Pas Dortmundit dhe Hamburgut, kuqezinjtë do të provojnë edhe stadiumin e Dyseldorfit, ku do të luajnë të hënën kundër Spanjës.
Ndeshja luhet në stadiumin “Merkur Spiel Arena”, me kapacitet 54.600 vende, por që në këtë rast reduktohet në 47.000.
Stadiumi është ndërtuar në periudhën 2002-2024 dhe ka kushtuar 240 milionë euro. Kombëtarja shqiptare luan për herë të parë në këtë impiant, që mund t’i sjellë fat për fitoren e parë.
Gjeorgjia dhe Çekia e mbyllën në barazim 1-1 ndeshjen e dytë të Grupit F. Për të dyja kombëtaret kjo ishte pika e parë në këtë turne, ndërsa për Gjeorgjinë ishte pika e parë në një kompeticioni madhor si Europiani.
Sa i takon ndeshjes, ishin çekët që gjetën rrugën e rrjetës të parët me Hlozek, por goli u anulua për një prekje të topit me dorë të sulmuesit. Në fundin e pjesës së parë, Gjeorgjia kaloi në avantazh me anë të Mikautadze, i cili shndërroi në gol një penallti të akorduar nga sistemi VAR.
Në fraksionin e dytë, çekët reaguan dhe gjetën golin e barazimit me Schik që nga fare pranë portës nuk e pati të vështirë për të realizuar.
Deri në fund, shifrat nuk ndryshuan dhe ndeshja u mbyll në barazim 1-1 teksa në sfidën e radhës, Gjeorgjia do të përballet me Portugalinë ndërsa Çekia me Turqinë.
Shqipërisë i duhen tre pikët për të vijuar ëndrrën në Euro 2024, dhe memet në rrjetet sociale kanë vërshuar.
Misioni kundër Spanjës duket i vështirë, por jo i pamundur për faktin se tashmë iberikasit e kanë siguruar kualifikimin për në 1/8-tat dhe ndaj kuqezinjve do të zbresin në fushë me linjat e dyta.
Tifozët shqiptarë u kanë shkruar yjeve të Spanjës që të tolerojnë Shqipërinë të kualifikohet. Njëri prej tyre i ka shkruar kampionit 16-vjeçar Lamine Yamal.
“Të lutem mos shëno kundër Shqipërisë, do të të ndihmoj me detyrat, faleminderit”, i shkruan ai yllit të Spanjës.
Kombëtarja shqiptare e futbollit po përgatitet për ndeshjen e fundit të Grupit B, për Kampionatin Europian 2024, që do ta zhvillojë kundër Spanjës.
Gjatë ditëve të stërvitjes, kuqezinjtë tanë kanë bërë edhe një video humoristike, në të cilën pyeten për sekretet rreth Kombëtares, por edhe në lidhje me preferencat e tyre personale.
Me pak fjalë kuptuam që Jasir Asani, në një të ardhme mund të bëhet gazetar, dhe se Elseid Hysaj shpenzon një kohë të gjatë të ditës së tij duke luajtur “Playstation”, më saktë lojën “Call of Duty Warzone”.
Jasir Asani do të transferohet në La Liga, me mediat koreane që duket se e kanë konfirmuar këtë gjë.
Sulmuesi i Kombëtares shqiptare do të largohet nga Gwangju pas përfundimit të “EURO 2024” dhe është gati për një rikthim në Europë, kësaj radhe në Spanjë.
29-vjeçari shqiptar nga Shkupi, siç njoftoi SuperSport gjatë vitit të kaluar, ka arritur marrëveshjen me Las Palmas. Ekip që garon në elitën e futbollit iberik.
AS raporton se bëhet fjalë për një kontratë 2-vjeçare, me përfaqësuesit e Asanit që kanë gjetur gjuhën e përbashkët me drejtuesit e Las Palmasit.
Edhe shtypi sportiv në Korenë e Jugut konfirmon gjithçka, duke raportuar se kalimi i shqiptarit në Spanjë do të ndodhë pas përfundimit të Europianit.
“Top Channel” mëson se 29-vjeçari do të përfitojë rreth 400 mijë euro në sezon në këtë aventurë të re që do të kalojë në Spanjë.
Celeste Arantes, nëna e futbollistit të ndjerë Pelé, vdiq të premten në moshën 101-vjeçare.
Arantes i kaloi pesë vitet e fundit në një gjendje vegjetative dhe nuk u informua për vdekjen e djalit të saj në vitin 2022.
Ajo u shtrua në spital për tetë ditët e fundit, tha në një deklaratë Konfederata e Futbollit Brazilian.
Shkaku i vdekjes së Arantes nuk u zbulua, shtoi CBF.
Fondacioni Pelé tha në kanalet e tij të mediave sociale se nëna e fituesit të Kupës së Botës ishte një model.
“Ndjenjat e sotme janë të përziera. Ne vajtojmë thellësisht largimin e ‘Celestinha”, siç e quajti me dashuri djali i saj.
Në të njëjtën kohë, ne jemi përjetësisht mirënjohës për ekzistencën e saj.
Dona Celeste është nëna mbretëreshë dhe do të mbahet mend përgjithmonë me dashuri në zemrat dhe kujtimet tona.”, tha fondacioni.
Santos, klubi ku Pele luajti pjesën më të madhe të karrierës së tij, tha se tifozëve të tij u vjen keq për vdekjen e “nënës së mbretit tonë të përjetshëm”.
Është 16 vjeç, por në fushën e lojës duket si një veteran.
Ylli 16-vjeçar i Barcelonës shkëlqeu me Spanjën në fitoren e këtyre të fundit 1-0 me Italinë në Grupin B të Euro 2024.
Pasi spanjollët siguruan kalimin e grupit si vend i parë pas vetëm dy ndeshjesh, mbreti i tyre shkoi për t’i lavdëruar në dhomën e zhveshjes.
Mbreti Felipe VI shtrëngoi duart me të gjithë lojtarët duke i përgëzuar dhe kur arriti tek Yamal, e pyeti: “Sa vjeç je?”.
Kur ai u përgjigj “16”, mbreti spanjoll vendosi duart në kokë me me mosbesim.
Të gjithë në dhomën e zhveshjes shpërthyen duke qeshur me reagimin e fytyrës së Mbretit dhe tashmë ky reagim është bërë viral në rrjetet sociale.
Su Majestad el Rey felicita a los jugadores de la @SEFutbol tras su victoria ante Italia.
Felipe VI ha visitado el vestuario de la Selección después del partido y ha recibido una camiseta de manos del presidente Pedro Rocha.
ℹ️ https://t.co/iZNLn3zG74#VamosEspaña | #EURO2024 pic.twitter.com/lE8B53t26E
— Selección Española Masculina de Fútbol (@SEFutbol) June 20, 2024
Mirlind Daku është në pritje të vendimit të UEFA-s për ngjarjen që u kthye në temë diskutimi, koret e tij para tifozëve në fund të ndeshjes mes Shqipërisë dhe Kroacisë. Por ndërkohë, ai ka marrë ndëshkimin e parë nga klubi i tij në Rusi.
Rubin Kazan, nëpërmjet një komunikate zyrtare, ka bërë të ditur se do të ketë masë disiplinore dhe gjobë për futbollistin kuqezi.
“Sulmuesi Mirlind Daku ka kryer thirrje ofenduese pas ndeshjes së EURO 2024 të ekipit kombëtar të Shqipërisë ndaj Kroacisë.
Klubi jonë merr përgjegjësinë për çfarë ka ndodhur. FC Rubin përfaqëson një ekip multinacional, dhe gjithmonë i përputhet parimeve të respektit dhe barazisë, duke dënuar në mënyrë kategorike çdo formë diskriminimi aspo fyerje në bazë kombëtare, fetare apo racore.
Pas kthimit në ambientet e klubit, ndaj futbollistit do të aplikohen sanksione disiplinore dhe financiare. Një bisedë shpjeguese do të mbahet gjithashtu me lojtarin në klub, për të shmangur incidente të tilla në të ardhmen”, shkruhej në njoftimin e klubit të Rubin Kazan.
PANORAMASPORT.AL
Shqipëria ndodhet në një situatë të vështirë teksa shanset për të kaluar në raundin e 16-të të Euro 2024 janë të vogla, por jo të pamundura.
Së fundmi, është vetë UEFA që ka bërë një përllogaritje si për Shqipërinë dhe për të gjitha ekipet në grupet e tjera për mundësinë e ekipeve që të kalojnë në raundin tjetër.
Skenarët janë të ndryshëm, por ajo që dihet me siguri është se Shqipërisë, përballë rivalëve më të fortë të grupit B, Spanjës, i duhet fitore ose barazim, por në rastin e barazimit, Kroacia nuk duhet të mundë Italinë.
Shpjegimi i UEFA:
24 qershor: Shqipëria (1) – Spanja (6), Kroacia (1) – Italia (3)
Spanja kalon në raundin e 16-të si fituese e grupeve.
Italia do të kalojë në raundin e 16-të si nënkampione e grupit nëse shmang humbjen kundër Kroacisë. Italia nuk do të arrijë dot në fazën e 16-të nëse humbet dhe Shqipëria mund Spanjën.
Shqipëria do të kalojë në raundin e 16-të si nënkampione e grupit nëse mposht Spanjën dhe Kroacia mund Italinë, duke siguruar që Shqipëria të përfundojë përpara Kroacisë në diferencën e përgjithshme të golave ??ose më pas golat e përgjithshëm të shënuar, ose më pas pikët disiplinore ose më pas renditjen e Kualifikuesve Evropian. Shqipëria nuk do të mund të arrijë në 1/8 nëse humbet, ose nëse barazohet dhe Kroacia mund Italinë.
Kroacia do të kalojë në raundin e 16-të si nënkampione e grupit nëse mposht Italinë dhe Shqipëria nuk mund Spanjën (nëse fiton edhe Shqipëria, Kroacia dhe Shqipëria do të ndahen në vendin e dytë dhe të tretë sipas kritereve të mësipërme). Kroacia nuk do të jetë në gjendje të arrijë në 1/8 nëse humbet, ose nëse barazohet dhe Shqipëria shmang humbjen.
Shpjegimi i UEFA për çdo ekip në çdo grup.
Ukraina ka arritur fitoren e parë në Euro 2024 teksa ka mposhtur 2-1 Sllovakinë.
Futbollistët përfaqësojnë vendin e tyre që është në luftë me Rusinë dhe çdo fitore u dedikohet atyre që luftojnë në shtëpi.
Por jo pak vëmendje kanë tërhequr edhe tifozët në tribuna.
Bukuroshet kanë pushtuar mediat ndërkombëtare me pamjen e tyre të cilët njëzëri thonë se Ukraina ka tifozerinë më të bukur.
