Category: Sport

Të zhurmshëm tifozët shqiptarë në rrugët e Londrës, teksa në turma i drejtohen stadiumit. Stadiumi fillon të mbushet dhe nuk mungojnë nga të gjitha anët ngjyrat e kuqe.

– Futbolli është pasion dhe jo biznes. 21 vite prezent, nuk na largon dot. Këto janë banderolat e grupimit “Tifozat Kuq e Zi”, të cilët thumbojnë FSHF-në në lidhje me mungesën e biletave në sektorin ku kanë qëndruar gjithmonë.

– 50’ Broja del në nxehje dhe të gjithë tifozët shqiptarë në stadium brohorasin emrin e tij. Trajneri e aktivizon.

– Lojtarët anglezë presin disa minuta për t’u zëvendësuar sepse topi nuk del jashtë.

– Minuta e 80-ë. Anglezët braktisin avash-avash shkallët e stadiumit.

Shqipëria u mposht nga Anglia me rezultatin 2-0 në “Wembley”. Goli i Ljuis-Skellit në pjesën e parë dhe i Herri Kejn në të dytën, vendosën fatin e ndeshjes.

Pas ndeshjes foli Berat Gjimshiti.

“Besoj që vuajtëm në lëvizje. Të them të drejtën shumë shpejt pas ndeshjes të analizosh taktikën. Kam vërejtur që vuajtëm thellësinë e Bellingam, lëvizte shumë brenda linjës. E dimë të gjithë çfarë kualiteti ka. Me një lëvizje e nxjerr të gjithë mbrojtjen jashtë dhe e vuajtëm te goli i parë.

Sidomos nga minuta e 60-të, morën të gjithë lojtarët vetëbesim. Me hyrjen e Brojës, i fuste në vështirësi. Na dha motivim që mund të kapnim diçka. Si është futbolli, në momentin më të mirë erdhi goli i dytë i Anglisë dhe aty u mbyll loja.

Kemi akoma kohë. Është vetëm 1 ndeshje, Anglia favorite. Duhet të fokusohemi në ndeshjen e radhës, ta harrojmë këtë sa më shpejt dhe të mendojmë për Andorrën. Nuk ka lojëra të thjeshta dhe duhet të fokusohemi për të fituar atë ndeshje”, u shpreh Gjimshiti për Klan TV.

Legjenda e peshave të rënda të boksit, George Foreman, ka vdekur në moshën 76-vjeçare, ka njoftuar familja e tij.

I njohur si Big George në ring, amerikani ndërtoi një nga karrierat më të shquara dhe më të qëndrueshme në këtë sport, duke fituar medaljen e artë olimpike në vitin 1968 dhe marrë dy herë titullin botëror në peshën e rëndë, me 21 vjet diferencë, i dyti duke e bërë atë kampionin më të vjetër në histori në moshën 45-vjeçare.

Ai humbi titullin e tij të parë ndaj Muhammad Ali në përballjen e tyre të famshme Rumble in the Jungle në 1974. Por karriera profesioniste e boksit të Foreman krenohej me një total prej 76 fitoresh, përfshirë 68 nokaut, pothuajse dyfishi i asaj të Aliut.

Përkrah trajnerit Sylvinho, në konferencë para Anglisë, takim ky i vlefshëm për kualifikueset e Botërorit u shfaq edhe mbrojtësi Berat Gjimshiti.

Çfarë atmosfere gjeni pas mungesës suaj në Kombëtare?

Kam gjetur një atmosferë shumë të mirë, frymë të re pasi janë disa lojtarë talente të rinj që përmirësojnë ekipin. Kam parë në këto stërvitje që të gjithë japin gjithçka në fushë për të arritur diçka që se kemi bërë kurrë.

Botërori?

Ëndrrat thonë që realizohen. Më herët nuk kanë menduar që Shqipëria do kualifikohej dy herë në Europian. Unë nuk fshihem, s’kam pse themi se jemi ekip më i vogël se Anglia. Të japim gjithçka në fushë dhe nëse marrim rezultat të suksesshëm, do të ishte akoma më mirë.

Sa e vlerësoni këtë ndeshje sipas forcës së kundërshtarit, si mund të paraqitet skuadra për ta përballuar një ekip si Anglia?

Forca e tyre dihet, por s’duhet të flasim për lojtarët e tyre individualisht, i shohim çdo fundjavë në televizor. Trajneri na ka thënë çfarë duhet të bëjmë në fushë dhe ekipi është gati të bëjë gjithçka. Kanë qenë pak ditë për ta përgatitur, por për kaq kohë jemi përgatitur shumë mirë.

Mund të keni barrën kryesore, besoni se do ia dilni?

Siç e thashë, individualisht s’duhet të flasim shumë. Ekipi ka një punë të vështirë, jo vetëm Gjimshiti. Si ekip duhet të ndalim sa më shumë ndalim sulmin e Anglisë, që është një sulm botëror. S’do jenë duele individuale, por skuadras. Nëse përballojmë mirë, do jetë e vështirë.

Përballë Jude Bellingham, ke luajtur më herët ndaj tij…

Është një lojtar fantastik, besoj se shumë rrallë ka talente si ai dhe të tjerët. Është një talent ndër më të mirët në botë, por besoj mund të arrijë kulmin të jetë futbollisti më i mirë në botë në atë çfarë kam parë në ndeshjet me të.

Duke marrë parasysh që Anglia është favorite, por ti si një lojtar i Atalantës, sa beson se mund ta përballojë Shqipëria?

Anglia jo vetëm kundër nesh, por edhe në botëror dhe Europian është i favorizuar për ta fituar. Por Anglia nuk do të na nënvlerësojë, kanë respektin dhe e dinë që kemi bërë gjëra të mira si Kombëtare. Ata janë profesionistë si ne, në futboll nuk i dihet kurrë.

Pas performancës nga Europiani përballë ekipeve të forta, çfarë mund të sillni në një ndeshje si kjo?

Unë besoj se nuk jemi përballur keq, kemi bërë një Europian të mirë. Kemi pasur kundërshtarë shumë të fortë, të një niveli botëror, si Anglia nesër. Ajo që duhet të kemi është përqendrimi, pasi po të shohim ndeshjet në Europian, si Itali dhe Kroacia kemi pësuar gola brenda 5 minutave. Është gjëja më e rëndësishme përqendrimi, sidomos me kundërshtarë të këtij niveli, sepse të bëjnë dëm shumë shpejt.

Si e shihni këtë grup, shanset e Shqipërisë?

Unë besoj që është herët të flasim për shanset, por me kalimin e kohës këtij rrugëtimi, pas 4 ndeshjes mund ta caktosh më mirë. Por siç e thashë më herët, nuk futemi në fushë me mendimin për të mos u kualifikuar. E rëndësishme të japim gjithçka në fushë dhe me kalimin e kohës rritesh si ekip. Do shihet pas 4 ndeshjesh qëllimi ynë.

Bajern Munih ka konfirmuar vdekjen e 18-vjeçarit Guo Jiaxuan i cili pësoi një aksident tragjik gjatë një ndeshje stërvitore në muajin shkurt në Spanjë ku u godit në kokë.“FC Bajern është në zi për ndarjen nga jeta të Guo Jiaxuan, ish-lojtarit të skuadrës botërore, i cili ka vdekur në moshën 18-vjeçare në vendlindjen e tij, Kinë. Ai iu nënshtrua pasojave të një dëmtimi të rëndë në kokë pas një aksidenti tragjik gjatë një ndeshje stërvitore në Spanjë më 6 shkurt. Mendimet e klubit janë me familjen dhe miqtë e tij. Qendërmbrojtësi ishte pjesë e skuadrës botërore të FC Bajern në 2023, e cila u jep lojtarëve të talentuar nga e gjithë bota mundësinë për t’u shfaqur për futbollin profesionist. Jiaxuan gjithashtu përfaqësoi Kinën në nivelin e të rinjve”, shkruhet në njoftimin e klubit bavarez.

PANORAMASPORT.AL

Të gjithë sytë do të jenë në “Wembley”, më 21 mars në orën 20:45. Kombëtarja shqiptare do të përballet me Anglinë në sfidën që çel kualifikueset e Botërorit 2026.

“Tre Luanët” e dominojnë tërësisht një formacion me lojtarët më të shtrenjtë, që të dyja skuadrat kanë në përbërje. Sipas “Transfermarkt”, duke konsideruar edhe pozicionet e dyta që lojtarët kanë, vlera totale e formacionit do të ishte 820 milionë euro.

Një shifër kjo që është 8 herë më e lartë se vlera e gjithë lojtarëve të grumbulluar nga Silvinjo. Mbrojtësit Konsa dhe Livramento janë lojtarët që kanë vlerën më të ulët në treg dhe janë pjesë e këtij formacioni. Ata vlerësohen me 35 milionë euro.

Më i shtrenjti i kësaj përballje është Bellingam. Ylli i Realit vlerësohet plot 180 milionë euro.

Top 11(4-2-3-1): Pikford, Koluill, Gei, Konsa, Livramento; Bellingam, Rajs; Gordon, Eze, Foden; Kejn

Kristjan Asllani shihet si një nga lojtarët më të mirë të skuadrës tonë përfaqësuese. Ai ka besim se Shqipëria do ta nisë mbarë aventurën e saj në kualifikueset e Kupës së Botës, duke shtuar se kuqezinjtë janë të motivuar dhe do të bëjnë më të mirën në lojën e tyre për të marrë pikë ndaj “Tre Luanëve”. Asllani foli për përgatitjet e skuadrës për dy ndeshjet e para në kualifikueset e Kupës së Botës ndaj Anglisë dhe Andorrës.

Asllani tha se atmosfera brenda ekipit është shumë e mirë dhe të gjithë lojtarët janë të fokusuar, ndërsa theksoi se Shqipëria do të japë maksimumin ndaj Anglisë për një rezultat pozitiv. Në fund, ai i bëri thirrje tifozëve të mbështesin skuadrën dhe të mbushin shkallët e stadiumit në “Arenën Kombëtare” për ndeshjen ndaj Andorrës.

Një nga pyetjet që iu bë Asllanit ishte: Me Interin në Botërorin e Klubeve në Amerikë, sa i sigurtë je që do shkosh vitin tjetër në Botërorin e vërtetë me Kombëtaren? Përgjigja e tij ishte sa diplomatike aq dhe pragmatiste. “Këtu jemi për Kombëtaren, kemi një grup të vështirë, e dimë. Tani po stërvitemi dhe jemi gati për ndeshjen e parë”, theksoi ai.

Sekreti për të ndalur “Tre Luanët”

Më tej mesfushori kuqezi foli për praninë e tij tek Interi dhe ambiciet me skuadrën zikaltër. Në këtë pikë Asllani u ndal edhe tek vështirësia e lojtarëve anglezë për të cilët ai tha se i njeh e janë shumë të rrezikshëm. Sipas tij, sekreti për t’I ndalur anglezët është që përfaqësuesja jonë të luajë me zemër. “Janë një skuadër shumë e fortë, skuadër fizike dhe shumë teknike. Lojtarët e tyre i njohim shumë mirë. Besoj se nuk duhet të mendojmë shumë, por të luajmë me shpirt e zemër. Të mos shkojmë atje si turistë se gjithmonë kur hyjmë në fushë, futemi për fitore. E dimë që është e vështirë, por do të punojmë edhe këto 2-3 ditë dhe do shkojmë aty me shumë shpirt”, nënvizoi mesfushori kuqezi.

Mendimi në funksion të ekipit

Për Asllanin përfaqësuesja është gjë shumë speciale dhe ai tha se mendonte tërë kohën për ekipin, ku loja në grup duhet të shpërblehet. “Nuk e di çfarë prisni nga Asllani. Mendoj për ekipin, nuk jam këtu për të luajtur vetëm për veten time. Jemi një grup, një skuadër. Në kombëtare duhet të luajmë të gjithë së bashku. Kemi një ndeshje të vështirë. Po punojmë këto ditë, dje erdhëm.

Kemi edhe dy ditë për të punuar, fokusi është te ndeshja me Anglinë”, nënvizoi më tej Asllani. ai komentoi më pas mesfushën e skuadrës angleze, gjithnjë duke e krahasuar me tonën. por Asllani e pranoi se Anglia ka një skuadër shumë të fortë, ku të gjitha repartet e daj janë të kompletuara dhe me lojtarë shmë cilësorë. pra ai e pranoi se kjo ndeshje do të ishte e vështirë për Shqipërinë. “Mesfusha e Anglisë është shumë e fortë. Gjithë skuadra angleze është shumë e fortë. Do jetë ndeshje e vështirë. Do të luajmë si ekip, me shpirt dhe zemër siç kemi luajtur”, shtoi Asllani.

Në fund ai pranoi se një barazim do të ishte rezultat i mirë për ekipin tonë. “Nuk isha në Kombëtare në ndeshjen ndaj Anglisë katër vite më parë. Ne do të hyjmë në fushë dhe do të luftojmë që nga minuta e parë. E dimë që do na sulmojnë se kanë lojtarë shumë të shpejtë. Do të luajmë siç kemi luajtur në ndeshjet para Europianit”, përfundoi Asllani.

Regjim ushtarak para Anglisë dhe “ngujim në kullë”. Silvinjo e ka marrë mëse seriozisht nisjen e kapitullit të ri të Kombëtares shqiptare, që ka synim kualifikimin në Botërorin e vitit 2026.

U raportua se lojtarëve të Kombëtares iu është vendosur një rregullore strikte për këto ditë qëndrimi në Tiranë. Nuk do të ketë takime apo kafe gjatë grumbullimit, siç ndodhte në pjesën më të madhe të kohës më herët. Ndërkohë, një tjetër ndryshim ka ndodhur edhe me pjesën e akomodimit, pasi lojtarët janë vendosur në një vend tjetër dhe jo te hoteli që kanë qëndruar deri tani.

“NGUJIMI NË KULLË”– Gazeta mëson se ekipi kombëtar ka ndryshuar edhe hotelin. Akomodimi i ri është bërë në hotelin që është pjesë e stadiumit dhe të gjithë lojtarët do të qëndrojnë aty deri në përfundim të dy ndeshjeve kualifikuese. Një ndryshim i tillë, i forcuar edhe me një rregullore normale, bën që Silvinjo t’i ketë më të përqendruar futbollistët e tij dhe mendja do të fokusohet vetëm te dy ndeshjet e radhës.

RREGULLORJA- Nëse më herët dikush nga rrethi shoqëror apo i/e njohur mund të kalonte kohë me lojtarët kuqezi në ambientet e kafes së hotelit, tashmë diçka e tillë nuk lejohet. Futbollistët duhet të pushojnë në dhomë dhe kur do të kërkojnë të kalojnë kohë në pishinë, SPA apo për një ecje, duhet të marrin lejë te përgatitësi atletik i skuadrës. Një tjetër pikë e rregullores strikte, është se lojtarëve nuk iu lejohet të dalin nga dhoma pas orës 22:00 e mbrëmjes.

Një rregullore, e cila për profesionalizmin që futbollistët duhet të kenë, patjetër që duhet të zbatohet. Kombëtarja shqiptare do të luajë ndeshjen e parë ditën e premte në transfertën e Uemblit dhe tri ditë më vonë, kuqezinjtë do të presin Andorrën në “Arenën Kombëtare”. Sfidat e tjera do të zhvillohen në muajin qershor.