Category: Sport

Ernest Merdanaj dhe Ibrahim Hidri i dhuruan të tjera medalje ari Shqipërisë në taekwondo.

Në Kampionatin Ballkanik të mbajtur në Rumani, me pjesëmarrjen e rreth 460 sportistëve, Ernest Merdanaj shkëlqeu në të 3 ndeshjet e tij në peshën deri 58 kilogramë.

Fillimisht përballë kundërshtarit nga Serbia, më pas ndaj sportistit nga Turqia dhe në finale mundi sportistin nga Kosova, duke u kurorëzuar me titullin Kampion i Ballkanit.

Në bazë të pikëve të grumbulluara dhe ndeshjeve me nivel të lartë, Ernest Merdanaj u shpall sportisti më i mirë i aktivitetit.

Në rang moshash, Shqipëria fitoi gjithashtu medalje ari në Ballkanik edhe me Ibrahim Hidrin, i cili dominoi në kategorinë junior për peshat -78 kg.

Bilanci total i Shqipërisë në Kampionatin Ballkanik të Taekwondosë ishte me 10 medalje të fituara: 2 të arta, 2 të argjendta dhe 6 të bronzta.

Sulmuesi i Kombëtares kuqezi, Jasir Asani ka dhënë një lajm të keq për tifozët e tij.

Përmes një postimi në rrjetet sociale, ai shkruan se është dëmtuar dhe se do të humbasë ndeshjen e fundit me Guangju në kampionatin e Koresë së Jugut.

“Për shkak të një dëmtimi, unë nuk mund të jem pjesë e ekipit për ndeshjen e fundit të këtij sezoni. Mbaron për mua ky sezon i gjatë, ku isha i aftë të jepja më të mirën time për të ndihmuar skuadrën. Dua të falenderoj shokët e skuadrës, trajnerin, menaxherët dhe të gjithë tifozët për suportin e tyre”, shkruan Jasir Asani.77Sfida e tij e fundit ishte ajo për raundin e pestë në Champions-in aziatik. Asani u aktivizua si zëvendësues më 27 nëntor dhe shënoi golin e vetëm të takimit, ndërsa shkoi në kuotën e shtatë golave duke kryesuar renditjen e golashënuesve.

Asani rifitoi besimin e Guangju pas Europianit me Shqipërinë, teksa tashmë mbyll kampionatin e këtij viti në Korenë e Jugut.

Ka ndërruar jetë në moshë të re mbrojtësi i skuadrës së futbollit amerikan Alabama A&M, Medrick Burnett Jr, i cili kishte një muaj që ndodhej në gjendje kome, pasi u dëmtua gjatë një ndehsjeje.

20-vjeçari u ra pa ndjenja në fushë në 26 tetor gjatë përplases me një sportist të Bulldogs, që ekipi i tij e fitoi 27-19.

Në fillim të javës, skuadra njoftoi gabimisht vdekjen e tij, megjithëse ai ishte ende në jetë, duke u mbajtur me makineri në spitalin UAB.
Motra e tij, Dominece James, tha se ai kishte festuar ditëlindjen e 20-të në kujdes intensiv, pasi kishte pësuar gjakderdhje në kokë dhe enjtje të trurit, dhe ishte nën procedura të rënda për të shpëtuar jetën.

Familja kërkoi mbështetje financiare për t’u përballur me këtë tragjedi, pasi nëna e tij ka qenë e pamundur të punojë që nga momenti i aksidentit.

Sulmuesi i Kombëtares kuqezi, Jasir Asani ka gjetur një tjetër gol në Championsin e Azisë.

Ai nuk e nisi sfidën si titullar dhe u aktivizua në minutën e 57-të të sfidës. Asanit i mjaftoi vetëm 1 minutë lojë për të zhbllokuar shifrat dhe kaluar në avantazh Guangjunë. (VIDEO)

Aktualisht ekipi i tij udhëheq sfidën me shifra 1-0 kundër Shangait.

Shqipëria ka mbyllur konkurrimin e saj në Kampionatin Ballkanik 2024 të boksit, kompeticion i zhvilluar në Loznica të Serbisë.

Përfaqësuesja kuqezi në këtë aktivitet formohej nga nëntë boksierë, të cilët konkurruan në kategoritë për të rritur (2), për të rinj (2) dhe për junior (5).

Alban Beqiri shënoi një tjetër rezultat të madh, duke u shpallur për herë të dytë në karrierë kampion i Ballkanit, duke triumfuar në kategorinë e peshave 71 kg.

Beqiri, i cili mban edhe rezultatin më të lartë ndërkombëtar në historinë e boksit shqiptar, si i vetmi medalist në një botëror për të rritur, tregoi një formë të shkëlqyer duke fituar tri duele në Ballkanik, për t’u shpallur kampion.

30-vjeçari kuqezi kaloi me sukses ndeshjen e parë, duke mposhtur kundërshtarin serb Igor Rogiç, më pas vijoi me fitore dhe mbyllje te parakohshme kundër boksierit shqiptar të Maqedonisë së Veriut, Anis Aliut.

Më tej në finale gjeti ukrainasin Matiakubov, nën-kampion bote dhe kampion Europe.

Beqiri i mbylli llogaritë që në raundin e dytë, duke merituar medaljen e artë, për të ngjitur flamurin e Shqipërisë në Serbi në shkallën më të lartë të podiumit.

Alban Beqiri u shfaq shumë i lumtur me rezultatin dhe paraqitjen e tij në Ballkanik, duke e komentuar kështu suksesin e arritur: “Jam shumë i lumtur që për herë të dytë në kampionatin Ballkanik të boksit për të rritur arrita rezultatin më të lartë pas atij të vitit 2021, duke i risjellë Shqipërisë një medalje ari për vitin 2024 dhe në prag të festave të 28-29 nëntorit.

Jam shumë krenar që e ngre flamurin tonë kombëtar në Loznica të Serbisë, sërish në një periudhë kaq të rëndësishme për ne”, u shpreh boksieri i Tiranës.

Për të rritur shkëlqeu edhe Kris Bushi, i cili fitoi medalje argjendi në peshat 63.5 kg.

Ndërsa duke kaluar te moshat, rezultatin më të lartë e arriti Besian Karaj, i cili fiti medalje ari, duke u shpallur kampion i Ballkanit në kategorinë e peshave 71 kg për të rinj.

Stiven Xixi regjistroi medalje bronzi për të rinj në peshat 54 kg.

Te kategoria e juniorëve, Kristian Jubani mori medalje argjendi në peshat 48 kg, ndërsa Riduan Gashi (66 kg), Jurgen Lazri (63 kg) dhe Ardit Deliu (50 kg) morën medalje të bronzta.

Vendi i pestë për Jurgen Tresën në kategorinë e peshave 70 kg.