Shqiperia Ime

Category: Sport

  • Zbulohet e ardhmja e Mesit, ylli argjentinas pritet ta mbyllë karrierën te skuadra e…

    Zbulohet e ardhmja e Mesit, ylli argjentinas pritet ta mbyllë karrierën te skuadra e…

    Lionel Mesi me shumë gjasa nuk do ta mbyllë karrierën tek Inter Majemi. Siç raporton gazeta “El Nacional”, tetë herë fituesi i Topit të Artë tashmë ka vendosur të kthehet në vendlindjen e tij, Argjentinë. Prandaj, Mesi nuk dëshiron ta mbyllë karrierën e tij në Majemi, por me klubin e fëmijërisë, Newell’s Old Boys.

    Mesi e filloi karrierën e tij në klubin nga provinca argjentinase, Rosarios dhe luajti atje deri në moshën 13-vjeçare. Më pas, ai shkoi në Europë dhe iu bashkuar Barcelonës, ku qëndroi për më shumë se 20 vjet dhe bëri histori.

    Sipas raportit, ëndrra e tij është ta mbyllë karrierën te Newell’s Old Boys. Pavarësisht suksesit të tij botëror, ai kurrë nuk e harroi klubin e tij të fëmijërisë.

    Gjatë kohës së tij sa ishte te Barcelona, në vitin 2016 Mesi kishte paralajmëruar kthimin në vendlindje dhe me shumë gjasa kjo gjë do të ndodhë së shpejti.

  • Barcelona, Berisha në listë/ Portieri sugjerohet si alternativë tek kampionët spanjollë

    Barcelona, Berisha në listë/ Portieri sugjerohet si alternativë tek kampionët spanjollë

    Natyrisht që shanset i ka tepër të vogla.

    Etrit Berisha sot nuk po zgjidhet për të qenë titullar në portën e kombëtares shqiptare, dhe është e qartë për moshën 35-vjeçare, por gjithsesi nuk është gjë e vogël që të këshillohet si alternativë e Barcelonës.

    Klubi katalanas kërkon zëvendësues pas dëmtimit të rëndë të portierit titullar, Ter Shtegen, dhe sugjerimin për gardianin nga Prishtina e bën jo më pak se e përditshmja kryesore sportive në Katalonjë, “El Mundo Deportivo”.

    Berisha është në listën e saj me 10 portierë, ku përfshihen Kejlor Navas, Pavlenka, Karius, Vaclik apo Kubek.

    Për momentin ish-kapiteni kuqezi është pa skuadër.

    Dikur, tek Barcelona u përfshi Rej Manaj, që luajti me ekipin B sezonin 2020-2021, dhe u bashkua me Mesin me shokë në verën e 2021-it në fazë përgatitore.

    Ndërkaq, dy portierë të njohur kanë shprehur gatishmërinë për të veshur fanelën “blaugrana”.

    Këta janë Kejlor Navas, që mbetet aktiv, dhe Klaudio Bravo, që për momentin I ka dhënë fund karrierës.

    Navas, që ka qenë portier i Realit të Madridit, ka luajtur kohët e fundit tek Paris SG, dhe tek Notingem Foresti.

    Ai është 37 vjeç, për momentin pa ekip, ndonëse mbron portën e kombëtares së Kosta Rikës, dhe nëpërmjet agjentit Zhorge Mendes, thotë se është I hapur për të ndihmuar Barcelonën.

    Klaudio Bravo është 41 vjeç dhe gjithashtu ka deklaruar se mund të jetë në krah të katalanasve, ku luajti për dy sezone, ndërsa muajin e kaluar njoftoi tëtheqjen nga futbolli./abcnews.al

  • Lojtarët e Juventusit lihen të flenë në tokë në aeroport! Ngjarje e pabesueshme te bardhezinjtë pas barazimit në kampionat

    Lojtarët e Juventusit lihen të flenë në tokë në aeroport! Ngjarje e pabesueshme te bardhezinjtë pas barazimit në kampionat

    Një ngjarje e pazakontë ka ndodhur në natën e mbrëmshme në Itali, pas ndeshjes që skuadra U23 e Juventusit, kishte në Serinë C në transfertë ndaj Trapanit.

    Barazimi 1-1 për ekipin e drejtuar nga Paolo Montero nuk ka qenë problemi më i madh i ditës.

    Ekipi ka shkuar në aeroport ku ka mësuar se udhëtimi do të kishte një vonesë prej një ore. Më pas ato orë janë bërë dy dhe me radhë, duke shtyrë fluturimin e kthimit drejt Torinos, Kështu, lojtarët e Juve Next Gen, një pjesë e të cilëve kanë qenë rregullisht edhe nën urdhrat e Tiago Motës gjatë kësaj vere dhe javëve të para të sezonit, kanë kaluar gjithë natën në aeroport.

    Në pritje të avionit që nuk p nisej, lojtarët e rraskapitur janë shtrirë në tokë dhe kanë fjetur në ambientet e brendshme të aeroportit, të mbështetur mbi çantat e tyre të shpinës.

    Një skenë e pabesueshme duke llogaritur se pjesë e cilit klub janë dhe se ekipi U23 i Juventusit cilësohet pjesë e futbollit profesionist.

    Kalvari i vuajtjeve të tyre ka marrë fund vetëm në mëngjesin e sotëm, kur në orën 9 më në fund u nis edhe avioni që i ktheu në Torino.

  • Asist i Zhoao Marios, Rashica realizon gol spektakolar te Beshiktashi (Video)

    Asist i Zhoao Marios, Rashica realizon gol spektakolar te Beshiktashi (Video)

    Beshiktashi është duke udhëhequr me shifrat minimale 1-0 kundër Ejupsporit në duelin e vlefshëm për elitën e futbollit turk.

    Ndeshja u zhbllokua në minutën e 20 dhe goli mban autorësinë e Milot Rashicës. Futbollisti shqiptar i Kosovës, lëshoi një të djathtë nga distanca, duke shënuar kështu një gol spektakolar, pas asistit të Zhoao Marios.

    Topi i goditur prej Rashicës, përfundoi në cepin e djathtë të portës, atje ku ishte i pakapshëm për portierin kundërshtar.

    Ylli shqiptar i Kosovës, po gëzon një formë mjaft të mirë me Beshiktashin në këtë sezon të ri futbollistik, teksa është përshtatur mjaft mirë me skemat dhe strategjinë e lojës të Van Bronkhorsti, ndërkohë Ernest Muci nuk është i disponueshëm për këtë takim.

  • Çeki-Shqipëri, dalin në shitje biletat për ndeshjen e Ligës së Kombeve

    Çeki-Shqipëri, dalin në shitje biletat për ndeshjen e Ligës së Kombeve

    Kombëtarja shqiptare do të luajë në muajin tetor dy ndeshjet e radhës në UEFA Nations League, ndaj Çekisë (11 tetor, Epet Arena, 20:45) dhe ndaj Gjeorgjisë (14 tetor, Mikheil Meskhi Stadium, 18:00).

    Federata Shqiptare e Futbollit dëshiron të njoftojë të gjithë futbolldashësit dhe tifozët e Kombëtares se mund të blejnë biletat e tyre për sfidën e tretë në Grupin B1 të UEFA Nations League, Republikë Çeke-Shqipëri

    Tribunat A2, A3, H1, F20 dhe F21 në stadiumin “Epet Arena” janë në dispozicion të tifozëve shqiptarë.

  • Dueli i rëndësishëm në Ligën e Kombeve, dalin në shitje biletat për Republikë Çeke-Shqipëri

    Dueli i rëndësishëm në Ligën e Kombeve, dalin në shitje biletat për Republikë Çeke-Shqipëri

    Kombëtarja shqiptare do të luajë në muajin tetor dy ndeshjet e radhës në UEFA Nations League, ndaj Çekisë (11 tetor, Epet Arena, 20:45) dhe ndaj Gjeorgjisë (14 tetor, Mikheil Meskhi Stadium, 18:00).

    Federata Shqiptare e Futbollit dëshiron të njoftojë të gjithë futbolldashësit dhe tifozët e Kombëtares se mund të blejnë biletat e tyre për sfidën e tretë në Grupin B1 të UEFA Nations League, Republikë Çeke-Shqipëri

    Tribunat A2, A3, H1, F20 dhe F21 në stadiumin “Epet Arena” janë në dispozicion të tifozëve shqiptarë.

  • FOTOT/ Homazhe në nderim të Gerti Bogdanit para ndeshjes Tirana-Partizani, bardheblutë: Do të fitojmë për të!

    FOTOT/ Homazhe në nderim të Gerti Bogdanit para ndeshjes Tirana-Partizani, bardheblutë: Do të fitojmë për të!

    Partizani dhe Tirana luajnë sot supersfidën e vlefshme për javën e 6-të të “Abissnet Superiore”.

    Klubi i Tiranës ka mbajtur homazhe për ish-deputetin Gerti Bogdani, i cili u nda nga jeta pak ditë më parë pas një ataku kardiak.

    Bardheblutë janë shfaqur me foton e Bogdanit dhe me lule të bardha në duar.“Ne si klub shprehim ngushëllimet më të thella për familjen Bogdani, e dimë që ka qenë tifoz i Tiranës. Besojmë se sot do fitojmë për të. Këto janë ndeshje të cilat duhen luftuar dhe shijuar, 3 pikët janë 3 pikë. Për këto ndeshje nuk kanë nevojë të motivohen lojtarët, derbi duhet fituar”, tha drejtori sportivi i bardhebluve, Agim Ibraimi.

  • Iu gjet kanabis me vlerë 800 mijë $ në aeroport, arrestohet futbollisti i njohur(Emri)

    Iu gjet kanabis me vlerë 800 mijë $ në aeroport, arrestohet futbollisti i njohur(Emri)

    Jay Emmanuel-Thomas, një futbollist që dikur luante për gjigantin e Premier League, Arsenal, është arrestuar pasi ju gjet kanabis me vlerë 795,300 dollarë në një aeroport britanik. Agjencia Kombëtare e Krimeve të Mbretërisë së Bashkuar (NCA) tha të mërkurën se një burrë 33-vjeçar ishte arrestuar më herët atë mëngjes në Skoci, si i dyshuar për import kanabisi përmes aeroportit Stansted të Londrës.

    Emmanuel-Thomas ishte deri të enjten duke luajtur për klubin skocez të nivelit të dytë Greenock Morton. Në një deklaratë të postuar në X , i njohur më parë si Twitter, Greenock Morton tha të enjten se kishte ndërprerë kontratën e Emmanuel-Thomas “me efekt të menjëhershëm”, duke shtuar se nuk do të bënte asnjë koment të mëtejshëm mbi situatën.

    Emmanuel-Thomas u dërgua në Carlisle në Angli për t’u marrë në pyetje. Ai u paraqit në gjykatë të enjten në Carlisle i akuzuar për importimin e drogave të klasës B. Lirimi i tij me kusht u refuzua dhe ai do të paraqitet \në Gjykatën e Kurorës së Carlisle më 18 tetor.

  • Super gol i Qazim Laçit në Champions, shtrin në fushë tre kundërshtarë (Video)

    Super gol i Qazim Laçit në Champions, shtrin në fushë tre kundërshtarë (Video)

    Qazim Laçi është bërë protagonist në sfidën e parë të Sparta Prague në Champions League përballë Salzburg.

    Talenti shqiptar ka gjetur rrugën e rrjetës në minutën e 58-të, në duelin ndaj Salzburg, duke ngritur shifrat në 3-0.

    Pas asistit të Olatunjit, mesfushori shqiptar, lëviz bukur në afërsi të pikës së penalltisë, teksa me shumë klas arriti të nxirrte blof dy mbrojtësit kundërshtarë, duke përshëndetur rrjetën.

    Një gol mjaft i bukur ky i Qazim Laçit.

  • Futbolli italian në zi, ndërron jetë futbollisti i njohur

    Futbolli italian në zi, ndërron jetë futbollisti i njohur

    Futbolli italian në zi, ndërron jetë Toto Schillaci. Pas një beteje të gjatë, ish sulmuesi i famshëm italian humbet ndeshjen më të rëndësishme, betejën me jetën.

    Schillaci ishte i shtruar prej disa kohësh në spital pasi vuante nga një sëmundje e rëndë.

    Schillaci ndërroi jetë në moshën 59 vjeçare.