Kosova bën histori! Islam Selmani, është shpallur nënkampion i botës në kategorinë deri në 60 kilogramë, në Kampionatin Botëror të Karatesë që u mbajt në Kajro.
Në finalen e madhe, të mbajtur sot, 30 nëntor, Selmani u përball me turkun Eray Samdan, një prej emrave më të fortë të këtij sporti në skenën ndërkombëtare, ku pas një dueli të fortë, ai u rendit i dyti në botë duke fituar medaljen e argjendtë.
https://www.facebook.com/photo.php?fbid=1434955098632546&set=a.509239241204141&type=3&ref=embed_post
Një ditë më herët, 29 nëntor, Selmani kishte shkëlqyer në gjysmëfinale, ku siguroi një fitore dominuese 9:1 ndaj kundërshtarit nga Uzbekistani, Mekhriddin Turakhonov.
Asnjëherë më parë nuk ka ndodhur që një garues nga Kosova të arrijë në finale të Botërorit në karate e aq më tepër të rrëmbejë medaljen e nënkampionit./KlanKosova.tv
