizohej. Në X, ai sulmonte gjithnjë e më shpesh vendin që e mirëpriti, duke e fajësuar se “gjuan refugjatët sauditë brenda dhe jashtë vendit për t’ua shkatërruar jetën”. Pohonte se Gjermania dëshiron të “islamizojë Evropën”, postonte një foto të ish-kancelares Angela Merkel me mbishkrimin në anglisht: “E kam shkatërruar Evropën”.

Musk dhe AfD
Dhe një ide fikse filloi t’i pushtonte mendjen. Që bashkatdhetarët e tij kërcënoheshin nga “autoritetet” gjermane, që për ateistët si ai, Gjermania preferonte “xhihadistët”. Në faqe amerikane anti-islame filloi të kërkonte mbylljen e kufijve. Dhe rrëshqitja e tij shkoi aq larg, sa filloi të simpatizonte ekstremizmin e djathtë, gjerman dhe global.
I pëlqente teknosovranisti Elon Musk, admironte të djathtën ekstreme gjermane, për të cilën shkruante: “Kush, përveç AfD-së, lufton Islamin?”. Gjeti ngushëllim, në urrejtjen e tij të thellë kundër myslimanëve, edhe te kreu i Identitarëve, Martin Sellner. Dhe Alice Weidel-it, kreut të AfD-së, Al Abdulmohsen i shkroi drejtpërdrejt në X: “E majta është e çmendur, na duhet AfD për të mbrojtur policinë”.

Dikush vuri re ato postime, ato komente gjithnjë e më agresive. Sipas mediave gjermane, autoritetet saudite i kishin sinjalizuar Berlinit për ato çmenduri në rritje. Por askush nuk veproi. Madje as kur pranë profilit të Taleb Al Abdulmohsen u shfaq një mitraloz./ La Repubblica

Raketat ruse kane shenjestruar vec te tjerash edhe Ambasaden e Shqipërisë në Kiev. Ambientet e saj kane pësuar dëme materiale pas sulmit te fundit rus në kryeqytetin e Ukrainës, njoftoi ministria e Jashtme ne Tirane.

Sipas Ministrisë së Jashtme, në sulm janë dëmtuar fasada e jashtme dhe hapësira brenda godinës.

NJOFTIM PËR MEDIAN/ Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës.

Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.

Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare.

Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht.