Shqiperia Ime

Category: Sport

  • Rrahje mes tifozëve shqiptarë dhe atyre çek (Video)

    Rrahje mes tifozëve shqiptarë dhe atyre çek (Video)

    Ka ndodhur një përleshjes mes tifozëve shqiptarë dhe atyre çek, në stadiumin ”epet ARENA”.

    Krejt kjo pasi tifozët shqiptar kanë shkuar dhe kanë marr flamurat e Shqipërisë që ishin vendosur përmbys nga tifozët çek, shkruan IndeksOnline.

    Sipas raportimeve, tifozët çek, në ndeshjen Çeki – Shqipëri, kanë kënduar ”Kosova është Serbi”.

  • Skandaloze / Tifozët çekë përdhosin flamurin e Shqipërisë dhe shpalosin hartën e Kosovës me flamurin serb

    Skandaloze / Tifozët çekë përdhosin flamurin e Shqipërisë dhe shpalosin hartën e Kosovës me flamurin serb

    Çekia dhe Shqipëria janë duke u ndeshur në Pragë për Ligën e Kombeve.

    Në “Epet Arena” tifozët vendas kanë shpalosur flamurin serb në hartën e Kosovës dhe kanë përdhosur tre flamuj kuqezi.

    Nga foto duket qartë se dy flamujve tanë iu javë vendosur disa shirita në formë kryqi, ndërsa janë kthyer me shqiponjën poshtë.

    Vërtet e pakuptimtë sjellja e vendasve, teksa konfliktet ballkanike janë zhvendosur në Pragë këtë mbrëmje.

  • Juventusi ndjek nga afër futbollistin shqiptar, e pranon edhe trajneri: Gati për një klub të madh

    Juventusi ndjek nga afër futbollistin shqiptar, e pranon edhe trajneri: Gati për një klub të madh

    Ardian Ismajli po bën një punë të shkëlqyer këtë sezon në mbrojtjen e Empolit dhe Kombëtares, e për rrjedhojë ofertat për të nuk mungojnë.

    Trajneri i Empolit, Roberto D’Aversa ka dhënë një intervistë për “Corriere dello Sport” duke pranuar se Ismjali është gati për kapërcimin e madh.

    Madje, sipas medieve në Itali, “Zonja e Vjetër” ka dërguar emisarët e vet sot në Pragë, aty ku luhet Çeki – Shqipëri në Ligën e Kombeve, për të parë nga pranë Ismajlin.

    Mes temave të shumta të trajtuara, trajneri i klubit toskan, Roberto D’Aversa flet për “xhevahirët” e shumtë që kanë spikatur te “të kaltrit”, mes tyre edhe mbrojtësi i kombëtares shqiptare Ardian Ismalji.

    “Ismalji tashmë është gati për një klub të madh”, ka thënë trajneri i Empolit. 28-vjeçari shqiptar po bën një sezon të shkëlqyer me skuadrën e tij në kampionatin italian, madje u zgjodh edhe në formacionin e muajit shtator në Serie A.

    Ismalji u bashkua me Empolin në verën e vitit 2022 dhe që nga ajo kohë është një titullar fiks i skuadrës toskane.

    Ardian Ismajli
  • Çeki-Shqipëri, ja sa tifozë shqiptar do të jenë të pranishëm sot në “Epet Arena”

    Çeki-Shqipëri, ja sa tifozë shqiptar do të jenë të pranishëm sot në “Epet Arena”

    Tifozët shqiptarë do të kenë fjalën e tyre në “Epet Arena” të Pragës.

    Më tepër se një mijë tifozë kuqezi pritet të jenë të pranishëm në tribuna, në mbështetje të Kombëtares gjatë ndeshjes kundër Republikës Çeke.

    Rreth 460 prej tyre janë pjesë e grupimit të organizuar “Tifozat Kuq e Zi”, ndërsa pjesa tjetër kanë udhëtuar drejt kryeqytetit çek me grupe turistike të organizuara, ose në mënyrë individuale.

    Në anën tjetër, federata çeke njoftoi se biletat e ndeshjes nuk janë shitur të gjitha.

    Pavarësisht kësaj, edhe pse impianti nuk do të jetë i mbushur me kapacitet të plotë, atmosfera pritet të jetë elektrizuese.

  • Nga arbitri tek bastet dhe transmetimi, çfarë duhet të dini për duelin Çeki-Shqipëri

    Nga arbitri tek bastet dhe transmetimi, çfarë duhet të dini për duelin Çeki-Shqipëri

    Shqipëria do të luajë ndeshjen e parë kundër Republikës Çeke në transfertë duke nisur nga ora 20:45.

    Për takimin që do të mbahet në “Epet Arena”, UEFA ka vendosur që të arbitrojë një gjyqtar francez. Benoit Bastien do të ndajë drejtësi në këtë përballje, ndërsa do të ketë edhe ndihmën e Hichman Zakrani dhe Aurelien Berthomieu. Thomas Leonard është parë e arsyeshme të caktohet arbitër i katërt. Sa i takon kryesorit Bastien, bëhet fjalë për një gjyqtar mjaft strikt, pasi në 4 ndeshje që ka arbitruar në kampionatin francez këtë sezon, ka nxjerrë nga xhepi plot 24 herë kartonin e verdhë dhe një herë të kuqin. Ai ka gjykuar po ashtu edhe në Ligën e Europës.

    Ndërkohë sa i përket kompanive të basteve, për këtë ndeshje favorite shihet Çekia, që ka një koeficient 1.67, ndërsa një barazim në Pragë kuotohet 3.60. Nga ana tjetër, fitorja e Kombëtares shqiptare nga kjo ndeshje mban koeficientin 5.50.

    Në orën 20:45 pritet që temperatura e ajrit të jetë 8 gradë celsius, ndërkohë sa i përket transmetimit, tifozët shqiptarë do të kenë mundësinë ta ndjekin në TV KLAN dhe “SuperSport”.

  • “Trupi ishte në fund të pishinës”- Vdekja futbollistit të Kombëtares, po hetohet nëse në shtëpinë e 31-vjeçarit ka qenë një person i dytë! Dyshimet pas gjetjes së një shishe me vodka dhe 2 gotave në tavolinë

    “Trupi ishte në fund të pishinës”- Vdekja futbollistit të Kombëtares, po hetohet nëse në shtëpinë e 31-vjeçarit ka qenë një person i dytë! Dyshimet pas gjetjes së një shishe me vodka dhe 2 gotave në tavolinë

    George Baldock, futbollisti i Kombëtares greke, u gjet i vdekur në pishinën e shtëpisë që kishte marrë me qira në lagjen Glifada të Athinës.

    ‘Sportal.gr’ raporton se 31-vjeçari humbi jetën rreth orës 19:00, por trupi i tij u gjetëm vetëm disa orë më vonë nga pronari i banesës.

    Ky i fundit shkoi të kontrollonte pasi bashkëshortja e futbollistit nuk po arrinte të kontaktonte me 31-vjeçarin.

    George Baldock duhet të udhëtonte ditën e djeshme drejt Anglisë për të festuar 1 vjetorin e ardhjes në jetë të vajzës së tyre

    “Ai u gjet i vdekur në fund të pishinës, me fytyrën poshtë, gruaja e kishte telefonuar që në mesditë. I zoti i shtëpisë shkoi dhe e gjeti në pishinë”, tha zyrtari i lartë i policisë greke, Girogos Kalliakmanis.

    Të dhënat e para nga autopsia e kryer në Departamentin e Mjekësisë Ligjore të Universitetit të Athinës tregojnë se futbollisti humbi jetën pasi u mbyt në ujë.

    Në trupin e tij nuk janë gjetur shenja, plagë apo mavijosje.

    Gjatë procedurës janë mbledhur mostrat dhe priten rezultatet e analizave toksikologjike, të cilat mund të zgjasin edhe disa ditë.

    Një shishe gjysmë bosh me vodka dhe dy gota u gjetën në një tavolinë afër pishinës, të cilat u dërguan në laboratorin e mjekësisë ligjore.

    Policia po heton për të zbuluar nëse dikush tjetër ka qenë i pranishëm në shtëpinë e futbollistit para vdekjes së tij./

  • “I thashë Granitit mos luaj ndaj Serbisë”- Taulant Xhaka flet para duelit delikat në Leskovaç: Duhet të jetë i…

    “I thashë Granitit mos luaj ndaj Serbisë”- Taulant Xhaka flet para duelit delikat në Leskovaç: Duhet të jetë i…

    Serbi – Zvicër është në nga ndeshjet më të luftuara në Nations League. E sigurisht vëmendja e të gjithë tifozëve shqiptarë do të jetë te kjo përballje, ndërsa do të jenë në mbështetje të Granit Xhakës.

    Mesfushori shqiptar me shiritin e kapitenit në krah do të luajë kundër serbve dhe për të do të jetë një nga sfidat më të vështira, ku i duhet të mbajë veten nënkontroll për të mos pasur konfrontime dhe për të mos rënë pre e provokimeve.

    Diçka të tillë e di mjaft mirë Taulant Xhaka, i cili i ka kërkuar të vëllait të mos luajë në këtë përballje, pasi do të jetë shumë e vështirë të kontollojë vetën gjatë 90-të minutave.

    “E di vetë se sa presion dhe emocione duhet të durosh në këtë ndeshje. I sugjerova Granitit të fliste me trajnerin Murat Yakin dhe ndoshta ta kalonte këtë lojë, por të gjithë e njohim vëllain tim, ai dëshiron të luajë çdo ndeshje për Zvicrën.

    Nuk është e lehtë të qëndrosh nën kontroll për 90 minuta kur gjërat bëhen përsëri kaq emocionale. Graniti duhet të qëndrojë i qetë, të luajë futboll, të fitojë dhe të injorojë provokimet. Është e lehtë të thuash, por në fund gjithçka përfundon në këtë: luaj lojë dhe fito”, ka theksuar Taulanti për “Blick”.

    Kujtojmë se përballlja mes Zvicrës dhe Serbisë do të luhet të shtunën në “Stadion Dubočica” në Leskovac në orën 20:45. Siç dihet kjo përballje ka qenë gjithmonë e luftuar dhe me mjaft tension, ku madje Xhaka dhe Shaqiri u kanë shënuar gol dhe kanë festuar me shqiponjën.

    PANORAMASPORT.AL

  • “Më copëtove shpirtin!”- Zi në familjen e boksierit shqiptar, Robin Krasniqi humb të atin: Ishe mbështetësi i jetës time! Shpresoj të kem bërë krenar

    “Më copëtove shpirtin!”- Zi në familjen e boksierit shqiptar, Robin Krasniqi humb të atin: Ishe mbështetësi i jetës time! Shpresoj të kem bërë krenar

    Boksieri i njohur shqiptar, Robin Krasniqi, ka dhënë një lajm të hidhur për ndjekësit në rrjete sociale, ku a njoftuar që babai i tij është ndarë nga jeta.

    Ai në një njoftim në Instagram, Robin Krasniqi ka shkruar se i ati ka ndërruar jetë, ndërsa shton se ishte krenar për të si një nga mbështetësit më të mëdhenj në jetë dhe karrierë.

    “Më copëtove në shpirt o babë! U ndave nga jeta shumë herët dhe na le me mall për ty, përgjithmonë!”, ka shkuar ai.

    Në shkrimin prekës boksieri nuk ka treguar për arsyet e vdekjes, por thotë se do ta ketë gjithmonë në zemër dhe shpreson ta ketë bërë të atin krenar.

    Postimi i plotë i Krasniqit

    “Më copëtove në shpirt o babë! U ndave nga jeta shumë herët dhe na le me mall për ty, përgjithmonë! Ti ishe mbështetësi dhe këshilltari i jetës time më i madhi dhe më i veçanti, ishe pas meje në çdo hap të jetës time! Shpresoj se të kam bërë krenar. Çdo gjë që e kam shpalos nga jeta ime, buronte nga mirësia e burrëria e jote babë!

    Unë jam shumë krenar dhe falendërues se jam biri yt dhe e falenderoj Zotin për çdo moment se të kisha ty pranë. Të Allahut jemi dhe tek ai do të kthehemi të gjithë. U bëfsh banor i Xhenetit babë. Në zemrën time do të të mbajë gjithmonë”.

  • U gjet pa shenja jetë në pishinë, zbulohet shkaku i vdekjes së futbollistit të Kombëtares greke

    U gjet pa shenja jetë në pishinë, zbulohet shkaku i vdekjes së futbollistit të Kombëtares greke

    Futbollisti i Kombëtares greke, George Baldock, i cili u gjet pa shenja jete në pishinë, dyshohet se është mbytur.

    George Baldock2Nga autopsia e kryer në trupin e 31-vjeçarit, sipas Protothema.gr, zbuloi se vdekja e të riut ishte shkaktuar nga “mbytja në ujë”.

    Autopsia u krye në Departamentin e Mjekësisë Ligjore të Universitetit të Athinës, ndërsa mostrat u morën edhe për analizat toksikologjike.

    Gjithashtu rezulton se në trupi i tij nuk kishte shenja, plagë apo mavijosje që të tregonin se kemi të bëjmë me një ngjarje kriminale.

    Si u zbulua ngjarja tragjike

    Gruaja 31-vjeçarit, e cila ishte në Angli së bashku me vajzën e tyre, po përpiqej të kontaktonte me lojtarin grek, por s’kishte arritur. Ajo telefonoi pronarin e shtëpisë që Baldock kishte marrë me qira, në mënyrë që ai të mund të shkonte dhe zbulonte se çfarë po ndodhte.

    Pronari shkoi në banesë dhe gjeti futbollistin 31-vjeçar të vdekur në pishinën e tij.

    Sipas informacioneve të protothema.gr, Baldock kishte të paktën 5 orë që qëndronte i vdekur në pishinë, ndërsa më shumë të dhëna që pritet të dalin pas autopsisë.

    Policia ka sekuestruar kamerat e sigurisë, ndërsa janë marrë edhe gjurmët e gishtërinjve në shtëpinë ku humbi jetën 31-vjeçari.

  • Gruda i mbyll përfundimisht derën Shqipërisë: Dua të luaj për Gjermaninë

    Gruda i mbyll përfundimisht derën Shqipërisë: Dua të luaj për Gjermaninë

    Brajan Gruda nuk do të veshë fanellën kuqezi. Sulmuesi i talentuar i ka mbyllur përfundimisht derën kombëtares shqiptare teksa ka folur nga grumbullimi me Shpresat e Gjermanisë.

    Në një prononcim të publikuar në faqen e Federatës Gjermane të Futbollit, ai ka thënë se synon të jetë me Gjermaninë në Kupën e Botës 2026.

    “Jam i lumtur që jam këtu, po argëtohem, si në stërvitje dhe jashtë saj. Jam kthyer në stërvitje prej 1 jave. Mendoj se do të prezantohem ngadalë dhe do të marr disa minuta në ndeshjen e parë. Ndoshta më shumë në ndeshjen e dytë. Do ta shfrytëzoj sa më shumë kohën time me U21, minutat do të më bëjnë mirë.

    Grumbullimi me kombëtaren A të Gjermanisë, ishte një ndjenjë e mrekullueshme. Isha në gjendje të stërvitesha me lojtarë që më parë i shihja vetëm në TV. Ishte intensive dhe mund të shihje qartë ndryshimin në cilësi në krahasim me U21.

    Për momentin jam i lumtur që jam me U21 dhe ky është fokusi tani. Por të gjithë duan të luajnë për ekipin A. Synimi im është Kupa e Botës 2026 dhe dua të luaj një rol të rëndësishëm atje. Dua të fitoj gjithçka me U21. Është më mirë nëse i fitojmë të dyja. Do të vijë edhe koha ime në ekipin e të rriturve.

    Unë kam familjen në Shqipëri, prindërit e mi vijnë nga atje. Këtu kam lindur dhe rininë e kam kaluar në Gjermani. Nuk e di se çfarë ka e ardhmja, por zemra ime më thotë se dua të luaj për Gjermaninë”, tha Gruda, i cili u transferua në merkaton e verës te Brighton në Premier League.