Shqiperia Ime

Category: Sport

  • Incident në Gjeorgji, gazetari Todhe: Ultrasit vendas goditën një tifoz të Shqipërisë

    Incident në Gjeorgji, gazetari Todhe: Ultrasit vendas goditën një tifoz të Shqipërisë

    Gazetari i Tv Klan, Erion Todhe, në një lidhje direkte nga Tbilisi, në prag të sfidës Gjeorgji-Shqipëri, zbuloi se ditën e diel, ka ndodhur edhe një incident.

    Sipas tij, ultrasit vendas të Gjeorgjisë, kanë goditur një tifoz të Shqipërisë. Todhe deklaroi gjithashtu se “Tifozët Kuq e Zi”, kanë kërkuar që policia t’i shoqërojë drejt stadiumit.

    “Priten rreth 500 ose pak më shumë tifozë të Shqipërisë. Kanë ardhur tifozë nga vende të ndryshme të Europës. Ka pasur edhe një incident dje. Një tifoz i Shqipërisë, kam mësuar se është goditur nga ultrasit vendas. Grupimi TKZ, ka kërkuar mbështetjen e policisë vendase, për tu shoqëruar drejt stadiumit. Kjo është për shkak të ngjarjeve të ndodhura në Tiranë, ku mesa duket janë goditur edhe tifozë të Gjeorgjisë, pas fitores së tyre. Shpreësojmë që të mos ketë ngjarje të tilla më vonë.”, deklaroi Todhe.

    Ndeshja Gjeorgji-Shqipëri, luhet këtë të hënë në orën 18:00, ndërsa transmetohet ekskluzivisht në Tv Klan.

  • Përdhosja e flamujve kombëtarë në Çeki, Zeqiri: Lojtarët duhej të reagonin të parët, i papranueshëm reagimi i FSHF-së që nuk përmendi Kosovën

    Përdhosja e flamujve kombëtarë në Çeki, Zeqiri: Lojtarët duhej të reagonin të parët, i papranueshëm reagimi i FSHF-së që nuk përmendi Kosovën

    Gazetari, Romak Zeqiri në emisionin ‘’Ora Sport’’ në Ora News u shpreh se për skandalin në Çeki ku tifozët vendas përdhosën flamurin shqiptar dhe atë të Kosovës, lojtarët dhe presidenti i federatës shqiptare duhej ta kishin ndërprerë ndeshjen.

    Zeqiri: Është e tmerrshme si zëvendës presidenti i UEFA-s Armand Duka lejon që ajo ndeshje të luhet.

    Si futbollistët që shumicën i kam miq të mirë, nuk e reklamojnë te gjyqtari ata flamuj si përdhoset flamuri kombëtar dhe ai i Kosovës.

    Është e papranueshme, për më tepër është e papranueshme edhe një reagim i Federatës Shqiptare të Futbollit që ka shkruajtur 222 fjali por në asnjë moment nuk e përmend Kosovën kur vazhdimisht ka pasur thirrje Kosova është Serbi.

    Nëse lojtarët nuk po e ndërprenin ndeshjen, zoti Duka është dashur që të telefonojë dikë nga stafi dhe të tërheq skuadrën deri sa të largohesin ato banderola.

    Është dashur futbollistët së pari të reagojnë.

  • PROFIL/ Njihuni me Gentjan Shaqirin, pedagogu dhe garuesi i vetëm shqiptar që fiton një kampionat të menaxhuar nga FIA

    PROFIL/ Njihuni me Gentjan Shaqirin, pedagogu dhe garuesi i vetëm shqiptar që fiton një kampionat të menaxhuar nga FIA

    Ditën e sotme në PodKast-in “Flasim” kryeministri Edi Rama pati të ftuar Gentjan Shaqirin, sportisti që shkroi historinë duke u bërë piloti i parë shqiptar që fiton një kampionat të menaxhuar nga FIA siç është FIA CEZ (Zona Sportive e Evropës Qendrore) që gjithashtu prej 16 vitesh është pedagog në Universitetin e Tiranës, Fakulteti i Ekonomisë.

    Bashkëbisedimi i kryeministrit me z. Shaqiri u publikua në të gjithë mediat e vendit duke ngjallur mjaft interes.

    Po kush është Gentjan Shaqiri? Cila është arsimimi i tij? Karriera si pedagog dhe angazhimi dhe suksesi i tij në motorsport?

    Gentjan Shaqiri ka lindur në Tiranë në 21 mars të vitit 1981. Është diplomuar në degën Administrim – Biznes pranë Universitetit të “La Sapienzas” në Romë, Itali.

    Ai gjithashtu, ka përfunduar një master në fushën e Komunikimit Marketing. Ka kryer një sërë specializimesh në Gjermani, Belgjikë, Itali e Rumani rreth të njejtës fushë. Falë studimit dhe specializimeve ka arritur të kryejë disa publikimeve shkencore dhe pjesëmarrje në disa konferenca brenda e jashtë vendit.

    Prej vitit 2015 është doktor i shkencave ekonomike, në fushën e kërkimit që lidhet me Sipërmarrjen, me temë “Faktorët determinues të qëllimit sipërmarrës”. Gentjan Shaqiri është lektor në lëndët, Menaxhim Biznesi, Lidership dhe Aftësi Menaxheriale në Fakultetin e Ekonomisë, Universitetii Tiranës.

    Aktualisht Gentjani mban dhe pozicionin e koordinatorit të praktikave mësimore pranë Departamentit të Menaxhimit.

    NJË PEDAGOG KAMPION NË MOTORSPORT

    Karriera e Gentjan Shaqirit si garues ka nisur në vitin 2004 duke garuar me Go Kart në Itali, ne disiplinën Regional Karting Italia 125 cc.

    Në vitin 2007 ngjitet në podiumin e parë me ekipim Uniracing team në garën Allstars, ku një nga garuesit ishte, Gianmaria Bruni ish Pilot i Minardit në Formula 1. Më pas ka marrë pjesë rregullisht në kampionatin e kartingut të zhvilluar nga FASA dhe ACA (Klubi i Automobilit të Shqipërisë) duke u renditur i treti në renditjen e përgjithshme të kampionatit të vitit 2018 dhe 2019 dhe duke u shpalluar Kampion i Shqipërisë në vitin 2020.

    Në disiplinën Hillclimb ka bërë 3 debutime në garën ndërkombëtare të Krujës, duke marrë vendin e tretë në vitin 2018 me “Alfa Romeo 147” në kategorinë Promo.

    Në vitin 2019 do të vinte dhe suksesi i parë duke rrëmbyer torfeun Skënderbeu pasi mori vendin e parë në Grupin IV me Alfa Romeo Guilietta.

    Ne 2021 deputon me Mazda RX8 duke u pozicionuar i treti në grupin I.

    Si kampioni në fuqi i vitit 2020, Gentjan Shaqiri zgjidhet të perfaqësojë Shqipërinë në eventin më të madh ndërkombëtar si “FIA MOTORSPORT GAME” që zhvillohej në Marsejë, ku merrnin pjese më shumë se 1000 pilotë nga e gjithë bota. Ky është momenti i Gentjan Shaqirit i cili prej këtu do fillojë ngjitjen drejt suksesit në motorsport.

    Si fillim në garën e Marsejës Gentjani arrin të kualifikohet në vendin e 9 në Provat e lira kualifikuese. Ai arrin të kualifikojë Shqipërinë në gjysmë finale duke vendosur një rekord historik për Shqipërinë në garat e motorsportit ndërkombtar në disiplinën Cross Car.

    Po ashtu, Gentjani ka qenë nje garues i regullt në garat me simulator (Sim Racing) duke fituar 2 trofe kombëtar në vitin 2017 dhe 2018 në garën SPA dhe MONZA.

    Për të ardhur në momentin kulmor të Gentjanit duhet theksuar paraparkisht se Gentjan Shaqiri arrin të shpallet nënkampion i Europës Qendrore në kategorinë D E2 SS për vitin 2023 duke marrë pjese në 6 gara nderkombtare, ku arrin të fitojë në dy prej tyre.

    Sezoni sportiv 2024 mund të konsiderohet dhe viti më i suksesshëm përsa i përket perfaqësimit të motorsportit shqiptar në arenen ndërkombtare ku Gentjan Shaqiri u rendit i pari duke fituar titullin kampion në FIA CEZ.

    Galeria e fotografive, gjatë garës dhe në podium.

    Ky sukses padiskutim i përmasave historike në këtë sport bën krenar Shqipërinë. Në këtë kampionat bien në sy dy garat e fundit ajo e Kroacisë dhe Austrisë me një performancë të shkëlqyer të Gentjanit duke bërë diferencën me rivalin e tij të drejtpërdrejtë të cilin e superon me një diference prej 22 pikësh në klasifikimin e përgjithshem.

    Gentjan Shaqiri do të jetë kapiten i ekipit përfaqësueses në eventin më të madh të motorsportit botëror ku marrin pjesë pilotë nga e gjithë bota në 17 disiplina garimi me makina, siç është ai i FIA Motorsport Games i cili këtë vit do të zhvillohet në Valencia të Spanjës ne datat 23-28 tetor.

    Pjesë e ekipit të Gentjanit, që kanë kontribut të çmuar në çdo sukses të tijin, të cilët i falenderoi edhe gjatë bashkëbisedimit me kryeministrin Rama janë dy miqtë Armand Kllogjeri, Inxhiner mekanik dhe Dorjan Nurka, mekanik. (Lexo.al)

  • Humbjet radhazi na vënë në rrezik, tani Shqipëria është e “detyruar” të fitojë në Gjeorgji

    Humbjet radhazi na vënë në rrezik, tani Shqipëria është e “detyruar” të fitojë në Gjeorgji

    Kombëtarja shqiptare e futbollit zbret nesër në fushën e lojës në Tbilisi me një ide të qartë në mendje. Asaj i duhet vetëm fitorja.

    Çdo rezultat tjetër përballë gjeorgjianëve, u jep këtyre të fundit avantazhin në ndeshjen direkte pas fitores në Tiranë të arritur një muaj më parë.

    Ndaj për kuqezinjtë, duhet medoemos fitorja që të paktën të ndahen pikët në mënyrë të njëtrajtshme mes dy ekipeve, në një grup ku ekziston mundësia reale që skuadrat të përfundojnë me pikë të barabarta në pozicione të ndryshme.

    Shqipëria luan dy ndeshjet e fundit në grup ndaj Çekisë dhe Ukrainës, ndaj sido që të ndahet ndeshja në Tbilisi, shanset e saj për të luftuar për ngjitjen apo të paktën për mbijetesën në Ligën B, do të vazhdojnë të jenë të mira.

    Por nëse Gjeorgjia merr tre pikët përballë kuqezinjve, vendi i parë do të ishte thuajse matematikisht i pamundur për skuadrën e Silvinjos, që do të duhej të mendonte në duelet e fundit më shumë se si të evitonte vendin e katërt që rrëzon në Ligën C.

  • Një ditë para ndeshjes me Gjeorgjinë, dy titullarët e Kombëtares “shfryjnë” në… rrjetet sociale

    Një ditë para ndeshjes me Gjeorgjinë, dy titullarët e Kombëtares “shfryjnë” në… rrjetet sociale

    Shqipëria u mposht 2 me 0 nga Çekia në transfertë, ndërsa do të luajë takimin e radhës po jashtë vendit.

    Nesër, më 14 tetor ora 18:00 është Gjeorgjia që pret kuqezinjtë në kuadër të Ligës së Kombeve.

    Kur ka mbetur dhe një ditë, Jasir Asani dhe Mario Mitaj kanë ndarë së fundmi foto nga ndeshja me Çekinë.

    Asani tregon veten pas një rasti të humbur, ndërsa Mitaj “shfryn” në përshkrimin e fotos ku zotëron topin.

    Të dy lojtarët ishin titullarë, ndërsa transferta e Pragës mesa duket ka lënë shumë pengje.

  • Pamjet që po bëjnë xhiron e rrjetit, çfarë ndodhi me Cristiano Ronaldon? (Video)

    Pamjet që po bëjnë xhiron e rrjetit, çfarë ndodhi me Cristiano Ronaldon? (Video)

    Në ndeshjen mes Portugalisë dhe Polonisë për Nations League, Cristiano Ronaldo arriti të bëhet protagonist absolut, duke arritur në 133 gola me kombëtaren e tij.

    39-vjeçari u sulmua sërish nga një tifoz i ri, i cili zbriti në fushë për të bërë një selfie me idhullin e tij.

    Sapo tifozi hyri në fushë dhe arriti te superylli portugez i Al Nassr, i cili po dilte për t’u zëvendësues, ai u shfaq i patrazuar, madje u kërkoi rojeve të sigurimit të prisnin derisa të përfundonte fotoja e tyre.

    Si sigurimi, ashtu edhe Bernardo Silva, ndërhynë dhe tentuan të largonin tifozin e Ronaldos, por ai i qetësoi.

    Ai tashmë është mësuar me këtë fenomen veçanërisht të shpeshtë këtë vit dhe duket se e shijon dashurinë që merr nga fansat e tij, të cilët rrezikojnë gjithçka për ta njohur nga afër qoftë edhe për pak sekonda.

  • Takimi i Xhakës me trajnerin e Serbisë, Dragan Stojkoviç zbulon çfarë i tha kapiteni shqiptar pas humbjes (Video)

    Takimi i Xhakës me trajnerin e Serbisë, Dragan Stojkoviç zbulon çfarë i tha kapiteni shqiptar pas humbjes (Video)

    Të gjithëve u ra në sy takimi miqësor dhe i shkurtër që pati Granit Xhaka me trajnerin e Serbisë, Dragan Stojkoviç.

    Pas ndeshjes së përfunduar 2 me 0 për Serbinë kundër Zvicrës, kapiteni shqiptar iu drejtua trajnerit serb.

    Është vetë trajneri Dragan Stojkoviç, që siç raportojnë mediet serbe ka zbuluar çfarë i tha Granit Xhaka.

    “Më tha mua se gjithçka ishte në rregull, që ato patën një qëndrim të mrekullueshëm dhe gjithçka shkoi mirë”, u shpreh Dragan Stojkoviç.

    Kujtojmë ndërkohë se gjatë ndeshjes atmosfera nuk ishte aspak miqësore. Koret kundër shqiptarëve nuk munguan gjithë ndeshjen, ndërsa nuk pati incidente në fushë.

    Momenti i takimit të Granit Xhakës me Dragan Stojkoviç: (VIDEO)

  • Kosova rrëmben fitoren në Lituani dhe siguron vendin e dytë në grup

    Kosova rrëmben fitoren në Lituani dhe siguron vendin e dytë në grup

    Kosova ka arritur një fitore të rëndësishme ndaj Lituanisë në ndeshjen e Ligës së Kombeve.

    Bardheblutë kanë arritur të kalojnë të parët në avantazh me golin e Zhegrovës në minutën e 20të të ndeshjes, si dhe kanë dyfishuar shifrat me një gol të Ermal Krasniqit në minutën e 65.

    Ky është goli i parë për Krasniqin me Kosovën.

    Lituania ka shënuar golin e vetëm në minutën e 84, ndërsa tashmë Kosova ngjitet në vendin e dytë të grupit me pikë të barabarta me Rumaninë.

    Çdo gjë mbetet ende e hapur në këtë grup, pasi mbeten edhe tre përballje të tjera në nëntor.

  • Thumbimi i Hysajt: Kësaj Shqipërie duhet t’i kthehet entuziazmi para Europianit kur ishte kënaqësi të rrije në Kombëtare

    Thumbimi i Hysajt: Kësaj Shqipërie duhet t’i kthehet entuziazmi para Europianit kur ishte kënaqësi të rrije në Kombëtare

    Elseid Hysaj mendon se humbja përballë Çekisë, ishte ndeshja e vetme e dobët që kanë bërë kuqezinjtë deri tani në Ligën e Kombeve. Duke folur pas ndeshjes, ai theksoi se mungesa e entuziazmit si para Europianit ishte ajo që po ndikonte paraqitjet e kuqezinjve.

    “Besoj që kjo është ndoshta e vetmja ndeshje që e kemi bërë pak keq se me Ukrainën e Gjeorgjinë kemi bërë mirë. Pastaj nëse Gjeorgjia bëri supergol e fituan ndeshjen nuk kemi çfarë t’i bëjmë. Por sot besoj me të vërtetë që ishte një ndeshje poshtë nivelit tonë dhe e treguam. Duhet të jemi në kokën tonë që ta dimë që kemi arritur në nivel të lartë e na marrin seriozisht. Nuk është si dikur që po luajmë më Shqipërinë e na marrin më lehtë. Por e dinë të gjithë tashmë që jemi një skuadër e mirë, një skuadër që provojmë të luajmë futboll e fitojmë ndeshjen. Sot Çekia kishte ndoshta më shumë qejf të fitonin ndeshjen se që në minutat e parë treguan agresivitet të lartë ndaj nesh.

    Duhet të jemi të qetë në fushë, se kemi treguar të bëjmë sesbën golin, të kemi qetësi, se me rezultatin 1-0, mund të shënonim 1-1 e ndoshta në fund fitonim ndeshjen se nuk i dihet kurrë futbollit. Kjo është një lojë që luan 90 minuta e mund të ndryshojë një sekondë, duhet të jemi të qetë, të kuptojë që kemi bërë gabim këtë ndeshje e të jemi të përqendruar në ndeshjen tjetër se kemi mundësi të bëjmë pikë.

    Nuk jam keq, se stërvitem gjithmonë me Lacion jam në ekip, nuk jam jashtë. Thjesht nuk luaj në fundjavë, por ka punuar me vetveten, bëj vrapimet e mia. Normale nuk është njëlloj si ndeshja, por mundohem të bëj më të mirën që mundem kur vij në Kombëtare.

    Me Gjeorgjinë 1-0 mbaroi ndeshja, nuk besoj se kemi qenë aq të lodhur në mbrojtje, se ata bënë një supergol. Ne luajtëm lojën tonë, kishim rastet tona e nuk i shfrytëzuam mirë. Kësaj Shqipërie duhet t’i rritet entuziazmi që kishim para Europianit, që ishte kënaqësi si të luaje ndeshje, si të rrije në kombëtare, si të dëgjoje tifozët, se na mbështetin shumë. Dhe na vjen keq që biem pre e kësaj pakënaqësie a nuk e di se çfarë mund të jetë, se është me të vërtetë një nder ku vjen këtu se vërtet kalojnë vitet e ndoshta pastaj do të mungojë kjo pjesë”, tha Hysaj për :SuperSport”.

  • Mesazh i fuqishëm i Tifozave Kuq e Zi: Si t’ia them vëllait në Dardani që nëna Shqipëri po organizon Euro U21 me shki?!

    Mesazh i fuqishëm i Tifozave Kuq e Zi: Si t’ia them vëllait në Dardani që nëna Shqipëri po organizon Euro U21 me shki?!

    Në ndeshjen me Çekinë dhe Shqipërisë, tifozat kuqezi të kombëtares kanë përçuar një mesazh të fuqishëm kundër bashkëorganizimit të Euro 2027 mes Shqipërisë dhe Serbisë për U-21.

    ‘Si t’ia them vëllait në Dardani që nëna Shqipëri po organizon Euro U21 me shki?!’, shkruan TKZ.