Category: Sport

Në ‘York Hall Arena’ të Londrës dy boksierët nga Shqipëria, Alban Bermeta dhe Nelson Hysa fituan ndeshjen respektive me knockout, duke veshur kuqezi arenën, me shumë bashkëkombas që i mbështetën.

LONDËR – Në ‘York Hall Arena’ të Londrës dy boksierët nga Shqipëria, Alban Bermeta dhe Nelson Hysa fituan ndeshjen respektive me knockout, duke veshur kuqezi arenën, me shumë bashkëkombas që i mbështetën.

Nelson Hysa

Nelson Hysës i mjaftoi vetëm një raund e gjysmë për të gjunjëzuar me knockout kundërshtarin e tij për peshat super të rënda, argjentinasin Brakamonte. Një super paraqitje kjo e Nelsonit i cili mbi 90% të ndeshjeve të tij që janë të gjitha fitore, i ka me knockout.Pasi e rrëzoi dy herë kundërshtarin, për argjentinasin ishte e pamundur për të qëndruar në superndeshjen e mbrëmjes së gjatë, që startoi në arenën më të famshme të boksit në Londër.

Alban Bermeta

Boksieri nga Tirana, Alban Bermeta arriti të fitojë po me knockout përballë kampionit të Bullgarisë Mario Verger. Pas 4 raundesh nga 8 që do të zhvilloheshin, Bermeta arriti të hedh me knockout kampionin e Bullgarisë në Your Hall Arena duke e çuar në 14 numrin e fitoreve me KO nga 18 ndeshjeve të fituara, ndërkohë që nuk ka asnjë humbje.

Sulmuesi i Kombëtares shqiptare, Mirlind Daku, ka shkëlqyer mbrëmjen e kësaj të premteje, me fanellën e Rubin Kazan, me 26-vjeçarin që ishte protagonisti absolut në fitoren e skuadrës së tij, përballë rivalëve të Akron Togliatti, në javën e 16-të Premier Ligës ruse.

Daku hipotekoi fitoren e djemve të teknikut Rakhimov, teksa shënoi dy herë në minutat 10’ e 20’, ndërsa për të vulosur rezultatin 3-0 mendoi ganezi Joel Fameyeh.Daku ia kushtoi ato gola Martin Canit dhe familjarëve të tij, duke kujtuar në këtë mënyrë futbollistin 14-vjeçar shqiptar i cili u vra i goditur me thikë në një zënkë për arsye banale mes bashkëmoshatarësh.

“Dy golat shkojnë për familjen e Martinit dhe për vet Martinin. Bohuni të fortë, ai do shndrit në parajsë”,- shkruan Daku në mesazhin e tij prekës për djaloshin i cili u nda nga jeta në mënyrë tragjike pak ditë më parë në Tiranë.

Lionel Mesi nuk e ka harruar mënyrën se si u largua nga Barcelona dhe për të cilën fajëson drejtuesit e klubit që nuk bënë maksimumin për ta mbajtur përgjithmonë në klubin ku ai u bë një legjendë.

Dhe paqja mes palëve për momentin duket shumë larg, me futbollistin që ka marrë një vendim drastik.

Mediat spanjolle bëjnë të ditur se Mesi ka vendosur që të mos jetë i pranishëm në ceremoninë e 125 vjetorit të krijimit të Barcelonës.

Data 29 nëntor do të ketë një kuptim të veçantë për katalanasit të cilët do të festojnë me një ceremoni madhështore ditëlindjen e klubit në një vit jubilar.

Por Mesi ka vendosur që të mos jetë i pranishëm, ndonëse ftesa i është dërguar prej kohësh, Shkak është bërë krisja e tij me drejtuesit e klubit, më saktësisht me presidentin Joan Laporta me të cilin ka shkëmbyer shpesh thumbime në distancë. Mesi në fakt ka bërë të ditur se pasi ta mbyllë me futbollin, dëshiron të kthehet të jetojë në Barcelonë e ndoshta të jetë pjesë e klubit katalanas. Por për sa kohë që Laporta është në drejtim, kjo gjë duket krejtësisht e pamundur, siç e tregon qartësisht edhe vendimi i fundit i futbollistit.

Ernest Muçi ka qenë me të vërtetë i pafat në ditët e fundit, teksa është dëmtuar në ndeshjen e parë si titullar pas shumë kohësh në radhët e Kombëtares shqiptare të futbollit.

Sulmuesi e nisi nga minuta e parë sfidën ndaj Ukrainës, por u zëvendësua pak minuta pasi filloi pjesa e dytë e takimit, për shkak të problemeve muskulore.

Një dëmtim që është konfirmuar se do ta lërë për të paktën dy javë larg fushave të lojës për klubin e Beshiktash, ku ai ishte kthyer në një nga lojtarët më në formë.

Nëpërmjet një komunikate zyrtare, klubi bëri të ditur se testet që i ishin bërë lojtarit për problemet në kofshën e majtë, kishin pikasur tërheqje dhe hemoragji të brendshme. Kështu, ai kishte nisur menjëherë fazën e terapisë me stafin mjekësor për rikuperimin.

Sipas mediave turke, ky lloj dëmtimi do të lërë Muçin të paktën dy javë jashtë, duke humbur ndeshjet e kampionatit ndaj Goztepe dhe Hatajspor, ashtu si edhe sfidën e Ligës së Europës ndaj Makabi Tel Aviv. Në klub shpresojnë që të arrijnë të rikuperojnë Muçin për derbin e ethshëm ndaj Fenerbahçes që luhet më datë 7 dhjetor./PANORAMASPORT.AL

Kanë rinisur procedurat për emrin e stadiumit kombëtar të Shqipërisë, i quajtur aktualisht me emrin komercial “Air Albania”.

Stadiumi i quajtur dikur “Qemal Stafa” u rikonstruktua pesë vite më parë dhe siç e parashikon kontrata, emri i vendoset përmes një procesi publik me oferta nga kompani që plotësojnë disa kritere.

Mbetet për t’u parë nëse stadiumit do t’i mbetet emri “Air Albania” apo do të ndryshojë sërish.

Njoftimi dhe kriteret për kompanitë që aplikojnë:

Të drejtat e emërtimit për Stadiumin Kombëtar, ofrojnë një platformë unike, për të përforcuar dukshmërinë, rritjen e popullaritetit të markës tuaj dhe për të angazhuar një audiencë shumë të gjerë dhe të apasionuar. Partneri i suksesshëm do të përfitojë nga:

Ekspozimi i gjerë mediatik:

Stadiumi pret aktivitete me profil të lartë, përfshirë ndeshjet e futbollit të ekipeve kombëtare, ndeshjet kombëtare me profil të lartë, garat ndërkombëtare sportive dhe ngjarjet kulturore, duke tërhequr një mbulim të konsiderueshëm mediatik brenda dhe jashtë vendit.

Integrimi dhe prezantimi i dukshëm i markës:

Integrim i plotë i markës brenda stadiumit, përfshirë tabela të dukshme, ekrane digjitale dhe marka në bileta, tabela në flesh zona, sallat e konferencave të shtypit dhe zonat mix (ku zhvillohet i gjithë proçesi i intervistave të cilat transmetohen jo vetëm live gjatë zhvillimit të eventit, por edhe më pas në të gjitha edicionet informative, në emisionet e tjera, që i bëjnë jehonë eventit). Kjo garanton shikueshmëri të lartë dhe siguron dukshmëri të gjerë të markës.

Angazhimi digjital dhe në mediat sociale:

Angazhim me një komunitet shumë të madh online, përmes kanaleve digjitale të stadiumit dhe sidomos atë të FSHF dhe ekipit kombëtar, përfshirë përmbajtje të bashkë-markuar dhe aktivitete interaktive me tifozët.

Mundësi Ekskluzive të Sponsorizimit dhe Paketat e Mikpritjes:

Shijoni paketa VIP, akses në vendet premium dhe mundësi për të organizuar evente korporative, duke ofruar një mjedis unik për rrjetëzim dhe argëtim klientësh.

Iniciativa të komunitetit dhe përgjegjësisë sociale:

Lidhuni me komunitetin lokal përmes përfshirjes në programe për zhvillimin e të rinjve, projekte sportive të nivelit bazë dhe aktivitete të tjera të fokusuara në komunitet, duke demonstruar përkushtimin tuaj ndaj përgjegjësisë sociale.

Përfitimet e partneritetit afatgjatë:

Një marrëveshje afatgjatë ofron dukshmëri të vazhdueshme të markës dhe lidhje me trashëgiminë e stadiumit. Në fund të fundit, stadiumi është një pjesë e rëndësishme e historisë dhe sa më afatgjatë të jetë bashkëpunimi aq më shumë rritet vlera e emrit. Kjo siguron përfitime të vazhdueshme të marketingut dhe duke përforcuar pozicionin e markës tuaj në sektorët sportiv dhe kulturor.

Paraqitja e Shprehjes së Interesit

Palët e interesuara janë të ftuara të dorëzojnë një Shprehje Interesi brenda datës 30 Nëntor 2024 e cila të përfshijë:

Profili i Kompanisë: Një përmbledhje e shkurtër e organizatës, përfshirë përvojën dhe arritjet përkatëse.

Kontaktin: Ju lutemi të siguroni të dhënat e kontaktit të përfaqësuesit ligjor të kompanisë dhe referencave kryesore të përfshira në këtë projekt.

Përmbledhje e vizionit dhe objektivave të markës: Një përmbledhje e vizionit të markës dhe objektivave të komunikimit, duke shpjeguar se si ky partneritet përputhet dhe përmirëson strategjinë tuaj të përgjithshme të markës.

Përmbledhje e propozimit: Një përmbledhje e nivelit të lartë të partneritetit të propozuar për të drejtat e emërtimit, përfshirë objektivat kryesore, strategjitë për shfrytëzimin e partneritetit dhe çdo ide inovative për aktivizim.

Oferta financiare: Një propozim financiar indikativ që përshkruan kushtet e investimit për të drejtat e emërtimit.

Informacion shtesë: Çdo informacion shtesë që mbështet propozimin, si raste studimore të sponsorizimeve të mëparshme etj.

Vlerësimi i propozimeve

Dorëzimet do të vlerësohen bazuar në këto kritere:

Përputhja me vlerat dhe vizionin e Stadiumit Kombëtar dhe të Federatës Shqiptare të Futbollit.

Aftësia e propozuesit për të maksimalizuar vlerën e partneritetit të të drejtave të emërtimit.

Përkushtimi financiar dhe kushtet e propozuara.

Krijimtaria dhe inovacioni në strategjitë e propozuara të aktivizimit.

Ju lutemi të paraqisni propozimet tuaja në format elektronik në [email protected] brenda datës 30 nëntor 2024. Për çdo pyetje ose informacion të mëtejshëm, jeni të lutur të na kontaktoni në [email protected].

Kombëtarja shqiptare nisi sot zyrtarisht përgatitjet për dy ndeshjet e fundit të Ligës së Kombeve ndaj Çekisë dhe Ukrainës.

Ndërkohë lista e Shqipërisë ka pësuar ndryshime. Berat Gjimshiti, Keidi Bare, Marash Kumbulla dhe Rey Manaj nuk do të jenë pjesë e grupit për dy ndeshjet e nëntorit për shkak dëmtimi.

Për shkak të këtyre katër mungesave trajneri Silvinjo ka vendosur të grumbullojë për dy ndeshjet e nëntorit Adrian Bajramin, Jon Mersinajn dhe Arbnor Mujën.

Muja kthehet me bujë në sulm, pasi mungonte prej një viti. Ndërkohë Bajrami dhe Mersinaj vlejnë për repartin e mbrojtjes.

Për Mersinajn ftesa shkon pasi mungonte prej marsit të këtij viti në takimet miqësore. Në anën tjetër Mersinaj ishte i ftuar në shtator për Ligën e Kombeve, teksa qëndroi i gatshëm në stol.

Lojtarët pritet të bashkohen me kuqezinjtë gjatë të martës për të nisur stërvitjen.

Në seancën e zhvilluar sot në stadiumin “Air Albania” morën pjesë Ylber Ramadani, Myrto Uzuni, Ivan Balliu, Kristjan Asllani, Ardian Ismajli, Arbër Hoxha, Mario Mitaj, Alen Sherri, Simon Simoni, Elseid Hysaj, Andi Hadroj, Thomas Strakosha dhe Feta Fetai.

Berat Gjimshiti ka humbur grumbullimin me Kombëtaren shqiptare, për dy ndeshjet e Ligës së Kombeve.

Sipas raportimeve nga Italia, mbrojtësi ka pësuar një ndrydhje në këmbën e tij të djathtë dhe nuk do të jetë i gatshëm për disa ditë.

Për fatin e mirë, analizat mjekësore nuk kanë zbuluar ndonjë frakturë dhe për këtë arsye dëmtimi duket i kalueshëm.

Megjithatë, Gjimshitit do i duhet pak kohë për tu rikuperuar dhe për këtë arsye nuk do të jetë në grumbullimin e Shqipërisë.

Mediat italiane bëjnë me dije se lojtari do të qëndrojë tek Atalanta, për të vazhduar fazën e rikuperimit, ndërsa pritet të jetë i gatshëm pas ndeshjeve të kombëtareve.