Category: Sport

Trajneri I Kombëtares, Silvinjo, është shprehur i lumtur për fitoren ndaj Ukrainës, sidomos për faktin se ekipi i tij arriti të përmbyste rezultatin në një ndeshje shumë të kujdesshme.

“Një fitore shumë e rëndësishme, kujtoj që fitorja e fundit zyrtare ishte ndaj Çekisë prej shumë kohësh. Është e vërtete që grupi ishte i vështirë në Europian por fitorja është shumë e mirë, kemi bërë shumë mirë dhe është e merituar.

Është e vështirë të punosh për të, që të arrish të përmbysësh një ndeshje është një përqindje shumë e vogël suksesi, sidomos në këto nivele. Kundërshtarët janë shumë teknikë, një kundërshtar i fortë. Ne bëmë një ndeshje të mirë, nuk humbëm toruan, ndoshta pasi pësuam golin për 5 minuta ishim keq. Por sa i përket të ardhmes në turne, kjo fitore ishte kyç për të ecur para, se Gjeorgjia dhe Çekia janë shumë të fortë.

Ndryshime me Gjeorgjinë? Të shohim, është ende situatë e nxehtë, sapo kemi mbaruar një ndeshje të vështirë me shpenzim fizik të rëndësishëm. Nesër stërvitjen e kemi këtu e kthehemi në darkë në Tiranë. Nesër të shohim se si janë lojtarët, të shohim, ka pak kohë nga ndeshja e parë në të dytën. Por duhet të shohim deri në fund për të kuptuar nëse duhen bërë zëvendësime dhe sa.

Nuk e di kurrë situatën në këtë punë, vijnë të fundit dhe ndoshta 2-3 janë të dëmtuar. Kapiteni Gjimshiti mori një dëmtim të vogël muskulor, kishim një probleme me ndonjë tjetër, por puna është kjo. I besoj të gjithëve, kemi 35 lojtarë në listë pritje. I kam thënë që ky turne është i rëndësishëm, çdo herë është mundësi të bësh diçka të rëndësishme për njerëzit dhe ne, dhe ata e kanë kuptuar. Kjo është puna”, tha Silvinjo për “SuperSport”.

Goli i pësuar i “ingranoi” dhe kjo e tregon tabela e rezultatit në “epet Arena”, me “Legjionarët” tanë që kanë përmbysur totalisht rezultatin ndaj Ukrainasve duke marrë tashmë në duar “frerët” e lojës.

Një aksion perfekt i “Kuqezinjve” është finalizuar më së miri nga “pistoni” i krahut të djathtë të fushës, Jasir Asani, i cili mposht me një goditje potente portierin Trubin, duke nisur festën e tanëve.

Rezultati shkon në 1-2.

Ndeshja Ukrainë-Shqipëri duhej të niste në orën 20:45, por nisi 7 minuta më vonë.

Siç duket shkak janë bërë çorapet e një prej futbollistëve të Ukrainës.

Sulmuesit Yaremchuk iu kërkua nga arbitri që të ndërrojë çorapet, pasi ishin të grisura.

E kështu futbollisti u detyrua të shkojë në pankinë t’i ndërrojë ato.

Futbollistët e tjerë u detyruan të prisnin numrin 9 të Ukrainës e pasi ai veshi çorapet e duhura, sfida nisi.

Shqipëria nis sot rrugëtimin e saj në Ligën e Kombeve me një duel që luhet në Pragë jo ndaj Çekisë vendase, pro ndaj Ukrainës e cila i luan ndeshjet në fushë asnjanëse për shkak të luftës.

Një start me rezultat pozitiv do të jetë shumë i rëndësishëm në një grup shumë të balancuar siç është ai ku gjenden kuqezinjtë dhe Silvinjo është treguar i kujdesshëm me rreshtimin e tij të parë për duelin në fjalë.

Ashtu siç pritej, ai ka luajtur me një skemë që e ka praktikuar edhe në ndeshjen ndaj Kroacisë në Europian, ku Laçi luan në qendër të mesfushës dhe Bajrami në të majtën e sulmit.

Dyshja e qendrës së mbrojtjes do të jetë Ismajli-Kumbulla, të cilët zëvendësojnë të munguarit Gjimshiti—Ajeti, të cilët luajtën titullarë në sfidat e Europianit.

FORMACIONET ZYRTARE

UKRAINA: Trubin, Kabalev, Matvijenko, Zabarnji, Brazhko, Sudakov, Shaparenko, Konplia, Mykolaenko, TTsigankov, Jaremçuk
Trajner: Sergei Rebrov

SHQIPËRIA: Strakosha, Hysaj, Ismajli, Kumbulla, Mitaj, Ramadani, Asllani, Laçi, Bajrami, Asani, Manaj.
Trajner: Silvinjo

Mbrëmjen e sotme, Shqipëria do të luajë ndeshjen e parë në Ligën e Kombeve.

Pas transfertës ndaj Ukrainës, kuqezinjtë do të presin befasinë e Europianit, Gjeorgjinë, në “Air Albania”.

Interesi për ekipin kombëtar mbetet i lartë edhe pas EURO 2024-s.

Mësohet se deri më tani, janë shitur afërsisht 15 mijë bileta, ku pritet qe një numër i lartë të shitet në këto ditë të fundit përpara fillimit të ndeshjes.

Lista e grumbullimeve të ekipeve përfaqësuese sjell gjithnjë polemika, reagime, kundërshti, janë pjesë e futbollit dhe çdokush jep mendimin e tij.

Ka, megjithatë, raste kur vetë të afërmit e futbollistëve protagonist reagojnë në mënyra të ndryshme duke u vënë në qendër e vëmendjes.

I rradhës ishte babai i Bersant Celinës, i cili me një reagim në Facebook ka ofenduar tërthorazi trajnerin e Kosovës, Franko Foda për lënien jashtë të të birit të tij.

“Komplimentet më të sinqerta nënës së trajnerit Franko Foda”, shkruan ai në postimin e tij, teksa Kosova u mund nga Rumania në ‘Fadil Vokrri’ me rezultatin e pastër 0-3.

Deklaratat skandaloze nga shqiptarët e Kosovës po tronditin jo pak shqiptarët e Shqipërisë të cilët u janë gjendur në krah vëllezërve kosovarë, kurdo herë dhe në çdo moment, sa herë dhe ata kanë pasur nevojë.

Pas deklaratës absurde të aktorit Osman Azemi, i cili tha se shqiptarët e Shqipërisë janë xhelozë për ata të Kosovës pasi sipas tij nuk kanë emra të njohur si Rita Ora, Dua Lipa, Majlinda Kelmendi, Xherdan Shqiri e shumë të tjerë, një tjetër figurë e njohur në Kosovë është në të njëjtën linjë mendimi me aktorin.

Së fundmi, video e aktivistit të Vetvendosjes, Rron Gjinovcit po bën xhiron e rrjetit.

Në këtë video Gjinovci dëgjohet teksa thotë se Shqipëria nuk ka asgjë të vetëm, duke filluar nga ekonomia për të cilën sipas tij kontribuojnë kosovarët e deri te artistët e futbollistët.

Gjonovci nuk ka lënë pa përmendur as tifozerinë e futbollit shqiptar për të cilët tha se shumica janë kosovarë dhe atmosfera krijohet nga ata, pasi tifozët shqiptarë më herët kanë pasur kore bazike dhe madje nuk kanë ditur as të shajnë.

“Shqipëria nuk ka asgjë origjinale të vetën, në një dimesion. Ekonominë e ka të gjithën të bazuar në turizëm që dominohet nga kosovarët. Çfarë prodhon Shqipëria? Nuk prodhon asgjë. Kulturën mundohet ta marrë nga pjesët e tjera për të cilat nuk ka kontribuar asnjëherë asgjë, që kur ka shpallur Pavarësinë asnjëherë nuk ka qenë në gjendje, asnjë luftë të nisë për të marrë pjesët e tjera që i takojnë apo të përfitojë prej tyre.

Është para. Unë dua të përvetësoj Dua Lipën që është një kosovare. Të gjithë estradën e ka me njerëz të Kosovës. Futbollin e ka një djalë nga Tetova, një nga Kumanova, nja 5 a 6 djem nga Kosova dhe domethënë Shqipëria as ekipin e vet nuk ka mundur të bëjë të vetin të territoret veta. Tifozeria janë shumica kosovarë, ata nuk dinë as të bërtasin i kanë pasur ato thirrjet “le të fitojë më i miri”, ata edhe për të sharë janë mësuar nga kosovarët. Nuk kanë ditur as të shajnë. Çfarë ka prodhuar Shqipëria?”,