Category: Sport

Roko Vata po bëhet gjithnjë e më shumë protagonist në kampionatin anglez me fanellën e Uotford, ku po aktivizohet rregullisht e po me rregullsi po gjen edhe rrugën e rrjetës.

Sot, ai ka shënuar golin e tij të tretë në këtë kampionat, duke realizuar në portën e Preston në ndeshjen e javës së 28-të.

Futbollisti shqiptar e bëri përsëri me atë që po kthehet pak nga pak në specialitetin e tij, gjuajtjet nga distanca.

Në minutat e fundit të sfidës, Vata shmangu dy kundërshtarë dhe lëshoi një gjuajtje të fortë nga distanca, të pakapshme për portierin kundërshtar.

SHIH VIDEON

Ky ishte goli i tij i tretë në këtë sezon ku ka dhënë edhe dy asiste./PANORAMASPORT.AL

Manchester United i drejtuar nga Amorim ende nuk po arrin të gjejë vazhdimësinë në rezultate për të dalë nga situata e vështirë në renditje, e cila nuk është aspak në përputhje me emrin dhe buxhetin e lartë të pagave të klubit.

Pas barazimit me kryesuesit e Liverpool dhe fitoreve në FA Cup ndaj Arsenal dhe në Premier League kundër Southampton, Brighton i ka dhënë fund serisë pozitive të “Djajve të Kuq” duke triumfuar në “Old Trafford” me rezultatin 3-1.

Kjo humbje ka nxjerrë sërish në pah problemet kronike të skuadrës së teknikut portugez, ku një ndër to është edhe forma e portierit André Onana, i cili përsëri është bërë protagonist për një gafë të rëndë që i dha golin e tretë ekipit kundërshtar dhe vulosi humbjen e United.

Portieri 28-vjeçar kamerunas bëri një gabim aq të rëndë, sa që kësaj here as shokët e skuadrës nuk mundën ta fshehin zhgënjimin e tyre për gafën që sapo kishte ndodhur.

Një krosim i ulët dhe i ngadaltë nga distanca i Yasin Ayari-t nuk dukej si një rrezik i madh, por Onana e menaxhoi keq situatën, duke u shtrirë për të kapur topin, i cili megjithatë i rrëshqiti nga duart dhe përfundoi te këmbët e Georginio Rutter, i cili e dërgoi lehtësisht në rrjetë.

Why was Onana hugging broopic.twitter.com/Mw1Bcwpj8D

— Bloke (@UtdBloke_) January 19, 2025

Andre Onana's mistake today against Brighton .pic.twitter.com/pXh33a7DUh

— Bloke (@UtdBloke_) January 19, 2025

Nedim Bajrami ka shkëlqyer sot në Skoci me Rejnxhërs. Skuadra skoceze mposhti Frazerburg me rezultatin 5-0.

Bajrami asistoi dy gola në fillimin e pjesës së dytë. Fillimisht në minutën e 52-të dhe më pas 5 minuta më vonë, për t’i dhënë qetësi skuadrës së tij.

Me këtë fitore, Rejnxhërs kaloi me tej në Kupën e Skocisë. Kështu tashmë do të luajë në turin e 1/8.

Asisti i parë nga Bajrami: (VIDEO)

Asisti i dytë nga Bajrami: (VIDEO)

PANORAMASPORT.AL

Në Angli nuk ka tabloid që nuk e ka pasur Kyle Walker në faqen e parë, por këtë herë jo për arritjet e tij në futboll. Aftësitë e tij me Manchester City janë lënë në hije nga një prej skandaleve më të mëdha të gossip në historinë e fundit të Premier League.

Mbrojtësi anglez, i cili është shumë pranë transferimit te Milani, është zbuluar se kishte një familje të dytë sekrete, me fëmijë dhe një marrëdhënie të qëndrueshme me të dashurën e tij që zgjaste prej një kohe të gjatë.

Një trekëndësh dashurie që ka qenë në qendër të vëmendjes dhe që ka shkaktuar probleme të mëdha për lojtarin, përfshirë dhe në Europianin e fundit, ku të dyja gratë ishin në konflikt të hapur.

Gruaja Annie dhe familja e dytë sekrete

Nga njëra anë është Annie Kilner, gruaja e tij që nga viti 2021, të cilën e njeh që nga adoleshenca dhe me të cilën ka katër fëmijë. Nga ana tjetër, është Lauryn Goodman, me të cilën ai ka dy fëmijë të tjerë sekrete. Kjo jetë paralele u zbulua nga vetë e dashura, e cila, e lodhur nga gënjeshtrat dhe presioni për t’i fshehur gjithçka edhe fëmijëve të saj, vendosi të tregojë të vërtetën. Skandali duket se ka gjetur një zgjidhje të papritur: transferimi në Milano do t’i mundësojë lojtarit të fillojë një kapitull të ri në jetën e tij.

Zbulimi i skandalit

Skandali shpërtheu një vit më parë, kur Lauryn i tregoi gjithçka Annie-t. Fillimisht, gruaja e tij nuk e besoi dhe kërkoi prova, të cilat më pas i mori. Përveç tradhtisë, ajo zbuloi se edhe shokët e skuadrës së Walker ishin në dijeni të jetës së tij të dyfishtë, por nuk kishin guxuar t’i thonin asgjë. Për Annie-n dhe katër fëmijët e tyre – Roman (12 vjeç), Riaan (8 vjeç), Reign (6 vjeç) dhe Rezon (disa muajsh) – kjo periudhë ishte tejet e vështirë. E tradhtuar, ajo kërkoi menjëherë divorcin, një proces i ndërlikuar duke marrë parasysh pasurinë prej mbi 30 milionë eurosh të lojtarit dhe detyrimet e tij financiare ndaj familjes.

Lauryn Goodman dhe fëmijët sekretë

Ndërkohë, Lauryn gjithashtu vendosi të mos vazhdonte më me gënjeshtra. Ajo donte që dy fëmijët e saj me Walker – Kairo (i lindur në 2020) dhe motra e tij e vogël (e lindur në 2022) – të kishin një jetë normale dhe të përdornin mbiemrin e babait të tyre pa asnjë problem. Walker, pasi u përjashtua nga shtëpia nga gruaja, u detyrua të flinte në ambientet e klubit.

Rikthimi me Annie Kilner

Megjithëse gjithçka dukej se po shkonte drejt një divorci të pashmangshëm, Annie duket se ka ndryshuar mendje. Pas muajsh konfliktesh, ajo ka vendosur t’i japë Walker një mundësi për të rikuperuar marrëdhënien e tyre. Së fundmi, ata janë parë së bashku në publik, dhe gjatë Krishtlindjeve të fundit kanë pozuar pranë pemës si një familje e bashkuar. Përpjekjet për të rindërtuar marrëdhënien larg syve të publikut janë intensifikuar, dhe Walker pritet të transferohet në Milano së bashku me Annie dhe katër fëmijët e tyre.

Çfarë ndodh me Lauryn?

Ndërkohë, Lauryn raportohet se dëshiron të fillojë një jetë të re në Dubai me dy fëmijët e saj. Ajo ka kërkuar lejen e Walker për t’i larguar nga vila në Sussex, e cila është blerë nga lojtari si pjesë e marrëveshjes së mirëmbajtjes financiare për ta.

Ernest Muçi zhvilloi një paraqitje spektakolare në duelin e mbrëmjes së sotme ndaj Samsunspor, që u mbyll me shifrat e bardha 0-0.

Talenti shqiptar, u hodh në fushë në minutën e 60, në vendin e Zhoao Marios, teksa 30 minuta plus shtesën i mjaftuan, për të spikatur, duke rezultuar lojtari me notën më të lartë te bardhezinjtë, sipas “SofaScore”.

23-vjeçari krijoi 2 shanse të arta shënimi, ku për meritë të portierit kundërshtar nuk u finalizuan, si dhe regjistroi 5 pasime kyçe, 3 harkime të rrezikshme.

Shqiptari gaboi vetëm 1 pasim nga 19 në total, ndërkohë që u vlerësua me notën 8.2 nga “Sofa Score”./PANORAMASPORT.AL

Menaxheri shqiptar i futbollit, Shkumbin Qormemeti, ka prezantuar edhe përpara klubit francez blerjen më të madhe të tyre Khvicha Kvaratskhelia, të blerë nga Napoli.

Me fanellën e PSG-s gjeorgjiani pozon së bashku me Qormemetin, raporton gazetari i Top Channel, Endi Tufa.

Ai është një nga trattativat më të përfolura të kësaj merkato verore.

Khvicha Kvaratskhelia u transferua nga Napoli tek PSG për vlerën 75 milioni euro.

Një lajm i papritur vjen nga Spanja, por që ka lidhje me futbollin turk. Klubi i Beshiktashit, është gati të bëjë një lëvizje të rëndësishme në janar, duke afruar Roberto Mançinin në rolin e trajnerit të kësaj skuadre.

E përditshmja spanjolle “AS”, ka zbuluar se presidenti i ri i klubti turk, Serdal Adali, dëshiron me çdo kusht Mançinin në pankinën e klubit të qytetit të Stambollit.

Në këtë qytet Mançini ka drejtuar më parë Gallatasarajin, duke fituar Kupën në vitin 2014 e duke e çuar këtë skuadër deri në çerekfinalet e Ligës së Kampioneve.

Vetë Mançini nuk e ka përgënjeshtruar si mundësi. “Beshiktashi është një klub i mirë. Jam i dashuruar me Turqinë dhe e dua shumë popullin turk. Bisedime me Adali? Nuk e di”, tha ai duke qeshur.

Në radhët e skuadrës së Beshiktash është Ernest Muçi, i cili për momentin duket se do të vazhdojë të jetë pjesë e tij, pavarësisht zërave që e shihnin të largohej në merkaton e janarit./PANORAMASPORT.AL

Myrto Uzuni do e vazhdojë karrierën te Austin në Amerikë. Kjo pasi klubi amerikan ka rënë dakord për të paguar 12 milionë euro, që përkon dhe me klauzolën e prishjes së kontratës te Granada.

“Givemesport” raporton se palët po punojnë për plotësimin e dokumentave. Tashmë mbeten detaje si teste mjekësore, teksa Uzuni do e ketë eksperiencën e parë në Amerikë

Këto ditë kanë qenë mjaft intensive për sulmuesin 29-vjeçar. Uzuni nuk po stërvitej me skuadrën, teksa ishte pikërisht Austin që i kishte mbushur mendjen për transferimin.

Granada nuk hoqi dorë nga shërbimet e sulmuesit shqiptar. Vetë drejtori i përgjithshëm i klubit spanjoll, Alfredo Garsia Amado, tregoi se më parë kishin refuzuar 9 milionë dollarë.

Për të përforcuar se nuk ta lejonin Uzunin, ai tha se ky operacion në merkato përfundon me sukses nëse paguhet klauzola e plotë e lirimit. Sulmuesi i Kombëtares shqiptare ka gdhendur emrin e tij te Granada ku u afrua 3 vite më parë, pikërisht në janarin e vitit 2022.

Uzuni largohet si golashënuesi i huaj, që ka shënuar më tepër në historinë e Granadës.