Shqiperia Ime

Category: Sport

  • Lille feston kuqezi në Europë

    Lille feston kuqezi në Europë

    Zhegrova me shokë bëjnë simbolin e shqiponjës me plis në kokë
    Me flamurin shqiptar dhe plis është festuar në dhomat e zhveshjeve të Lille triumfi ndaj Atleticos së Madrid. Edon Zhegrova dhuroi një tjetër performancë magjike duke shënuar edhe në portën e skuadrës spanjolle për ta kthyer festën në legjitime.

    Atmosferë e jashtëzakonshme te skuadra franceze, me sulmuesin 25-vjeçar që shtyu edhe shokët e skuadrës për të krijuar me duar simbolin e shqiponjës.

    Zhegrova po përjeton një nga momentet më të mira të karrierës, duke lënë gjurmë edhe në kompeticionet europiane. Në total, lojtari i përfaqësueses së Kosovës ka shënuar 4 gola e dhënë një asist, gjithsesi cilësitë që zotëron vënë në vështirësi mbrojtësit kundërshtarë.

  • Fenomenal me dy gola dhe asist, Jasir Asani përfshihet në formacionin e javës në Champions

    Fenomenal me dy gola dhe asist, Jasir Asani përfshihet në formacionin e javës në Champions

    Sulmuesi i Kombëtares shqiptare, Jasir Asani është përfshirë në formacionin e javës në Champions-in e Azisë.asaniAi shënoi dy supergola në gjashtë minutat e para të ndeshjes mes Guangju dhe Johor, ndërsa e mbylli me asist para fundit të sfidës.

    Skuadra e Guangju fitoi 3 me 1 në përfundim për meritë të Asanit.

    Dhe pse është vetëm raundi i tretë, futbollisti ndodhet në kuotën e gjashtë golave tashmë. 29-vjeçari është “ringjallur” te skuadra e tij pas ndeshjeve të luajtura me Shqipërinë.

  • Shënoi supergol ndaj Atletikos, Edon Zhegrova feston me flamurin shqiptar dhe bën shqiponjën me shokët e ekipit(Video)

    Shënoi supergol ndaj Atletikos, Edon Zhegrova feston me flamurin shqiptar dhe bën shqiponjën me shokët e ekipit(Video)

    Edon Zhegrova ka bërë një tjetër paraqitje fantastike në Ligën e Kampionëve.

    Super ylli kosovar shënoi gol në fitoren 1:3 të Lille ndaj Atletico Madridit, shkruan Gazeta Express.

    Ndonëse nuk ishte startues, Zhegrova u tregua vendimtar për skuadrën franceze.

    E pas ndeshjes, ylli kosovar festoi me plis dhe flamurin shqiptar në dhomat e zhveshjes së Atletico Madridit.

  • Zhegrova fenomenal, ylli i Kosovës i shënon eurogol në Champions Atletikos së Madridit

    Zhegrova fenomenal, ylli i Kosovës i shënon eurogol në Champions Atletikos së Madridit

    Edon Zhegrova po kalon një moment të artë në karrierën e tij! Ylli i Kosovës, rrëmbeu sërish skenën e Champions-it mbrëmjen e sotme, teksa i shënoi një gol fantastik Atletikos së Madridit, ku me një gjuajtje fenomenale në hyrje të zonës në minutën e 61-të, vendosi baraspeshën duke çuar peshë zemrat e tifozëve të Lilës.

    Një realizim me të vërtetë mbreslënës ai i yllit të Kosovës, i cili është shndërruar në një protagonist absolut te skuadra franceze. Në duelin e mbrëmjes së sotme, Zhegrova e nisi nga stoli duke zënë vendin e Kabelës së dëmtuar në minutën e 16-të.

  • Muçi shkëlqen me Besiktasin, rifiton vendin e titullarit në skuadër, ja goli që mahniti teknikun Bronckhorst (Video)

    Muçi shkëlqen me Besiktasin, rifiton vendin e titullarit në skuadër, ja goli që mahniti teknikun Bronckhorst (Video)

    Ernest Muçi ka bindur trajnerin Giovanni van Bronckhorst dhe tashmë po kthehet në një titullar te skuadra e Besiktasit.
    Sulmuesi shqiptar ka luajtur që nga minuta e parë në sfidën e djeshme në kampionat kundër Konyasporit, madje ka qenë një nga protagonistët në suksesin 2-0, pasi ka dhënë asistin e golit të dytë për shokun e skuadrës Rafa Silva.

    Pas një momenti të vështirë, talenti kuqezi duket se ka bindur trajnerin holandez dhe tashmë po luan në vazhdimësi dhe po rifiton vendin e titullarit.

  • Festa e golit nga Uzuni nxit të qeshura në Spanjë, por mund të shkaktojë probleme për sulmuesin (Video)

    Festa e golit nga Uzuni nxit të qeshura në Spanjë, por mund të shkaktojë probleme për sulmuesin (Video)

    Sulmuesi shqiptar Myrto Uzuni shënoi dy gola ditën e djeshme me ekipin e tij, Granada, duke i dhënë avantazhin dhe fitoren e thellë 4-0 ndaj Tenerifes.

    E djeshmja ishte padyshim një ditë e gëzuar për Uzunin, i cili e festoi golin duke puthur falellën.

    Vetëm se pati një problem, Uzuni mesa duket ka dashur të puthë stemën e Granadës, por është ngatërruar dhe ka puthur fanellën në krahun tjetër, te stema e firmës “Adidas”.

    Kjo ka shkaktuar të qeshura në rrjetet sociale, ku disa tifozë kanë lënë komente me batuta si “Adidas Forever”.

    Dikush ka theksuar faktin se ky gjest mund të sjellë ndonjë problem për Uzunin, i cili në fakt sponsorizohet nga rivali “Nike”.

    Por mesa duket ka qenë thjesht një lapsus që s’ka për ta penalizuar atë.

  • Luiza Gega thyen rekordin kombëtar, triumfon pas 42 kilometrave në Maratonën e Tiranës: E nisa me frikë

    Luiza Gega thyen rekordin kombëtar, triumfon pas 42 kilometrave në Maratonën e Tiranës: E nisa me frikë

    Atletja Luiza Gega ka vendosur një rekord kombëtar në Maratonën e Tiranës. Në disiplinën 42 km ajo zuri vendin e parë, duke e bërë këtë distancë për 2 orë e 34 minuta.

    Në një prononcim për mediat, ajo shprehu emocionet e saj pas përfundimit të garës, duke theksuar se ishte një sfidë e dyfishtë për të, pasi gjatë dy ditëve të fundit kishte kaluar një grip të fortë.

    “Kam nisur me frikë, sepse nuk e dija se sa do të arrija të mbaja,” tha Gega. “Kur vijnë kilometrat e fundit, trupi pëson një shok. Të vraposh në Tiranë është një kënaqësi më vete. Njerëzit që të urojnë rrugës dhe bëjnë tifo për ty, të japin një forcë që ti nuk mendon se e ke.”

    Gega, e cila ka marrë pjesë në këtë maratonë për të tetin vit, theksoi rëndësinë e komunitetit që e mbështet atë në aventurat e saj sportive.

    “Kam njerëz që më mbështesin në atë që bëj. Kjo maratonë është ndryshe nga çdo garë që bëj,” tha ajo.

  • Rei Manaj është i papërmbajtshëm, sulmuesi i Kombëtares realizon dygolësh në Superligën turke (Video)

    Rei Manaj është i papërmbajtshëm, sulmuesi i Kombëtares realizon dygolësh në Superligën turke (Video)

    Rei Manaj ka gjetur golin me Sivaspor pas rikthimit nga dëmtimi. Sfida në Superligën turke luhet kundër Hatajspor, ndërsa rezultati perfundoi 3-2.

    Goli i Manajt u shënua në minutën e 43-të, pasi sulmuesi i Kombëtares përfitoi me kokë nga goditja e këndit.

    Katër minuta më vonë Hatajspor barazoi me penallti dhe ashtu u mbyll pjesa e parë.

    Manaj nuk është mjaftuar vetëm me një gol, por në minutën e 73-të ai është treguar i saktë nga pika e bardhë e penalltisë.

    Goli i Rei Manajt: (VIDEO)

    PENALLTIA E MANAJ (VIDEO)

  • Mario Mitaj në versionin “Messi”, triblon të gjithë lojtarët dhe shënon gol (Video)

    Mario Mitaj në versionin “Messi”, triblon të gjithë lojtarët dhe shënon gol (Video)

    Mbrojtësi i Kombëtares shqiptare, Mario Mitaj e ka bërë “sefte” në Arabinë Saudite, duke gjetur golin e parë me fanellën e Al Itihad, në duelin ndaj Al Qadisija.

    21-vjeçari e nisi sfidën nga stoli, teksa u aktivizua në minutën e 35-të të pjesës së parë duke zënë vendin e Kadesh, teksa rezultati ishte 1-1.

    Mitaj arriti të shndërrohej në një protagonist absolut teksa në minutën e 81-të, tundi rrjetën për të ngritur shifrat në 3-1.

    Shqiptari këmbënguli deri në fund pavarësisht se ishte i rrethuar nga 5 kundërshtarë, duke rifituar topin që më pas e dërgoi në rrjetë.

    Një gol shumë i rëndësishëm ky për Al Itihad, që duket se solli sigurinë.

  • Skandal në futbollin shqiptar, prindër dhe lojtarë përfshihen në sherr masiv (Video)

    Skandal në futbollin shqiptar, prindër dhe lojtarë përfshihen në sherr masiv (Video)

    Një ngjarje e rëndë ka ndodhur sot në futbollin shqiptar.

    Dhuna mesa duket nuk është zhdukur ende, teksa së fundmi një sfidë mes Orikut U17 dhe Butrintit U17 ka eskaluar në sherr masiv.

    Bëhet fjalë për një ndeshje të Kategorisë së Dytë për moshat.

    Gjithçka nisi në pjesën e parë të sfidës, në një sherr masiv në stadiumin “Oriku”, ku u përfshinë lojtarët dhe prindërit e tyre.

    Është klubi i Butrintit të cilët kanë publikuar VIDEON e momentit kur ndodh dhe përleshja mes lojtarëve të të dyja skuadrave dhe disa prindërve.

    “Trimat e Orikumit, turp turp turp”, shkruan klubi i Butrintit.