Shqiperia Ime

Category: Sport

  • Ishte shumë pranë kalimit te skuadra e sapongjitur në Premier League, Armando Broja rikthehet dhe njëherë te…

    Ishte shumë pranë kalimit te skuadra e sapongjitur në Premier League, Armando Broja rikthehet dhe njëherë te…

    E ardhmja e Armando Brojës vazhdon rikthehet sërish në një pikëpyetje të madhe, me sulmuesin e Kombëtares shqiptare që ishte shumë pranë kalimit te Ipswich, gjë që nuk ndodhi.

    Chelsea gjeti akordin me klubin e sapongjitur në Premier League, me këtë të fundit që do të huazonte 22-vjeçarin shqiptar dhe nëse do t’i shpëtonte rënies, atëherë do ta blinte për 30 milionë paund.

    Por gjithçka u prish gjatë testeve mjekësore, të cilat nuk i kaloi dot për shkak të një dëmtimi në gju.

    Edhe pse u përpoqën deri në fund që ta transferonin, Ipswich tashmë është dorëzuar 100%, teksa eksperti i merkatos, Fabrizio Romano ka konfirmuar se sulmuesi i Kombëtares shqiptare është rikthyer sërish te Chelsea.

    https://twitter.com/FabrizioRomano/status/1829173881770565905?ref_src=twsrc%5Etfw%7Ctwcamp%5Etweetembed%7Ctwterm%5E1829173881770565905%7Ctwgr%5E34963dcd8e041242382ebdd932eb7b96b1978df8%7Ctwcon%5Es1_&ref_url=https%3A%2F%2Ftop-channel.tv%2F2024%2F08%2F29%2Fishte-shume-prane-kalimit-te-skuadra-e-sapongjitur-ne-premier-league-armando-broja-rikthehet-dhe-njehere-te%2F

    Nga ana tjetër, trajneri Enzo Maresca bëri një paralajmërim për të gjithë lojtarët që nuk janë në planet e tij, përfshirë dhe Broja, duke thënë se të gjithë ata duhet të gjejnë patjetër një skuadër të re, sepse te Chelsea nuk do të kenë asnjë minutë.

  • E PAPRITUR/ Klaus Gjasula tërhiqet nga Kombëtarja shqiptare, ja reagimi i FSHF-së

    E PAPRITUR/ Klaus Gjasula tërhiqet nga Kombëtarja shqiptare, ja reagimi i FSHF-së

    𝐅𝐀𝐋𝐄𝐌𝐈𝐍𝐃𝐄𝐑𝐈𝐓 𝐊𝐋𝐀𝐔𝐒 𝐆𝐉𝐀𝐒𝐔𝐋𝐀
    5️⃣vite kuqezi

    ⚔️Gjithmonë gati për të luftuar!

    🫡Klaus Gjasula, pas #Euro2024, ka vendosur të tërhiqet nga Kombëtarja dhe FSHF e falënderon pafundësisht mesfushorin për kontributin e dhënë në fushë dhe jashtë saj. Klausi gjithmonë ka qenë një shembull në Kombëtare me angazhimin dhe sjelljen e tij. Faleminderit luftëtar!

  • Futbolli në zi! Humbi ndjenjat në fushë, futbollisti 27-vjeçar vdes pas 5 ditësh qëndrimi në spital

    Futbolli në zi! Humbi ndjenjat në fushë, futbollisti 27-vjeçar vdes pas 5 ditësh qëndrimi në spital

    Futbolli uruguaian është zhytur në zi. Pas pesë ditësh në spital, Juan Izquierdo i Nacional dha frymën e fundit sot në moshën 27-vjeçare.

    Qendërmbrojtësi i skuadrës së Montevideos ishte rrëzuar në orët e para të së premtes së kaluar në fushë, gjatë ndeshjes kundër Sao Paulos për 1/16-ën e Copa Libertadores.

    Fatkeqësisht, ai nuk ka mundur ta kapërcejë problemin, i cili ka shkaktuar humbjen e ndjenjave dhe pak orë më parë ka ndërruar jetë.

    Ekipi i tij, Nacional he i gjithë futbolli i vendit, është zhytur në zi pas ngjarjes së rëndë. Kujtojmë se ngjarja ndodhi në minutën e 75-të të ndeshjes në stadiumin “Morumbi” në Sao Paulo. Mbrojtësi nga kryeqyteti uruguaian u rrëzua në fushë. Izquierdo rifitoi vetëdijen përpara se të hynte në ambulancë dhe u dërgua në spital për analiza të mëtejshme. Por, për fat të keq, ai nuk arriti ta kapërcejë problemin (aritmia e zemrës sipas raportimeve), e cila e shkaktoi humbjen e vetëdijes dhe më pas vdekjen.

  • Sulmuesi shqiptar futet nga stoli dhe shënon golin e kualifikimit në grupet e Champions-it

    Sulmuesi shqiptar futet nga stoli dhe shënon golin e kualifikimit në grupet e Champions-it

    Mbrëmja e djeshme, ka qenë magjike për Spartën dhe Pragën, pasi protagonist u bë sulmuesi shqiptar i Kosovës, Albion Rrahmani.

    23-vjeçari u fut nga stoli në minutën e 70-të, teksa në minutën e 83-të, shënoi golin e dytë për Spartën ndaj Malmos, duke hipotekuar kualifikimin e kampionëve të Çekisë në grupet e Champions-it.

    Ky ishte debutimi i Rrahmanit me Spartën e Pragës, kujtojmë që sulmuesi u transferua në këtë merkato nga Rapidi i Bukureshtit.

  • Broja në garë me kohën, problemet me tendinën e Akilit stepin skuadrat e interesuara

    Broja në garë me kohën, problemet me tendinën e Akilit stepin skuadrat e interesuara

    Armando Broja është në garë me kohën. Kur jemi futur në ditët e fundit të merkatos, e ardhmja e sulmuesit tonë kuqezi është ende në udhëkryq.

    Në mënyrë të befasishme transferimi i Brojës tek Ipswich Town dështoi, ku shkaku kryesor sipas mediave në ishull u bë problematikat e shtatëlartit të kombëtares tonë në tendinën e Akilit, të cilat u konstatuan gjatë vizitave mjekësore. Klubi i Ipswich kërkoi ulje të vlerës për transferimin e Brojës, pas konstatimit të këtij fakti, por londinezët e Chelsea-t refuzuan në mënyrë kategorike, duke bllokuar në këtë mënyrë realizimin e këtij transferimi.

    Në këto kushte, për shkak të këtij problemi, po sipas mediave britanike, edhe skuadrat e tjera të interesuara mbi të gjitha Everton janë të stepura dhe në pritje për të mësuar më shumë mbi gjendjen e Armando Brojës. Nëse edhe Çelsi nuk e merr në konsideratë uljen e vlerës për shitjen e Brojës, atëherë me shumë gjasa edhe këto klube mund të dalin nga gara për sulmuesin e kombëtares tonë.

    Enzo Maresca tekniku i “Bluve” nuk e ka Brojën pjesë të planeve të tij për sezonin e ardhshëm, ndaj në këto kushte Broja dhe agjenti i tij duhet të nxitojnë për të gjetur në këto ditë të fundit të merkatos një skuadër të re për t’u transferuar.

  • Sokol Cikalleshi transferohet në Iran, është futbollisti më i ri i Tractor FC

    Sokol Cikalleshi transferohet në Iran, është futbollisti më i ri i Tractor FC

    Sokol Cikalleshi do ta vijojë karrierën e tij në Iran. Bomberi shqiptar ka zyrtarizuar mëngjesin e sotëm firmën me ekipin e Tractor FC, që luan në elitën e futbollit iranian.

    Cikalleshi vijon kështu udhëtimin futbollistik në një ekip të ri, pas 4 vitesh që ai qëndroi te Konyaspor në Superligën turke.

    Kjo është eksperienca e parë për 34-vjeçarin në Iran, teksa zgjedhja e tij mund të konsiderohet me të vërtetë surprizë.

  • Inzaghi ‘ngre në qiell’ pas ndeshjes Kristian Asllanin: Lojtar i rëndësishëm, na jep një “dorë” të mirë kur futet në..

    Inzaghi ‘ngre në qiell’ pas ndeshjes Kristian Asllanin: Lojtar i rëndësishëm, na jep një “dorë” të mirë kur futet në..

    Interi mori mbrëmjen e djeshme fitoren në këtë sezon të ri. Kampionët në fuqi të Serisë A kanë mposhtur Leçen me rezultatin 2-0.

    Simone Inzagi ka folur para mediave, pas këtij suksesi, teksa i pyetur nëse do ta kishte aktivizuar Asllanin edhe në momentin kur ndeshja ishte ende 0-0, trajneri i Interit e ka pohuar menjëherë, duke u shprehur se mesfushori shqiptar është mjaft i rëndësishëm.

    “Ne ishim të zhgënjyer nga barazimi në atë mënyrë kundër kundër Xhenoas. Donim që të ktheheshim përsëri te fitoret, por kisha parë shenja të shkëlqyera gjatë javës. A do të hynte Asllani në fushë përpara penalltisë? Sigurisht, Asllani është një lojtar i rëndësishëm, i cili do të na jepte një dorë të mirë”, ka deklaruar Simone Inzagi.

  • Rikthim me gol, sulmuesi i Kombëtares shqiptare gjen rrugën e rrjetës për herë të 9-të në kampionat (Video)

    Rikthim me gol, sulmuesi i Kombëtares shqiptare gjen rrugën e rrjetës për herë të 9-të në kampionat (Video)

    Xhakomo Vrioni është rikthyer me gol në elitën e futbollit amerikan, pas një dëmtimi që e mbajti jashtë për 5 ndeshje.

    Sulmuesi i Kombëtares shqiptare, gjeti rrugën e rrjetës në triumfin 0-5 që skuadra e tij Neë England Revolution arriti në transfertë ndaj Montreal.

    Vrioni u hodh në fushë në minutën e 66-të, teksa në minutën e 79-të, arriti të tunde rrjetë duke ngritur shifrat në 0-4.

    Shqiptari realizoi edhe një gol në minutën e 90+1, por u anulua nga VAR-i për pozicion jashtë loje.

    Këtë sezon Vrioni po kalon një formë të shkëlqyer te skuadra e Neë England Revolution ku në 21 ndeshje ka shënuar 9 gola si dhe ka dhënë një asist.

  • Sporti në zi, humb betejën me kancerin, shuhet trajneri legjendar gjerman

    Sporti në zi, humb betejën me kancerin, shuhet trajneri legjendar gjerman

    Një lajm i trishtë është bërë publik ditën e sotme!

    Trajneri legjendar gjerman i futbollit, Kristof Daum ka humbur jetën në moshën 70-vjeçare pas një beteje të gjatë me kancerin.

    Daum ka luftuar me një sëmundje të egër që nga vjeshta e vitit 2022.

    Në karrierën e tij si trajner ka drejtuar Këlnin, Shtutgartin, Beshiktashin, Bajer Leverkusenin, Austrinë e Vjenës, Fenerbahçen, Eintracht Frankfurtin, Klub Bryzhin dhe Bursasporin, si dhe ka qenë trajner i Rumanisë.

    Vite më parë emri i tij ka dalë në skenë edhe si trajner i mundshëm i Kosovës, por bashkëpunimi nuk u arrit.

    Daum fitoi titullin kampion gjerman me Shtutgartin si dhe Superkupën e Gjermanisë, si dhe ishte tre herë kampion i Turqisë dhe fitues i Kupës së Turqisë dhe Superkupës së Turqisë.

    Gjermani gjithashtu u shpall edhe kampion i Austrisë në vitin 2003 kur fitoi dy trofe me Austrinë e Vjenës.

    Ai duhej të bëhej trajner i Gjermanisë pas dështimit në Euro 2000 në Belgjikë dhe Holandë, por Uli Hë ndërhyri dhe e akuzoi publikisht për përdorimin e substancave të paligjshme.

    Daum pranoi t’i nënshtrohej një testi droge dhe një mostër flokësh zbuloi se ai kishte konsumuar kokainë, kështu që humbi pozicionin e tij si trajner i kombëtares gjermane.

  • Dështon marrëveshja mes palëve, Armando Broja nuk do të huazohet tek Ipsuiç

    Dështon marrëveshja mes palëve, Armando Broja nuk do të huazohet tek Ipsuiç

    Është përfolur shumë për të ardhmen e Armando Brojës dhe asgjë s është ende zyrtare.

    Por një gjë ështyë e sigurt, sulmuesi i Kombëtares kuqezi nuk do të transferohet te Ipsuiç. Lajmi është bërë i ditur nga eksperti i merkatos, Fabricio Romano.

    Ai shkruan se pavarësisht se futbollisti bëri vizita mjekësore, marrëveshja mes palëve ka dështuar.

    Mediat e huaja shkruajnë se për Brojën ka interes edhe Evertoni. Gjithsesi Çelsi duhet të gjejë një zgjidhje brenda javës deri në ditën e fundit të merkatos.

    PANORAMASPORT.AL