Category: Sport

  • Ndeshja që ka tërbuar gjermanët, peticioni me 350,000 firma për përsëritjen e një sfidës me Spanjën

    Ndeshja që ka tërbuar gjermanët, peticioni me 350,000 firma për përsëritjen e një sfidës me Spanjën

    Më shumë se 350,000 njerëz kanë nënshkruar një peticion për një përsëritje të ndeshjes çerekfinale të Europianit në Gjermani midis kombëtares vendase dhe Spanjës, e cila përfundoi me fitoren e iberikëve 2-1.

    Pretendohet se ishte arbitri ai që ia dha fitoren Spanjës kundrejt gjermanëve për një penallti të padhënë në favor të këtyre të fundit.

    “Tifozët e pakënaqur gjermanë kërkojnë rizhvillimin e ndeshjes, sepse besojnë se kombëtares së tyre i është bërë padrejtësi. Rreth 350,000 njerëz nënshkruan një peticion për përsëritjen”, shkruan SportBible.

    Penalltia e pa akorduar në minutën e 106-të kur Cucurella bllokoi me dorë goditjen e Jamal Musiala në zonën e tij të penalltisë duket se do të ngelë gjatë në memorien e gjermanëve.

    Gjyqtari anglez Anthony Taylor nuk tregoi pikën e bardhë dhe për çudi as sistemi VAR nuk u aktivizua.

    Peticioni, natyrisht, do të jetë…i kotë.

    Gjermania i tha lamtumirë Euros, dhe spanjollët do të luajnë të martën me francezët për finalen…

  • Strakosha transferohet tek AEK-u, mungon vetëm zyrtarizimi

    Strakosha transferohet tek AEK-u, mungon vetëm zyrtarizimi

    Thomas Strakosha, ka kompletuar transferimin tek AEK-u dhe tashmë mungon vetëm zyrtarizimi. Portieri i Shqipërisë, ka zbarkuar në zyrat e klubit nga Athina, për të firmosur kontratën.

    Mediat pranë klubit të AEK-ut, bëjnë me dije se gjithçka është mbyllur dhe në orët e ardhshme pritet të vijë njoftimi zyrtar.

    Te klubi helen, “gardiani” kuqezi do të ketë më shumë minuta në dispozicion, diçka që i mungoi në aventurën e tij tek anglezët e Brentford në Premier League.

    29-vjeçari ishte pjesë e Brentford nga viti 2022, kur u transferua nga italianët e Lazio-s.

    Portieri shqiptar rikthehet të luajë në Greqi, aty ku e ka nisur edhe karrierën e tij si futbollist, pasi ka qenë pjesë e të rinjve të Panionios.

  • Angli apo jashtë, Armando Broja ende në “ajër”

    Angli apo jashtë, Armando Broja ende në “ajër”

    Me afrimin e trajnerit italian Enco Mareska, qëndrimi i Armando Brojës te Çelsi bëhet shumë i vështirë.

    Siç raportojnë mediat vendëse, trajneri nuk e ka në plane sulmuesin shqiptar i cili duhet të shitet përfundimisht pas disa huazimeve, së bashku me disa lojtarë të tjerë të cilët do të rregullojnë bilancin e klubit blu.

    Armando është ende me pushime, ndërsa e ardhmja mbetet ende në ajër.

    Evertoni është klubi që kërkon ta mbajë Brojën në Premier Ligë, ndërsa edhe jashtë saj ka disa pista ku 22-vjeçari mund të përfundojë, si Italia apo Gjermania.

    Megjithatë, çdo gjë pritet të vendoset pas Kampionatit Europian, atëherë kur Çelsi do të nisë edhe përgatitjet për sezonin e ri futbollistik./PANORAMASPORT.AL

  • Taulant Seferi sapo deklaroi se është single: Jam ndarë!

    Taulant Seferi sapo deklaroi se është single: Jam ndarë!

    Taulant Seferi është beqar dhe sërish në treg!

    Ylli i Kombëtares po e shijon kohën pas Euro2024 vetëm, pasi mesa duket është ndarë nga partnerja që ka pasur. Vetë Taulanti ka deklaruar në një intervistë se është beqar.

    “Jam single. Kam dalë dikur në një intervistë kam thënë se jam në lidhje, por tani jam single.”-tha ai.

    Më parë futbollisti na kishte treguar se kishte 4 vite me partneren e tij që jeton në Zvicër. 27-vjeçari është një nga futbollistët më të dashur të Kombëtares Shqiptare.

    Pas kësaj deklarate, me siguri kërkesat nga vajzat në rrjetet sociale do jenë të shumta.

  • Ramadani ndryshon menaxher dhe synon kalimin në një top-klub, kuqezinjtë u sjellin…

    Ramadani ndryshon menaxher dhe synon kalimin në një top-klub, kuqezinjtë u sjellin…

    Ramadani ndryshon menaxher dhe synon kalimin në një top-klub, kuqezinjtë u sjellin miliona euro klubeve europiane

    Lojtarët e përfaqësueses që luajtën në kampionatin europian po shpresojnë të përmirësojnë treguesit e tyre në treg, domethënë kanë ambicie të bëhen pjesë e ndonjë top-klubi europian dhe shenjat e para janë vërtet të mira, pasi shumica prej tyre ka marrë interesimin e klubeve të mëdha në Itali dhe më gjerë. Kështu, mesfushori i Kombëtares Shqiptare të Futbollit, Ylber Ramadani, ka kaluar që nga vera e kaluar padyshim vitin më të bukur sa i përket karrierës së tij futbollistike. Fillimisht ishte prezantimi dhe afirmimi në një kampionat të njohur si ai i Serisë A. Më pas, e kishte radhën pjesëmarrja në EURO 2024 me fanellën e Shqipërisë, ku ishte titullar i padiskutueshëm. Paraqitjet e tij kanë sjellë vlerësime të shumta dhe për Ramadanin ka ardhur koha që të kërkojë diçka më shumë, duke parë se është në momentin më të mirë të karrierës. Ndoshta kjo është arsyeja pse mesfushori i Kombëtares shqiptare ka vendosur që në ditët e ardhshme të ndryshojë menaxher. Që prej muajit prill, raportohet se ai ka qenë në negociata me menaxherin e njohur Fali Ramadani, i cili është një nga drejtuesit e kompanisë LIAN Sports Group. Mediat italiane bëjnë të ditur se në ditët e ardhshme, kur mesfushorit t’i përfundojë kontrata e përfaqësimit nga menaxherët aktualë, do të kalojë nën administrim të Ramadanit i cili përfaqëson edhe një tjetër lojtar të Leçes e Kombëtares kuqezi, Medon Berishën. Dhet thënë se Ylber Ramadani ishte një nga lojtarët më të rëndësishëm të skuadrës përfaqësuese në Europianin e Gjermanisë. Ai luajti tri ndeshje të plota në grup dhe madje theu një rkord në fazën e grupevce pasi pati më shumë kilometra se çdo lojtar tjetër, plot 37.5 km, duke marrë vëmendjen e mediave sportive europiane për energjinë e tij në fushën e lojës.

    Gjasula i sjell 200 mijë euro të ardhura Darmshtadit

    Lojtarët që luajnë në Kampionatin Europian janë burim të ardhurash për klubet që kanë kartonët e tyre, një mënyrë kompensimi që bën UEFA për lojtarët e këtyre niveleve pra për klubet e tyre. Kështu, sipas mediave gjermane, Darmshtadi falë Shqipërisë ka arritur të arkëtojë 200 mijë euro. Kjo është mundësuar nga bonuset e parashikuara nga UEFA për klubet të cilët kanë lojtarët e tyre në Europian. Darmshtadi ka përfituar plot 200 mijë euro nga Klaus Gjasula, i cili ishte autor i një goli dhe i një autogoli në “Gjermani 2024”, përkatësisht në ndeshjen e dytë me Kroacinë. Duket pak ironike, sepse Gjasulës i ka përfunduar aktualisht kontrata dhe ka dalë një lojtar i lirë. Në Gjermani klubi, i cili ka arkëtuar më shumë nga bonuset e UEFA-s, është Bajerni i Mynihut. Deri më tani rekordmenët e Gjermanisë kanë arkëtuar 3.1 milionë euro falë dhjetë lojtarëve, të cilët janë grumbulluar me kombëtaret respektive. Për ekipin tonë përfaqësues të ardhurat që vijnë nga pjesëmarrja e lojtarëve nuk shkojnë për klubet e Superiores, pasi asnjë lojtar i Superiores tonë nuk është pjesë e Kombëtares, pra përfitojnë klubet e ndryshme në top-ligat europiane, kryesisht klubet e Serisë A.

  • Mungon vetëm zyrtarizimi, Thomas Strakosha transferohet në Greqi

    Mungon vetëm zyrtarizimi, Thomas Strakosha transferohet në Greqi

    Mungon vetëm zyrtarizimi, por Thomas Strakosha mund të konsiderohet një lojtari i AEK. Gardiani kuqezi zhvilloi një Evropian shumë pozitiv duke tërhequr vëmendjen e shumë klubeve në Evropë, mbi të gjitha në Serie A, ku flitej për një rikthim të tij.

    Ndryshe nga se pritej, Strakosha ka vendosur të rikthehet në Greqi teksa ka gjetur akordin total me klubin e AEK.

    Mediat greke e bëjnë fakt të kryer transferimin e tij te klubi i AEK pasi edhe Brentford, skuadër që ka në pronësi kartonin e tij, ka dhënë pëlqimin për transferimin e Strakoshës tek AEK.

    (BalkanWeb)

  • Euro 2024/ Publikohen formacionet zyrtare të supersfidës Spanjë-Gjermani

    Euro 2024/ Publikohen formacionet zyrtare të supersfidës Spanjë-Gjermani

    Spanja dhe Gjermania sfidojnë njëra-tjetrën në orën 18.00, në ndeshjen e vlefshme për çerekfinalen e Europianit.

    Pak më parë janë publikuar formacionet, si trajneri De La Fuente, ashtu edhe Nagelsmann kanë vendosur për titulluarët. Nga minuta e parë e nisin më të mirët, përderisa bëhet fjalë për një ndeshje të rëndësishme.

    Takimi do të luhet në MHPArena (Stuttgart) dhe do të gjykohet nga anglezi Taylor. Në stadium, pritet të jenë mbi 54 mijë tifozë. Ndeshja do të transmetohet në mbi 100 televizione në botë.

  • “Po dal të pi një…”/ Çiljeta zbulon si reagoi kur gruaja e Albanit u nda nga jeta

    “Po dal të pi një…”/ Çiljeta zbulon si reagoi kur gruaja e Albanit u nda nga jeta

    Thonë se rastësia është mbreti i botës.

    Kështu duket të jetë edhe historia e lidhjes së dashurisë së Çiljetës dhe Albanit.Këngëtarja Çiljeta Xhilaga në një intervistë në “ZëmeMirën Podcast” ka rrëfyer se si ka reaguar kur partnerja e Alban Hoxhës u nda nga jeta pas lindjes së djalit. Çiljeta tregon se ka lexuar lajmin dhe në atë kohë nuk njihte asnjërin prej tyre.

    Por ajo mban mend ndjesinë e saj të pare, pasi histori të tilla bëhen publike për shkak të sesitivitetit që pasqyrojnë.

    “Kur ka ndodhur historia e Albanit, mbaj mend që kam lexuar gazetat dhe nuk e njihja fare Albanin. Nuk e kisha haberin kush ishte, se nuk marr vesh fare nga sporti. Isha tek parukeria e mamit. Kam marrë një cigare në dorë dhe kam thënë: “Po dal të pi një cigare për shpirtin e kësaj vajze”,tregon Çiljeta .

    Në atë kohë ajo nuk e dinte se djali i saj i vogël Beko kishte ardhur në jetë pikërisht atë ditë.

  • Mbrojtësi i Kombëtares shqiptare, Mario Mitaj: Ëndrra është Barcelona, Silvinjo sheh veten tek unë

    Mbrojtësi i Kombëtares shqiptare, Mario Mitaj: Ëndrra është Barcelona, Silvinjo sheh veten tek unë

    Ëndërron që një ditë të luajë për Barce lonën. Nuk dihet nëse Silvinjo ka ndikuar, por Mario Mitaj thotë se trajneri brazilian sheh veten e vet tek ai, duke qenë se ka luajtur në të njëjtin rol.

    Në një intervistë të gjatë për “gazzeta.gr”, mbrojtësi i majtë tregon gjithçka, këshillat e trajnerit, eksperiencën në Europian, atë që Shqipëria mund të bënte më shumë, si edhe lojtarët të cilët i bënë përshtypje. Mitaj mendon se Spanja është favorite, ndërsa flet edhe për kampionatin shqiptar.

    Nuk mund të mungojë eksperienca te AEK-u, aty ku hodhi hapat e parë dhe diskutimet 10-orëshe në një zyrë, përpara se të merrte vendimin e largimit në Rusi. Tashmë gati për një aventurë të re, Mario është i qartë për atë që kërkon në të ardhmen.

    Si u ndiet kur mësuat se do të jeni në misionin “Euro 2024” me Kombëtaren shqiptare?

    Ishte hera e parë që trajneri njoftoi thirrjet në një konferencë për shtyp. U ndjeva shumë krenar dhe i lumtur që në moshën 20- vjeçare mund të përfaqësoj vendin tim në një event të tillë. Mendoj se është diçka që mund ta përjetosh vetëm një herë në jetë. Sidomos kur je anëtar i një vendi që nuk shkon shpesh në turne të tilla. Ndjeva një lehtësim të madh kur pashë emrin tim.

    Cili ishte sekreti i suksesit të Silvinjos?

    Mendoj se që nga momenti kur mori Kombëtaren, ajo që u përpoq të bënte ishte të mbante mirë dhomën e zhveshjes, pra atmosferën mes nesh. Ky për mua ishte sekreti dhe doli edhe në fushë. Kjo është arsyeja pse me skuadra si Republika Çeke dhe Polonia ia dolëm mbanë dhe morëm fitore të mëdha në kualifikuese.

    Kombëtarja shqiptare u gjend në një nga grupet më të vështira në “Euro”, si u ndiet përballë lojtarëve të këtij kalibri?

    Përgjithësisht nuk jam kurrë nervoz kur luaj, që nga momenti që do të futem në fushë s’do të jem nervoz. U ndjeva i lumtur që luaja me Italinë, mezi prisja të hyja në fushë, të shihja lojtarë që dikur i shihja në televizion. Doja të përballesha me ta dhe të shihja ndryshimin në nivel që mund të kisha me ta.

    A ka pasur ndonjë lojtar që ju ka rënë në sy në ndeshjet që keni luajtur?

    Më pëlqyen shumë Kieza, Jamal, i cili për moshën e tij është vërtet i jashtëzakonshëm. Më pëlqeu shumë Kovaçiç si lojtar.

    Mendoni se Shqipëria mund të bënte më mirë në Europian?

    Nëse përjashtoni ndeshjen e parë kundër Italisë, veçanërisht pjesën e parë që ishte një përshtatje, ne kishim një paraqitje shumë të mirë në përgjithësi. Me Kroacinë mund të fitonim. Me Spanjën luftuam deri në fund… Mendoj se edhe në një përqindje, 10% kishim mundësi të kalonim në fazën tjetër.

    Si ju lë përvoja në “Euro”?

    Unë mendoj se është fillimi i diçkaje më të madhe.

    Cili ekip është favorit për ta fituar turneun?

    Spanja dhe Portugalia.

    Cila kombëtare ka zhgënjyer?

    Anglia, sepse me gjithë ata lojtarë cilësorë që ka, ajo duhet të dominonte, por diçka e tillë nuk është parë.

    E keni menduar ndonjëherë të garoni në kombëtaren greke?

    Në kombëtaret e moshave kam shkuar edhe në kombëtaren e Greqisë dhe atë të Shqipërisë. Kur firmosa kontratën time të parë me AEK-un ata më pastruan gjithçka, e dija që doja të luaja për Shqipërinë.

    Çfarë ju bëri përshtypje në Europian?

    Ne të gjithë mbetëm pa fjalë kur dolëm në nxehje në ndeshjen kundër Italisë. Ne po xhironim video, atmosfera ishte vërtet e pabesueshme. Organizimi ishte gjithashtu perfekt, deri në detajet më të vogla. Nuk kishte asnjë gabim.

    Cila nga tri ndeshjet ishte më e vështira?

    Ndeshja kundër Italisë ishte më e vështira, sepse shënuam shumë shpejt dhe më pas u mbyllëm mbrapa. Ishte sikur humbëm veten deri në fund të pjesës së parë derisa e gjetëm sërish në të dytën. Nuk e preka shumë topin në pjesën e parë dhe po thoja pse të mos luajmë tani? Megjithatë, ne humbëm kështu që ishte ndeshja më e vështirë.

  • Do qëndrojë Silvinjo? E zbulon Armand Duka: Takohemi javën që vjen dhe…

    Do qëndrojë Silvinjo? E zbulon Armand Duka: Takohemi javën që vjen dhe…

    Armand Duka, kreu i Federatës Shqiptare të Futbollit ka konfirmuar për “Sport Italia” se javën që vjen do takohet me trajnerin Sylvinho për të diskutuar kontratën e re.

    Tanimë e ardhmja e Sylvinhos është çështje për Kombëtaren, me trajnerin që nuk është më nën kontratë pas Euro 2024 dhe pret ofertat e ndryshme, që duhet thënë se nuk mungojnë nga Evropa apo edhe nga Brazili.

    “Kontrata e tij ka përfunduar pas eliminimit nga Europiani, por ne i kemi ofruar rinovimin që në muajin janar dhe propozimi qëndron ende. Besoj se do të finalizojmë shpejt marrëveshjen, pasi edhe ne duam të vazhdojmë bashkëpunimin. Aktualisht Sylvinho është me pushime dhe javën e ardhshme do të takohemi sërish për të diskutuar për vijimin e punës së nisur së bashku”, tha Duka.

    Në fjalët e Dukës ka një pasiguri, pasi trajneri prej janarit e ka kontratën e re me FSHF-në mbi tryezë dhe ende nuk e ka firmosur. Pritet që java e ardhshme të jetë vendimtare për të ardhmen e brazilianit në stolin kuqezi, me trajnerin që tanimë ka marrë edhe pasaportën shqiptare.