Ditën e sotme, Egli duke diskutuar me Livian ka shprehur dëshirën që ka. Ajo do që Gjesti ti flasë, por duket se kjo nuk është në planet e tij.
Egli pasi pa që nuk ka asnjë reagim vendosi të shkojë e ti flasë, ajo i kërkon shpjegim për sjelljen, teksa ai nuk i reagon aspak. Në një formë dukshëm po e injoron.
Madje Gjesti i ka pohuar edhe Rozanës që për momentin nuk do të flasë me Eglin.
Gerta Gixhari, një nga banoret më të komentuar të “Big Brother VIP Albania”, ka hyrë në garë që nga nata e parë dhe vazhdon të jetë në qendër të vëmendjes për dinamizmin e saj në shtëpi. Ajo vazhdon të tërheqë vëmendje edhe në rrjetet sociale, ku fansat e saj janë gjithmonë të angazhuar.
Gerta ka një marrëdhënie të gjatë me bashkëshortin e saj, të cilin e ka njohur 24 vite më parë, dhe së bashku ata kanë dy djem. Megjithatë, ajo ka qenë e kujdesshme në ndarjen e momenteve familjare në llogarinë e saj, duke respektuar privatësinë e familjes.
Së fundmi, fansat kanë pasur mundësinë të shohin një foto të çiftit, ku ata shfaqen së bashku në ashensor, një moment i rrallë që ka tërhequr vëmendjen e të gjithëve.
Tensionet mes Gjestit dhe Eglit në shtëpinë e Big Brother VIP Albania vazhdojnë të thellohen, pavarësisht përpjekjeve të saj për të rikthyer komunikimin.
Pas një letre romantike të dedikuar për Shën Valentin, Gjesti ka vazhduar të qëndrojë i ftohtë dhe i heshtur, duke refuzuar çdo lloj bashkëbisedimi me të.
Pavarësisht përpjekjeve të Egli për të thyer akullin, përfshirë një tentativë më të drejtpërdrejtë, Gjesti ka mbetur i pandryshuar dhe nuk ka treguar asnjë shenjë lëshimi.
Ky veprim ka nxitur më shumë kuriozitet, duke lënë pyetje të hapura nëse dyshja do të mund të sqarojë ndonjëherë raportin e tyre brenda shtëpisë.
Në prag të Shën Valentinit, banorët i kanë dedikuar nga një letër personit të zemrës.
Rozana Radi i ka shkruar letër bashkëshortit të saj duke e treguar dashurinë dhe mungesën që ndjen brenda në shtëpinë e vëllait të madh, shkruan “Kosovarja”.
Më poshtë e keni të plotë letrën e Rozanës:
“Përsëri unë, vajza e ‘sms’ të gjata që ti priton shpesh herë t’i lexosh, sa herë i kemi thënë njëri-tjetrit mjaftë ka mbaruar, 10, 100, 1000.
Jam përsëri unë, vajza e 1001 netëve të tua dhe ti çmenduria më e bukur e jetës time, sa gabime kë bërë, nuk e di, mbase nuk numërohen por të paktën ti ke dashur të gjitha gabime e mija.
Ti me ke zgjedhur mua më shumë seç unë do e zgjidhja vetën time, nuk ka një vend, qytet, film që ti nuk je aty, e di sa herë kam kap vetën mat, të lë të lirë, sepse unë kam një borxh te madh, durimin që t’i ke përball meje.
Jam unë ajo vajza që di gjithçka për ty, ngjyrën tendë të preferuar, pijen vendet, muzikën, vetëm diçka nuk dija për ty, a me kë falur që nuk te takova kur hyra në këtë shtëpi?
Unë dhe ti që prisnim për tu bërë tre, ti e di sa të vështirë e kam për çdo përpjeke time dhe te shikoj në sy kur me thua që dua vetëm ti të jesh mirë, ti me thoje që me ke zgjedhur mua në fund të fundit, që çdo gjë do ta bëjë për mua, nuk e di nëse jashtë me pret, sepse nuk edi gjë çfarë ndodh për jashtë, dhe pas 13 viteve kam frike për ne të dy, mos me fajëso për asgjë.
Në prag të Shën Valentinit, banorët e Big Brother VIP Albania kanë shkruar letra për personat e zemrës së tyre. Egli Tako i dedikoi një letër të veçantë Gjestit, duke shprehur ndjenjat e saj dhe vështirësitë që ka kaluar gjatë kohës që kanë qenë së bashku brenda shtëpisë.
Pasi ajo e lexoi letrën, Gjestit i është kërkuar të lexojë të tijën por ai ka refuzuar ta bëjë këtë, shkruan Insajderi.
Pjesë nga letra e Eglit:
“Po e nis duke të të thënë se përball ke një vajzë e cila të ka dashuruar dhe po ka dashuruar fort, por e kaluara tani ka një të tashme dhe unë jam mjaftueshme e pjekur për të mos shkruar për të sot.
Dua të nis këtë letër duke dashur të di që ti je mirë, është mbase hera e parë që e kam të vështirë të hedh në letër disa vargje të ndjera sepse jam duke udhëtuar në një ‘roller coaster’ brenda vetes time.
Nuk di të them me siguri se çfarë e bën një dashuri më të madhe se një tjetër apo nëse zemra ka një njësi matëse por di të them se vështirësia që ndjej për të jetuar së fundmi është më e ngrohtë se çdo emocion tjetër aktualisht. Mbase kjo letër erdhi në momentin sa më delikat edhe më të duhur në nevojën e një bisede të munguar.
Unë erdha këtu ku jam sot, përballë teje si një vajzë stoike në rrugën e zemrës. Por harrova se kisha nisur një luftë me veten.
Ti më ndryshove rrjedhën dhe unë gjithnjë do të jem mirënjohëse që në një vend të humbur me helm e pickime më zgjodhe mua për të qeshur, qarë, besuar dhe përqafuar njëri tjetrin me sinqeritetin e një fëmije”.
Nëse me pastërti të pranosh një emocion që nuk dëmton, je gabimi im i bukur, një njeri që e do shumë vetën, di të dojë edhe të tjerët, ende ka puls, pulsi rreh më shpejt dhe më fortë në ditët dhe momentet më të vështira..
Brenda atij djalit që ngacmon dhe qesh ndodhet një burrë të cilin unë kam arritur ta shoh dhe ta prekë. Më trego se nuk kam qenë gabim dhe që nuk je thjeshte një NUB. Të përqafon Xhuliana
E mërzitur nga situata me Gjestin, Egli i ka shprehur Krisës se:
Më ka thënë shpesh që pse i mendon kaq shumë gjërat dhe i kam thënë kështu jemi rritur. Jemi rritur në shoqëri maskiliste. Më ka thënë që edhe ne djemtë ofendohemi dhe i kam thënë sido që të jetë prapë në fund ju jeni legjenda, për vajzën nuk është e njëjta gjë. Gjëja e fundit që doja të komentohesha këtu brenda ishte një marrëdhënie dhe e shkela sepse kështu erdhi. Nuk ndihem keq por pse të ishte i tillë rasti, u investova pa u menduar dy herë. E kisha thënë nëse vjen e ndjerë jam e hapur për çdo gjë që më thotë zemra. Në asnjë moment nuk pendohem. Është e vështirë këtu brenda sepse janë pak njerëz dhe është ai personi që ti je mësuar të rrish, të bën të qeshësh, të flesh, të hash, të pish, të bësh muhabet. Investohesh dhe në fund nuk ta di njeri.
Ditën e djeshme, banorët e “BBVA” i kanë dedikuar nga një letër personit të zemrës. Livia Brunga i ka kushtuar letër ish-partnerit të saj, Mevlan Shabës.
“Të du, se edhe në mënyrën më të padrejtë të mundur unë të kam zgjedhur ty dhe vazhdoj ty. Ty që me kokëfortësinë, xhelozinë tënde më ke mbrojtur. Ty që ke ngjyrat dhe luhatjet më të bukura që njoh.
Ty që më ke lënduar, ty që të kam lënduar edhe pse shpesh herë jemi munduar që t’i themi fjalën e fundit njëri-tjetrit. Nuk ka pasur një natë që kam fjetur pa ty dhe një ditë që jam zgjuar pa ty dhe kam buzëqeshur me vete vetëm duke të pasur në mendje.
Të dua sepse nuk është e lehtë kur flitet për ne, asgjë kurrë nuk ka qenë e lehtë. A keni parë ndonjëherë dy vetë që duhen aq shumë saqë nuk dinë me u dasht.
Dua që të dish se çdo ditë me ty për mua ka qenë si dita e parë. Kurrë nuk u ngopa me erën e lëkurës tënde. Kurrë nuk u ngopa me duart e tua që më shtrëngonin”
Egli dhe Krisa po diskutonin për videon e Gjestit dhe Xhenetës, të puthjes që ata dhanë kur ishin brenda shtëpisë së “BBV” në Kosovë.
Egli: Ai momenti i puthjes së tyre në ekran të ngelet si imazh.
Krisa: Mua më vrau kënga, ishte kënga e Ed Sheeran ne sfond.
Egli: Me vërtet e ke ti?
Krisa: Unë e dëgjova dhe mendova se e dëgjove edhe ti.
Egli: Me të njëjtën këngë ka bërë me mua një skenë aktrimi dhe nga ana tjetër ti ke bërë një puthje të ndjerë me dikë tjetër.
Krisa: U justifikua duke thënë është këngë dasmash. Ledioni nuk bën asnjë pyetje kot.
Egli: Kur Ledioni ia bëri pyetjen mendova se e pyeti ngaqë ai e kërkon gjithë kohës dhe bën demonstrime kur ajo këngë fillon. Tani që po më thua po e bëj lidhjen.
Krisa: Ai ka luajtur më të gjithë shtëpinë por me ty nuk duhet ta bënte sepse e pa që ti e kishe pikë të dobët.
Një ish-mik i Gjestit ka hedhur akuza të mëdha në drejtim të banorit të Big Brother VIP Albania.
Në një rrëfim për Prive, në pjesën e promos që u publikua, ai thotë tejet fjalë të rënda për të. Në pjesën e shkurtër të ndarë dëgjohet të ketë thënë se është pa karakter dhe sadist.
Gjithashtu ish-shoku thekson se ai akoma është me Diellzën, vajzën që e përmend edhe në Big Brother.
“Pa karakter, është sadist. Gjesti po gënjen, se akoma është me Diellzën”, ka thënë ai.
Ndonëse nuk dihet më shumë rreth kësaj, pritet të mësohen detajet e tjera në vazhdim. Sidoqoftë, këto akuza kanë qenë tejet të rënda dhe mbase do të kenë një bazë.
Gjesti ka komentuar sërish lidhur me intervistën e Xheneta Fetahut në “BBVA Fan Club”, ku ajo kishte deklaruar se mendonte se ai do ta priste jashtë dhe do të flisnin me njëri-tjetrin për të zgjidhur situatën.
Banori i shtëpisë më të famshme në Shqipëri ka theksuar se çdo gjë ka përfunduar mes tyre dhe ia ka thënë, duke shtuar se ka përjetuar shumë vështirësi gjatë kohës në shtëpi kur ishin bashkë.
Në bisedë me Rozanën, Gjesti ka shprehur dyshime mbi qëndrimet e Xhenetës, duke thënë:
“Ajo e ka prit me fjalë, por nuk ka pasur ndjenja për mua. Asnjëherë nuk më ka dashur dhe tani si ka fytyrë të thotë që mendonte se do ta prisja jashtë”.
Gjesti shtoi se pas daljes nga shtëpia e ka deklaruar qartë që nuk do të ketë asgjë me të.
Banori e ka kritikuar ashpër Xhenetën, duke e akuzuar për përpjekje për të fituar famë duke u lidhur me të, duke përdorur emocionet për të krijuar një imazh publik.
Ai gjithashtu e ka quajtur këtë një lojë dhe ka theksuar se nuk e kupton si mund të dalë dhe të flasë pas gjithë asaj që ka ndodhur mes tyre.