Category: Showbiz

Një zgjedhjeje e Gjestit, ka sjellë tensione të papritura mes banorëve në “Big Brother”. Gjatë një loje, Gjesti u ftua të zgjidhte një partner për të ndarë krevatin dhe vendimi i tij për të zgjedhur Rezartën, shkaktoi një reagim të ashpër nga Egli, e cila nuk mundi ta fshehë xhelozinë e saj.

Egli, e cila më parë ka shprehur hapur pëlqimin për Gjestin, u duk qartë e zhgënjyer nga zgjedhja e tij.

Ajo iu drejtua me ironi duke thënë: “Produksioni të tha të zgjidhje”.

Mëngjesin e sotëm, Egli u pa në gjendje jo të mirë emocionale.

View this post on Instagram

A post shared by Big Brother Alb VIP Edition (@bigbrotheralb_vip)

“E kam bërë, s’e kam bërë” është një nga lojërat më të famshme të programit “Mirëmbrëma yje” nga Arbana Osmani. Mbrëmja e episodit final të këtij sezoni vendosi para vështirësisë Anxhela Peristerin, Klajdi Harunin, Mihallaq Andrean dhe Viola Spiron.

Në pyetjen se kush prej tyre ka blerë klikime, vetëm Anxhela e mbajti tabelën e saj nga faqja e gjelbër duke thirrur: “Mashtrues! Duket kush thotë të vërtetën! Të gjithë e kanë bërë! Të gjithë!”

Klajdi garantoi se “Three Dots” nuk kanë asnjë klikim të blerë dhe tha se në kanal gjenden këngë me qindra mijëra shikime e deri te ato me miliona. Anxhela shpjegoi se tashmë kjo është një praktikë e zakonshme nga artistët dhe vjen në formën e reklamave të këngëve të tyre në video të ndryshme.

“Tani e bëjnë të gjithë artistët, sepse këto klikimet nuk po quhen më si të blera, nuk janë si dikur që blinin edhe vinin kështu si kompjuterike, tani quhen ‘ads’ dhe janë më tepër si një lloj reklame. Ti realisht paguan video të cilat iu shfaqen njerëzve të ndryshëm me këngën tënde. Nuk është se paguan lekë që janë njerëz të ndryshëm dhe i blen, janë video të cilat ti mund t’i paguash në Kosovë dhe në Shqipëri që janë më të shtrenjta dhe mund t’i paguash edhe më të lira që shfaqet në Afganistan”, u shpreh Anxhela.

“Kënga ime më e klikuar është “Habibi” me Capital T dhe Mandin së cilës nuk i kemi blerë klikime se është bërë hit në të gjithë Ballkanin. Ka 70 e ca milionë klikime”,– përfundoi ajo.

Egli dhe Gjesti kanë diskutuar gjatë pasi në shtëpi erdhi valixhia e tundimeve. Banorja e pyeti atë se si shkoi mbrëmë dhe iu hodh vajzave teksa ishin të ulura në living.

Livia, Rizarta, Ola dhe Valbona ishin të ulura te divani blu kur Gjesti iu hodh atyre.

“Për qejf”, iu përgjigj ai duke qeshur. I pyetur se si do dukej nëse Egli do u hidhte ashtu katër djemve, Gjesti i tha: “Hidhu, vetën tënde tregon, unë jam djalë”.

Këngëtari shtoi se po bën shaka, por e bëri atë veprim pa asnjë qëllim.

Do ta quanim padyshim si një ndër femrat më sharmante të ekranit, ku edhe ia ka dalë të qëndrojë një imazh i dashur për më shumë se një dekadë. Marina Vjollca ka provuar të bëjë shumë gjëra në ekran, sport, spektakël, histori njerëzore, humor, dhe kudo ka shkëlqyer.

Por pas shumë ndryshimesh që ka pasur në karrierën e saj, moderatorja e sheh sërish veten jashtë nga ekrani. Sezonin e shkuar, ajo u rikthye, duke moderuar në krah të Elvis Naçit, por duket se edhe kjo eksperiencë nuk zgjati shumë për të, pasi u zëvendësua nga Bora Zemani.

Duket se për Marinën, me fillimin e vitit, kanë nisur edhe angazhime tërësisht të tjera, duke u përqendruar në biznes.

Moderatorja është fokusuar këto muaj vetëm në biznesin e saj si dhe në familje, por edhe një projekt të ri që është duke sjellë me të motrën e saj, Luanën. Vetëm pak kohë më parë, e ftuar tek Alketa, Marina paralajmëroi mundësinë e largimit, por duke u shprehur se do të ketë një rikthim, pse jo në krah të motrës së saj, Luanës.

Po ashtu, moderatorja pranoi se ka një kimi shumë të mirë me Luanën kur janë në ekran, ç’ka shton dyshimet se dy motrat në të ardhmen, mund të vijnë me një program.

“Gjithmonë, për të dyja rastet, si për mirë, si për keq jemi ‘Luana ke kohë të flasim?’ Luana më bën një vërejtje që më thotë ‘Marina kur është në punë nuk ta hap telefonin, kur ta hap thotë ke diçka urgjente apo të vazhdoj punë’, nëse është urgjente dal dhe flas, nëse është thjesht për bisedë me njëra-tjetrën, e konsumojmë më vonë, por jemi telefonata e parë e njëra-tjetrës për të gjitha rastet”.

“Do të bëni ndonjëherë një program të dyja, e mendoni?” e pyeti Alketa. “Po, por kjo kimia që kemi me njëra-tjetrën, kuptohemi me sy dhe prandaj ecin gjithnjë shumë mirë kur ne jemi të dyja në ekran apo në daljet tona sepse e kemi me shikim, momenti yt, momenti im.”

Marina, në fund u shpreh se po punon për diçka që do ta sjellë shumë shpejt, por motra e madhe s’e ka ende lejen për ta zbuluar. Mesa duket tashmë Luana dhe Marina do të bashkojnë forcat, për të sjellë një format të ri në ekranet shqiptare, si një risi që të dyja aktualisht janë duke përgatitur. Kujtojmë që prej gati 2 vitesh, edhe Luana është larguar nga ekrani.

Qëkur përfundoi sezonin e parë të “Love Island”, prezantuesja nuk është parë në ekran, duke preferuar që të jetë disi më e distancuar. Por kohët e fundit, në Instagramin e saj janë vënë re se kanë nisur përgatitjet për një tjetër format që ajo do të sjellë. Mesa duket surpriza e madhe qenka bashkëpunimi që dy motrat do të sjellin për publikun.

Ai i mungon prej kohësh muzikës shqiptare e skenës, por emri i tij mjafton për të trazuar ujërat në çdo lajm, me shpresën se në njërin prej tyre konfirmohet rikthimi i tij. Po flasim për Flor Mumajesin, të cilin e kërkojnë ngado dhe çdo person afër tij nuk i shpëton pyetjes: “Ku është?” Këtë herë, ‘gracka’ ishte për Klajdi Harunin.

I ftuar në “Mirëmbrëma yje”, ai zbuloi se është në një pushim artistik, por këngët e bukura po vijnë.

“Nga bëhet Flori pyesin të gjithë, o Klajdi? Të pyesin ty, më pyesin edhe mua, unë për vete e di që është duke punuar dhe duke bërë gjëra të bukura, por ti na thuaj ndonjë informacion pak më tepër se ti e takon pak më shpesh. Kur do të dalë kënga, kur do të dalë albumi se këto nuk m’i thotë mua”- pyeti Arbana.

“Flori është në një pushim artistik momentalisht, po punon. Është në studio domethënë”,-u shpreh Klajdi, duke vijuar më tej se disa këngë të reja tanimë i ka bërë.

Kujtojmë se prej gati 2 vitesh, artisti i mungon skenës, ku shpesh është aluduar se ai po kalon një moment të vështirë në jetën e tij, ndaj edhe është tërhequr nga muzika. Miqtë dhe bashkëpunëtorët janë treguar të rezervuar për të dhënë detaje nga kjo mungesë, apo nga problemet që kantautori është duke kaluar. Shumë njerëz kërkojnë nga ai një rikthim, një album apo edhe koncert.

Miqësi të humbura, disa vite i tërhequr nga tregu muzikor dhe prej muajsh asnjë shenjë nga rrjetet sociale. Megjithatë, është vënë re një lëvizje e fundit që artisti ka bërë në “Instagramin” e tij pak muaj më parë. Ai ka ndryshuar foton e profilit me një mesazh për fansat e tij. Fotoja e re përbën një sfond të bardhë, me një pjesë të kuqe ku në qendër shkruhet “Pak Flor”. Nuk dihet nëse ky është titulli i albumit më të ri, apo paralajmërim për diçka më të madhe.

Njerëzit e afërt të Florit, bëjnë me dije se Flori prej kohësh ka menduar për një koncert të tijin dhe ndoshta sezoni i ri do ta rikthejë atë për herë të parë në një recital. Pak muaj më parë këngëtarja e njohur Fifi ka deklaruar se prej një viti nuk ka asnjë komunikim me Flori Mumajesin. Më pas, ajo tregoi sesi po shkon miqësia e tyre, ndërsa është shprehur se e ka lënë të qetë, ndërsa shprehet se pret që ai t’i shkruajë vetë.

“Unë e kam ekzagjeruar pak se nuk kam 1 vit që nuk kam folur me të, por kam nga 6-7 muaj, e kam lënë të qetë, po pres të më shkruajë vetë se e di që do të më shkruajë vetë kur të jetë momenti”, tha Fifi. Artisja më parë tha se prej një viti nuk ka asnjë komunikim me Flori Mumajesin, të cilin e konsideron si mentor të saj, si edhe një person që e ka ndihmuar shumë në karrierën muzikore. Ajo u shpreh se i ka dërguar mesazh kantautorit, por ky i fundit nuk i ka kthyer përgjigje.

“Nga ana artistike ishte një mentor shumë i mirë, nuk mund ta lë mënjanë pa e përmendur atë njeri. Më vjen shumë keq që nuk po nxjerr më këngë, sepse po i mungon shumë industrisë muzikës. Nëse ai njeri kthehet përsëri në skenë, ne të tjerët duhet të biem në gjunjë dhe të qajmë, sepse ka këngë fantastike. Kam 1 vit që nuk kam folur me të dhe nuk e di pse nuk kam folur me të. Kam një vit që i kam shkruar dhe nuk më ka kthyer përgjigje, dikush do i ketë thënë diçka për ndonjë gjë, i ka ngelur hatri sepse kështu ndodh”, tha Fifi. Që prej asaj kohë Flori nuk është parë më dhe nëpër intervista për të treguar se çfarë është duke bërë me jetën e tij. Për artistin, në një intervistë të zhvilluar përgjatë verës këngëtarja e njohur Eneda Tarifa ka përmendur emrin e këngëtarit.

E pyetur se me cilin prej këngëtarëve ajo do të dëshironte të bënte një duet, Eneda është shprehur: “Diçka konkrete nuk ka, por me shumë kënaqësi do të kisha bërë një duet me Flori Mumajesin. ”Pas kësaj përgjigjeje moderatorja Eni Shehu e pyet: “Nga bëhet Flori?, këngëtarja tha: “Mirë është”. Kujtojmë që daljen e tij tëe fundit në skenë Flori e bëri kur performoi në sheshin ‘Skënderbej’ bashkë me Brunon dhe Klajdi Harunin, për të festuar dy ngjarje, 100-vjetorin e marrëdhënieve Shqipëri-SHBA dhe hapjen e negociatave me BE-në në korrik të 2022. Flori dukej në super formë dhe i super karikuar. Ai ishte në gjendje të mirë dhe dhuroi shumë atmosferë me performancën e tij

Si lider i kësaj jave, Vëllai i Madh ka vendosur që të sfidojë Gjestin me valixhen e tundimeve.

Nëpërmjet një zarfi të bardhë, Gjesti ka zbuluar rolin e tij në këtë sfidë. Ai do vendoste të merrte ose jo këtë valixhe, e cila ka shpërblime dhe dënime që mund të jenë për të ose për të gjithë banorët. Valixhja ka shtatë zarfe që Gjesti duhet t’i hapë, e nëse nuk i hap brenda afatit të caktuar bëhen të pavlefshme.

Banori hapi zarfin e parë në të cilin shkruhej: “Gjesti, për dy javët e ardhshme nuk mund të flesh më me Eglin. Duhet të zgjedhësh një banor tjetër me të cilin do ndash shtratin gjatë kësaj periudhe. Banori i zgjedhur nga ti nuk mund të thotë “Jo”. Zgjedhja duhet të bëhet tani. Pasi lexoi zarfin, Gjesti zgjodhi Rizartën”

E ftuar në puntatën e mbrëmjes së sotme, në emisionin “Glamour Zone”, ishte këngëtarja Joana Smakaj, e cila ndër të tjera tregoi ditën më të tmerrshme për të.

Pjesë nga intervista:

Ester Bylyku: Cili ka qenë moment më I vështirë në jetën tënde, që ti akoma kur e kujton rrënqethesh

Joana Smakaj: Kur kam pasur djalin e vogël dhe ikëm për pushime. Djali ishte 3 vjeç dhe unë isha me bashkëshortin duke pirë një kafe duke pirë një kafe në Mal të Zi. Djali zhduket në sekonda dhe gjëja e parë që mendova ishte ka rënë në det. Aty jam tmerruar dhe më ka kapur një panik. Bashkëshorti im që vetëm ecte me vrap, nuk e shikonim askund. Nuk kishte ku të shkonte aq shpejt sepse vetëm deti ishte më afër, nuk kishte ku të humbte. Ajo thashë mori fund.

Ester Bylyku: Sa zgjati kjo pjesa e panikut?

Joana Smakaj: Zgjati afër 5 minuta derisa bashkëshortit tim ju dha që u fut tek një rrugicë e vogël dhe djali kishte shkuar mbrapa një qeni të vogël. Po most a kishte gjetur në ate moment djali pale ku do të kishte humbur.

Duket se çdo vështirësi ka kaluar dhe tashmë artistja e njohur Parashqevi Simaku po i rikthehet fuqishëm jetës artistike. Së fundmi, Elton Ilirjani ka publikuar pamje nga disa xhirime të reja, ku Simaku duket se po përgatitet të risjellë disa nga hitet më të njohura, të realizuara në skenografi të ndryshme dhe me një stil të rifreskuar.

Në një video story të publikuar së fundmi, ajo shfaqet duke kënduar krah artistes Mira Konçi, e shoqëruar me një kitarë, duke krijuar një atmosferë nostalgjike për fansat e saj. Një tjetër surprizë emocionuese nga këto publikime është prezenca e mbesës së Parashqevisë, e cila duket se ka trashëguar talentin muzikor të hallës.

Edhe pse nuk është e qartë se për cfarë projekti bëhet fjalë, një gjë është e sigurt, rikthimi i Parashqevi Simakut shënon një kapitull të ri për artisten, e cila ka lënë pas sfidat personale dhe po rikthehet në qendër të vëmendjes, larg trazirave të fundit dhe periudhës së vështirë që përjetoi kohë më parë.

Këngëtari i njohur dhe shumë i dashur për publikun, Flori Mumajesi, prej kohësh i ka munguar muzikës shqiptare dhe skenës, por emri i tij mjafton për të trazuar ujërat në çdo lajm, me shpresën se në njërin prej tyre konfirmohet rikthimi i tij.

Ku është Flori?

Këtë herë, ‘gracka’ ishte për Klajdi Harunin. Gjatë një tavoline korçare në Bogë me Anxhela Peristerin, Mihallaq Andrean e Viola Spiron, të ftuar në “Mirëmbrëma yje” nga Arbana Osmani, që gjithashtu është mikeshë e Florit, ai zbuloi se është në një pushim artistik, por këngët e bukura po vijnë.

Pjesë nga biseda:

Arbana Osmani: Nga bëhet Flori pyesin të gjithë o Klajdi? Të pyesin ty, më pyesin edhe mua, unë për vete e di që është duke punuar dhe duke bërë gjëra të bukura, por ti na thuaj ndonjë informacion pak më tepër se ti e takon pak më shpesh. Kur do të dalë kënga, kur do të dalë albumi se këto s’m’i thotë mua.

Klajdi Haruni: “Flori është në një pushim artistik momentalisht, po punon. Është në studio domethënë”.

Arbana Osmani: Po bën këngë të bukura.

Klajdi Haruni: “Disa i ka krijuar që tani”.