Category: Sport

Është përfolur shumë për të ardhmen e Armando Brojës dhe asgjë s është ende zyrtare.

Por një gjë ështyë e sigurt, sulmuesi i Kombëtares kuqezi nuk do të transferohet te Ipsuiç. Lajmi është bërë i ditur nga eksperti i merkatos, Fabricio Romano.

Ai shkruan se pavarësisht se futbollisti bëri vizita mjekësore, marrëveshja mes palëve ka dështuar.

Mediat e huaja shkruajnë se për Brojën ka interes edhe Evertoni. Gjithsesi Çelsi duhet të gjejë një zgjidhje brenda javës deri në ditën e fundit të merkatos.

PANORAMASPORT.AL

Granit Xhaka ka shënuar golin e parë për Bayer Leverkusen në sezonin e ri të Bundesligës. Një gol i pabesueshëm nga jashtëzone, që tundi rrjetën e Borussia Monchengladbach.

0-1 është rezultati aktual, teksa goli i shënuar erdhi në minutën e 12-të. Kujtojmë se Leverkusen i pamposhtur në Bundesligë sezonin e kaluar, nga ku u shpall dhe kampion.

Xhaka është pjesë e “Aspirinave” prej 1 viti. 31-vjeçari mund të thuhet se po kalon periudhën më të artë në karrierën e tij te klubi i Bundesligës gjermane.

Goli i Granit Xhakës:

Një urim i bukur vjen nga Kristjan Asllani për babain e tij. Ky i fundit feston datëlindjen, ndërsa mesfushori i Interit ka zgjedhur që ta ndajë këtë ditë të veçantë të familjarit të tij me të gjithë ndjekësit.

“Edhe 100 babi”, shkruan Kristjani, duke e shkruar urimin vetëm në gjuhën shqipe.

Ajo që bie në sy është fakti se në foton ilustruese Asllani është në moshë të vogël dhe mban veshur fanellën e Interit, ekipit që luan sot, teksa dihet që shqiptari luan me skuadrën që bënte tifo që i vogël.

Ipsuiç-Broja, ende asgjë e përfunduar. Kjo pas fjalëve në konferencën për shtyp të vetë teknikut të Ipsuiçit, Mek Kena i cili dy ditë përpara sfidës ndaj Mançester Sitit në kampionat u ndal të fliste edhe për merkaton, aty ku tema më e nxehtë ishte pikërisht. sulmuesi i Kombëtares shqiptare, Armando Broja.

“Ka ende disa role ku mendojmë se duam të shtojmë diçka, sulmi është një prej tyre. Me nivelin e kampionatit dhe mënyra se si operojmë, ne kemi nevojë për shumë lojtarë. Ne duam të jemi vërtet të fortë në ato reparte dhe të kemi alternativa të mira. Ne duam të shtojmë cilësi të ndryshme që do të na ndihmojnë të kemi sukses në “Premier League”. Broja? “Asgjë nuk është e konfirmuar ende, për sa kohë konfirmimi nuk vjen, mendoj që transferimi është ende larg. Në këtë mënyrë nuk ka asnjë motiv për të folur rreth kësaj çështje”, theksoi tekniku i skuadrës angleze.

SITUATA Mbrëmjen e së mërkurës, bëri bujë lajmi se Çelsi ka gjetur akordin me klubin e sapongjitur në Premier Ligë, Ipsuiçin për huazimin me të drejtë blerje të Armando Brojës. Fillimisht sulmuesi do të luajë një sezon me Ipsuiçin dhe klauzola do të ishte nëse këta të fundit qëndrojnë në kategori, janë të detyruar të blenë kartonin e 22-vjeçarit për 30 milionë euro. Kur dukej gjithçka e mbyllur, dje u përfol se Broja ka kryer vizitat mjekësore dhe i ka kaluar me sukses ato, por zyrtarizimi i pritur nuk erdhi.

Këtu lindën edhe dyshime e para, ndërsa deklarata e trajnerit të Ipsuiçit, i shtoi edhe më shumë këto dyshime se transferimi ka ngecur dhe palët nuk po bihen dakord për detajet e fundit. Edhe një postim në “X” i gazetarit Stjuart Uatson i cili publikoi i pari lajmin se Broja do të shkojë te Ipsuiçi, ishte: “Ipsuiçi po mundohet të firmosë me sulmuesin e Çelsit Armando Broja dhe uingerin e Sandërlendit Xhek Klark”, shkrua gazetari i cili merr edhe shumë komente të tipit: “Po mundohet? Sikur u mbyll”, apo “ende nuk ka firmosur Broja”. Ndërkohë sot pritet të jetë edhe dita e së vërtetës për të ardhmen e Armando Brojës dhe zyrtarizmit te Ipsuiçi në formë huazimi me të drejtën e blerjes me kusht.

Armando Broja është pranë huazimit te skuadra e Ipusiç në Premier Ligën angleze. Këto janë të rejat e fundit që vijnë nga merkato.

Gazetari anglez, Stuart Uatson, i cili është shumë pranë klubit të Ipsuiç, raporton se palët duket se kanë gjetur gjuhën e përbashkët për sa i përket huazimit të sulmuesit shqiptar drejt klubit të sapo ngjitur në Premier Ligë.

Broja kërkon të marrë sa më shumë minuta, për të kapur formën e duhur, teksa Ipsuiçi duket një mundësi ideale për të. Bëhet fjalë për një huazim 1-vjeçar me të drejtë blerje për 30 milionë paund, në rast se Ipsuin siguron qëndrimin në Premier Ligë. Broja do të udhëtojë për teste mjekësore në 24 orët e ardhshme pasi po përgatiten edhe kontratat mes klubeve.

Vedat Muriqi ka shënuar ndaj Real Madridit për ta barazuar rezultatin për Mallorcan.

Sulmuesi i përfaqësueses së Kosovës realizoi një gol fantastik me kokë pas një harkimi të bukur nga këndi.

Për Muriqin ky është goli i parë në kampionat.

قووووووول التعادل مايوركا

الحساب الأساسي : @d7em10_#RealMadrid #LaLiga #RCDMallorcaRealMadrid pic.twitter.com/1HIhIu4zVd

— دحــــــــــيــــــــــــم (@d7em10_TFC) August 18, 2024

Nuk ka kthim pas në Romë, por Marash Kumbulla largohet edhe nga Serie A duke nisur një aventurë të re në Spanjë. Në mënyrë surprizë, qendërmbrojtësi kuqezi ka zgjedhur La Liga për të vijuar karrierën e tij teksa këtë të shtunë është prezantuar zyrtarisht tek ekipi i Espanyol.

Klubi i Romës me anë të një komunikate për mediat ka bërë me dije se Kumbulla është transferuar tek Espanyol në formë huazimi deri më 30 qershor 2025, një sezon i plotë në Barcelonë.

Kumbulla është prezantuar zyrtarisht tek ish klubi i Keidi Bares. Pas dëmtimit të rëndë që pësoi në gju, Kumbulla u largua nga Roma në janar të këtij viti për t’u transferuar te Sassuolo, aventurë e cila përfundoi në fund të sezonit të shkuar. Ashtu siç pritej, Kumbulla nuk bënte pjesë në planet e De Rossit, ndërsa drejtuesit e klubit roman e lëshuan sërish në formë huazimi, por tek Espanyol.

Përfaqësuesja e Zvicrës ka pasur gjatë viteve të fundit një kontigjent të rëndësishëm lojtarësh me origjinë shqiptare, të cilët kanë pasur rol thuajse parësor në formacion, nisur nga cilësia e tyre më e mirë krahasuar me lojtarët e tjerë. Në këtë kontigjent, lojtarët që kanë lënë më shumë gjurmë janë Behrami, Shaqiri dhe Xhaka, me të cilët Zvicra ka pasur performancë shumë të mirë në garat ndërkombëtare. Duhet thënë se pjesë e kontigjentit në kohë të ndryshme kanë qenë edhe Rama, Mehmedi, Jashari etj, por askush nuk ka mundur të bëjë më shumë bujë se dyshja Xhaka-Shaqiri, që jo vetëm kanë luajtur shumë ndeshje me helvetët, por edhe kanë pasur rol përcaktues në shumë takime. Goli i fundit i Shaqirit shënuar për zviceranët ishte në Europianin e Gjermanisë, në ndeshjen ndaj Skocisë, ku ai realizoi një gol të rrallë. Në rang klubesh, Shaqiri ka braktisur Çikago Fajrs dhe është kthyer në Zvicër, tek skuadra e fëmijërisë së tij, Bazeli, ndoshta për të mbyllur aty karrierën e tij të gjatë e të suksesshme.

Transferimi dhe nënshkrimi

Sikurse shprehen vetë mediat sportive zvicerane, Xherdan Shaqiri është bërë me skuadër të re. Futbollisti nga Zhegra është rikthyer në Zvicër, ku ka nënshkruar me ish-klubin e tij, Bazelin. Në verën e vitit 2012, Xherdan Shaqiri la FC Bazelin për të kaluar te Bajerni i Mynihut. Aty fitoi Ligën e Kampionëve dhe më pas u transferua në Inter. Përmes Stoke Sitit, “Shaq” arriti te Liverpuli, ku fitoi edhe një herë tjetër Ligën e Kampionëve. Pas një kalimi te Olimpiku i Lionit, Shaqiri u transferua në Çikago. Tani, turneu i tij botëror ka marrë fund: Ish-ylli i Kombëtares së Zvicrës i bashkohet menjëherë FC Bazelit. Vetëm të mërkurën u bë e ditur se Xherdan Shaqiri ka përfunduar kontratën e tij me Çikagon me efekt të menjëhershëm. Të premten, FC Bazel bëri të ditur se ish-ylli i Kombëtares së Zvicrës po kthehet në shtëpi. Tani, 125 herë ndërkombëtari zviceran ka nënshkruar një kontratë trevjeçare me klubin e tij të zemrës, deri në verën e vitit 2027, dhe do të mbajë numrin 10.

Qëndrimi i Shaqirit

Xherdan Shaqiri ka dhënë komentet e para si lojtar i kthyer në radhët e Bazelit. “Jam i mbushur me krenari dhe jam shumë i kënaqur që jam kthyer në qytetin e Bazelit. Kam marrëdhënie të thella me klubin, të cilat nisën qëkur isha fëmijë. Si tifoz fillimisht e më pas edhe si lojtar”, ka thënë Shaqiri në komunikatën zyrtare të klubit zviceran. “Jam zhvilluar si futbollist te Bazeli, nga ku e nisa karrierën time ndërkombëtare. Tani dua që të sulmoj sërish me Bazelin dhe mezi pres që t’i shoh tifozët sërish”. Kthimi i tij te Bazeli është pritur mirë edhe nga klubi. “Të presim ngrohtësisht në Bazel, i dashuri Shaq!”, ka shkruar klubi. “Kemi folur me Xherdanin me javë të tëra dhe jemi jashtëzakonisht të lumtur që rikthimi i tij te Bazeli u bë i mundur. Fakti që lojtari i një kalibri të tij po luan sërish me fanellën ‘kuqeblu’ në Superligë, është sinjal i fortë për klubin, qytetin e Bazelit dhe rajonin, por edhe për futbollin e Zvicrës në përgjithësi”, tha drejtori sportiv i Bazelit, Daniel Stuki.

Ashtu siç shihet në videot e postuara në “Instagramin” e tij, Taulant Seferi po vijon të stërvitet individualisht, si në fushë apo edhe në palestër.

Kjo e domosdoshme për të mbajtur gjendjen fizike në prag të një sezoni të ri. Sulmuesit kuqezi i përfundoi huazimi një vjeçar te klubi i Banijas në Emiratet e Bashkuara Arabe dhe tashmë duhej të kthehej te Vorskla Poltava, ekipi që është i lidhur në kontratë edhe për një vit.

Por, diçka e tillë nuk ka ndodhur, pasi sulmuesi nuk ka pranuar të rikthehet te klubi ukrainas, por do të qëndrojë të presë një aventurë të re, me menaxherin e tij që po punon në këtë drejtim.

Kampionati ukrainas ka dy javë që ka filluar dhe Seferi nuk është bashkuar me skuadrën e tij, që ka humbur 5-0 me Shahtjorin në ndeshjen e parë dhe ka fituar 3-0 në transfertë me Bereg.

Ndërkohë pritet që 27-vjeçari të transferohet sërish, ku një pistë është aty ku luajti sezonin e fundit, në Emiratet e Bashkuara Arabe, por gjithashtu flitet edhe për në Arabinë Saudite, si një variant për të ardhmen e sulmuesit.

PANORAMASPORT.AL