Në vitin 2020, skandali i mashtrimit nga kompania turke “Kurum Demir” shokoi jo vetëm Turqinë, por edhe Shqipërinë dhe disa shtete të tjera. Kompania, e cila dikur mbante pozitat udhëheqëse në sektorin e prodhimit të hekurit, u akuzua për një skemë të sofistikuar mashtrimi, duke marrë kredi prej 191 milionë eurosh nga 14 banka turke dhe 210 milionë euro nga disa banka shqiptare.
Ky mashtrim shkaktoi një krizë financiare të thellë për shumë institucione dhe krijoi pasiguri të madhe në sektorin bankar, duke lënë pasojat e tij edhe në ekonominë e Shqipërisë. Pas zbardhjes së skandalit, autoritetet turke morën masa të menjëhershme, duke ngritur akuza të rënda për mashtrim dhe pastrim parash ndaj drejtuesve të kompanisë.
Nga ana tjetër, në Shqipëri, ndërmarrja e masave ka qenë më e ngadaltë. Edhe pse u hapën hetime dhe filluan kontrollime në lidhje me kreditë që ishin dhënë nga bankat shqiptare, autoritetet e vendit nuk morën masa të mjaftueshme për të rimarrë të paktën një pjesë të dëmit financiar. Shumica e parave nuk janë kompensuar dhe nuk janë zbuluar endë të gjithë përgjegjësit.
Skandali i “Kurum Demir” solli një shqetësim të madh për sektorin bankar dhe financat e vendit, duke nxitur rishikimin e rregulloreve për dhënien e kredive dhe kontrollin e borxheve të këqija. Megjithatë, pas 5 vitesh, mbetet një ndjesi e madhe zhgënjimi për të gjithë ata që janë prekur nga ky mashtrim dhe që endë po vuajnë pasojat e tij.