Shqiperia Ime

Category: Sport

  • Ylli i Interit i jep fund beqarisë në Sarandë, i ulet në gjunjë dhe propozon për martesë modelen me origjinë nga Kosova (PAMJET)

    Ylli i Interit i jep fund beqarisë në Sarandë, i ulet në gjunjë dhe propozon për martesë modelen me origjinë nga Kosova (PAMJET)

    sh-kampioni i botës me Francën, aktualisht mbrojtës i Interit Benjamin Pavard ka zgjedhur bregdetin shqiptar për një nga ditët më të rëndësishme të tij.

    Në video dallohet momenti “përrallor” kur Pavard i propozon për martesë partneres së tij në bregdetin e një resotri turistik në Sarandë.

    Partnerja e Pavardit është modelja me origjinë nga Kosova, Kleofina Pnishi që operon në Francë pranë Pandorës.

    Momente të paharrueshme këto jo vetëm për Pavard, por për të gjithë shqiptarët që tashmë vendi jonë preferohet nga personazhe mjaft të rëndësishëm botëtorë, jo vetëm si vendpushimi, por edhe për të ndarë kujtimet e tyre më të bukura në brigjet tona.

    Nuk përjashtohet mundësia që Kristjan Asllani të ketë patur ndikim në këtë përzgjedhje të Pavardit, pasi aktualisht ata janë shokë skuadre.

  • Nga Italia në Francë, të gjithë e duan Armando Brojën. Prapaskenat e orëve të fundit

    Nga Italia në Francë, të gjithë e duan Armando Brojën. Prapaskenat e orëve të fundit

    Milani e mbylli lëvizjen e parë në tregun e transferimeve duke marrë Alvaro Moratën nga Atletiko e Madridit, por spanjolli zgjodhi numrin 7, e për pasojë fanella me numrin 9 mbetet e lirë.brojaDhe në këtë drejtim emri i Armando Brojës po rikthehet në mode për kuqezinjtë. Krerët e “Djallit”, në fillim të verës patën Joshua Zirkze si objektivin kryesor dhe absolut në sulm, por komisionet e kërkuara prej menaxherit të tij, Kia Jorabçian, prishën bisedimet dhe lojtari përfundoi tek Mançester Junajtidi, që i pagoi palët aq sa deshën. Në anën tjetër, klubi kuqezi duhej të ndryshonte hierarkinë në listën e tij të dëshirave.

    E sipas kolegëve të “Caught Offside”, drejtuesit e Milanit kanë nisur punën për qendërsulmuesin shqiptar. Sipas të njëjtit burim, i preferuari i Milanit si partner i sulmuesit Alvaro Morata, do të ishte Tami Abraham i Romës, por fiziku i anglezit ngjall më shumë se një dyshim. Përtej kësaj, megjithatë, ideja e Armando Brojës nga Çelsi do të qëndronte gjithmonë në këmbë dhe duket më e lehtë për t’u konkretizuar. Për “Djallin” idealja do të ishte mbyllja e operacionit të huazimit, duke qenë se drejtuesit nuk do të donin të derdhnin shumë parà për të. Si përfundim, do të ishin ato fjalë vlerësimi të shqiptuara nga djaloshi disa javë më parë, të cilat janë një sinjal i qartë në favor të kuqezinjve.

    INTERESIMI I njëjti burim raporton se edhe Monako vazhdon të mbetet e interesuar për të blerë kartonin e 22-vjeçarit shqiptar, i cili në sezonin e fundit ishte pjesë e Fulhemit. Nënkampionët e Francës, madje, thuhet të kenë bërë disa orvatje për të bindur sulmuesin, për të cilin ka marrë informacione gjatë fundjavës edhe Kristiano Xhuntoli, i cili është drejtori sportiv në fuqi i Juventusit. Në këto kushte, mbetet për t’u parë se cila do të jetë zgjedhja e lojtarit të Kombëtares kuqezi, i cili ka shumë kërkesa edhe në kampionatin anglez.

  • “Trajneri më tha të rikuperoj nga lodhja e Europianit”, Hysaj flet si “veteran” te Lacio: M’u desh një vit të fitoja tifozët

    “Trajneri më tha të rikuperoj nga lodhja e Europianit”, Hysaj flet si “veteran” te Lacio: M’u desh një vit të fitoja tifozët

    Elseid Hysaj është kthyer në stërvitje me Lacion, pavarësisht zërave që e shohin atë të largohet nga bardhekaltrit gjatë kësaj vere.

    Mediat italiane kanë argumentuar vazhdimisht se mbrojtësi i djathtë nuk është në planet e trajnerit Baroni. Por vetë Hysaj, në intervistën e dhënë për “Lazio Style Channel”, ka lënë të kuptohet se nuk po mendon aspak për largimin, duke folur si “veteran” për grupin e futbollistëve të rinj që janë afruar në skuadër gjatë verës.

    “Gjeta ekipin me shumë dëshirë, mund ta shohësh që dëshirojmë të ndërtojmë një epokë të re. Janë larguar lojtarë të rëndësishëm, por kanë ardhur edhe disa shumë të mirë të cilët mund të na ndihmojnë.

    Trajneri Baroni? Nuk kam punuar ende me trajnerin. fola me të. Më tha të qëndroja i qetë dhe të rikuperoja me qetësi lodhjen e Kampionatit Europian. I yni është një grup i ri, por kompakt. Ata janë të gjithë djem të mirë. Ditët e fundit kam parë që të gjithë janë të lumtur, të gatshëm për të punuar dhe për t’u përmirësuar

    Tifozët janë gjëja kryesore. Pa mbështetjen e tyre ne nuk mund të luajmë mirë apo të japim më të mirën tonë. Shpresojmë ta shohim gjithmonë stadiumin plot, pasi është më bukur.

    Liga e Europës? Është një gjë e bukur sepse është një test i ri, një kompeticion i ri në të cilin duhet të qëndrojmë dhe të tregojmë cilësitë tona.

    Për mua, sa më shumë ndeshje, aq më mirë, përndryshe çfarë po bëjmë këtu? Detyra jonë është të luajmë, kështu që sa më shumë ndeshje aq më mirë. Ka më shumë mundësi për të gjithë, Nëse unë luaj 10 ndeshje dhe 10 i bën tjetri, jemi të gjithë më të lumtur. Ky është futbolli, ku ta gjejmë.

    Mendim për të rinjtë? Kjo është Lacio, është tifozeri e madhe dhe duhet të presësh disa gjëra. Është fusha që flet, më është dashur një vit për të fituar tifozët. Ajo që them është t’u jepet besim, sepse e vërteta mund të shihet në fushë. Njerëzit do t’i vlerësojnë ata, por sigurisht që janë djem të rëndësishëm dhe mendoj se e meritojnë besimin”, tha Hysaj./PANORAMASPORT.AL

  • UEFA merr vendimin, cakton arbitra shqiptarë për sfidën e rëndësishme të Champions League

    UEFA merr vendimin, cakton arbitra shqiptarë për sfidën e rëndësishme të Champions League

    UEFA ka vendosur t’i besojë gjyqtarit shqiptar Eldorian Hamiti një ndeshje në turin e dytë të Ligës së Kampioneve.

    Gjyqtari i Superiores është caktuar që në javën e ardhshme të drejtojë ndeshjen e parë mes bullgarëve të Ludogorets dhe bjellorusëve të Dinamo Minsk.

    Kjo pritet të jetë një ndeshje shumë delikate, pasi të dy ekipet kanë pretendime për të vazhduar më tej në këtë turne të rëndësishëm për ta.

    Asistentët e Hamitit për ndeshjen në fjalë do të jenë Ilir Tartaraj dhe Emigers Gançi, ndërsa gjyqtar i katërt është caktuar Erjon Bastari.

    Mbetet të mësohen se cilët do të jenë asistentët në VAR të gjyqtarit shqiptar, pasi ndeshjet e Ligës së Kampioneve luhen të gjitha më ndihmën e teknologjisë.

  • Vjen një ofertë e papritur për Armando Brojën

    Vjen një ofertë e papritur për Armando Brojën

    Armando Broja është ende në pritje që të mësojë se cila do të jetë e ardhmja e tij, e cila me siguri është larg Çelsit, ku nuk do të ketë hapësira nën drejtimin e trajnerit Enco Mareska.

    Klubi londinez e ka nxjerrë zyrtarisht në shitje dhe për Brojën kanë shfaqur interesim disa skuadra.

    Por së fundmi, ka dalë në skenë një klub i Premier Ligës ku Broja mund të bëjë mjaft mirë, pasi do ta ndjente veten si në shtëpi.

    Klubi i Sauthempton, ku futbollisti shqiptar luajti tre sezone më parë, është gati të presë përsëri krahëhapur sulmuesin i cili u kthye në një emër të njohur të futbollit në Angli pikërisht falë paraqitjeve që dhuroi me të.

    Sipas “Sky Sports”, trajneri Rasëll Martin është një admirues i sulmuesit shqiptar dhe është i bindur se Broja do të shtonte forcën në sulmin e ekipit i cili u ngjit nga Championship në fundin e edicionit të kaluar.

    Broja luajti në sezonin 2021-2022 te Sauthempton, i dhënë huazim nga Çelsi, duke shënuar 9 gola me fanellën e kësaj skuadre, për t’u kthyer në një nga të rinjtë më të vlerësuar të Premier Ligës.

  • Publikohet renditja e re e FIFA-s, ja ku renditet Shqipëria pas performancës në Europian

    Publikohet renditja e re e FIFA-s, ja ku renditet Shqipëria pas performancës në Europian

    Me përfundimin e Europianit të futbollit në Gjermani dhe Kupës së Amerikës, ku Spanja dhe Argjentina triumfuan duke ngritur lart trofetë respektivë, FIFA ka publikuar edhe renditjen e re të ekipeve kombëtare.

    Argjentina, kampione botë në fuqi, pas mbrojtjes së kurorës edhe në Amerikë me fitoren 1-0 në finalen kundër Kolumbisë, kanë konsoliduar pozitën e tyre në krye të renditjes së FIFA-s.

    Por në dhjetëshen kryesore ka pasur ndryshime të rëndësishme. Rritjen më të madhe mes të mëdhenjve e ka Spanja, me “La Rojan” që ngjitet 5 vende duke u renditur tanimë e treta, pas Francës.

    Anglia si finaliste e Europianit renditet e katërta duke parakaluar Brazilin, pasi Seleçao dështoi në Kupën e Amerikës duke u eleminuar në çerekfinale nga Uruguai.

    Belgjika ka rënë me tre pozicione dhe tani gjendet jashtë pesëshes së parë. Pas “Djajve të Kuq” në vendin e 7 vjen Holanda që nuk ndryshon pozicion, ndërsa Portugalia humb dy vende duke u renditur e teta.

    Kolumbia pasi arriti finalen e Kupës së Amerikës ka “fluturuar” me tre vende në renditjen e FIFA-s duke u katapultuar e nënta, ndërsa dhjetëshen më të mirë e mbyll Italia.

    Në 50 e kombëtareve më të mira, dy skuadra kanë pasur një ngjitje spektakolare. Turqia, e cila arriti deri në fazën çerekfinale të Europianit, tashmë renditet e 26-ta duke fituar 16 vende, ndërsa Venezuela katapultohet e 37-ta duke u ngjitur me 17 vende.

    Sakaq, Shqipëria edhe pse zhvilloi tre ndeshje pozitive përballë fuqive si Spanja e Italia dhe arriti një barazim historik me Kroacinë, nuk ka ndryshuar asnjë vend në renditje.

    Kuqezinjtë mbeten të 66-tët në renditje, ndërsa Kosova ka humbur një vend duke u renditur e 106-ta.

  • Merr fund “divorci” me koreanët, Jasir Asani kthehet në fushë dhe ndihmon skuadrën të arrijë gjysmëfinalet e Kupës

    Merr fund “divorci” me koreanët, Jasir Asani kthehet në fushë dhe ndihmon skuadrën të arrijë gjysmëfinalet e Kupës

    “Divorci” mes Jasir Asanit dhe klubit të Guangju ka marrë fund. Sulmuesi shqiptar është kthyer sot përsëri pas shumë muajsh në fushën e lojës me skuadrën e tij në Korenë e Jugut, duke e ndihmuar që të arrijë gjysmëfinalet e Kupës.

    Asani kishte luajtur për herë të fundit me Guangju më 6 prill të këtij vitit, vetëm 9 minuta, në atë që ishte ndeshja e tij e vetme me klubin që nga nëntori i vitit 2023, kur mbaroi sezoni i kaluar. Asokohe Asani kishte kerkuar largimin pasi kishte oferta për t’u kthyer në Europë, por u ndesh me kundërshtinë e klubit.

    Kjo solli një betejë të hapur mes palëve, nga e cila doli më i dëmtuar sulmuesi shqiptar i cili praktikisht ishte tifoz në gjithë pjesën e parë të vitit, duke luajtur vetëm me Kombëtaren shqiptare. Por pas Europianit, gjërat janë sheshuar me sa duket dhe Asani është kthyer përsëri në Korenë e Jugut, duke qenë sot titullar në ndeshjen ndaj Seongham.

    Ai u zëvendësua në minutën e 75 të sfidës që skuadra e tij e fitoi me shifrat 3-2 pas shtesave, duke siguruar kualifikimin në gjysmëfinalet e Kupës së Koresë së Jugut./PANORAMASPORT.AL

  • “Guri, letra dhe gërshëra” nuk ka fund me Uilliams dhe Jamal. Këtë radhë për të mbajtur Kupën (Video)

    “Guri, letra dhe gërshëra” nuk ka fund me Uilliams dhe Jamal. Këtë radhë për të mbajtur Kupën (Video)

    Niko Uilliams dhe Lamin Jamal janë kthyer në yjet e EURO 2024 duke argëtuar tifozët e shumtë me atë që bëjnë në fushën e lojës, por edhe jashtë saj. Garat me “guri, letra dhe gërshëra” mes dy futbollistëve të pandashëm në grumbullimin e Spanjës janë bërë të famshme në rrjetet sociale dhe tashmë vazhdojnë edhe pas turneut.

    Ata zgjidhnin gjithçka mes tyre në këtë mënyrë, duke qenë të bindur se një lojë e tillë fëmijësh, do të shmangte diskutime të mëtejshme, siç kanë shpjeguar vetë shpesh në videot që kanë publikuar gjatë turneut.

    Dhe këtë lojë kanë përdorur sot edhe për të caktuar se nga cila anë do të vendoseshin në pozë për të mbajtur trofeun e Euro 2024 për fotot zyrtare. Në videon e publikuar në rrjetet sociale nga Federata Spanjolle dhe UEFA, shihen dy yjet e rinj të Spanjës që zgjedhin vendet në këtë mënyrë, duke u vendosur më pas në pozicion për foton.

  • Argjentina bën historinë në SHBA, fiton Copa America

    Argjentina bën historinë në SHBA, fiton Copa America

    Argjentina është skuadra me më shumë triumfe në Copa America pasi fitoi finalen me Kolumbinë falë golit të vetëm të shënuar nga Lautaro Martinez në të 112’.

    Sulmuesi i Interit, shënoi golin e pestë në kompeticion, ndërsa Argjentina mori me vete trofeun e lakmuar për herë të 16-të në historinë e Federatës duke u shkëputur nga Uruguai (15).

    Me këtë triumf në “Hard Rock Stadium” të Majemit skuadra e drejtuar nga Skaloni bëhet e para që fiton dy herë Copa America-n radhazi dhe Botërorin në harkun e katër viteve.

    Sa i përket Mesit ndeshja e tij ishte mjaft e vështirë pasi u detyrua që të dilte përpara kohe (66’) për shkak të një dëmtimi të rëndë në kavilje.

  • Spanja kampione e Europës për të katërtën herë, shikoni momentin kur Morata ngre trofeun

    Spanja kampione e Europës për të katërtën herë, shikoni momentin kur Morata ngre trofeun

    Spanja është kampione e Europës në Gjermani pas fitores 2-1 kundër Anglisë në finalen e Berlinit.

    Kështu “La Roja” është bërë për të katërtën herë kampione Europe, si asnjë skuadër tjetër më parë.

    Kapiteni Alvaro Morata mori në duar trofeun më të lavdishëm europian dhe e ngriti atë në qiellin e Europës, duke ngritur në festë edhe gjithë popullin spanjoll.