Presidenti Trump tha të premten se po shqyrtonte sanksione dhe tarifa masive nëse presidenti rus Vladimir Putin dhe homologu ukrainas Volodymyr Zelenskyy nuk arrijnë të caktojnë një takim për të diskutuar negociatat e paqes.
Trump tha gjithashtu se ishte i pakënaqur me sulmet ajrore ruse që goditën të enjten një fabrikë elektronike, në pronësi të SHBA-së në Ukrainë.
“Do të shoh se kujt i përket faji. Nëse ka arsye pse, do ta kuptoja këtë. E di saktësisht çfarë po bëj. Do të shohim nëse do të kenë apo jo një takim, kjo do të jetë interesante për t’u parë. Dhe nëse nuk e bëjnë, pse nuk zhvilluan një takim? Sepse u thashë të bënin një takim. Por do ta di pas dy javësh se çfarë do të bëj. Kam një ide mjaft të mirë që tani. Atëherë do të marr një vendim se çfarë do të bëjmë”, u tha Trump gazetarëve në Zyrën Ovale, pasi tregoi një foto të tij dhe Putinit në samitin e javës së kaluar në Alaska, të cilën ai tha se e kishte dërguar Putini.
