Fundjava do të mbizotërohet nga moti i qëndrueshëm dhe me diell.
“Pjesa më e madhe e fundjavës do të jetë me mot të qendrueshëm. E shtuna dhe e diela, sidomos dita e shtunë me mot të kthjellët thuasje në të gjithë vijën bregdetare dhe në zonat e ulëta, vranësira të lehta dhe kalimtare në zonat malore. Ndërkohë presim që në pjesën e dytë të ditës së të dielës, vranësirat të jenë shumë më prezente në territor duke sjell reshje dhe rrebeshe të izoluara, të cilat më të fokusuar do të jenë për sa i përket zonave malore, kryesisht veriu dhe verilindja. Megjithatë edhe në këto zona”, tha metorologia Lajda Porja.
Temperaturat do të pësojnë rritje të shtunën dhe të dielën, duke e bërë këtë fundjavë të përshtatshme për të gjithë ata që kanë zgjedhur të shijojnë bregdetin.
“E shtuna dhe e diela do të kenë temperatura deri në 33 gradë Celsius, pjesa më e madhe e Ultësirës Perëndimore, nuk përjashtohet ndonjë zonë e izoluar edhe 34 gradë. Mund tha theksojmë një fundjavë mjaft të favorshme për të gjithë atë që duan ende të frekuentojnë bregdetin“, tha ajo.
Edhe fillimi i javës së ardhshme sips parashikimeve të sinoptikanëve do të jetë me mot të qëndrueshëm dhe pa reshje.