Biznesmeni Behgjet Pacolli në një intervistë për një emision televiziv ka folur për ndërtimin e Aeroportit të Vlorës, akuzat, bashkëpunëtorët dhe paratë e shpenzuara.
Behgjet Pacolli tha se deri më sot kostoja ka shkuar në rreth 140 milionë euro.
Pacolli u shpreh se 56 milionë euro i ka marrë kredi në një bankë të nivelit të dytë, ndërsa theksoi se këto para janë marrë duke lënë kolateral hotelin, shtëpinë dhe fabrikat e tij.
“Hoteli, shtëpia, dhe fabrikat e mia, janë kolateral tek një bankë e nivelit të dytë. Kjo kredi 56 milionë euro është marrë komplet me kolateralin tim. Besoj se deri tani Aeroporti i Vlorës ka shkuar rreth 140 milionë euro.”-tha Pacolli.
Begjet Pacolli u shpreh se nuk ka paguar asnjë ryshfet për të nënshkruar konktratën për ndërtimin e Aeroportit të Vlorës.
Sakaq, Behgjet Pacolli tha se është ndjerë jashtëzakonisht i fyer nga epitetet e njerëzve dhe shtoi se qëllimi i tij i vetëm ka qenë për të lënë një trashëgimi, një ndërtim të bukur në Shqipëri.
