Category: Politikë

Kryeministri Edi Rama ndodhet në Diasporën ku po zhvillon një takim me shqiptarët në Kretë.

Takimi mbahet stadiumin “Kladiddos”, nga ku Rama u bëri thirrje shqiptarëve që më 11 maj të votojnë për të marrë pasaportën e BE.

“Ky vend ku historia ka parë shumë dhe ka lënë shënim jashtëzakonisht shumë gjëra me shumë rendësi jo thjeshtë për Greqinë dhe kombin grek, por për të gjithë Europën.

Këtu në Kretë, Zeusi rrëmbeu princeshën të cilën pastaj e çoi diku tjetër dhe emri i saj ishte Europa dhe nga këtu Europa mori emrin. Më në fund m’u dha mundësia që të vij këtu në Kretë, në vendlindjen e Zeusit, në vendin ku janë ndërruar njëri pas tjetrit romakët, bizantinët, arabët, venecianët, otomanët deri kur në 1913 Kreta iu bashkua Greqisë. Ky vend ku historia ka parë jashtëzakonisht shumë dhe ka lënë shënim shumë gjëra me shumë rëndësi jo thjesht për Greqinë dhe për kombin grek, por për të gjithë Evropën, Këtu në Kretë zeusi rrëmbeu princeshën, të cilën pastaj e çoi diku tjetër dhe ndërkohë emri i saj ishte E vropa dhe nga këtu Evropa mori emrin. Prandaj Kreta konsiderohet djepi i qytetërimit evropian.

Këtu kanë lindur shumë njerëz që i kanë dhënë shumë Greqisë por edhe mbarë Evropës dhe kulturës botërore. Që nga piktori Doménikos Theotokópoulos tek Nikos Kazantzakis, shkrimtari legjentar i Greqisë dhe kanë lindur edhe burra shteti të rëndësishëm…te Mitsotakis, e prej këtu e ka origjinën kryeministri aktual, miku ynë, Kyriakos Mitsotakis”, tha Rama.

Demokrati Lulzim Basha i është përgjigjur sërish me ironi kryeministrit Edi Rama, duke u shprehur se “si ministër i Jashtëm duke flejt gjumë futi Shqipërinë në NATO dhe hoqi vizat me Bashkimin Europian”.

Ai vijon më tej duke ironizuar edhe deklaratën e kryeministrit i cili thotë se “BE s’ka me kë të flasë përveç tij”.

“O Rame, t’u fjet gjum futëm Shqipërinë në NATO, hoqëm vizat me Bashkimin Europian. Kurse ti zgjuar, çfarë arrite? Lali Eri tek vendi, Ilir Beqja tek vendi, Saje Qorin tek vendi, Ben Ahmetaj ka ik për momentin, por gati e ka vendin, Ter Koka tek vendi.

Për të mos llogarit pastaj kryebashkiakët dhe deputetët Rame, se për ty kush nuk vjedh fle gjum Rame. Si the “me kë do flasin me Bashkimin Europian”? E mër Ram, e di si më tha një shok i joti kryeministër, ku ulet në të vetmen tavolinë ku ulet Shqipëria Euroatlantike në NATO që e gjete gati.

Më tha në fillim qeshim me shakatë e Ramës, tashi qeshin me Ramën. E mor Rame, e mori vesh bota 7×7 = 313-të Rame”, shprehet Basha.

Tuneli i Murrizit, pjesë e Rrugës së Arbrit, është hapur për qarkullimin e automjeteve, duke reduktuar ndjeshëm kohën e udhëtimit nga Tirana në Dibër me rreth 3 orë.

Me një gjatësi prej 3,78 kilometrash dhe përbërë nga dy korridore, një për trafik dhe tjetri për emergjenca, ky tunel e bën plotësisht të aksesueshme Rrugën e Arbrit, e cila shtrihet në 74 kilometra dhe lidh Tiranën me Dibër, si dhe me veriun e Maqedonisë së Veriut, Dibrën e Madhe, Tetovën dhe Shkupin.

Projekti, pjesë e Korridorit të Tetë paneuropian, u përball me sfida të mëdha për shkak të gjeologjisë së vështirë dhe rrëshqitjeve të dherave, duke bërë që ndërtimi të nisë në maj të vitit 2019 dhe të zgjasë më shumë se sa pritej. Me hapjen e tunelit, tashmë shmanget kalimi përmes bypassit të Murrizit, duke lehtësuar ndjeshëm qarkullimin dhe duke nxitur rritjen ekonomike dhe turizmin në zonë.

Monika Kryemadhi ka shpërndarë në “Facebook” një postim të ish-deputetes së LSI-së, Miranda Rira, ku kjo e fundit shpreh mbështetje për Ilir Metën, kryetarin e Partisë së Lirisë dhe ish-bashkëshortin e Kryemadhit.

“Unë nuk i braktis kurrë njerëzit, sidomos kur ata janë në momentin më të vështirë të jetës së tyre. (…) Me ty Ilir Meta, në çdo hap dhe në çdo sfidë,” shkruan Rira në mesazhin e saj, të cilin Kryemadhi e ka pëlqyer dhe shpërndarë, duke dhënë një sinjal se qëndrimi i saj ndaj Metës mbetet i pandryshuar, pavarësisht ndarjes së tyre

Ndërkohë, më 11 prill në orën 10:30 pritet të zhvillohet seanca e radhës në Gjykatën Civile për divorcin e çiftit. Meta kërkoi zyrtarisht ndarjen më 20 qershor 2024, duke përmendur si arsye mosmarrëveshjet në çift, përfshirë edhe përplasjet mbi zhvillimet politike.

Kërkesa për divorc erdhi në një kohë kur Prokuroria e Posaçme (SPAK) nisi një hetim pasuror ndaj Metës dhe Kryemadhit, duke çuar në firmosjen e një urdhër-arresti për Metën në tetor. Të dy po hetohen për pastrim parash, korrupsion dhe mosdeklarim pasurie, në lidhje me çështjen CEZ-DIA dhe lobimin e LSI-së në SHBA.

Kjo mbështetje publike nga Kryemadhi ndaj Metës ngre pikëpyetje mbi raportin e tyre pas ndarjes, sidomos në një moment kritik ku të dy ndodhen nën hetim nga SPAK.

Në selinë e Partisë Socialiste po zhvillohet një mbledhje e rëndësishme, ndërsa afrohet afati për dorëzimin e listave të kandidatëve për deputetë në zgjedhjet parlamentare të 11 majit.

Kryeministri dhe njëkohësisht kryetari i PS-së, Edi Rama, ka mbërritur në selinë rozë i shoqëruar nga ministri i Drejtësisë, Ulsi Manja. Sipas burimeve bëhet me dije se Rama do të zhvillojë takime të ndara me të gjithë drejtuesit politikë të qarqeve për të finalizuar listën e kandidatëve.

Me afatin përfundimtar që mbyllet brenda pak orësh, PS po përgatitet për të dorëzuar një listë që pritet të sjellë surpriza dhe ndryshime të rëndësishme në garën e 11 majit.

Në seancën gjyqësore që po zhvillohet në Apelin e GJKKO, kryetari i Bashkisë së Tiranës, Erion Veliaj, ka kërkuar lirimin nga qelia dhe ka shprehur dëshirën që seanca të jetë me dyer të hapura.

Gjatë deklaratës para gjyqtarëve dhe prokurorëve Ols Dado dhe Altin Dumani, Veliaj ka theksuar se i qëndron çdo postimi që ka bërë në rrjetet sociale, duke pohuar se është ende kryetar bashkie, i votuar nga çerek milion njerëz.

Ai ka kundërshtuar dosjen e SPAK, duke cilësuar provat e reja, si çimka dhe telefonatat e tij me djalin dhe familjarët, i cilëson si biseda për intervistat në media.

Veliaj ka pretenduar se SPAK ka përgjuar për një muaj bisedat e tij familjare, duke i konsideruar ato si prova të paqëndrueshme.

Kryeministri Edi Rama është rikthyer nga Berlini dhe ka reaguar me një postim në rrjetet sociale duke ironizuar opozitën.

Rama është takuar me Engjëll Agaçin të cilin Sali Berisha e akuzonte se është arratisur nga vendi me leje të Kryeministrit.

“Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”, shkruan Rama.

Kryebashkiaku i Tiranës, Erion Veliaj ka reaguar sërish nga burgu. Ai sërish sulmon gjyqtarin e GJKKO, Erion Bani dhe prokurorin Olsi Dado.

27 vjet vetmi/ Mirëdita dhe agjërim të lehtë të gjithë vëllezërve dhe motrave.

Duke qenë se e keqja as nuk agjëron, as nuk pushon, por ushqehet përditë me ligësi dhe mashtrim, lipset që edhe unë, edhe ne, ta luftojmë përditë haramin që na rrethon.

Pasi u procedova me letrën anonime të Nesti Angonit, pasi u shpalla “i dënuar” që në faqe të parë, dhe pasi u parashtruan “krimet” që variojnë nga lodrat e djalit, te fushata në Rrogozhinë e Kavajë, dhe nga statuset e Facebook-ut tek ato në Instagram, lind pyetja:

Po në burg pse jam?

Thosh edhe Kafka te “Procesi”, mirë që jam fajtor pa faje e pa fakte, po dënimin pa gjyq pse? Tre janë faktorët që duhet të ketë parasysh Gjykata: rreziku i ikjes, prishja e provave dhe rrezikshmëria shoqërore.

T’i marrim me rradhë: Rreziku i ikjes

Gjyqtari Bani arsyeton se meqë Ols Dado më akuzon për vepra që dënohen me 12 dhe 15 vjet – pra, 27 vite burg – unë do ikja nga Shqipëria. Po, po, ja lexojeni:

“Mund të arrihet në përfundimin logjik ligjor në formën e mundësisë së arsyeshme, mbi mundësinë reale të ikjes nëse nuk ndërhyhet për të caktuar një masë shtrënguese për këtë shtetas”.

Dyshohem nga Ols Dado se kam konsumuar 9 herë veprën penale të “Korrupsionit Pasiv të funksionarëve të lartë shtetëror ose i të zgjedhurëve vendor”, kryer në bashkëpunim, duke filluar që nga viti 2004, në moshën 25 vjeçare, bashkëpunim me persona që as i kam njohur atëherë dhe as kam parashikuar që do i njihja në të ardhmen.

Dyshohem nga Ols Dado se kam kryer më shumë se një herë veprën penale të “Pastrimit të produkteve të veprës penale ose vemprimtari kriminale”.

E kuptuat? Meqë Olsi do kërkojë 27 plus vite burg, më duhet të burgosem që pa nisur gjyqi fare. Po unë isha në Gjermani në ditën e bastisjes dhe u ktheva menjëherë! Udhëtova edhe 2 herë në SHBA në 30 dhjetor dhe 20 Janar dhe u ktheva sërish. Ku është rreziku? Ku është arratisja? A nuk do mjaftonte masa e mbajtjes së pasaportës, që edhe ikja nga Olsi e Bani të mos cënohej, por edhe unë të vazhdoja punët për Tiranën, që s’duhet ndalur asnjë moment?

Por, siç komentonte Kafka për përndjekësit e tij tek “Procesi”: “Unë as e mendoj të iki nga këta dy përndjekës kaq shembullorë, të cilët më janë qepur pas me kaq zell dhe pasion, sa thuajse më dhimbsen t’i lë vetëm në gjykatë”.

Kjo për rrezikun e ikjes, nesër e pasnesër do të flasim për rrezikshmërinë time të lartë shoqërore.

Ju dua të gjithëve!

TIRANË- Kryeministri Edi Rama ka komentuar ditën e sotme akuzat e Opozitës kundër Sekretarit të Përgjithshëm të Kryeministrisë Ëngjëll Agaçin. Gjatë një video-mesazhi, Rama ka deklaruar se Agaçi ndodhet në një spital në Itali, pas disa komplikacioneve në mushkri. Në videon e publikuar në rrjetet sociale, Rama ka theksuar se Agaçi as nuk është arratisur dhe as nuk i janë sekuestruar dokumente dhe laptopi.

“Prej ditësh këneta ka marrë peng Ëngjëll Agaçin, ka marrë peng gruan, vajzën e tij, nënën, familjen me fermant të bufit që e shpalli sekretarin e përgjithshëm të kryeministrisë të arratisur nga drejtësia. Agacci studio në Itali, u bë pjesë e një prej studiove të njohura të avokatisë në Romë, u kthye në Shqipëri me ftesën time dhe i përket ajkës së juristëve shqiptarë.

Për atë që përfaqëson është vlerësuar me medalje nderi nga Presidenti i Italisë. Para disa kohësh u nis në Itali për arsye domethënëse shëndetësore, kaloi në tehun mes jetës dhe vdekjes si pasojë e një bllokimi të një arterie koronare për të cilën u operua në zemër dhe pas operacionit pati një dalje të mushkërive nga funksioni gjë që imponoi futjen në aparaturën e frymëmarrjes së drejtuar,” tha Rama.

Sekretari i Përgjithshëm i Këshillit të Ministrave, Engjëll Agaçi, i është nënshtruar disa ditë më parë një ndërhyrje kirurgjikale në Itali. Ndërkohë që kryetari i Partisë Demokratike, Sali Berisha në një denoncim ka ngritur pretendime se Agaçi është arratisur për t’iu shmangur një arrestimi të mundshëm.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Tiranë, 25 shkurt 2025– Kryebashkiaku i Tiranës, Erion Veliaj, ka reaguar sërish nga burgu, duke komentuar zhvillimet e fundit dhe të akuzat që i janë drejtuar. Në një deklaratë të gjatë, ai ka ironizuar prokurorin Olsi Dado dhe ka ftuar mbështetësit të qëndrojnë të fortë, ndërkohë që vazhdon të jetë në burg për akuza që ai i cilëson të pabaza dhe të motivuara politikisht.

Veliaj ka akuzuar Olsin dhe Sali Berishën për përdorimin e fushatave politike dhe ka mohuar akuzat që lidhen me pasuri të dyshimta. Ai thekson se ka kaluar një proces të vështirë “Vetingu” për 20 vjet dhe se ka dalë pa asnjë shkelje, duke argumentuar se nuk ka përfituar asgjë nga detyra e tij publike. “Zero! Nada! Nichts!” – kështu e përshkruan ai pasurinë e tij, duke kritikuar publikisht ata që e akuzojnë për korrupsion.

Në reagimin e tij, Veliaj e cilëson procesin ndaj tij si një hakmarrje dhe një shpifje, duke shprehur indinjatën për një letër anonime që, sipas tij, është përdorur për ta sulmuar dhe për ta përfshirë në një histori të rreme. Ai gjithashtu është i ashpër ndaj akuzave që lidhen me vjehrrin e tij, i cili ka vdekur 6 vjet më parë, dhe makinës që, sipas Veliajt, nuk ka lidhje me të.

“Po çfarë mund të më bëjnë më shumë? Të më dënojnë me vdekje? Se në burg jam dhe jam!” shkruan Veliaj, duke e shprehur këtë pyetje si një reagim ndaj situatës së tij të vështirë.

Ish-kryebashkiaku i Tiranës gjithashtu e ka kritikuar ashpër sistemin gjyqësor, duke e quajtur gjykatësin dhe prokurorin që merret me çështjen e tij si “taleban” dhe “hajvan”. Ai ka theksuar se vendimi i fundit i Gjykatës Evropiane për të drejtat e njeriut, që ka vlerësuar të paligjshëm paraburgimin e tij pa gjyq, është një indikator i qartë i padrejtësisë që po kalon.

“Po shihni vendimin më të freskët të Strasburgut për paraburgimin pa gjyq, për të kuptuar që busulla na duhet drejt Europës, e jo drejt kënetës së Sali Bufit,” ka thënë Veliaj, duke e lidhur situatën e tij me një fushatë më të gjerë kundër korrupsionit dhe padrejtësisë politike.

Në fund, ai falenderon mbështetësit dhe shpreh mirënjohje për mbështetje e tyre, duke shtuar se do të dalë më i fortë dhe do të vazhdojë të luftojë për të drejtat e tij dhe për qytetin e Tiranës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.