Mbrojtësi i Kombëtares, Elseid Hysaj, komentoi fitoren e arritur ndaj Letonisë në duelin kualifikues të Botërorit 2026. Në prononcimin e dhënë për mikrofonin e “Supersport”, ai u shpreh:
“Futbolli ka ndryshuar shumë, nuk ka skuadra të vogla dhe të mëdha. Të gjithë dinë të luajnë futboll. Më shumë duhet të shqetësohemi pse nuk i mbyllim ndeshjet. Ne e kemi në gjak që të vuajmë, pa vuajtje nuk na ecën mirë.
Unë gjithmonë vij për të luajtur. Kam pasur gjithmonë qejf të vij në Kombëtare. Trajneri është bosi i ekipit, duhet ta ndjekim, duhet të jemi të bashkuar të gjithë së bashku, çfarë do që të zgjedhë trajneri.
Ndaj Serbisë është një ndeshje që e ndjejmë shumë, shpresoj të marrim minuta në kampionat dhe të jemi të përgatitur për atë ndeshje.
Flokët? Duhet të ndryshojmë ndonjë gjë se po na dalin thinjat (qesh)”, përfundoi Hysaj.
