Superylli argjentinas hapi serinë e rezultatit në minutën e 27-të duke shënuar një gol fantastik me të majtën nga jashtë zone dhe asistoi në golin e parë të Suarez në minutën e 68-të për një epërsi 2-0. Uruguaiani shënoi përsëri në minutën e 71-të përpara se Dante Seali i Montrealit të përgjigjej në minutën e 74-të.
Mesi shënoi përsëri në minutën e 87-të përpara se Viktor Loturi të shënonte një gol nga klubi kanadez dy minuta pas fillimit të kohës shtesë.
Inter Majemi u ngjit në vendin e gjashtë në Konferencën Lindore me shtatë fitore dhe pesë barazime nga 15 ndeshje. Bëjmë me dije që skuadra e ish-yjeve të Barcelonës kishte humbur dy herë dhe kishte barazuar dy herë në katër ndeshjet e fundit.
“Duhej të merrnim përgjegjësinë për rezultatet e dobëta. Është çështje korrigjimi për të rifituar besimin. Duhet të vazhdojmë të fitojmë besim në këtë lloj loje”, tha Suarez
Trajneri i Interit, Havier Maskerano, ishte i shqetësuar për dëmtimet e mbrojtësve Gonzalo Lujan, Tomas Aviles dhe Zhordi Alba.
“Duhej të ndërprisnim dinamikën negative. Për fat të keq, (fitorja) është njollosur nga largimi i Gonzalos, Zhordit dhe Totos. Në rastin e Gonzalos dhe Zhordit, ishte diçka muskulore, të cilën nesër do ta shohim se sa do të shkojë. Në rastin e ‘Totos’ ishte kyçi i këmbës që u ënjt me një goditje të fortë. Ndoshta ai mund të vazhdonte. Ai donte të vazhdonte”, deklaroi Maskerano.