Silvinjo i çon ftesë talentit shqiptar të kampionatit anglez

Trajneri i kombëtares shqiptare të futbollit, Silvinjo ka ftuar talentin shqiptar të Bristol City.

Bëhet fjalë për Anis Mehmetin, mesfushori shqiptar me tipare sulmuese, i cili kohët e fundit ka tërhequr vëmendjen me performancën e shkëlqyer.

Mehmeti vetëm 24-vjeç aktivizohet në ligën e dytë angleze me Bristol, dhe ka provuar të jetë një lojtar i rëndësishëm me pesë gola të shënuar në 12 paraqitje si dhe tre asiste.

Mehmeti pritet ti bashkohet kombëtares kuqezi për ndeshjet e rëndësishme të nëntortit.

Vlera e tij në merkato është rritur ndjeshëm duke arritur së fundmi në 9 milionë paund.