Ditën e sotme, këngëtarja e njohur Bleona Qereti, është paraqitur në Gjykatën e Tiranës.
Ende nuk dihet aryseja se pse është paraqitur në gjykatën e Tiranës, këngëtarja Bleona Qereti.
Sara Gjordeni ka reaguar pas thashemeve se ishte pikërisht ajo “molla e sherrit” që çoi në përfundimin e kontratës mes Bardhit dhe menaxherit të tij, Jetmir Agaj, i cili doli hapur kundër lidhjes së tyre teksa çifti ishin në Big Brother Vip.
Ish-Missi, e cila është në pritje të ëmbël dhe së shpejtë do të sjellë në jetë vajzën, është shprehur se nuk ka asnjë lidhje me marrëdhënien e Bardhit me ish-menaxherin e tij.
Ajo teksoi se u shokua kur doli nga shtëpia e Big Brothet Vip dhe zbuloi ofendimet që Jetmiri kishte bërv kundrejt saj, por theksoi se kurrë nuk ka ndërhyrë në raportin mes tyre.
“Bardhi është i rritur vetë dhe nuk i merr gruas dorën se çfarë bën me karrierën e tij. Unë jam juriste bankash, jo menaxhere artistash”, theksoi ajo.
Gjithashtu shtoi se Bardhi dhe ish-menaxheri i tij janë ndarë për çështje biznesi.
“Jam duke duruar prej kohesh ofendime fyerje dhe shpifje mbi kurrizin tim per cdo gje qe i perket bardhit por ka ardhur koha te flas; Une nuk kam lidhje me marredhenien e Babdhit dhe Jetmirit. Pakenaqesite e mia ne lidhje me kete te fundit, kane qene mbi ato qe ka folur per mua personalisht gjate kohes qe kam qene e mbyllur ne big brother. Dhe per kete skam pasur faj sepse sdija cb???? jashte.
Normal qe kur dola do shokohesha qe njeriu me i afert i te dashurit tim kishte bere nje lum ofendimesh jashte pa me njohur. Ama kurre nuk kam nderhyre ne marredhenien e tyre ndryshe nga cjane perpjekur te futen ne marredhenien time me bardhin.
Bardhi dhe jetmiri jane ndare per ceshtje biznesi dhe teresisht kontraktuale! As se ka gruan e keqe, as se i tha gruaja, as se e meson gruaja, as se eshte mosmirnjohes asgje e tille. Jam e lodhur duke lexuar emrin tim ne cdo portal duke me vene ne kurriz faje qe si kam hak se jam ne qetesine time duke rritur femijen. Nuk e di si skeni limite as ne ketο momente kaq delikate per mua.
Bardhi eshte i rritur vete dhe nuk i merr gruas doren se cfare ben me karrieren e tij. Une jam juriste bankash, jo menaxhere artistash”, shkruan Sara Gjordeni.
Ish-Missi sqaroi se Bardhi vendos vetë për karrierën e tij, ndërsa shtoi se “boll kam hequr padrejtësi këtë vit mbi kurriz”.
“Shpresoj nga ky moment te jeni te qarte! Nese nuk i keni ndjekur ndodhite qe nga fillimi, beni mire tu riktheheni dhe te mos me ngarkoni mua me faj per cdo gje qe ndodh ne kete bote sepse realisht jeni duke me shqetesuar dhe duke me dhene stres te panevojshem!
Bardhi eshte ai qe vendos per karrieren e tij, jo une!
Une nuk e njoh boten e tij. 11 vite ne tirane i kam frektuentuar clubet dhe jeten e nates maksimumi 6 here. Nuk ma ka pare njeri fytyren ne keto ambiente, andaj nuk di ta keshilloj ne kete drejtim.
Une skam faj per gjerat qe zgjidhni ju te komentoni, per monstren qe doni te me mendoni, per fajtoren qe me beni per gjithcka ama komentet e njerzve pa zemer e tru, ndryshojne nga titujt e lajmeve, sepse behen me zor burim urrejtje te padrejete ndaj meje. Kur eshte shume, eshte shume! Besoj kam hequr boll padrejtesi kete vit mbi kurriz, ndaloni te pakten gjate kohes me delikate te jetes sime”, theksoi ajo.
Prapaskenat e konfliktit mes tyre
Kujtojmë që muajin e shkuar, Jetmiri mori në menaxhim Luizin dhe duket se këtu kanë nisur edhe përplasjet e para. Angazhimet e Luizit dhe përqendrimi i të gjithë skuadrës tek emri i tij, kanë bërë që Bardhi të mbetet pas me data koncertesh si dhe me projekte të reja.
Kjo ka sjellë edhe përplasjet e një pas njëshme mes palëve, çfarë edhe ka çuar në mbylljen e bashkëpunimit. Kjo nuk është hera e parë që palët përfshihen në një konflikt. E njëjta situatë u përsërit edhe kur Bardhi la shtëpinë e “Big Brother”.
Pasi përfundoi eksperiencën e tij në “Big Brother”, reperi nga Kumanova, Bardhi, një tjetër “reality” përjetoi jashtë shtëpisë së famshme. Këtë herë protagonist ishin pikërisht partnerja e tij, Sara si dhe menaxheri, Jetmiri.
Ishte pikërisht ky i fundit, që kundërshtoi edhe publikisht lidhjen me modelen, çfarë solli edhe përplasjet e forta. Përplasje që kanë marrë fund pikërisht me prishjen e kontratës mes tyre.
Por, duket se prishja e kontratës mund t’i kushtojë Bardhit jo vetëm disa aktivitete, por edhe një shumë parash. Kjo për faktin se ishte pikërisht ai që zgjodhi ta prishë këtë marrëveshje, duke marrë mbrapsht edhe “Instagram”-in e tij, që deri para pak ditësh menaxhohej nga Jetmiri.
Burime pranë djemve kanë bërë me dije se si Bardhi dhe Jetmiri kanë preferuar që këtë situatë ta zgjidhin mes njëri-tjetrit, duke mos përfshirë të tjerët.
Pas bisedimeve që patën të dy, Bardhi ka folur edhe publikisht për atë çfarë ndodhi me menaxherin e tij. Siç e pranoi dhe vetë, pas daljes nga shtëpia e “Big Brother”, Bardhi ka ndërprerë marrëdhënien e tij me menaxherin, Jetmir Agaj.
Kjo për shkak të përplasjeve që ky i fundit ka pasur me Sarën, dhe për mospëlqimin e lidhjes mes dy të rinjve brenda shtëpisë.
Nuk mund të gënjejmë që kur temperaturat arrijnë në këto vlera, gjithçka që mendojmë është pikërisht plazhi.
Deti është padyshim një zgjedhje jo vetëm për t’u shpëtuar temperaturave të larta, por edhe për t’u relaksuar.
E nëse ka nga ju që nuk i keni nisur pushimet akoma, më poshtë po ju sjellim vetëm disa nga personazhet e “showbizz”-it, që këtë verë kanë ngritur temperaturat me pozat e tyre nga bregdeti.
Emëruesi i përbashkët që kanë këtë javë janë padyshim mungesa e një partneri në këto ditë pushimesh të nxehta.
Por nëse pozat në çift kanë munguar, shkrepjet sensuale, jo.
Moderatorja i ka nisur pushimet qëkur përfundoi edicioni i “Big Brother”. Që në kohën që ishte pjesë e këtij formati, Roza shprehej se i kishte të domosdoshme disa ditë relaksi. Dhe duket se vera për të ka qenë e mbushur me pushime.
Pasi kaloi disa ditë në Turqi, ku ishte së bashku me mamanë e saj, Ritën, këtë herë prezantuesja ka vendosur të bëjë disa ditë pushimi në Itali.
Në rrjetet sociale, Roza ka zbuluar se ndodhet në Amalfi, duke zgjedhur disa poza sensuale për të publikuar.
Natyrisht që të gjithë ishim kuriozë të dinim se kush e shoqëron në këto ditë, por deri më tani vetë Roza ka preferuar që ta mbajë sekret shoqëruesin, apo edhe shoqëruesen.
Ky nuk ka qenë një vit i lehtë për Dean. Pasi iu nënshtrua një operacioni në kokë, ajo vendosi që të shkëputej për disa kohë nga rrjetet sociale dhe nga televizionet.
Pasi u rikthye, Dea u përpoq të ndërgjegjësonte njerëzit që të kujdeseshin për shëndetin, pas problemeve që ajo vetë kaloi.
Por tashmë këto ditë i përkasin të shkuarës dhe vetë Dea ka gjetur pak kohë që të pushojë. Ajo ka zgjedhur pikërisht Spanjën dhe ishullin Palma de Majorka për disa ditë të nxehta.
Në rrjetet sociale ajo nuk i ka ndalur pozat seksi, duke ekspozuar linjat.
Nëse po kërkoni të dini se kush e shoqëron në këto ditë spanjolle, vështirë se vetë finalistja e “Big Brother VIP 2” do zgjedhë që ta zbulojë.
Nuk mund ta fshehim dot habinë teksa shikojmë se vitet e fundit Rozana Radi është rikthyer në një formë perfekte. Më në fund, moderatorja e ka fituar betejën me kilet e tepërta dhe tashmë ajo është në formën e saj më të mirë.
Natyrisht që gjithë këtë performancë, artistja nuk kishte sesi të mos e ndante edhe me miqtë e saj virtualë në rrjetet sociale.
Në “Instagram”-in e saj nuk mungojnë fotot me bikini, duke na zbuluar krenarisht format e reja.
Por edhe këtë verë, Rozana ka zgjedhur që të mos e bëjë publike se me kë po i kalon këto ditë pushimesh.
Kujtojmë që prej shumë vitesh, ajo është në një lidhje me Shpëtimin, djaloshin që punon si oficer gjyqësor.
Por dyshja duket se këtë lidhje po e shijon sa më larg vëmendjes mediatike.
Këngëtarja maqedonase e ka nisur herët plazhin. Që pasi u ribashkua me bashkëshortin disa muaj më parë, çifti u nis drejt Dubait për disa ditë të nxehta.
E që prej atëherë, në rrjetet e saj sociale, Adelina vetëm publikon foto nga plazhi.
Ashtu si duket edhe nga shkrepjet, artistja ka preferuar që disa ditë të ketë edhe motrën e saj me vete. Të dyja vajzat kanë zgjedhur dhomën e hotelit për të bërë disa shkrepje seksi para pasqyrës.
Të dyja në topformë dhe të nxira, motrat me gjasa po e shijojnë këtë verë.
Nga ana tjetër, Adelina nuk ngurron të pozojë edhe me bashkëshortin e me djalin e saj, duke e përmbushur kështu tablonë e familjes së lumtur, që më në fund e gjeti gjuhën e ribashkimit.
E kemi thënë disa herë që moderatorja e “Portokalli” nuk është fanse e madhe e rrjeteve sociale.
Postimet e saj janë të rralla dhe pak zgjedh që të ekspozojë nga jeta private. Por kur vjen puna për disa ditë me shoqërinë në jug të vendit, edhe Xhemi nuk ka mundur që të i mos publikojë pamjet.
Ashtu siç duket edhe nga postimet e saj në rrjetet sociale, ajo gjendet në Jalë së bashku me disa nga aktorët e “Portokallisë”.
Të hipur mbi një skaf, kolegët duket se po i shijojnë këto ditë.
Vetë moderatorja ka preferuar që të mos publikojë foto të plotë me bikini, duke u përqendruar tek atmosfera që ishte krijuar mes miqve dhe jo tek pozat seksi.
Sezoni i verës ka nisur dhe VIP-at tanë janë duke shijuar ditët e tyre të relaksit. Por teksa korriku dhe gushti janë muajt e tyre të pushimeve, janë padyshim edhe muaj vendimtarë për karrierën e tyre. Ndonëse sezoni sapo ka përfunduar, tashmë janë në diskutim edhe ndryshimet për sezonin e ardhshëm.
Ndryshime të mëdha duket se do të ketë në shumë sektorë, ku personazhet do të ndryshojnë logo dhe formatin e programeve që kanë bërë deri më tani.
Kujtojmë se këtë vit “Big Brother VIP Kosova” realizon sezonin e tretë dhe një emër tjetër që lidhet me të është ai i Arbana Osmanit, që mesa duket as këtë vit nuk do të iki në Kosovë. Vetë Arbana pak ditë më parë konfirmoi se së bashku me partnerin e saj, Eduart Grishajn do të ishin pjesë e një programi. Moderatorja preferoi të mos jepte detaje as për emisionin që do të drejtojë dhe as se në cilin kanal do të shfaqet.
Flitet se moderatorja do të rikthehet në ekranin e “Top Channel”, për të bërë sërish formatin e dashur për publikun “Dua të të bëj të lumtur”. Megjithatë, një fakt i tillë ende nuk është konfirmuar.
Nga ana tjetër edhe “Përputhen”, flitet se do të bëhet këtë sesion me dy moderatore, ku veç Megit, një tjetër vajzë do t’i bashkohet. Ajo që bie në sy është fakti se disa emisione të anuluar për këtë sesion.
I pari është “Dancing With the Stars”, që për këtë vit nuk do të zhvillohet. Si një nga format më të dashur të publikut, formati i kërcimit është pezulluar për këtë vit, duke qenë se “Big Brother” nis edhe më herët se vitet e shkuara dhe nuk ka hapësirë mediatike për këtë format.
Një tjetër emision që nuk do ta shohim më në ekran është ai i binjakëve Veshaj. Romeo dhe Donaldi duket se e kanë mbyllur eksperiencën e tyre në televizion. Teksa Romeo është duke përfunduar xhirimet me Elvana Gjatën në serialin e tyre “Tenxherja Kapakun”.
Sakaq, një format që do të mungojë në sesionin e ardhshëm është edhe “Love Island”, që vitin e shkuar u realizua për herë të parë në vendin tonë. Nën drejtimin e Luana Vjollcës, ky format duket se nuk mori pëlqyeshmërinë e pritshme, duke bërë që të zhvendoset për në sezonin tjetër televiziv, ndoshta.
Ndërkaq, Luana do të rikthehet në ekranin e “TV Klan” me formatin e saj “Zemër Luana”. Ndërkaq, në ekran do të shohim edhe Marinën. Moderatorja drejtoi për një muaj me radhë formatin “Kampionët”, dedikuar Kampionatit Europian. Tashmë ajo është më se gati që të rikthehet në ekran, në një hapësirë të re mediatike.
Një emër që pritet të rikthehet si moderator, është edhe ai i Roza Latit. Pas eksperiencës së saj në “Big Brother”, duket se prezantuesja ia ka dalë që të bëjë për vete drejtuesit, sa për të pasur një hapësirë mediatike. Por nuk dihet ende se ku do ta shikojmë Rozën, pasi ende nuk janë mbyllur ndryshimet për nisjen e sezonit të ri.
Natyrisht që deri në nisjen e sesionit të ri në shtator, të shumta do të jenë ndryshimet që do të bëhen. Por ndërkohë që gjithçka bëhet gati, ky është fakti i disa prej emrave më të njohura të ekranit.
Julian Deda është mjaft aktiv në rrjetet e tij sociale që pas mbarimit të “Big Brother VIP3”. Ai ndan me ndjekësit e tij të shumtë momente të ndryshme nga përditshmëria, ku nuk mungojnë edhe postimet për të qeshur.
Por ditën e sotme, aktori i dashur për publikun ka bërë një dedikim shumë të veçantë për nënën e tij, e cila feston ditëlindjen.
Bashkëngjitur me foton ku shfaqet së bashku me nënën e tij, artisti i drejtohet duke i thënë “ti je buzëqeshja jonë, dashnia e familjes sonë“. E jo vetëm kaq, pasi Juli në këtë dedikim kujton edhe babain e tij të ndjerë, Zef Deda.
Juli shkruan “gjysma jote nga parajsa është i lumtur që ti je mirë, prandaj vetëm buzëqesh”.
“Gëzuar ditëlindjen Mam. Ti je buzëqeshja jonë, dashnia e familjes sonë. Jetofsh e shëndetshme, e të paçim sa më gjatë pranë nesh. Gjysma jote nga parajsa është i lumtur që ti je mirë, prandaj vetëm buzëqesh. Të dua shumë…!”, ka shkruar aktori i njohur në postimin në fjalë që menjëherë është pëlqyer nga ndjekësit. Këta të fundit nuk kanë ngurruar që të lënë urimet e tyre për nënë e Julit.
Pas përfundimit të “Big Brother VIP3”, publiku është shumë kuriozë të dijë se çfarë po ndodh me jetën e ish-banorëve të shtëpisë më të famshme në Shqipëri.
Disa prej tyre ua shuajnë kuriozitetin përmes intervistave të ndryshme apo edhe nëpërmjet postimeve në rrjetet e tyre sociale.
Ish-finalistja e këtij edicioni të tretë të BBV, Heidi Baci, ka postuar herë pas here foto e video të ndryshme në “Instagram”, ku ka zbuluar se ndodhet me pushime së bashku me partnerin e saj, Romeo Veshaj.
Por jo vetëm kaq, pasi Heidi ka treguar edhe çfarë raporti ka me Donald Veshajn dhe Bora Zemanin. Pak ditë më parë aktori i njohur postoi disa foto me kunatën.
Ndërkohë një ditë më parë, Baci ka ndarë me ndjekësit një foto në “Instastory” ku shfaqet së bashku me moderatoren e njohur.
Dy kunatat janë të përqafuara dhe të qeshura, ndërkohë krahas kësaj poze ajo ka shkruar: “ekemiditënpara”.
Kujtojmë se gjatë një interviste për emisionin “Wake Up”, Heidi u pyet në lidhje me raportin me Borën, pasi u përfol për një krisje mes tyre. Baci i siguroi fansat se mes tyre çdo gjë është “OK”.
Marrëdhënia e Meritonit me ish-partneren e tij doli në pah përsëri në kohën që moderatori nga Kosova ishte në “Big Brother”. Pasi deklaroi se djali i tij ishte me autizëm, ai u shpreh se ish-partnerja nuk e lejonte që ta shihte. Që në kohën që spektakli vazhdonte, të shumta ishin përpjekjet nga produksioni për ta sjellë vogëlushin në spektakël, por Egesta vazhdimisht kundërshtonte.
Meritoni nuk mundi ta fitonte “Big Brother”, ndonëse kauza e djalit të tij bëri shumë për vete. Por duket se jashtë, as raportet me ish-partneren nuk kanë ndryshuar. Ditët e fundit ish-partnerja e Meritonit, Egesta, ka udhëtuar për në Kosovë.
Nga postimet e saj në rrjetet sociale, kemi parë se ajo së bashku me Loarin tashmë ishin në Prishtinë, duke shijuar kështu disa ditë udhëtimesh. Por me sa duket, një takim mes djalit dhe ish-finalistit të “Big Brother” ende nuk ka ndodhur. Në ditët ku Egesta publikoi foto nga Prishtina, Meritoni ishte ende me pushime në Turqi së bashku me Ilnisën.
Edhe tanimë që ditët romantike të çiftit kanë munguar, duket se ai ende nuk ka mundur që të takohet me djalin e tij. Me t’u kthyer nga Turqia, Meritoni ka tentuar që të takohet me djalin e tij, por duket se ka hasur në kundërshtinë e ish-të dashurës së tij. Vogëlushi ka festuar pak ditë edhe ditëlindjen me një festë të madhe, ku Meritoni ka munguar. Në rrjetet sociale Egesta ka falënderuar vëllain e saj për organizimin e festës, duke publikuar edhe foto të festimeve.
Nga ana tjetër, edhe Meritoni ka uruar vogëlushin e tij, por duket se ai nuk ka qenë prezent në festë. Loari nuk ka pasur mundësinë as të vizitojë shtëpinë e gjyshërve, duke qenë se Egesta ka zgjedhur që ta mbajë larg njerëzve të Meritonit. Bëhet me dije se mes dy ish-partnerëve ka pasur një sërë debatesh në lidhje me takimet që Meritoni duhet të kishte me djalin. Ish-partnerja e Meriton Mjekiqit, Egesta ka reaguar në lidhje me deklaratat e Meritonit që dha gjatë spektaklit, se djali i tyre, Loari është me autizëm.
Përmes një postimi në llogarinë e saj në “Instagram”, ajo i ka falënderuar të gjithë për mbështetjen që i kanë dhënë, duke thënë se e vërteta gjithmonë triumfon. “Këto ditë kam pranuar mesazhe pa fund në lidhje me situatën e fundit. I kam lexuar të gjitha dhe jam përzemërsisht falënderuese dhe e lumtur për fjalët e mira dhe mbështetjen emocionale që më keni dhënë. Nuk është e lehtë kur jeta private zbulohet në një format me kaq shumë vëmendje, e sidomos kur bëhet fjalë për një fëmijë, por e vërteta gjithmonë triumfon”, ka shkruar Egesa.
Meritoni gjatë rrëfimit të tij në “Big Brother VIP Albania” tha se djali i tij është me autizëm dhe kjo ishte arsyeja se pse ai kishe vendosur të bëhej pjesë e formatit. Por ndarja e Meritonit nga partnerja e tij, Egesta nuk ka qenë e paqtë, pasi dyshja janë përplasur edhe publikisht, ku kanë hedhur edhe akuza ndaj njëri-tjetrit. Egesta shprehej disa vite më parë se Meritoni ishte vetëm “babai biologjik” i Loarit, pasi nuk e kishte takuar asnjëherë, madje nuk i kishte bërë as një dhuratë për ditëlindje. Deklarata e saj u bë në vitin 2021, pas një interviste të moderatorit në emisionin “NIN”, ku foli për jetën e tij personale, marrëdhënien me ish-partneren dhe djalin e tyre. Mjekiqi u pyet nga moderatori në lidhje me bisedën që ish-partnerja e tij kishte realizuar me rivalin e tij të hip hop-it, Varrosin, gjë për të cilën ai u shpreh se nuk i interesonte më.
“Nuk më intereson mua të kontaktoj me ish-partneren, unë i kam mbyllur muhabetet, e tha edhe vetë ajo. Ajo është ishpartnere, e respektoj si mamin e djalit tim, gjakut tim. Tentoj dhe gjithmonë kam tentuar të kem raporte të mira!”, u shpreh moderatori.
Ai ndër të tjera deklaroi se kontaktonte me djalin e tyre, por reagimet nga ish-partnerja ishin të forta, ndërsa tha se përpiqej në maksimum që të mos bënte gabime, që në të ardhmen djali i tyre mund ta kryqëzonte si baba. Në lidhje me marrëdhënien e tyre aktuale, ai tregoi: “Ka një kohë që s’e kam parë, normal që edhe mërzitem, edhe kush ka evlad e din këtë pjesë. Mundohem me kalu në mënyra të ndryshme virtuale për me afru, kur e kam larg, është një vjet e gjysmë, ka filluar t’i bëjë ato veprimet e Meritonit.
Mua më dhemb më së shumti për djalin kur të rritet edhe i merr vesh disa gjëra, edhe munden me lëndu, për shembull një veprim i tillë, një veprim i mamit të vet që e ka bërë gabim dhe për këtë arsye mundohem që të mos bëj ndonjë veprim të gabueshëm në lidhje me familjen, që mbas 10 viteve, kur të rritet Loari, të thotë: “Këqyr, babi paska bërë diçka gabim në lidhje me mamin tim ose me mua”.
Por në lidhje me këtë rrëfim, reagoi ish-partnerja e Meritonit për të rrëfyer version e saj të situatës. Ish-e dashura e Meritonit, Egesta, tregoi se në fakt e vërteta është që ai nuk interesohej aspak për djalin.
“Para së gjithave, desha të bëj një sqarim rreth çështjes lidhur me Meriton Mjekiqin, njëkohësisht babai i djalit tonë, të cilin mund ta quaj baba ‘biologjik’. E përdor këtë term, pasi që Meritoni asnjëherë nuk e ka takuar djalin e tij ‘live’. Ndërkaq që Loarin, djalin tonë, e përdor vetëm nëpër rrjetet sociale sa për t’i ngritur imazhin vetes së tij. Përderisa mua si nënë dhe familjen time na kërcënon tërë kohën. Turp! Unë dua të shoh djalin tim të lumtur e të ketë një jetë të qetë. Unë si nënë ndjej përgjegjësi ta mbroj fëmijën tim në të gjitha rrethanat dhe ta ruaj nga çdo e keqe, ta rris me nder dhe në rrugë të drejtë e jo të ndjekë hapat e babait të vet, jetë të degjeneruar e shfrenuar, i cili mendon vetëm famën dhe jetën e tij, nevojat e tij personale mbi atë të fëmijës-evladit. Ndaj kam vendosur të ndahem nga ai e ta rris fëmijën vetë, ashtu siç edhe e kam bërë gati tri vite”, ka shkruar ajo.
Në postimet në vazhdim, Egesta ka theksuar se djali i tyre nuk merr as pensionin ushqimor nga babai dhe asnjë mbështetje financiare, duke i bërë thirrje të mos ia përmendë më emrin nëpër intervista.
“Ndërkaq që Meritoni nëpër media e përmend që mundohet për të dhe i cek kushtet e mira materiale kinse i rrinë tri vetura të parkuara e deri më tani asnjë dhuratë nuk i ka dërguar djalit të tij për asnjë ditëlindje të paktën dhe vazhdon kështu me gënjeshtra t’i bindë të tjerët. Loari nuk e ka mbështetjen financiare as atërore nga Meritoni, të cilin kur e ka lënë familja, puna, shoqëria anash, i dola unë në ndihmë për vite me radhë e ai këtë femër mundohet ta përulë e ta poshtërojë publikisht në vendin ku ai kthehet tek ish-puna (Klan Kosova), ku ishte trajtuar më së keqi duke menduar se duke një femër e ngriti veten”, ka shkruar ajo.
E duket se konflikti mes tyre vijon ende dhe Egesta nuk ka ndërmend që ta lërë djalin pranë Meritonit, as këto ditë që është në Kosovë.
Shqiptari i Kosovës, Faton Hajrizi është ekzekutuar dje nga Policia e Serbisë në vendin e quajtur Banja Kovilaça, pasi tre ditë më parë vrau një polic serb dhe plagosi kolegun e tij.
Ivica Daçiç, ministër i Punëve të Brendshme i Serbisë është shprehur se shqiptari i Kosovës fshihej pranë lumit Drina për të gjetur një mënyrë që të kalonte nga territori serb, në atë të Bosnje-Hercegovinës.
Ndërkohë, në komunën (bashkinë) ku ai jetonte ishte planifikuar të zhvillohej një koncert festiv për të ashtuquajturën “Dita e Mërgatës”, në shenjë mikpritje për të gjithë mërgimtarët që gjatë verës kthehen pranë familjeve të tyre.
Dje, në këtë koncert ishte ftuar dhe këngëtari shqiptar Luiz Ejlli, por siç duket ngjarja e trishtë ka bërë që gjithë koncerti të anulohet, shkruan newsbomb.al. Lajmin e ka konfirmuar vetë kryetari i Komunës së Skënderaj, Fadil Nura.
“Për shkak të ngjarjes së sotme të vrasjes në Serbi të bashkëqytetarit tonë, Faton Hajrizi, dhe në shenjë të respektit ndaj familjes së tij të ngushtë, veçanarisht ndaj prindërve, mbrëmja e sontme muzikore në kuadër të muajit “Ditët e Mërgatës” anulohet plotësisht.
Pa gjykuar as edhe një fragment të jetës së tij, Fatoni ka qenë një qytetar i komunës sonë. Aktivitetet e parapara për bashkatdhetarë do të vazhdojnë nga dita e nesërme”, ka shkruar kryetari i Skënderaj, një vendim që është mirëpritur dhe nga banorët atje.
Kanë kaluar 11 vite nga kjo këngë kaq e ndjerë, personale dhe e pavdekshme e Noizy-t dedikuar vajzës së tij Leandrës.
Pas kësaj kënge ai ka vendosur që të bijën t’a mbajë larg syve të botës. Po ashtu ai ka zgjedhur mos të bëjë asnjë dalje publike me të në rrjete sociale dhe intervista.
Gjithsesi një përjashtim e ka bërë në një Podcast”.
Noizy shprehet: “ Nuk më është dhënë mundësia për shkak të rrethanave mes meje dhe mamasë së saj që të kemi një lidhje si një familje normale. Vajza është 17 vjeç, flasim ne telefon, vjen në shtëpinë time, rri me mamin dhe babin tim këtu. Mirëpo do doja që t’i thoja vetes stop me angazhimet e tepërta dhe të provoj të bëhem një baba shembullor.”