Category: Sport

  • Çmenduri për të parë Gjermani-Spanjë, biletat kushtojnë deri në 12 mijë euro

    Çmenduri për të parë Gjermani-Spanjë, biletat kushtojnë deri në 12 mijë euro

    Mund të duket disi absurde, por është e vërtetë, një biletë për të parë ndeshjen mes Gjermanisë dhe Spanjës kanë shkuar deri në 12 mijë euro. Për çerekfinalen e “Euro 2024”, e planifikuar të premten në Shtutgart, çmimet kanë shkuar në “stratosferë” për një ndeshje me pritshmëri të madhe, që megjithatë nuk justifikon shifra të tilla.

    Gazeta “Bild” flet për këtë , duke iu referuar shitësve me pakicë. Madje flitet për bileta që variojnë nga 6 mijë deri në 12 mijë euro për vende jo shumë të privilegjuara apo larg fushës. Në Gjermani ka një pritje të madhe për ndeshjen për një lloj hakmarrjeje kundër Spanjës.

    “Furia e Kuqe”, eliminoi gjermanët si në vitin 2008, ashtu edhe në 2010. Të dyja herë ata fituan turneun, përkatësisht Kampionatin Europian dhe Kupën e Botës. Gjermania nuk e ka mundur Spanjën që nga viti 1988, 36 vite në total. Ka kaluar shumë nga suksesi i fundit, kjo është arsyeja pse sfida kundër Spanjës është kaq e rëndësishme.

  • Hysaj “joshet” nga sheikët, Lazio në pritje të ofertës nga Lindja e Mesme për shkodranin

    Hysaj “joshet” nga sheikët, Lazio në pritje të ofertës nga Lindja e Mesme për shkodranin

    Lazio-Hysaj mund të konsiderohet një raport i mbyllur. Pas një evropiani jo pozitiv për Elseid Hysajn me kombëtaren tonë edhe e ardhmja e tij në kryeqytetin italian nuk duket e sigurtë. Minutat e pakta në sezonin e fundit me bardh e kaltrit, mund të jenë shkaku kryesor që shkodrani të kërkojë një ambjent të ri për sezonin e ardhshëm. Sipas mediave italiane, për futbollistin e Kombëtares shqiptare kanë shfaqur interes klube nga Lindja e Mesme që janë gati të bëjnë një lëvizje për mbrojtësin e djathtë. Lacio do të ishte gati të linte Hysajn të largohet, duke marrë parasysh se ka një rrogë të lartë që kalon mbi 2 milionë euro në sezon në këtë vit të fundit të marrëveshjes mes palëve.

    Njëkohësisht, për klubin italian mund të regjistrohej një përfitim ekonomik në rast shitje të futbollistit, të cilin e mori nga Napoli me parametër zëro dy vite më parë. Në ditët e tij priten të reja nga Hysaj, por e sigurtë është, që mbrojtësi i përfaqësueses tone është me “valixhe” në duar.

  • BBC tallet me yllin portugez, e quan ‘Misstiano Penaldo’. Reagon John Terry: Një turp i vërtetë…

    BBC tallet me yllin portugez, e quan ‘Misstiano Penaldo’. Reagon John Terry: Një turp i vërtetë…

    Cristiano Ronaldo pati shansin për ta zgjidhur ngërçin e kualifikimit në çerekfinale të “Euro 2024” në minutën e fundit të pjesës së parë shtesë kundër Sllovenisë.

    Penalltia e tij, megjithatë, u prit nga Jan Oblak dhe kampioni portugez shpërtheu në lot.

    Ai u shpagua pak më pas me konvertimin e penalltisë së parë të serisë që e çoi skuadrën e Martinez në çerekfinale. Ashtu si Lionel Messi, CR7 është gjithmonë në qendër të vëmendjes, pavarësisht viteve që kalojnë. Dhe askush nuk ia fal as gabimin më të vogël.

    “BBC”, rrjeti i njohur mediatik britanik, ndezi një polemikë të vërtetë në fund të ndeshjes, kur e quajti “Misstiano Penaldo”, një lojë fjalësh mes emrit të lojtarit, foljes “humb” dhe penalltisë. Grafika nuk iu pëlqeu shumë ish-kolegëve të futbollistit të Al Nassr, mbi të gjitha John Terry, i cili e cilësoi miksimin e fjalëve nga transmetuesi britanik si “një turp të vërtetë”.

  • Xhaka vendos gishtin në plagë: Kurrë s’kisha parë Itali si kjo, i mundëm pa zbritur në fushë

    Xhaka vendos gishtin në plagë: Kurrë s’kisha parë Itali si kjo, i mundëm pa zbritur në fushë

    Zvicra arriti të siguronte një vend në çerekfinale të Euro 2024 pasi mundi 2-0 Italinë në Berlin, në një ndeshje ku nuk pati shumë histori pasi kampionët në fuqi u dorëzuan pa luftuar.

    Këtë ide kishte edhe Xhaka, i cili në një intervistë të fundit i rikthehet edhe njëherë ndeshjes në fjalë ndërsa thekson se ai kurrë nuk e kishte parë Italinë në një nivel kaq të dobët.

    “Unë urrej të humbasë, edhe në stërvitje nuk e pranoj humbjen. Unë dhe Akanzhi zhvilluam një sezon të madh, ashtu si edhe tre lojtarët që vijnë nga Bolonja. Në përgjithësi të gjithë lojtarët kanë bërë mirë këtë sezon dhe ne jemi të “uritur” për më shumë. Italinë nuk e kisha parë kurrë në këtë gjendje, ishte shumë në vështirësi. Mendoj se ne e fituam ndeshjen ende pa zbritur në fushë, kështu bënë edhe ata me ne para tre vitesh.

    Jam shumë krenar për atë që kemi treguar, jam krenar për çdo pjesëtar të skuadrës dhe stafit, sepse kjo që kemi arritur është shumë speciale. Jo vetëm për rezultatin, por edhe për performancën dhe lojën e shprehur. Kemi luajtur në nivel të shkëlqyeshëm dhe kemi qenë mentalisht shumë mirë, edhe pse përballë kishim një kundërshtar prestigjioz.

    E kishim në mendje atë disfatë 3-0 ndaj Italisë para tre vitesh. Por, këtë herë treguam shumë shpirt skuadre dhe arritëm një objektiv që ishte mëse i merituar. Çdo fitore na shton më shumë besimin, ishim të disiplinuar taktikisht edhe me topin në zotërim, por edhe kur kundërshtari e kishte topin në kontroll”, u shpreh Xhaka.

  • Granit Xhaka trondit Zvicrën, ja çfarë rrezikon mesfushori shqiptar

    Granit Xhaka trondit Zvicrën, ja çfarë rrezikon mesfushori shqiptar

    Kombëtarja e Zvicrës ka marrë një lajm të keq disa ditë para ndeshjes ndaj Anglisë në kuadër të çerekfinaleve të Euro 2024.

    Kapiteni Granit Xhaka është në dyshim për ndeshjen ndaj Anglisë. Mesfushori shqiptar i cili ka qenë një ndër lojtarët më të dalluar të kësaj gare, ka zbuluar se po përballet me një lëndim muskulor i cili bëri që ai të humbasë një prej seancave stërvitore.

    Ish-lojtari i Arsenalit këtë problem e ndjeu sërish në fazën e fundit të ndeshjes ndaj Italisë, por po shpreson që të jetë i gatshëm plotësisht për Anglinë. Ngelet të shihet me mjaft interes se cila do të jetë gjendja e Granit Xhakës në duelin ndaj “3 Luanëve”.

  • Gjesti i turpshëm pas golit, Bellingham rrezikon dënimin nga UEFA

    Gjesti i turpshëm pas golit, Bellingham rrezikon dënimin nga UEFA

    Jude Bellingham, ishte heroi i Anglisë, në fitoren 2-1 ndaj Sllovakisë, në ndeshjen e vlefshme për fazën e 1/8-ve në Europian.

    Mesfushori anglez, shpëtoi kombëtaren e tij, duke barazuar shifrat me një super gol në minutën e 95-të, për ta dërguar ndeshjen në shtesa.

    Megjithatë, futbollisti 21-vjeçar, rrezikon një dënim me pezullim nga UEFA. Shkak për këtë është bërë një gjest i lojtarit, pas golit të barazimit.

    Bellingham, u filmua duke bërë një gjest të turpshëm në drejtim të tribunës dhe për këtë arsye po hetohet nga UEFA.

    UEFA, po pret raportin e ndeshjes nga arbitri, për të marrë më pas një vendim përfundimtar. Mesfushori rrezikon të pezullohet për ndeshjen e ardhshme, atë ndaj Zvicrës në çerekfinale.

  • De La Fuente, pas përmbysjes ndaj gjeorgjianëve: Mund të kishim fituar 9-1, tani e ka radhën Gjermania

    De La Fuente, pas përmbysjes ndaj gjeorgjianëve: Mund të kishim fituar 9-1, tani e ka radhën Gjermania

    Trajneri i Spanjës, Luis de la Fuente, foli në fund të fitores 4-1 të skuadrës së tij ndaj Gjeorgjisë, në 1/8 finale të “Euro 2024”: “Jemi shumë të lumtur, e dinim se sa e rëndësishme ishte të jemi këtu dhe e dëshmuam këtë, edhe nëse ndeshja mund të kishte përfunduar 8 ose 9-1.

    Gjeorgjianët janë ekip i rrezikshëm në kundërsulm, por ne dhamë gjithçka në fushë dhe e merituam. Suksesi është falë djemve, mund t’iu përcjell idetë e mia për futbollin, pastaj janë ata që dalin në fushë dhe bëjnë mirë. Ishte e vështirë me mënyrën se si po shkonte ndeshja, por ruajtëm qetësinë”.

    De la Fuente shtoi më pas: “Djemtë janë shumë të lumtur, ishte një ndeshje e rëndësishme për ne, sepse donim të arrinim në çerekfinale kundër Gjermanisë. Megjithatë, absolutisht i kemi këmbët në tokë, duhet të vazhdojmë të punojmë”.

    Së fundi, për ndeshjen çerekfinale: “Në fillim mendojmë për rikuperimin e energjive, pastaj do të përpiqemi ta përgatisim ndeshjen me specifikat tona të futbollit. Pikat tona të forta janë të shumta, kemi identitet të qartë, ndaj do të garojmë edhe me një ekip të fortë si Gjermania”.

  • ‘Jam i turpëruar…! U dënua nga UEFA për thirrje raciste, Mirlind Daku bën autokritikë!

    ‘Jam i turpëruar…! U dënua nga UEFA për thirrje raciste, Mirlind Daku bën autokritikë!

    Sulmuesi ka thënë se ky është njëri prej momenteve më të vështira në karrierën e tij dhe se ndihet i turpëruar për atë që ndodhi.

    Sulmuesi i Kombëtares shqiptare, Mirlind Daku ka folur për mediat ruse, duke kërkuar edhe ndjesë për incidentin që ndodhi gjatë Euro 2024, çka detyroi UEFA-n të dënojë atë me dy ndeshje.

    Pas takimit në ndeshjen me Kroacinë, Daku mori altoparlantin dhe nisi të këndojë një këngë fyese ndaj serbëve e maqedonasve. Për Sport-express.ru sulmuesi ka thënë se ky është njëri prej momenteve më të vështira në karrierën e tij dhe se ndihet i turpëruar për atë që ndodhi.

    “Natyrisht, kjo javë ishte shumë e vështirë. Jam përballur me presion që nuk e kam pasur asnjëherë. Isha në qendër të një skandali, për të cilin jam i turpëruar. Nuk kam dashur të nxis një situatë të tillë, pa përmendur që kjo ngjalli valë reagimesh në media. Çdo gjë doli nga kontrolli. Pas gjërave si kjo, gjithnjë filloj të stresohem. Këto mendime dhe përvojë nuk më lëshojnë”, ka thënë Daku, sipas gazetës ruse.

    Po ashtu ai ka bërë një shpjegim të situatës “pasi jo të gjithë në Rusi e dinë plotësisht se si ka ndodhur”.

    Pas ndeshjes së parë në Evropian me Italinë, mbrojtësi ynë, Elseid Hysaj, ka pranuar shumë kritika nga tifozët. Jo vetëm tifozët por edhe mediat kanë bërë presion ndaj tij. Pas ndeshjes me Kroacinë, kam dashur ta mbështes atë dhe kam shkuar së bashku me të te tribuna e tifozëve, që tifozët ta pranojnë atë, ta përkrahin dhe që të ndajmë momentin e gëzimit me të. Ata më pas i dhanë atij altoparlantin dhe unë isha afër.

    Më pas altoparlanti ishte në duart e mia dhe unë i thash ato fjalë. Në ndeshje si ajo, tifozët shpesh lejojnë veten të bëjnë thirrje ofenduese ndaj tifozëve të vendeve tjera. Kjo atmosferë të shoqëron gjatë ndeshjes dhe të mbërthen. Ndikon te të gjithë në stadium.

    Ajo ndeshje kishte fund emocional – shënuam golin e barazimit në minutën e fundit dhe unë bëra debutimin në Evropian. Kështu që emocionet ishin shumë të mëdha. Por kjo nuk më justifikon. Menjëherë më pas e kam kuptuar se çka kam bërë: kam thënë gjëra të papërshtatshme. Isha i shokuar që lejova emocionet të më kaplojnë dhe që lejova veten të bëj gjëra të tilla”, ka deklaruar sulmuesi kuqezi.

    Në intervistë, Daku thekson se nuk kishte thënë asgjë për Serbinë. Në fakt ai dëgjohet duke fyer serbët e maqedonasit.

    Më e rëndësishmja, nuk është dashur të them fjalë të tilla për asnjë popull. Është thjeshtë e papranueshme. Është akt i tmerrshëm dhe nuk më vendos në pozitë të mirë. Pas asaj që ndodhi federata serbe nuk ka dërguar ankesë zyrtare në UEFA. Nuk kishte ankesë specifike ndaj meje. Por e përsëris që situata nuk më vendos në pozitë të mirë. Jam pishman dhe kërkoj falje ndaj të gjithëve që janë lënduar nga ky veprim”, është shprehur Daku.

    Ai ka theksuar se ka raporte të mira dhe madje miqësore me lojtarët serbë të Rubin Kazanit. Ai e kupton vendimin e klubit për ta dënuar dhe thotë se është logjike.

    “Më është dhënë një pushim i shkurt pas grumbullimit me ekipin kombëtar. Duhet të fokusohemi në punë. Do të mundohem t’ua dëshmoj të gjithëve se kjo nuk do të më ndodhë në të ardhmen”, ka thënë Daku.

  • Rënditja e kombëtareve me më shumë tifozë në Euro 2024, Shqipëria në katërshe

    Rënditja e kombëtareve me më shumë tifozë në Euro 2024, Shqipëria në katërshe

    Shqipëria humbi “betejat” në fushë, por fitoi atë të tribunave në Europian.

    Të shumtë ishin shqiptarët, që kishin ardhur nga gjithë bota, për të ndjekur kombëtaren në Gjermani.

    Sipas një postimi të një medie, mbështetësit e kuqezinjve ishin 95 mijë tifozë, duke lëmë mbrapa kështu shumë kombëtare të mëdha.

    Lista e plotë e kombëtareve me më së shumti tifozë të pranishëm në Euro 2024:

    Turqia: 130,000 tifozë
    Gjermania: 125,000 tifozë
    Kroacia: 103,000 tifozë
    Shqipëria: 95,000 tifozë
    Rumania: 92,000 tifozë
    Skocia: 82,000 tifozë
    Holanda: 80,000 tifozë
    Serbia: 73,000 tifozë
    Polonia: 70,000 tifozë
    Anglia: 65,000 tifozë
    Austria: 60,000 tifozë
    Danimarka: 60,000 tifozë
    Gjeorgjia: 60,000 tifozë
    Ukraina: 53,000 tifozë
    Belgjika: 50,000 tifozë
    Hungaria: 46,000 tifozë
    Sllovenia: 44,000 tifozë
    Franca: 41,000 tifozë
    Zvicra: 39,000 tifozë
    Republika Çeke: 38,000 tifozë
    Portugalia: 37,000 tifozë
    Italia: 36,000 tifozë

    Lista e plotë e kombëtareve me më së shumti tifozë të pranishëm në Euro 2024:

    Turqia: 130,000 tifozë

    Gjermania: 125,000 tifozë

    Kroacia: 103,000 tifozë

    Shqipëria: 95,000 tifozë

    Rumania: 92,000 tifozë

    Skocia: 82,000 tifozë

    Holanda: 80,000 tifozë

    Serbia: 73,000 tifozë

    Polonia: 70,000 tifozë

    Anglia: 65,000 tifozë

    Austria: 60,000 tifozë

    Danimarka: 60,000 tifozë

    Gjeorgjia: 60,000 tifozë

    Ukraina: 53,000 tifozë

    Belgjika: 50,000 tifozë

    Hungaria: 46,000 tifozë

    Sllovenia: 44,000 tifozë

    Franca: 41,000 tifozë

    Zvicra: 39,000 tifozë

    Republika Çeke: 38,000 tifozë

    Portugalia: 37,000 tifozë

    Italia: 36,000 tifozë

    Sllovakia: 35,000 tifozë

    Spanja: 34,000 tifozë

    Sllovakia: 35,000 tifozë

    Spanja: 34,000 tifozë

  • Stuhi dhe rrufe, ndëpritet ndeshja Gjermani-Danimarkë

    Stuhi dhe rrufe, ndëpritet ndeshja Gjermani-Danimarkë

    Rrufetë ndërpresin ndeshjen e Gjermanisë me Danimarkën!

    GJERMANI – Në Dortmund po zhvillohet ndeshja e dytë me eliminim direct mes organizatorëve të Gjermanisë dhe Danimarkës. Një përballje e hapur ku të dyja skuadrat ishin në kërkim të zhbllokimit të takimit, por në minutën e 35-të, në mënyrë të papritur dhe pazakontë, arbitri ndërpret takimin dhe shkak u bën rrufetë mbi stadium.

    Pasi është konsultuar me asistentët e tij, ai vendosi t’i kthejë lojtarët në dhomat e zhveshjes.