Një aksident tragjik ka ndodhur pranë qytetit të Burgasit në Detin e Zi, ku gjashtë emigrantë kanë humbur jetën dhe katër të tjerë janë plagosur pas një ndjekjeje policore. Sipas njoftimit të Agjencisë Bullgare të Lajmeve (BTA), incidenti ka ndodhur më 6 nëntor, kur një makinë me targa rumune, që transportonte dhjetë persona, ka refuzuar të ndalojë për kontroll nga autoritetet bullgare dhe ka shpërthyer në një ndjekje.
Shoferi i automjetit nuk iu ka bindur urdhrit të policisë për të ndaluar dhe ka vazhduar rrugën, duke u përpjekur të largohej. Pas disa tentativave për ta ndaluar makinën, ajo ka dalë nga rruga dhe ka përfunduar në një liqen në hyrje të qytetit të Burgasit.
Sipas Anton Zlatanov, shefit të policisë kufitare bullgare, gjashtë emigrantët kanë humbur jetën në vend, ndërsa shoferi rumun dhe tre emigrantë të tjerë, të cilët besohet të jenë nga Afganistani, kanë shpëtuar dhe janë transportuar për ndihmë mjekësore. Autoritetet bullgare kanë filluar hetimet mbi këtë ngjarje tragjike, ndërkohë që autoritetet rumune ende nuk kanë dhënë një deklaratë zyrtare për aksidentin.
