Një ngjarje e rëndë është shënuar diten e sotme (5 tetor) në zonën e Saukut, në Tiranë, ku një person i armatosur që po ndiqej nga policia ka përplasur me makinë disa mjete të tjera, ndërkohë kanë mbetur të plagosur nje efektiv dhe bashkëshortja e tij që po udhëtonin me motor.
Sipas burimeve paraprake, autori dyshohet se mbante armë me vete.
Si pasojë e përplasjes, është plagosur një efektiv i policisë dhe bashkëshortja e tij, të cilët janë dërguar me urgjencë në spital.
Menjëherë pas ngjarjes, forca të shumta policie kanë rrethuar zonën dhe janë vënë në ndjekje të autorit.
Grupi hetimor ndodhet në vendin e ngjarjes dhe po punon për sqarimin e plotë të rrethanave dhe motivit të këtij akti të rëndë.
