Category: Sport

  • Colturi, e shtata në botë! Skiatorja italiane nderon sërish Shqipërinë

    Colturi, e shtata në botë! Skiatorja italiane nderon sërish Shqipërinë

    E ka mbyllur ne vendin e 7-te debutimin e saj në kampionatin Botëror Lara Colturi mes 10 të mirave të botës së skive alpine për femra duke dhuruar emocione të forta pasi për disa minuta qëndroi në vendin e parë.

    Gjithsesi përballë kampioneve aktuale botërore dje olimpike ne moshë 18-vjeçare për Larën ky debutimin dhe për Shqipërinë shkoi mjaft mirë, duke fituar akoma më tepër eksperiencë për vazhdimësinë e saj nën ngjyrat kuqezi të befasojë këdo.

    “Dua te them që jam shumë e kënaqur, në daljen e parë nuk bëra më të mirën, më pas në të dytën bëra më të mirën e mundshme dhe për këtë arsye jam shumë e kënaqur.

    Dua të theksojnë se kam qenë me temperaturë dhe jam ende tani, por do të përpiqem të pushoj edhe nesër dhe të bëjë më të mirën për garën e së shtunës.

    Sa i përket botërorit mund të them që është shumë ndryshe nga garat që bëj deri tani pasi ka një atmosferë të mrekullueshme me kaq shumë tifoz dhe të gjitha vajzat përpiqen të japin më të mirën e tyre. Jam shumë e kënaqur më çfarë arrita”, shprehet Lara Colturi, skiatore.

    Do të jetë radha e Deni Xhepës në të nderojë flamurin kombëtar për meshkuj në garën e tij të së premtes. Ndërkohë që Lara Colturi mbyll daljen e saj në Sllallomin Gjigand për të provuar sërish pas dy ditësh në sllallom po këtu në kampionatin e botës në Saalbach të Austrisë./tch

  • “Do t’ju mallkojë historia”/ Tifozët Kuq e Zi reagojnë për kampionatin me Serbinë

    “Do t’ju mallkojë historia”/ Tifozët Kuq e Zi reagojnë për kampionatin me Serbinë

    Tifozët Kuq e Zi kanë reaguar ashpër pas zyrtarizimit të kampionatit evropian të futbollit për moshat nën 21 vjeç nga Serbia në bashkëpunim me Shqipërinë.

    Tifogrupi më i madh i kombëtares shqiptare e ka dënuar këtë vendim, duke theksuar se ata që e miratuan do të mbajnë përgjegjësi para historisë dhe do të “mallkohen nga gjaku i mijëra dëshmorëve që ranë për flamurin”.

    Tashmë mbetet për t’u parë nëse tifozët do të realizojnë paralajmërimin e tyre për bojkotimin e ndeshjeve të kombëtares, siç është shpallur më herët.

  • Muçi shënon supergol me Beshiktash, shikoni rrjetën e parë me Solskjaer në stol (Video)

    Muçi shënon supergol me Beshiktash, shikoni rrjetën e parë me Solskjaer në stol (Video)

    Ernest Muçi ka tundur rrjetën në Turqi.

    Lojtari i Kombëtares shqiptare ka shënuar një supergol, teksa luhej minuta e 62-të kundër Kirklarelispor.

    Dhe pse nuk pritej, Muçi lëshoi një goditje që befasoi mbrojtjen dhe portierin kundërshtar. Goli pati vlerë për të zhbllokuar takimnin, që vlen për raundin e dytë të Kupës së Turqisë.

    Kjo ishte dhe rrjeta e parë për Muçin, që tashmë në stol ka trajner Solskjaer. Ky i fundit ka treguar që i beson sulmuesit shqiptar, i cili sot e nisi nga minuta e parë.

    Goli i Ernest Muçit: (VIDEO)

  • I zhdukur prej 1 shkurtit, futbollisti kroat gjendet pa shenja jete në Spanjë

    I zhdukur prej 1 shkurtit, futbollisti kroat gjendet pa shenja jete në Spanjë

    Futbollisti kroat Jakov Jelkic, është gjetur pa shenja jete në Spanjë. Ai ishte zhdukur më 1 shkurt në qytetin e Alicantes.

    Edhe pse rezultatet e autopsisë ende nuk janë publikuar, policia spanjolle dyshon se vdekja mund të ketë ndodhur për shkak të një aksidenti.

    Sipas mediave spanjolle, trupi i Jelkicit është gjetur në një thellësi prej dy metrash, pranë një kalate në port, pak para orës 18:30, pasditen e djeshme.

    Futbollisti 24-vjeçar, pjesëtar i klubit zviceran Granges-Paccot, luajti një ndeshje futbolli me ekipin e tij në Spanjë disa ditë më parë dhe u pa për herë të fundit pas mesnatës të së premtes, pasi ishte me shokët e tij të skuadrës në një klub nate në Alicante.

    Zhdukja e saj u raportua të shtunën në mëngjes kur ai nuk u paraqit në hotel.

  • Mario Mitaj firmos kontratën e re, klubi paguan 4 milionë euro

    Mario Mitaj firmos kontratën e re, klubi paguan 4 milionë euro

    Mario Mitaj do të jetë pjesë e Al Ittihad në Arabinë Saudite deri në verën e 2028-ës. Klubi arab pagoi 4 milionë euro për të blerë mbrojtësin 21-vjeçar të Kombëtares shqiptare nga Lokomotiva e Moskës, pas një periudhe huazimi pesëmujor.

    Mitaj ka bindur drejtuesit e Al Ittihad me paraqitjet e tij dhe trajneri Laurent Blanc planifikon ta përdorë jo vetëm si mbrojtës të majtë, por edhe në rolin e mesfushorit.

    Lojtari, i cili ka filluar karrierën e tij në moshat e AEK-ut të Athinës dhe më pas kaloi te Lokomotiva e Moskës në verën e 2022, është një element kyç për Kombëtaren shqiptare dhe ka luajtur 22 ndeshje deri tani.

  • “Fu*k off”, Rei Manajn nuk e mbajnë nervat me trajnerin e tij, del nga fusha e lojës duke e sharë! (Video)

    “Fu*k off”, Rei Manajn nuk e mbajnë nervat me trajnerin e tij, del nga fusha e lojës duke e sharë! (Video)

    Rei Manaj njihet për temperamentin e tij të zjarrtë, që i ka shkaktuar jo pak probleme gjatë karrierës.

    Por këtë herë, shpërthimi i tij nuk kishte si objektiv kundërshtarët, por vetë trajnerin e skuadrës së SIvaspor ku ai bën pjesë, Omer Erdogan.

    Në minutat e fundit të sfidës ndaj Ejupspor, skuadra e Manajt mbeti me 9 lojtarë, pasi pa të ndëshkoheshin me të kuq nga një futbollist në secilën pjesë loje. Trajneri Ergodan vendosi të largonte pikërisht sulmuesin shqiptar nga fusha dhe ky i fundit nuk e priti mirë vendimin.

    Ai filloi t’i bënte me gjeste trajnerit duke i kërkuar llogari, ndërsa Erdogan vuri gishtin te buza duke e sinjalizuar që të pushonte e dilte nga loja.

    Kjo bëri që Manaj të shpërthente në të shara në anglisht, duke mos kursyer një “Fu*k off” ndaj trajnerit të tij i cili po mundohej të përforconte mbrojtjen pasi shifrat ishin 0-0.

    Si për ironi të fatit, vetëm 2 minuta më vonë, skuadra e Ejupsor shënoi golin e fitores 1-0.

  • Tani quajeni “Super Mario”, Al Itihad zbulon detajet e kontratës së mbrojtësit kuqezi

    Tani quajeni “Super Mario”, Al Itihad zbulon detajet e kontratës së mbrojtësit kuqezi

    Mario Mitaj tashmë i përket Al Itihad. Klubi i Arabisë Sauditë u bind për cilësitë e mbrojtësit kuqezi, dhe aktivizoi klauzolën e blerjes së kartonit te Lokomotiva e Moskës.

    Mitaj i kushtoi Al Itihadit 4 milionë euro, ndërsa më parë kishin paguar 1.2 milionë të tjera për huazimin. 21-vjeçari ka firmosur një kontratë të vlefshme për 3 vite e gjysmë.

    Lojtari i Kombëtares shqiptare ka bërë mjaft mirë, duke u kthye në pikë kyçe për skuadrën e tij ku është dhe Benzema. Aktualisht skuadra arabe po lufton për titullin kampion.

    “Super Mario”, e përshkruan Al Itihad në video, teksa tregon për arritje e marrëveshjes me klubin rus.

  • Klubi i Premier Ligës kërkon Kristjan Asllanin, Interi merr vendimin për mesfushorin shqiptar

    Klubi i Premier Ligës kërkon Kristjan Asllanin, Interi merr vendimin për mesfushorin shqiptar

    Kristjan Asllani do të vijojë të jetë pjesë e Interit, edhe pse interesimet për të nuk mungojnë.

    Këto janë raportimet e fundit që vijnë nga Italia. Sipas “Fc InterNews.it”, për mesfushorin shqiptar ka shfaqur interes klubi i Uest Hemit, që militon në Premier Ligë, por duket se klubi zikaltër i ka mbyllur derën, një largimi të mundshëm të Asllanit.

    Për momentin duket se Marota dhe Inzagi kanë besim të plotë te mesfushori shqiptar, duke refuzuar kështu ofertën e klubit anglez.

  • Pse nuk luan Rocco Vata me Shqipërinë? Flet babai i tij, Rudi: E vërteta është…

    Pse nuk luan Rocco Vata me Shqipërinë? Flet babai i tij, Rudi: E vërteta është…

    Rocco Vata po ecën shkëlqyeshëm me Watfordin dhe deri tani mesfushori i djathtë i avancuar ka luajtur 19 ndeshje dhe ka realizuar 3 gola.

    Shpesh është bërë diskutimi se përse djali i ish-kapitenit të Shqipërisë nuk luan me kombëtaren shqiptare?!

    Po a mund të luajë dikush, për kombëtaren sado i talentuar të jetë, pa pasur një ftesë nga trajnerët? Nuk mundet! Në kombëtare luajnë ata që përzgjidhen dhe ftohen nga stafet, jo ata që vetëm e ëndërrojnë atë.

    Por le të kthehemi te Rocco Vata… Vetëm 19 vjeç, ai deri tani ka luajtur me të gjitha moshat e kombëtares se republikës së Irlandës, teksa ka dalë nga akademia e Celtic.

    Së fundmi presidenti i FSHF ka përmendur edhe emrin e tij si një nga talentet që është ftuar në kombëtare, por nuk është bindur.

    Top Channel kontaktoi babain e Roccos, Rudi Vatën, i cili tha se nuk ka asnjë ftesë apo kontakt zyrtar nga FSHF.

    “Jam ende në Shkodër, sepse isha i ftuar te ceremonia e ‘Topit të Artë’. Së pari dua ta falënderoj presidentin e FSHF, Armand Duka, sepse tregoi respekt! Së dyti, mund t’ju them se nuk ka kontaktuar askush ne Roccon, apo me ne si familjarë. Natyrisht, nëse do ketë kontakte në të ardhmen, do të jetë Rocco ai që do të vendosë. Deri tani ai është fokusuar te puna dhe puna po shpërblehet. Ka ende shumë për të bërë, por është në rrugën e duhur”, tha fillimisht Rudi Vata.

    Kur u pyet nëse vetë ai ka kontaktuar dikë nga Federata për të birin, Vata deklaroi: “Kur vjen puna për t’i shërbyer kombit, gjërat nuk funksionojnë me ‘vetofrim’. O ke diçka për t’i dhënë, ose nuk e ke. Ne jemi shumë të vegjël para Shqiptarisë… Nëse stafi dhe do ta shohë të arsyeshme, Rocco do marrë një vendim. Tani as që e kemi diskutuar, sepse nuk kemi pse kalojmë në hipoteza. Madje dikush më pyeti pasi kishte marrë vesh se Sylvinho ishtë në Angli për të parë lojtarë. E vërteta është se nuk ishte aty për Roccon. Ne nuk kishim asnjë njoftim. As Rocco dhe as ne si familje. Por është e drejtë e stafit të përzgjedhë. Nuk e paragjykoj punën e tyre”, tha Vata.

  • “E mendoj ftesën e Italisë, por nëse vjen Shqipëria…”, Kristian Shpendi zbulon të ardhmen e tij: E sigurt me 300%! Kam qenë tifoz i Interit

    “E mendoj ftesën e Italisë, por nëse vjen Shqipëria…”, Kristian Shpendi zbulon të ardhmen e tij: E sigurt me 300%! Kam qenë tifoz i Interit

    Kristian Shpendi kërkon Kombëtaren shqiptare dhe nuk ngurron të thotë se do të pranonte menjëherë ftesën nga Silvinjo, pa pritur në të tillë nga Italia. Një preferencë e shprehur hapur në intervistën e dhënë për “TuttoCesena”, ku flet për situatën e tij, merkaton, objektivat që ka dhe sigurisht, edhe shpresën për të veshur fanellën kuqezi.

    shpendi

    Shpendi, është gjysma e Serisë A (ose më mirë, gjysma e Europës) që ju kërkon…
    Unë nuk di asgjë…

    Jepi tani, ndonjëherë edhe flitni me menaxherin tuaj…
    Ai me kontakton mua vetëm nëse ka diçka konkrete. Sa për pjesën tjetër, thashethemet për mua i lexoj në gazeta. Ose në ueb. Si çdo tifoz tjetër…

    A ju ka telefonuan menaxheri për t’ju thënë se Fiorentina, Lacio, Torino, Juventus, Atalanta, Napoli dhe Dinamo Zagreb po bëjnë presing për ju?
    Ende jo…

    Po për interesimin e fundit nga Benfika?
    Jo, asgjë…

    Pra, ju e konfirmoni 100% se në këtë dritare të tregut të transferimeve, nuk do të lëvizni nga Çezena?
    Unë jua konfirmoj këtë 200%. Në fakt, 300%…

    Dhe pastaj në qershor…
    Në qershor të shohim…

    Të gjithë e dinë se duke përjashtuar një cunami shkatërrues – që do të thotë promovimin e Çezenës në Serinë A – sezonin e ardhshëm nuk do të luani më në Romanja…
    Unë nuk mendoj për këtë eventualitet. Tani jam duke menduar vetëm ta përfundoj mirë këtë sezon me Çezenën…

    Pikërisht, Çezena. Deri ku mund të shkojë kjo skuadër?
    Objektivi ynë i parë është të jemi në gjendje të sigurojmë mbijetesën. Në atë moment ne mund të mendojmë edhe për marrjen e një bilete në play-off…

    Nëse do bëhen ndeshjet play-off…
    Besoj se do të bëhen.

    Si është sot Kristian Shpendi?
    Unë nuk jam ende në gjendjen time më të mirë, efektet e dëmtimit të kyçit të këmbës janë ende duke u ndjerë.

    Ndjehen edhe goditjet e disa mbrojtësve të Barit…
    Edhe ata (qesh).

    Kur do ta shohim sërish në fushë Shpendin më të mirë?
    Shpresoj sa më shpejt. Shpresoj se jam në rrugën e duhur…

    Nuk keni shënuar prej dy muajsh. Si po e përjetoni këtë agjërim?
    Unë jam dikush që jetoj për gola. Është e qartë se me të vërtetë më mungon të shënoj.

    Me gjithë agjërimin tuaj, jeni ende vetëm një gol larg fronit të golashënuesve. A jeni ende duke menduar për të fituar listën e golashënuesve?
    Nuk është fiksimi im.

    Cili është fiksimi juaj?
    Të çoj Çezenën sa më lart që të jetë e mundur.

    Çezena, në vitin e ri, ende nuk ka humbur.
    Ne jemi në rritje të dukshme, madje të shtunën e kaluar kundër Barit arritëm të marrim një pikë shumë të rëndësishme. Tani do të përpiqemi të bëjmë mirë edhe në Katanzaro. Kam ndjesi pozitive.

    Dikush si ju preferon të luajë si një sulmues i vetëm apo me një partner në krah?
    Jam i hapur për çdo lloj zgjidhjeje.

    Sa ju mungojnë asistimet e çmuara të Bertit?
    Shumë. Por ji i sigurt: Tomi së shpejti do të kthehet në standardet e tij të vjetra.

    Pa tatuazhe, pa alkool, pa duhan, pa zona me drita të kuqe: ju nuk keni vese. Por ku kanë përfunduar bomberat e kohëve të vjetra? Ata që mbushnin gazetat lokale e kombëtare me thashetheme pak a shumë pikante?
    Bertoci (mbiemri i intervistuesit), mos më pyet mua.

    Ec tani, herët a vonë një tatuazh të vogël do të duhet ta bëni edhe ju…
    Nuk e besoj. Përveçse nëse ndodh diçka e jashtëzakonshme…

    Të tipit: golat tuaj arrijnë ta sjellin Çezenën në Serinë A tashmë në fund të atij sezoni…
    Po, përballë diçkaje të tillë… mund të bëja edhe një tatuazh të vogël të një kali deti. Por të vogël ama.

    Ku duhet të përmirësohet ende Shpendi?
    Gjuajtja me kokë mbetet ende pika ime e dobët. Vazhdojnë punimet…

    Goli juaj më i rëndësishëm deri më tani i shënuar me fanellën tuaj të dashur bardhezi?
    Nuk harrohet kurrë goli i parë. Kështu që më pëlqen të nxjerr nga sirtari i kujtimeve atë gol të shënuar kundër Vis Pesaro në “Manuzzi”, gati dy vjet më parë.

    Ëndrra juaj e fshehtë?
    Të luaj sërish një ditë bashkë me vëllain tim.

    stiven-kristian-shpendi

    Në këto javët e fundit, a ka qenë ndonjëherë një mundësi konkrete mundësia për ta rikthyer Stiven në Çezena?
    Nuk besoj, me të vërtetë. Ndërsa verën e kaluar, për disa ditë, Stiven dhe unë shpresuam për këtë bashkim familjar.

    Pyetje për një milion euro: kush është më i fortë mes jush dhe vëllait binjak?
    Nuk di ta them. Vërtet, nuk e di. Bertoci, a mund të them që jemi të dy njësoj të fortë?

    Mund ta thoni këtë. Por tani duhet të më thoni edhe se kush ishte zbuluesi i vërtetë i binjakëve Shpendi. Sepse këtu të gjithë mburren se kanë zbuluar Kristian dhe Stiven…
    Personi i parë që më vjen në mendje është Filipo Masolini. Pastaj nuk mund ta harroj Masimo Boninin.

    Po mendoni për kombëtaren italiane?
    Mendoj sa duhet. Për momentin mendoj më shumë për Shqipërinë.

    A ju ka kontaktuar dikush nga Roma?
    Askush.

    Nëse do të vinte një propozim “martese” nga Italia, si do të silleshit?
    Unë do ta merrja në konsideratë këtë propozim. Do ta mendoja me qetësi. Italia është gjithmonë Italia. Edhe pse…

    Edhe pse?
    Nëse më parë vjen thirrja nga kombëtarja shqiptare vjen e para, unë u them po Shqiponjave.

    Shpresat Shpendi

    Një hobi i Kristian Shpendit?
    Nuk kam hobi.

    A nuk ke vërtetë hobi?
    Unë nuk kam një të tillë në veçanti. Hobi im i vërtetë, që është tani është puna ime, është futbolli. Më jep një top dhe jam i lumtur.

    Përveç Çezenës, cili është ekipi juaj i preferuar?
    Si fëmijë kam mbështetur Interin. Pikërisht, kur isha i vogël. Tani jam profesionist. Dhe unë mendoj vetëm për Çezenën.

    E.KUKA-PANORAMASPORT.AL