Category: Sport

  • Arrihet akordi, Kumbulla lë Romën. Ja ku do të huazohet mbrojtësi i Kombëtares

    Arrihet akordi, Kumbulla lë Romën. Ja ku do të huazohet mbrojtësi i Kombëtares

    Dy ditë nga ndeshja e parë në Serinë A, vijojnë lëvizjet në shtëpinë e Romës. Largimi i radhës është ai i Marash Kumbullës.

    Klubi verdhekuq ka gjetur marrëveshjen me Espanyol për të huazuar një sezon mbrojtësin e Kombëtares shqiptare. Sot, po mbyllen edhe detajet e fundit të kësaj lëvizje dhe Kumbullën do ta shohim në La Liga sezonin e ri.

    “Espanyol ka rënë dakord për marrëveshje huazimi për të nënshkruar me Marash Kumbulla si qendërmbrojtës i ri nga AS Roma. Detaji i fundit u rendit sot pasi Kumbulla lë Romën me efekt të menjëhershëm”, shkruan gazetari sportiv italian, Fabrizio Romano.

  • Apartament, 450 mijë dollarë dhe bileta të përjetshme për medalistin e Olimpiadës

    Apartament, 450 mijë dollarë dhe bileta të përjetshme për medalistin e Olimpiadës

    Carlos Yulo është pritur si hero pas dy medaljeve të arta të fituara në “Paris 2024”. Gjimnasti filipinas, i cili u shpall kampion në dyshme dhe kaluç, ka përfituar shpërblime të mëdha në vendin e tij.

    Pas rikthimit në Manila, presidenti i vendit, Ferdinand Marcos Junior, u dha të gjithë olimpistëve nga një milion pesos (17,500 dollarë). Ndërsa gjimnasti Yulo ishte i vetmi që mori 20 milionë pesos (350,000 dollarë) për dy medalje arit. Gjithashtu mori dhe 100,000 dollarë të tjera nga Dhoma e Përfaqësuesve.

    Por këto nuk ishin shpërblimet e vetme për 24-vjeçarin, pasi ai mori gjithashtu një apartament, ndërsa dy transportues kryesorë në vend i premtuan bileta ajrore falas për gjithë jetën. Gjimnasti mori gjithashtu mori produkte të ndryshme kozmetike, ushqime falas, ëmbëlsira, ekzaminime mjekësore etj.

    Një platformë lokale e transmetimit i dha atij abonim falas të përjetshme në të gjithë përmbajtjen. Filipinet fituan gjithsej 4 medalje në Lojërat Olimpike “Paris 2024”, dy të arta nga Carlos Yulo dhe dy medalje bronzi./PANORAMASPORT.AL

  • Vendos Broja, ja ku do të shkojë lojëtari jonë i Kombëtares

    Vendos Broja, ja ku do të shkojë lojëtari jonë i Kombëtares

    Oferta të shumta kanë ardhur për Armando Brojën, teksa sulmuesi i Kombëtares shqiptare kërkon me çdo kusht largimin e tij nga Chelsea.

    Dhe klubi i Premier League është i gatshëm ta shesë 22-vjeçarin, teksa së fundmi e ka larguar dhe nga ekipi i parë, për t’u stërvitur me skuadrën e U21.

    Ofertat për të nuk mungojnë, ku së fundmi në garë është futur dhe Stuttgart, me klubin gjerman që ka kërkuar huazimin e Brojës.

    Por mediat pranë “Bluve” duket se kanë zbuluar dëshirën e yllit të Kombëtares tonë.

    Sipas tyre, dëshira e vetme e Brojës është Everton.

    Gjithsesi, edhe pse dëshira e Brojës është të qëndrojë në Premier League, klubi nga Liverpul e ka të pamundur të transferojë 22-vjeçarin duke parë pretendimet e larta të Chelseat.

    Sipas mediave, Everton do të provojë dhe njëherë të fundit për Brojën, kësaj radhe me formën e huazimit.

    Duket se “Blutë” e Londrës po dorëzohen sa i përket sulmuesit të Kombëtares kuqezi dhe janë tashmë të gatshëm të dëgjojnë çdo ofertë që do të vijë për të.

  • Lazio largon Elseid Hysajn, zbulohen motivet (FOTO)

    Lazio largon Elseid Hysajn, zbulohen motivet (FOTO)

    Elseid Hysaj nuk bën më pjesë në planet e Lazio-s, kjo është e vetmja gjë e sigurt, por për momentin, për anësorin kuqezi nuk ka asnjë ofertë konkrete.

    Mediat italiane janë të sigurta në këtë pikë, Hysaj është lënë i lirë nga drejtuesit e klubit të largohet gjatë kësaj vere, pavarësisht se futbollisti kuqezi ka një kontratë të vlefshme deri në 2025, drejtuesit e Lazio-s e kanë lënë të lirë, kjo për një arsye të thjeshtë, kërkojnë të kursejnë pagën e tij sezonale.

    Kujtojmë që Hysaj përfiton te Lazio 2,8 milionë euro në sezon.

    Agjenti i tij, Mario Guiffredi, zhvilloi një takim të martën me drejtuesit e klubit kryeqytetas, me këta të fundit që ia bënë të qartë edhe një herë vendimin e tyre.

    Pas mbledhjes, Guiffredi, u mjaftua vetëm me disa fjalë:

    “Për momentin nuk ka asgjë të re”, duke lënë të kuptohet se për Hysajn nuk ka një pistë konkrete. Nëse Hysaj qëndron në kryeqytet do ta këtë të vështirë të gjejë hapësira, pasi Lazio afroi gjatë verës Nuno Taveres.

  • E bujshme/ Ernest Muçi drejt Aston Vilës, turqit presin 19 milionë euro… Ja detajet e kontratës

    E bujshme/ Ernest Muçi drejt Aston Vilës, turqit presin 19 milionë euro… Ja detajet e kontratës

    Karriera e Ernest Muçit mund të marrë një tjetër kurs. Fantazisti pritet të shitet nga Beshiktashi pas vetëm 6 muajsh dhe në Turqi thonë se oferta e Aston Vilës për lojtarin e Kombëtares shqiptare është pranuar nga klubi.

    Është gazetari i njohur turk, Mehmet Demirkol, i cili konfirmon se diçka të tillë e ka dëgjuar nga një burim serioz. Sipas asaj që kam dëgjuar nga një burim serioz, Ernest Muçi do të shitet nga Beshiktashi. Ekipi anglez flitet se ka ofruar 19 milionë euro për kartonin e 23-vjeçarit, me 15 milionë euro direkt dhe 4 milionë të tjera në formë bonusesh.

    SITUATA

    Ernest Muçi u ble këtë dimër për 10 milionë euro nga Legia e Varshavës dhe në pjesën më të madhe të ndeshjeve luajti si titullar. Me ardhjen e trajnerit holandez Xhovani Van Bronkorst, shqiptari e humbi fanellën e titullarit. Muçi pëlqehej nga holandezi, por ai preferoi Rafa Silvën, një përforcim që ekipi turk mori nga Benfika dhe kjo u pa në dy ndeshjet zyrtare, me Gallatasarajin në Superkupën e Turqisë dhe Samsunsporin në kampionat, ku ish-lojtari i Tiranës nuk u aktivizua asnjë minutë.

    Të dyja ndeshjet janë fituar bindshëm nga Beshiktashi. Duket se trajneri e ka projektuar formacionin ideal për të fituar trofe këtë sezon në Turqi dhe me përforcimet e fundit me Imobile, Silva apo Keles dhe Paulista, Muçi shihet nga Van Bronkorst si zëvendësues. Kështu klubi nuk do të kishte dëshirë që Muçit t’i bjerë vlera dhe nga sa raportohet, ata kanë pranuar ofertën e Aston Vilës e cila konsiston me 15 milionë euro dhe 4 të tjera në formë bonusesh.

    KONTRATA

    Nga kalimi i mundshëm në Premier Ligë, Muçi do të firmosë një kontratë katër vjeçare me Aston Vilën, ku do të përfitojë pagë vjetore 2.5 milionë euro nga skuadra angleze. Gjithashtu, një tjetër bonus do të ishte edhe promovimi në një kompeticion si Liga e Kampioneve, aty ku Aston Vila do të luajë këtë sezon. Kur ishte pjesë e Legias në Poloni, Muçi i shënoi 3 gola në dy ndeshje kundër Aston Vilës, një prej tyre ishte spektakolar.

  • Ofertë e papritur për Brojën, nënkampionët e Bundesligës kontaktojnë Çelsin për sulmuesin

    Ofertë e papritur për Brojën, nënkampionët e Bundesligës kontaktojnë Çelsin për sulmuesin

    Armando Broja vazhdon të mbetet në pritje të mësojë të ardhmen e tij, pasi është larguar nga ekipi i parë i Çelsit. Trajneri Enco Mareska e ka nxjerrë jashtë planeve bashkë me Romelu Lukakun dhe të dy po stërviten me ekipin U21 dhe të akademisë gjatë kësaj periudhe.

    Shpëtimi i tij mund të vijë nga Bundesliga, pasi “Sky” bën të ditur se nënkampionët e sezonit të kaluar në Bundesligë, Shtutgart, janë të interesuar të firmosin me sulmuesin shqiptar. Shtutgarti sapo ka firmosur me Çengiz Undav, por duket se kërkon alternativa të tjera për repartin e avancuar, duke parë Brojën si një alternativë mëse cilësore.

    Broja raportohet se është i interesuar për transferimin në Bundesligë, por bisedimet janë në hapat e parë mes klubeve, pasi Shtutgarti fillimisht është i interesuar për huazimin e tij dhe jo blerjen, siç kërkon Çelsi./PANORAMASPORT.AL

  • E BUJSHME nga Gjermania: Armando Broja drejt skuadrës që surprizoi Bundesligën

    E BUJSHME nga Gjermania: Armando Broja drejt skuadrës që surprizoi Bundesligën

    Shumë klube kanë shfaqur interes për 22-vjeçarin e Kombëtares shqiptare, mes tyre Milani, Juventusi, Evertoni etj. Por një lajm i bujshëm ka ardhur nga Gjermania, me një tjetër klub surprizë që duket se ka nisur bisedimet me Chelsean për shërbimet e Brojës.

    Bëhet fjalë për Stuttgart, skuadrën që surprizoi këtë sezon në Bundesligë, e cila u rendit në vendin e dytë, përpara Bayern Munchen.

    Sipas gazetarit të Sky Sports Germany, Florian Plettenberg, bisedimet mes palëve janë vetëm formale për momentin, me klubin gjerman që kërkon ta huazojë Brojën.

    Sipas tij, edhe sulmuesi shqiptar është i gatshëm që të bashkohet me Stuttgart, pasi kërkon që të largohet menjëherë nga Chelsea dhe të mos e humbasë startin e sezonit të ri.

  • Milan gati për lëvizjet e fundit të merkatos, në fokus mbeten Broja dhe Fofana

    Milan gati për lëvizjet e fundit të merkatos, në fokus mbeten Broja dhe Fofana

    Milan-i synon të bëjë lëvizjet e fundit në merkaton e verës, pas një sezoni që përfundoi duke u renditur në vendin e dytë dhe pas ndryshimit në pankinë me Paulo Fonseca që mori drejtimin e skuadrës si pasues i Stefano Pioli, në mënyrë që të rritet dhe të luftojë për titullin e Serie A.

    Klubi italian vazhdon të qëndrojë në lojë për afrimin e Youssouf Fofana, me lojtarin e Monaco që po ashtu e dëshiron këtë lëvizje. Klubi francez mbetet një pengesë dhe nuk dihet nëse mesfushori do të veshë fanellën “kuqezi” këtë sezon apo do të duhet të presë deri në përfundimin e kontratës në verën e 2025-ës që të lëvizë me parametra zero drejt Milano-s.

    Në një rast të tillë “Djalli” do të kthente fokusin nga Cardoso i Betis, në mënyrë që Fonseca të ketë mesfushorin që i duhet në ekip.

    Teksa, sa i përket repartit të sulmit gjithmonë e më shumë mediet italiane po raportojnë për vëmendjen e madhe që Milan është duke i kushtuar situatës së lojtarit të kombëtares shqiptare, që është pjesë e Chelsea-t, Armando Brojës.

    Broja ka kontratë deri në 2028-ën me Chelsea-n, por duke qenë se “blutë” e Londrës janë në një situatë kaotike nga numri i lartë i lojtarëve që kanë në pronësi, një gjë e tillë mund ta favorizojë Milan-in për të bërë të mundur transferimin e shqiptarit në këto ditë të mbetura të merkatos.

  • Hera e parë historike me medalje, ja ku renditet Shqipëria në klasifikimin e përgjithshëm të Lojërave Olimpike

    Hera e parë historike me medalje, ja ku renditet Shqipëria në klasifikimin e përgjithshëm të Lojërave Olimpike

    Shqipëria ka shkruar emrin e saj për herë të parë në listën e medalistëve të Lojërave Olimpike, duke siguruar në këtë edicion të aktivitetit madhor sportiv dy medalje të bronzta.

    Fillimisht mundësi Çermen Valiev në peshën 74 kg të stilit të lirë dhe më pas mundësi Islam Dudaev në peshën 65 kg të stilit të lirë, bënë që në podiumin e Lojërave Olimpike në Paris 2024 të valëvitej edhe flamuri shqiptar, si asnjëherë më parë.

    Kësisoj, Shqipëria e sheh veten më në fund mes ekipeve që kanë siguruar medalje në një Olimpiadë dhe ka bërë të mundur që të renditet jashtë listës së zakonshme të “pjesëmarrjes dinjitoze” ku renditej zakonisht. Falë dy medaljeve të bronzta, Shqipëria e sheh veten në vendin e 80 në klasifikimin e përgjithshëm, me po aq medalje sa Grenada, Malajzia dhe Porto Riko.

    Në total janë 91 vende (përfshirë edhe ekipin e refugjatëve) që kanë fituar medalje në këtë edicion të Lojërave Olimpike, ku morën pjesë 207 delegacione të vendeve të ndryshme.

  • PROFIL/ Kush është Islam Dudaev, fituesi i dytë i medaljes Olimpike për Shqipërinë ?

    PROFIL/ Kush është Islam Dudaev, fituesi i dytë i medaljes Olimpike për Shqipërinë ?

    Islam Lechiyevich Dudaev është një mundës shqiptar me origjinë ruse me origjinë çeçene. Ai fitoi medaljen e artë në 65 kg stil i lirë për meshkuj në Kampionatin Evropian të Mundjes 2024 të mbajtur në Bukuresht, Rumani.

    Karriera

    Në vitin 2022, Dudaev fitoi një nga medaljet e bronzta në 65 kg për meshkuj në Kampionatin Evropian të Mundjes të mbajtur në Budapest, Hungari.

    Ai gjithashtu fitoi një nga medaljet e bronzta në 74 kg në Lojërat Mesdhetare 2022 të mbajtura në Oran, Algjeri.
    Dudaev fitoi medaljen e artë në 65 kg për meshkuj në Kampionatin Evropian të Mundjes 2024 të mbajtur në Bukuresht, Rumani.
    Ai konkurroi në Turneun Olimpik të Kualifikimit të Mundjes Evropiane 2024 në Baku, Azerbajxhan duke shpresuar të kualifikohej për Lojërat Olimpike Verore 2024 në Paris, Francë.[6] Dudaev u eliminua në ndeshjen e tij të tretë dhe ai nuk u kualifikua për Olimpiadën.

    Një muaj më vonë, ai fitoi një vend kuotë për Shqipërinë për Olimpiadën në Turneun Botëror të Kualifikimit të Mundjes 2024 të mbajtur në Stamboll, Turqi.
    Dudaev ka fituar dhe ditën e sotme si përfaqësues i Shqipërisë dhe medaljen e bronztë, e dyta për Shqipërinë brenda 24 orëve.