Të gjitha ata qytetarë apo biznese që do të bëjnë transferta parash në lekë apo euro tashmë do të pagujanë komisione më të ulëta.Vendimi I Këshillit Mbikqyrës ka hyrë në fuqi dhe parashikon që transfertat e parave me vlerë deri në 40 mijë lekë nga qytetarët tashmë do të realizohen pa asnjë komision.
Vendimi është marë në mbledhjen e fundit të Këshillit mbikqyrës duke ulur ndjeshëm kostot e pagesave për qytetarët dhe bizneset, por edhe duke pasur si synim inkurajimin e përdorimit të kanaleve elektronike. Deri më tani vlera që mund të tranferohj pa komision ishte 20 mijë lekë.
Po ashtu Banka e Shqipërisë ka parashikuar që Për pagesat elektronike deri në 10 milionë lekë, komisionet të ulen me gati 10 herë, duke e bërë më të leverdishëm përdorimin e sistemit AECH. Ndërkohë që komisionet e aplikuara nga institucionet financiare për klientët e tyre, për të pagesat nga 40 mijë lekë deri në 1 milion lekë, nuk duhet të jenë më të larta se 100 lekë.
Ulja e komisioneve vlerësohet se do t’u kursejnë qytetarëve dhe ekonomisë shqiptare përafërsisht 40 milionë euro në vit dhe njëkohësisht krijojnë bazën e nevojshme për integrimin e mëtejshëm të vendit në SEPA.
Këto ndryshime janë parakusht i domosdoshëm për nisjen e operacioneve në sistemin europian të pgesave SEPA më 7 tetor 2025, duke siguruar që tarifat për pagesat ndërkufitare në Euro të jenë të njëjta me ato të aplikueshme brenda vendit.