Një ngjarje e rëndë ka ndodhur në Divjakë, ku një grua 38-vjeçare është arrestuar pasi dyshohet se ka ushtruar dhunë fizike ndaj vajzës së saj, 19 vjeçe.
Burime bëjnë me dije se ngjarja ka ndodhur në ambientet familjare dhe ka shkaktuar reagim në komunitet.
Vajza është në gjendje të stabilizuar, ndërsa ndaj autores pritet të merren masat përkatëse ligjore.
Njoftimi i policisë:
Drejtoria Vendore e Policisë Fier
Specialistët për Hetimin e Krimeve të Komisariatit të Policisë Divjakë arrestuan në flagrancë shtetasen M. K., 38 vjeçe, pasi dyshohet se ka ushtruar dhunë ndaj vajzës së saj 19 vjeçe.
Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin F. D., 72 vjeç, për veprën penale “Ndërtimi i paligjshëm”.
Specialistët e Sektorit të Qarkullimit Rrugor referuan materialet në Prokurori, ku nisi procedimi penal për shtetasin E. H., 19 vjeç, banues në Fier, pasi u kap duke drejtuar automjetin, pa leje.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
