Big Mama u shfaq thellësisht e prekur, me lot në sy gjatë ceremonisë së homazheve që po mbahen në Tetovë për nder të këngëtarit të njohur, Shpat Kasapi.
E veshur me rroba të zeza, ajo qëndroi pranë të pranishmëve, duke marrë ngushëllimet dhe duke mbajtur një shami në dorë, ndërsa emocionet nuk i lejuan të fshihej pas një qetësie të jashtme.
Në dorë mbante edhe një fotografi bardh e zi të Shpatit, që simbolizonte kujtimin e përhershëm dhe vendin special që ai do të kishte gjithmonë në zemrën e saj.Big Mama dhe Shpati ishin miq të ngushtë dhe kolegë që prej vitit 1997, duke bashkëpunuar shpesh në programe festive.
Ajo ka treguar se pak ditë para ndarjes nga jeta, Shpati kishte shprehur dëshirën që ata të këndonin së bashku këngën ‘Sajzeza’. Edhe këngëtarja, Dafina Zeqiri u pa e pranishme në ceremoninë e homazheve për Shpat Kasapin, duke shoqëruar bashkëshortin e saj, Kreshnik Gjergjin.
Ajo dukej tejet e prekur dhe nuk i përmbante dot lotët teksa ndante dhimbjen për humbjen e papritur të mikut dhe kolegut të saj.
Gjatë ceremonisë, Dafina iu afrua familjarëve të Kasapit dhe i përqafoi, duke i dhënë mbështetje në këtë moment të vështirë.
