Category: Sport

Trajneri i Fenerbahces, Jose Mourinho, e konsideron pozitive lojën e Shqipërisë në Euro 2024, ku shprehet se Shqipëria theu çdo parashikim këtë Europian, edhe pse ishte në “grupin e vdekjes”, me Italinë, Spanjën dhe Kroacinë.

Performanca e Shqipërisë në dy ndeshjet e para, me Italinë dhe Kroacinë, sipas Mourinhos, nuk është parë që nga Kosta Rika 2014.

“Shqipëria është një nga skuadrat që theu çdo parashikim. Në grupin e vdekjes, pritshmëri zero, stadiume plot, lojë të mirë, trajner i rastësishëm brazilian, gola në 20 sekonda, gola në minutën e fundit, ende gjallë. Nuk e kemi parë këtë që nga Kosta Rika 2014. Kulmi i futbollit”, shkruan Mourinho.

Albania are one of the coolest underdogs I have seen.

On the group of death, zero expectations, full stadiums, playing well, random brazilian coach, scoring goals at 20 seconds, scoring at the last minute, still alive.

We haven't seen this since Costa Rica 2014. Peak football.

— IM🇵🇹 (@Iconic_Mourinho) June 19, 2024

Ndeshjes Shqipëri-Kroaci i ka kushtuar një artikull edhe prestigjiozja britanike BBC. Sipas BBC, kjo përballje ishte padyshim ndër më të mirat e këtij kampionati europian. Për kuqezinjtë thotë se luftuan deri në fund dhe e merituan këtë barazim.

“Shqipëria shënoi një barazim dramatik në minutat e fundit për t’i mohuar Kroacisë një fitore, gjë që dëmton rëndë shpresat e finalistëve të Kupës së Botës 2018 për të arritur në fazën eliminatore të Euro 2024.

Në atë që ishte një fund kaotik, por argëtues i lojës, shqiptarët shpëtuan një pikë kur Klaus Gjasula shënoi në minutën e 95-të. Deri në atë moment tifozët shqiptarë ishin zemërthyer…

Ishte Qazim Laçi ai i cili goditi në minutën e 11-të dhe skuadra e tij më pas u mbrojt në mënyrë të shkëlqyer për më shumë se një orë. Por Kroacia përmbysi lojën në mënyrë të pabesueshme kur ish-sulmuesi i Leicester-it, Andrej Kramaric, shënoi golin e barazimit. E pak minuta më vonë, gjuajtja e Luka Sucic të devijonte nga Gjasula për në rrjetën e Shqipërisë.

Kroacisë tani do t’i duhet të mundë kampionët në fuqi, Italinë në ndeshjen e fundit të Grupit B për të pasur një shans për të përparuar. Ndërsa Shqipëria përballet me një provë të vështirë në ndeshjen e radhës kundër Spanjës. Megjithatë dita e sotme do të mbetet gjatë në kujtesën e tifozëve.

Ka pasur disa ndeshje jashtëzakonisht argëtuese në këtë kampionat evropian dhe kjo është ndër më të mirat! Kjo më së shumti prej Shqipërisë dhe vendosmërisë së saj në Gjermani për të treguar se nuk janë aty vetëm për shifra.

Është hera e dytë që ata luajnë në Euro, pas kualifikimit në 2016 dhe padyshim ky rikthim po shfrytëzohet maksimalisht.

Në Hamburg, tifozët mbushën stadiumin dhe euforia e tyre ishte e pabesueshme. Një energji që u transferua te lojtarët, futbolli i shpejtë i të cilëve tronditi Kroacinë. Epërsia e tyre në pjesën e parë ishte plotësisht e merituar!

Kur Kroacia shënoi dy gola, do të ketë ndezur një ndjenjë deja vu në mesin e tifozëve shqiptarë, Italinë e para pak ditëve. Por këtë herë ata nuk u mposhtën, përkundrazi luftuan fort për barazimin. Gjasula mori shpërblimin e skuadrës luftarake deri në minutat e fundit”, shkruan BBC.

“Ishte maksimumi i maksimumeve”, kështu tha ish-kapiteni i kombëtares, Lorik Cana në ‘Euronews Albania’ duke shtuar se do kishte dashur të ishte në fushë në përballjen e Shqipërisë me Kroacinë, ku kuqezinjtë barazuan 2-2 përballë një nga skuadrave më të fuqishme.

Cana tha se ndeshja e djeshme ishte “maksimumi i maksimumeve”, pasi skuadra me të cilën u përballëm është një nga 3 skuadrat më të fuqishme në 5-6 vitet e fundit.

I pyetur se si do të dalë Shqipëria përballë Spanjës, Cana u përgjigj: “Po bënë një super performancë si sonte prapë do jetë jashtëzakonisht e vështirë. Ne duhet të bëjmë më të mirën, duhet të kemi edhe pak fatin në anën tonë. Shpresa vdes e fundit. Unë atë që bëmë në ndeshjen me Kroacinë dua ta kemi prapë”.

Ndërsa sa i përket pyetjes nëse Shqipëria do e kalojë grupin, Lorik Cana tha: “Unë jam optimist, 50 me 50 e kalojmë grupin”.

Atmosfera në prag dhe gjatë ndeshjes Kroaci-Shqipëri, ‘vëllazërinë’ shqiptaro-kroate që u shënua në Hamburg, nuk e kanë pritur aspak mirë në Beograd.

Serbia, përmes sekretarit të përgjithshëm të Federatës së Futbollit, Jovan Surbatoviç, ka dënuar sjelljen e tifozëve shqiptarë dhe kroatë në tribunat e Volksparkstadion, pasi pretendon se prej tyre janë kënduar kore raciste kundër serbëve.

Për thirrjet e tifozëve, Surbatoviç kërkon që UEFA të dënojë të dyja kombëtaret ose sipas tij Serbia do të braktisë Europianin.

“Ne në Serbi jemi zotërinj, le t’i brohorasin tifozët lojtarët e tyre.

Ne duam që ata të dënohen ashtu siç iu hoq akreditimi gazetarit.

Do të kërkojmë dënimin më të ashpër, drakonian.

Nëse UEFA nuk do t’i ndëshkojë në mënyrë drastike ata që kënduan, ne nuk duam të jemi pjesëmarrës në këtë kompeticion”, tha ai për RTS.

“Kërcënimi” i Surbatoviç vjen pak orë para se Serbia të zbresë në fushën e “Allianz Arena” kundër Sllovenisë, për ndeshjen e dytë në grupin C.

Ish-futbollisti Sokol Kushta i ftuar në “Breaking” në Top News ka dhënë mendimin e tij për ndeshjen e djeshme Kroaci-Shqipëri.

Sipas tij, Hysaj bëri të njëjtat gabime edhe në pjesën e dytë të ndjeshjes. Madje kushta kritikoi edhe vendimet e trajnerit, ku u shpreh se kishte futbollistë më të mirë se Hysa për të futur në fushë që mund të siguronin dhe fitoren e Kombëtares sonë.

Sokol Kushta: Hysa bëri të njëjtat gabime dhe në pjesën e dytë. Bëri pothuajse të njëjtin gabim. Megjithatë lojtari është vetëm një pjesë, ai që balancon, a që rregullon është trajneri. Trajneri e shikon ku ai po çedonte. Ti ke një lojtar shumë të mirë, merre fute se më keq se Hysa nuk do të ishte. Megjithatë trajneri duhet të bëjë analizat, na iku një mundësi e artë.

View this post on Instagram

A post shared by Arena e gjithe shqiptarve🖤❤💣 (@arena_al1)

Shqipëria kërkon pikët e para në grupin B të Europianit, teksa sot në orën 15.00 do të përballet me Kroacinë. News 24 ka mësuar ekskluzivisht edhe formacionin zyrtar të kuqezinjve, në përballjen që do të mbahet në Hamburg.

Në portë është Strakosha, përpara tij janë të vendosur Hysaj, Mitaj, Ajeti, dhe Gjimshiti. Mesfusha përbëhet nga Asllani, Laçi dhe Ramadani. Në sulm është Asani, Manaj dhe Bajrami. Sa i takon skemës, Sylvinho ka preferuar skemën 4-3-3, duke bërë kështu dy ndryshime, Laçi në vend të Seferit dhe Manaj në vend të Brojës.

Formacioni zyrtar:

Strakosha , Hysaj, Mitaj, Ajeti, Djimsiti, Ramadani, Asllani, Laçi, Bajrami, Manaj, Asani

(J.S/BalkanWeb)

Sot (e mërkurë) në Hamburg me fillim nga ora 15:00 luhet ndeshja e Grupit B në Euro 2024 ndërmjet Kroacisë dhe Shqipërisë dhe në prag të duelit mes tifozëve të këtyre dy kombëtarëve ka një atmosferë tejet miqësore.

E ndërsa ditët e mëparshme ishim dëshmitarë të disa skenave të pakëndshme nga rrugët e qyteteve gjermane para ndeshjeve të Euro 2024, para duelit mes Kroacisë dhe Shqipërisë, dashuria dhe miqësia u përhap në të gjithë Hamburgun.

Kroatët dhe shqiptarët prej ditës së djeshme këndojnë së bashku nëpër rrugë dhe kafene dhe mezi presin të fillojë ndeshja e sotme.

Vëmendjen më të madhe e tërhoqi mbishkrimi në bluzën “Vëllai me vëllain, shqiptari me kroatin” të veshur nga një prej fansave shqiptarë.

Kudo që të kthehesh në Hamburg, dje (e martë) dhe sot, mund të shohësh flamuj kroat dhe shqiptarë, dhe rrugët jehojnë nga këngët e tifozëve. Çfarë mund të thuhet – një atmosferë për t’u lavdëruar.

Ndeshja e sotme është shumë e rëndësishme për të dyja kombëtaret, të cilat pësuan humbje në ndeshjet e para dhe në duelin e sotëm hyjnë pa pikë.

Kroacia pësoi një disfatë të rëndë ndaj Spanjës me rezultat 3-0, ndërsa Shqipëria i bëri rezistencë të fortë Italisë, por në fund u mund 2-1.

Aksionet janë të mëdha sot, sepse fituesi do të bënte një hap drejt kualifikimit në fazën tjetër, ndërsa skuadra e mundur do të kishte vetëm një shans teorik për të kaluar në fazën e eliminimit.

Albanian 🇦🇱 and Croatian 🇭🇷 fans drinking 🍺 together all day long. Each supports their own team nonetheless, their respect and friendship is stronger than ever. #Albania #Croatia #EURo2024  #Croatian #Kosovo #Hrvatska pic.twitter.com/KZITOkAtI7

— Royal Castriotta (@RoyalCastriotta) June 18, 2024

Në orën 15.00 nis sfida e Shqipërisë kundër Kroacisë, ndeshje tek e cila kuqezinjtë kanë besim se mund të dalin me një rezultat të mirë (të paktën me një barazim). Kur na ndajnë vetëm disa orë nga nisja e sfidës, edhe tifozat kuqezi janë gati. Të gjithë së bashku janë mbledhur në rrugët e Hamburgut, qytet ku edhe luhet ndeshja, dhe po marshojnë drejt stadiumit.

Të veshur me fanella, me flamuj në duar por edhe me qeleshe (plisa), tifozët edhe këtë ndeshje janë më të zjarrtë se kurrë. Por sigurisht edhe optimistë.