Eftuar në emisionin “Wake Up” sot ka qenë Andeta Radi, motra e Rozana Radit. Regjisorja ka treguar më shumë për Rozanën dhe se si e sheh ajo në “Big Brother VIP” motrën dhe të gjithë dinamikat që krijohen dhe situatave që kanë ndodhur përgjatë këtyre 80 ditëve.
Duke marrë parasysh përplasjet e shpeshta me Rozanës dhe Gertës, Enxhi e pyeti Andetën nëse banoret kanë ndonjë konflikt, mospëlqim nga jashtë apo ka lindur çdo gjë brenda shtëpisë?
Jo, absolutisht nuk kanë pasur asnjëherë. Një kontakt të vetëm mesa mbaj mend unë kur dikur Gerta e ka ftuar në emisionin e saj, Rozi e ka ftuar tek i veti gjithashtu por Gerta nuk ka shkuar. Jam e sigurtë që nuk është se nuk ka dashur të shkojë por ndoshta nuk ka pasur mundësinë. Nuk kanë pasur asnjëherë konflikt jashtë për më tepër që Rozi me motrën e Gertës janë goxha mikesha. Unë e respektoj shumë Oltën në këtë por gjithçka ka lidnur aty brenda.
A ka komunikuar Andeta me Oltën?
Patjetër që po.
Çfarë bisede ka zhvilluar ajo me aktoren?
Një bisedë shumë miqësore, Olta është një vajzë shumë e mirë dhe sigurisht që diskutuam edhe për këto gjërat e fundit. Nuk më erdhi mirë që gjërat dolën por jam e sigurtë që kur të dalin jashtë Olta me Rozin do të takohen janë mikesha shumë të mira.
Duke qenë se para pak javësh u shkaktua një debat mes Gertës dhe Rozanës ku kjo e fundit në një moment u shpreh se Olta i kishte uruar fitoren.
Është diçka që doli edhe në rrjetet sociale, është e vërtetë. Unë jam me idenë që një motër sado që të ketë debate me motrën e vet nuk e hedh kurrë poshtë. Të gjithëve na ka ndodhur që të kemi zënka të vogla me motrat ku ndoshta nuk kemi folur edhe një javë apo dy javë se nuk besoj se ndodh më shumë por është motra jote dhe sa të do ajo nuk të do askush tjetër.
