Gazetari Basir Çollaku i ftuar në Syri Tv ka folur për “Diellën”, ministren me Inteligjencë Artificiale, të prezantuar nga kryeministri Rama.
Çollaku u ndal dhe te dekreti i Presidentit të Republikës, për të cilin tha se me dekretimin e “Diellës” u soll si drejtor drejtorie.
Duke folur për “Diellën” dhe kalimin e prokurimeve publike në varësi të saj, Çollaku e quajti shaka kriminale dhe një mundësi për të thelluar korrupsionin.
“Presidenti u soll si drejtor drejtorie, nuk ishte as në nivelin e një ministri. Kush do i shtypë butonat te kjo “Diella”? Po qindra miliona eurot e Portit të Durrësit, po për inceneratorët thotë gjë kjo “Diella”? Kjo është shaka kriminale. Një liri për të thelluar korrupsionin. Po këta tenderat sekretë do ia kalojnë “Diellës” këta apo i ka ky kryedielli? ”, tha Çollaku