Ka ndërruar jetë në spital Charles James Kirk, ku edhe pasi iu nënshtrua një ndërhyrje kirurgjikale, sërish nuk ka arritur dot t’i mbijetojë plagës së marrë.
Charles James Kirk, i njohur si Charlie, 31 vjeç, aktivist politik i djathtë amerikan dhe mik i Donald Trump, u qëllua nga një snajper në qafë gjatë një eventi publik në Utah Valley University.
Lajmin për vdekjen e tij e ka bërë me dije vetë Trump përmes një postimi në Truth Social, ku shkroi: “Charlie Kirk, i madh dhe i jashtëzakonshëm, nuk jeton më. Askush nuk e kuptoi dhe nuk kishte zemrën e rinisë amerikane më mirë se ai. Charlie u desh dhe u admirua nga të gjithë, veçanërisht nga unë, dhe tani nuk është më mes nesh. Unë dhe Melania shprehim ngushëllimet tona për bashkëshorten e tij Erika dhe familjen. Charlie, të duam!”,
Aktivisti u qëllua me një plumb të vetëm, ndërsa një i dyshuar është arrestuar. Në vendngjarje ndodhet dhe FBI-ja, teksa ngjarja ndodhi rreth orës 12:25 me orën lokale.
Kirk ishte një nga figurat më të njohura të politikës konservatore në SHBA dhe, së bashku me Bill Montgomery, themelues i organizatës konservatore Turning Point USA, e krijuar në 2012 për të promovuar ide konservatore në universitete dhe kampuset amerikane. Ai kishte 5,2 milionë ndjekës në X dhe 7,3 milionë në TikTok.
Kirk ishte mbështetës i zjarrtë i presidentit Donald Trump. Një person i dyshuar u ndalua, por rezultoi të ishte një gabim: sipas zëdhënëses së universitetit, Ellen Treanor, ai ishte një student. Sulmuesi i vërtetë është ende në arrati: një burrë i moshuar që qëlloi Kirk nga Losee Center, një ndërtesë rreth 180 metra larg, rreth njëzet minuta pas fillimit të fjalës së tij.