Category: Sport

  • Gjimshiti refuzon milionat e sheikëve nga Katari, i qëndon besnik Champions-it dhe Atalantës

    Gjimshiti refuzon milionat e sheikëve nga Katari, i qëndon besnik Champions-it dhe Atalantës

    Berat Gjimshiti po shkon drejt qëndrimit tek Atalanta. Mbrojtësi shqiptar ka marrë një ofertë të madhe financiare nga Al Rayyan, skuadër e Katarit, e cila ditët e fundit dukej pranë arritjes së marrëveshjes.

    Në vend të kësaj, Gjimshiti preferon të qëndrojë në Bergamo, duke luajtur Superkupën e Evropës kundër Real Madridit dhe marrë pjesë në Ligën e Kampionëve. Pasi ngriti në qiell “Europa League”, si kapiten, mbrojtësi ynë kuqezi dëshiron një sezon tjetër me bergamaskët.

    Ai kishte marrë një ofertë shumë të rëndësishme nga Katari, siç e kemi raportuar javët e fundit. “Gazzetta dello Sport” bën një pasqyrë të së ardhmes së qendërmbrojtësit shqiptar si vijon: “Tundimi ka qenë aty, aq i fortë sa ende nuk është shmangur plotësisht mundësia e lamtumirës së Berat Gjimshiti me Atalantën.

    Sidoqoftë, me kalimin e ditëve shtohet përshtypja se shqiptari, duke mos menduar në momentin e fundit, vendosi të qëndrojë në Bergamo. Pra, ka refuzuar superofertën e Al Rayyan të Dohas: një kontratë 3-vjeçare, që do ta çonte atë të fitonte të paktën dyfishin e shumës që merr te Atalanta”.

    Negociatat konkrete mes dy klubeve vareshin nga “po”-ja e tij dhe Atalanta vështirë se do ta linte një nga kapitenët e saj të ikte për më pak se 15 milionë euro. Dilemave duket se iu ka dhënë fund vetë shqiptari, i cili ka preferuar prestigjin futbollistik, duke qëndruar te bergamaskët, para milionave që i kishte të sigurta në Katar.

  • Mbrëmje magjike boksi në Lezhë, vëllezërit Bakaj dhurojnë spektakël

    Mbrëmje magjike boksi në Lezhë, vëllezërit Bakaj dhurojnë spektakël

    Mbrëmja epike e boksit në Lezhë kulmoI me suksesin e Amarildo Bakajt, i cili mposhti me “knockout” për titullin botëror WBO ganezin Jon Mbanugu. Dy vëllezër, dy tituj, djemtë e Lezhës bënë krenarë të gjithë shqiptarët.

    Për sa i përket, Roberto Bakaj, ai arriti suksesin e 12-të radhazi duke mposhtur me “knockout” kolumbianin Edëin Riascos dhe duke fituar kështu titullin Kontinental IBO.

    Atmosfera në stadiumin e qytetit në Lezhës, në këtë organizim boksi, ishte vërtetë elektrizuese, teksa të gjithë të pranishmit festuan triumfet e boksierëve shqiptarë.

    VIDEO KETU

    video ketu

  • Nations League/ UEFA përcakton ku do të luhen ndeshjet e Shqipërisë në transfertë

    Nations League/ UEFA përcakton ku do të luhen ndeshjet e Shqipërisë në transfertë

    Shqipëria do të luajë ndeshjen e parë në grupin B1 të UEFA Nations League më 7 shtator në transfertë ndaj Ukrainës. UEFA ka vendosur që ky takimin të luhet në Çeki, në stadiumin “Epet Arena”, duke nisur nga ora 20:45.

    Tre ditë më pas, më 10 shtator, kuqezinjtë do të presin Gjeorgjinë në folenë kuqezi, në stadiumin“Air Albania”. Kjo sfidë është planifikuar të luhet në ora 20:45.

    Në muajin tetor, Kombëtarja shqiptare do të zhvillojë dy ndeshjet e radhës në UEFA Nations League, ndaj Çekisë dhe Gjeorgjisë në transfertë. UEFA ka përcaktuar edhe stadiumet se ku do të luhen këto dy takime.

    Ndeshja Çeki – Shqipëri do të zhvillohet në stadiumin “Epet Arena”, më datë 11 tetor, në ora 20:45. Ndërsa sfida Gjeorgji – Shqipëri e programuar për t’u luajtur më 14 tetor do të zhvillohet në stadiumin “Mikheil Meskhi I Stadium” në Tbilisi të Gjeorgjisë. Ndeshja do të startojë në ora 18:00.

    Dy ndeshjet e fundit të UEFA Nations League në grupin B1 kuqezinjtë do t’i luajnë në shtëpi në stadiumin “Air Albania”. Sfida Shqipëri – Çeki do të luhet më 16 nëntor, në ora 20:45, ndërsa takimi Shqipëri – Ukrainë do të zhvillohet më 19 nëntor, në ora 20:45.

  • Rrogë sheikësh në Katar apo Champions me Atalantën? Ja zgjedhja e kapitenit kuqezi Berat Gjimshiti

    Rrogë sheikësh në Katar apo Champions me Atalantën? Ja zgjedhja e kapitenit kuqezi Berat Gjimshiti

    Berat Gjimshiti ka qenë në mënyrë të papritur një emër shumë i lakuar në merkaton e futbollistëve në Itali në javët e fundit.

    Shkak është bërë një ofertë e Al Rajan të Katarit e mbërritur në adresë të kapitenit të Kombëtares shqiptare,

    Klubi nga Katari i ofronte atij një rrogë marramendëse, prej mbi 4 milionë eurosh në sezon për një kontratë trevjeçare me klubin në fjalë. Një ofertë që ka tunduar mbrojtësin shqiptar, i cili në këto ditë ka peshuar mirë çfarë zgjedhje të bëjë për të ardhmen e tij, nëse në vitet e ardhshme të mendojë për përfitimet financiare, apo të vazhdojë të paraqitet në nivelet më të larta me Atalantën.

    Sipas mediave italiane, zgjedhja e tij tashmë është bërë, “Tuttomercatoweb” bën të ditur se Gjimshiti ka vendosur që të qëndrojë të Atalanta, ku është një titullar i padiskutueshëm dhe ku në ditët në vijim do të luajë Superkupën e Europës ndaj Real Madrid, teksa në shtator do të jetë protagonist në Ligën e Kampioneve me zikaltrit.

  • Skena komike në Paris / Çiklisti gjerman ndalon garën dhe futet në “Pub” për të kryer nevojat personale, turma s’e lë të qetë

    Skena komike në Paris / Çiklisti gjerman ndalon garën dhe futet në “Pub” për të kryer nevojat personale, turma s’e lë të qetë

    Çiklisti gjerman Nils Politt është kapur në një moment të sikletshëm gjatë garës së Lojërave Olimpike, teksa është detyruar të ndërpresë garën, për t’u çliruar.

    Ai u detyrua të ndërpresë garën 280km në mes, teksa u pa duke hyrë në pub-in e famshëm “Cafe des 2 Moulin” për të kryer nevojat personale.

    Mirëpo kur qindra turistë dhe ndjekës të Lojërave Olimpike që ndodheshin aty e kanë vënë re, ata kanë vështuar benda pub-it dhe kanë nxjerrë telefonat duke e filmuar.

    Çiklisti megjithatë duket i qeshur teksa del nga kjo situatë e sikletshme për të vijuar garën.

  • Provokon rëndë boksierja hungareze që u rrah nga Imane Khelif, Komiteti Olimpik Agjerian e paralajmëron (Foto)

    Provokon rëndë boksierja hungareze që u rrah nga Imane Khelif, Komiteti Olimpik Agjerian e paralajmëron (Foto)

    Komiteti Olimpik i Algjerisë thotë se do të raportojë boksieren hungareze Anna Luca Hamori, pas një postimi skandaloz ndaj kundërshtares Imane Khelif, e cila u akuzua se është gjenetikisht mashkull.

    Luca Hamori ka postuar në rrjetet sociale fotografinë e saj përballë një bishe me brirë, duke nënkuptuar konkurrenten e saj.

    Për t’i bërë gjërat edhe më keq, i dashuri i Hamorit tha: “Duhet të futem në ring kundër Khelif”.

    Hamori humbi ndaj Khelif sot, teksa algjerianja siguroi kalimin në gjysmëfinale.

    Pas ndeshjes së boksit, Khelif shpërtheu në lot duke thënë se i është bërë padrejtësi nga federata ndërkombëtare e boksit, teksa tha se ajo do të triumfojë: “Allahu Akbarr”.

  • Boksierja “biologjikisht mashkull” e rreh edhe një tjetër grua në Lojërat Olimpike, shkon në gjysmëfinale (Video)

    Boksierja “biologjikisht mashkull” e rreh edhe një tjetër grua në Lojërat Olimpike, shkon në gjysmëfinale (Video)

    Boksierja algjeriane Imane Khelif e ka siguruar “biletën” për në gjysmëfinale, pasi ka mposhtur një tjetër konkurrente.

    Pasi fitoi ndaj boksieres italiane Angela Carini, ndeshje që shkaktoi debate të forta lidhur me pjesëmarrjen e saj, ajo ka rrahur boksieren hungareze Luca Anna Hamori.

    Khelif ishte përjashtuar më herët nga federata botërore e boksit, për shkak se kishte dështuar në testet për gjininë. Sipas presidentit të federatës së boksit, ajo kishte rezultuar me kromozome “XY”, çka e bën atë biologjikisht mashkull.

    Megjithatë, testi i kromozomeve nuk është i detyrueshëm në Lojërat Olimpike të Parisit, dhe autoritetet e këtyre lojërave nuk i njohin rezultatet e testeve të federatës së boksit.

  • Si asnjëherë më parë, ‘gardiani’ i portës së Partizanit Alban Hoxha, publikon foton e rrallë me të birin

    Si asnjëherë më parë, ‘gardiani’ i portës së Partizanit Alban Hoxha, publikon foton e rrallë me të birin

    Gardiani i portës së “Demave të kuq” të Partizanit Alban Hoxha bën pjesë tea ta personazhe që nuk janë aktivë në rrjetet sociale.

    Hoxha i cili është në një marëdhënie me këngëtaren Çiljeta Xhilaga sëfundmi ka nisur të jetë prezent me pastime.

    Këtë të premte Albani në llogarinë e tij në Instagram ka publikuar një foto me të birin e tij Beko të cilin e ka fryt nga martesa me ish-gruan e ndjerë e cila prej vitesh ka ndërruar jetë.

  • Mashkull apo femër? Misteri i boksieres algjeriane Imane Khelif ndan internetin (Foto)

    Mashkull apo femër? Misteri i boksieres algjeriane Imane Khelif ndan internetin (Foto)

    Boksierja e Algjerisë, Imane Khelif është në qendër të vëmendjes për shkak të pjesëmarrjes së saj në Lojërat Olimpike të Parisit.

    Ajo është vënë nën sulm pasi mposhti boksierin italiane Angela Carini, teksa personazhe të njohur si Elon Musk apo shkrimtarja J. K. Roëling e kanë dënuar pjesëmarrjen e saj në boksin për femra.

    Shumë besojnë se Imane Khelif është një mashkull që ka tranzituar dhe identifikohet si femër, megjithatë lidhur me të shkuarën e Khelif ka shumë të paqarta.

    Ajo cilësohet si “biologjikisht mashkull” për shkak të disa testeve biokimike që çuan në skualifikimin e saj nga Organizata Botërore e Boksit në vitin 2023, pavarësisht se një vit më parë, në 2022 ajo ishte shpallur fituese.

    Megjithatë, lloji i testeve që janë kryer dhe rezultatet nuk janë bërë publike për shkak të kofidencialitetit të personit në fjalë. Në atë kohë u tha se ajo kishte rezultuar me nivele të larta testosteroni.

    Megjithatë, kjo ka bërë që shumë të spekulojnë se Imane Khelif ka rezultuar me kromozome XY që e bëjnë atë biologjikisht mashkull.

    Imane Khelif

    Por të shumtë janë algjerianët që thonë se Imane Khelif nuk ka qenë kurrë mashkull, por ka lindur femër dhe si e tillë është identifikuar gjatë gjithë jetës së saj.

    Ata pretendojnë se Khelif ka hiperandrogjenizëm, një gjendje që shkakton prezencë të lartë të testosteronit dhe hormoneve të tjera mashkullore te femrat. Pretendimet i mbështesin duke theksuar se Algjeria është një ndër shtetet që i ka shpallur transgjinorët dhe tranzitimin në gjini tjetër të paligjshme që prej vitit 1966.

    Në rrjetet sociale janë shpërndarë disa foto të Khelif kur ishte fëmijë, por mbeten ende të pakonfirmuara nëse bëhet fjalë për të.

    Edhe boksierja e Tajvanit Lin Yu-Ting që garon në këto lojëra olimpike është përfshirë në të njëjtin skandal.

    Në mars 2023, Yu-Ting dështoi në një test seksual dhe iu hoq një medalje bronzi nga Kampionati Botëror i Boksit të Grave, nga Shoqata Ndërkombëtare e Boksit (IBA) dhe iu dha bullgares Svetlana Staneva.

  • Kush kryeson me medalje në Lojërat Olimpike? Surprizon Kosova dhe lë pas shtete të mëdha (Renditja)

    Kush kryeson me medalje në Lojërat Olimpike? Surprizon Kosova dhe lë pas shtete të mëdha (Renditja)

    Teksa kanë mbetur edhe 10 ditë nga përfundimi i Lojërave Olimpike të Parisit, një garë e fortë është duke u zhvilluar mes shteteve që kërkojnë vendin e parë në listën e medaljeve të fituara.

    Shtetet e mëdha si SHBA, Kina, Japonia, Franca apo Australia pa dyshim që edhe këtë vit janë pretendentet kryesore. Ato marrin pjesë me atletë të niveleve më të larta, në disiplinat e shumta.

    Aktualisht Kina renditet e para me 21 medalje, e ndjekur nga Franca me 26. Kina mban vendin e parë për shkak se ka më shumë medalje të arta të fituara, plot 11, krahasuar me 8 që ka Franca.

    Surprizë pa dyshim që është Kosova, në vendin e 34, me dy medalje në xhudo, një të argjendtë dhe një bronzi, duke lënë kështu pas shtete të mëdha si Meksika, Ukraina e të tjera.

    Shqipëria ende nuk ka arritur të fitojë asnjë medalje, dhe mbetet ndër të paktat shtete në botë që nuk kanë asnjë medalje olimpike.