Anglia triumfoi me rezultatin 0-2 mbrëmjen e sotme në “Air Albania”, ndaj Shqipërisë, teksa u bë kombëtarja e dytë europiane në histori që i mbyll të gjitha ndeshjet e një fushate kualifikuese të Kupës së Botës me fitore të plota dhe pa pësuar asnjë gol, duke ndjekur gjurmët e Jugosllavisë së vitit 1954, e cila arriti një rekord të tillë në 4 ndeshje.
Ndërkohë për sa i përket rekordi me më shumë se 6 ndeshje pa pësuar gol dhe të gjitha fitore, “Tre Luanët” mbajnë vendin e parë.
Skuadra e Tomas Tuhel zhvilloi 8 ndeshje perfekte, duke treguar stabilitet të hekurt në mbrojtje dhe efikasitet të jashtëzakonshëm në sulm. Ky sukses e konfirmon Anglinë si një nga ekipet më të frikshme në arenën ndërkombëtare./Panoramasport
