Në Qarkun e Tiranës janë numëruar 1271 kuti votimi nga 1282. Teksa kanë mbetur pa numëruar edhe 11 kutitë e fundit, gara është bërë e fortë mes kandidatëve të PS-së në listën e hapur. Partia Socialiste në Qarkun Tiranë ka arritur të sigurojë 19 mandate deputetësh. Nga këta 12 janë nga lista e sigurtë që dalin automatikisht si kandidatë të votuar nga logoja e Partisë Socialiste.
Ndërkohë gara mes socialistëve bëhet për 7 mandate deputetësh, ku pjesë janë kandidatët e listës së hapur. Më i votuari nga radhët e PS, sipas rezultateve të deritanishme është Blendi Gonxhja, i cili deri më tani ka arritur të fitojë 21783 vota. I dyti është deputeti veteran Erion Braçe, i cili ka marrë mbështetjen e 20218 socialistëve deri më tani.
Ndërkohë që listës i shtohet ministri Ervin Hoxha me 18742 vota dhe Fatmir Xhafaj me 12428 vota, Ornaldo Rakipi me 9435 vota. Po ashtu Anila Denaj me 8621 vota dhe Blerina Gjylameti 5709, dy kandidate që përfitojnë nga kuotat gjinore. Ndërkohë gara për mandatin e 18 dhe 19 në Qarkun e Tiranës është shumë e fortë mes Orlando Rakipit dhe Xhemal Qefalisë me një diferencë prej 35 votash. Gjithashtu “lufta” për një karrige në Kuvend është e ashpër edhe midis Gjylametit dhe Xhaçkës me një diferencë prej 33 votash.
